كتب الكاتب الفاتح جبرا المتوفرة بمعرض الدوحة
|
Re: والله يا اخوانا البورداب الظلامين بقيتوا تدخلوا الواحد في اضافيرنه (Re: ود شاموق)
|
هلا يا اساسي وبصراحة انا برضو كمراقب اسفيري لاحظت انو (الوعي الظلامي) في المنبر كورتو فكت خالس خالس.. وكورتهم بقت اخير منها كورة (تشة).. تشة ده كان زول قندق في الكورة (كدارات كيف- كيف...وفنائل نضيفة وشورتات تقول يا ليل) ودائما بكون مصر يقلب (باكورد) ولكن بكل الاسف الباكورد في الباكورد بتاعو الكورة بتمشي لقدام بدل تتقلب لورا..
فدحين يا اساسي شوفو ليكن صرفة وخاصة خمج الانتخابات علي الابواب لانو بصراحة كده التيم العامل في النضال الاسفيري ماشاء الله عليهو (حمرة وحلا)
| |
|
|
|
|
|
|
Re: والله يا اخوانا البورداب الظلامين بقيتوا تدخلوا الواحد في اضافيرنه (Re: Ahmed Yousif Abu Harira)
|
أساسي .
يا حليل أخونا محمد حامد جمعة . على الاقل الراجل كان بيصمد ليهوا في مداخلة مداخلتين وبعد داك ينهار . الراجل كان خصم عنيد رغم أنو نفسوا كان قصير . بعدين الضرر الجا للكيزان جزء منه تسبب فيه بعض العناصر الإنتهازية برضوا . واضح جدا أن القصة بقت جايطة ساكت . خصوصا بعد ما شفته في التلفزيون الإنتهازية الكبيرة بدرية الزين سليمان راكبة جنب الرئيس وفي أستاد الهلال . يا حليلك يا سعاد الفاتح .
________________________________ ملاحظاتك قوية جدا .
| |
|
|
|
|
|
|
Re: والله يا اخوانا البورداب الظلامين بقيتوا تدخلوا الواحد في اضافيرنه (Re: هاشم نوريت)
|
حاجة عجيبة .. الواحد احيانا لما معينو ينضب .. ويكون ما لقى ليهو حاجة ينظر فيها .. بيضطر يلجا لي الحيل الاسفيرية .. يدعي فيها الانحياز إلى كتلة معينة .. لتتلم فيهو الكتلة الما معينة الأخرى .. الحركة دي وحسب وجودي في المكان دا اتعملت قبال كدا مرات المرات .. انصحك بي حذف البوست أو مسح مداخلاتك فيه .. أو الاتصال بصاحب الموقع لحذف البوست .. الأخ السماني هذا البوست لا يشبهك ولا يشبه توجهك .. ويدرج في مصاف البوستات الاستهلاكية والتي الغرض منها ضياع الزمن في ونسات .. وهدر مساحة احوج ما نكون لها ..
هذه وجهة نظر خاصة وددت المشاركة بها هنا أرجو التفهم
تحاياي
| |
|
|
|
|
|
|
Re: والله يا اخوانا البورداب الظلامين بقيتوا تدخلوا الواحد في اضافيرنه (Re: omer osman)
|
الاخ اساسي تحياتي
ارجو ان لاتضيق ذرعا بانواع الكتابة التي هي نتاج طبيعي لافكار الكأبة المتوفرة من خطوط الضغط العكسية للمناضلين والذين يسوقوننا احيانا متدحرجين ومتتقهقرين الي دركاتتهم التي تلون الحقائق وتختلق فضاءات مجمعية افتراضية لاوجود لها الا في عالم الاسفير ولعل البعض منااصابته حرفة المفردات بسبب ان الانسان ابن بيئه ولعلك تذكر قصة علي بن الجهم عندما كان متشبعا بمفردات البادية واجوائها القاحلة كيف جاء شعره في مدح الخليفة ولكن عندما تم عزله من ذلك الجو وحدث له انسجام مع رقة الرصافة والجسر كيف كان تصويره اللفظي لعيون المها
وعليه فنحن ياعزيزي لن نكون حواة نصنع من فقر مفرداتت مناضلي الكي بورد دررا وفكرا وورودا الاان تكون بلاسيكة لاعطر لها ولارائحة فكيف طالب من يعايش نافخ الكير ان لاتصبه شرارة ولايستنشق روائحه ومع ذلك فانني اوافقك بعض الشئ بان المجاراة في اللؤم وسؤ القول رغم انها مباحة في احوال الظلم والعدوان ولكن فضيلة الصفح اجدي وارقي وثوابها ابقي
| |
|
|
|
|
|
|
|