|
|
 من يفك هذا التناقض في خطاب البشير؟
|
تسليم السودان للأجيال القامة (مليون ميل مربع ما ناقص شبر).
يعني هنا الجنوب خاشي من غير اعتبار لخيار الجنوبيين
سنكون خير أصدقاء وجيران للجنوبيين إذا اختاروا الانفصال
وهنا السودان بدلا مما ينقص شبر نقص ثلث مساحته
|
|
 
|
|
|
|
|
|
|
|
Re: من يفك هذا التناقض في خطاب البشير؟ (Re: الشامي الحبر عبدالوهاب)
|
Quote: البشير قال عندما جاءت الانقاذ
كان التعليم رفاهية للاغنياء فقط
دي كذبة دخلناها في التناقضات لانها تناقض ما كان عليه التعليم المجاني |
أذكر قبل الإنقاذ وأنا في المرحلة الابتدائية ...
كانت إدارة المدرسة توزّع للطلاب مواد غذائية مجانية ...
سردين ولبن ... إلخ ...
وطبعاً الأدوات المدرسية ناس كراسات وكتب ...
تشيل زي ما عاوز ...
قلت لي رفاهية وكدة !!!
الجامعة ونحن في عهد الإنقاذ سكنا من جيوبنا ...
ووجباتنا من جيوبنا ...
وخطة الأكل هي كالتالي:
فول - بور - فول
بتعرف بوش ... ليس الرئيس الأمريكي ...
ولكن عيش بموية فول بس ...
دمت بود ،،،
| |
|
|
|
|
|
|
|
 Re: من يفك هذا التناقض في خطاب البشير؟ (Re: الشامي الحبر عبدالوهاب)
|
...
المواطن عمر البشير أنسان متناقض .. ولن يحل هذا التناقض الا بمحاكمتة!
والشئ المؤسف: هو أن الحكومة أستلمت الوطن في عام 1989 والي يومنا هذا وكان حينها سوداننا عباره عن مليون ميل, وربما نستلم وطن بدون حلايب و الجنوب .. هذه حقائق ايها الاخوة وينبغي الانتباه لها .. كذلك استلمت الانقاذ الوطن بمناطقه المختلفه كجبار وكرمه الحضارة و دال وغيرها من المناطق الاثرية والتاريخية الهامه .. وينبغي ذوقياً و أخلاقياً تسلمينا مناطقنا (كجبار وكرمة وغيرها) دون أي تهديد بالاغراق وغيره و الانصياع الي رغبة الاهالي في مسألة السدود وغيرها.
لذا نطالب بحق أستفتاء في قضية سد كجبار ودال و غيرها لنري هل يقبل الاهالي بالسد أم لا... حكومة الانقاذ أستلمت الوطن مليون ميل’ حدادي مدادي ... وهي أمانه في رقبتهم وينبغي تسليم المليون ميل مربع كاملا الي حكومة شرعية منتخبة (وهــذا هــو المــخرج الوحــيد) ... فالوطن يتمزق الان ... و الحقيقة المره هي أن الرئيس مطارد دوليا.
* ربما نستلم من الانقاذ وطناً بدون ( الجنوب الحبيب مع الملاحظة أنه في هذه الاوضاع سيطالب الجنوبيين بالانفصال رغماً عنهم ... وكذلك نطالب بوطن كامل يشمل دارفور و حلايب التي لا يود المسؤولين الخوض في تفاصيل ملكيتها) .. نطالب الحكومة التي حكمت لمدة ال 20 سنة بتسليم الوطن الوطن الي حكومة منتخبة يتراضي عليها كل السودانيين وكذلك تسليمنا بلادنا بكامل أراضيها ... بدلاً من تسليم الوطن للمجهول.
| |
|
|
|
|
|
|
|
|
|
Re: من يفك هذا التناقض في خطاب البشير؟ (Re: الشامي الحبر عبدالوهاب)
|
| Quote: وقال إن ما قدمته الإنقاذ في الأعوام الماضية هي بدايات، وأضاف ان الإنقاذ لم تكمل مشوارها حتى الآن، |
كيف يكون ما بدات مشوارها وهو يقول في نفس المناسب
اذا لم يختر الشعب حزب المؤتمر الوطني فسوف يلقي الحزب التحية وينسحب
يعني حتنسحب قبل ما تبدا المشوار والا زي ما جيتوا كمان حتكملو لانو بقول في نفس المناسبة
الزارعنا غير الله الا اجي اقلعّنا وهي عبارة قديمة تذكر بايام المواجهات العسكرية
| |
|
|
|
|
|
|
|
|
|
Re: من يفك هذا التناقض في خطاب البشير؟ (Re: arkamani)
|
الاخ الشامى
والاخوة المتداخلون
تحياتى
لا يغير الله ما بقوم حتى يغيروا ما بانفسهم
البشير دا طلع مننا من ضهر بيوتنا ما جا من دولة اجنبية
ونحنةما كنا ملائكة ومنزهينى
والبقولو هى لله ديل على فكرة ليسوا هم وحدهم الحركة الاسلامية الذين جاؤا بالبشير ومعه
بل من صلب الاحزاب السودانية القديمة فيهم شيوعيين وبعثيين واتحاديين وحزب امة وربما انت وانتم منهم
فالذين صوتوا للمرغنى فى اخر انتخابات ثلث الشعب السودانى ولحزب الامة الثلث الثانى وصفق للانقاذ ومشى فى مظاهراته ومجاهداته اكثر من الثلثين
فمن اين اتى هؤلاء واولئك
والذى يتحدث عن حلايب بشماته عدها يا اخى مباراة فى كرة القدم خسرناها وسوف تعود ما هى مصر اليوم ناقصة السيادة فى سيناء وما جراش حاجة
حلايب ليست عطبرة ولا بورتسودان وانما هى منطقة حدودية بيبن دولتين ويجب ان لا تكون مادة للسخرية
ومن يتحدث عن الساردين فى جامعة الخرطوم وهمو بطنو فماذا كان قبل جامعة الخرطوم
يا راجل دا كان المصريين بطلعونا من قاعات الامتحانات عشان ما دفعنا فلوس الجامعة
ياخى البشير دا قاد اكبر ثورة فى التعليم فى العالم نفخر بها وامشى شوف خرجى هؤلاء الجامعات فى الroyal college وفى الخليج
ياخى دا نحن كنا بنسافر فى كل بقاع الدنيا عشان نتعلم
ركبنالسفن والطيارات الى كوبا والفلبين
ياخى دا فى نشرات الاخبار ما كان بنسمع ونشاهد غير ملايين البشر الذين هم مهددون بالجوع فى السودان وكم من الجنوبيين والشماليين ماتو فى الحرب
ياخى دا كان لمان نجى من اهلنا بنودعهم وداع من لا يضمن اللقاء وصرنا نمشى ونجيهم فى نفس اليوم
ياخى دا كانت صفوف بنزينا يضربوا بيها المثل فى طولها وفى الزمن الذى نمشى فيه باكرا
ياخى جالون البنزين وصل 160 دولار واظلمت اوروبا وقتلهم البرد فى فرنسا وما حتى حسينا بيهو
حمدا لله اولا واخيرا
ياخى يجب ان نستحى
ونشكر الراجل الذى خرج من بيننا
ومن ضهر بيوتنا
ووسخناه بوسخنا
ان ندعو له ىبالتوفيق فى ما اعلنه من اجلنا وافسح المجال لغيره ليقول كلمته وليقدم نفسه
ومرة اخرى اذا فاز غيره فنفس الشعب السودانى الحرامى والمرتشى والجبان هو نفسه من يحكم نفسه ولن ياتى اناس من دول اخرى
فهل نغير انفسنا خلف القادم الجديد
فهل نحن جادين
والزارعنا اللجى يقلعنا دى للما فهموها
لا تعنيه هو شخصيا بل هو الفكر الذى جاء به وسيمشى عليه وليكن هذه المرة نظيفا كما كان بعد ان يذهب عنه المنتفعون
والله من وراء القصد
| |
|
|
|
|
|
|
|
|
|
Re: من يفك هذا التناقض في خطاب البشير؟ (Re: Alrayah Senhuri)
|
الاخ الريح سنهوري شكرا كثير علي مداخلتك القيمة
| Quote: البشير دا طلع مننا من ضهر بيوتنا ما جا من دولة اجنبية |
بس يا اخ الريح الدبابة الجا بيها كانت مصنوعة في دولة اجنبية
يعني لم يات بارادة شعبية ولو كان الانقلابات بتضمن الاستمرار كان
عبود يكون الافضل لان انقلابه كان في اطار الانضباط العسكري ولكن جرت
سنة السودانيين ان تطيح باي انقلاب عسكري
Quote: والبقولو هى لله ديل على فكرة ليسوا هم وحدهم الحركة الاسلامية الذين جاؤا بالبشير ومعه
بل من صلب الاحزاب السودانية القديمة فيهم شيوعيين وبعثيين واتحاديين وحزب امة |
يعني اصبحت كلمة هتيفة لا تحمل مضمونا يعتمد عليه
| Quote: وليكن هذه المرة نظيفا كما كان بعد ان يذهب عنه المنتفعون |
خير ختام لمداخلتك يا اخ سنهوري فآفة كل نظام هم المنتفعون الذين
اتسعت دائرتهم واصبحوا هم اهل الحل والعقد
ولكن في العموم مداخلتك تطرح السؤال القديم المتجدد وهو كيف يحكم السودان
وليس من يحكم السوداني واي جهة سياسية او عرقية تحاول ان تحكم منفردة فطربقها الي زوال
مهما اشتدت القبضة الامنية وهناك مسائل اساسية لا بد من معالجتها في اطار قومي حتي لا ينتقص
السودان من اطرافه ويفقد هويته كما هو سائر اليوم
| |
|
|
|
|
|
|
|
|
|
Re: من يفك هذا التناقض في خطاب البشير؟ (Re: الشامي الحبر عبدالوهاب)
|
Quote: البشير قال عندما جاءت الانقاذ
كان التعليم رفاهية للاغنياء فقط
|
العم عثمان طه كان غفيرا لجنينة الحيوانات وهو والد النائب الثاني على عثمان محمد طه .. كان من عامه الشعب وبفضل مجانية التعليم درس وتعلم من اموال الدولة حتى انقلب عليها وحرم ابناء طبقته - من عامة الشعب - حق التعليم المجاني بل وزاد في الامر سوء اراد ان يمحو ذكريات الطفولة فخططوا لتدمير معلم من اهم المعالم في العاصمة جنينة الحيوانات والتي تعشش في ذاكرة كل من زار وتربى في العاصمة القومية ...
الناس الكانت بتجري ورا القطر وتكورك عيش عيش برضو استوزرت وتكبرت بسبب التعليم المجاني الكان متاح قبل 1989م
مشكلة البشير الاساسية انو ما بفهم انو بقول في شنو ؟؟
حسع نيجيريا تلبد ليهو في الاجتماع الجاي للاتحاد الافريقي خلي يخم ويصر
| |
|
|
|
|
|
|
|
|
|
Re: من يفك هذا التناقض في خطاب البشير؟ (Re: محمد حسن العمدة)
|
الأخ
الشامي...
هذا الرجل، لو جلبنا أكاذيبه منذ تسلمه السلطة، لملأت بحار الدنيا وفاضت، إنه جسر الأكاذيب وهكذا نظامه الكاذب...
مقاطع فيه...
يَا أَيُّهَـا
الْوَاليُ الْكَذُوبُ
وَقَاتلَ الطِّفْـلِ الأغَرْ!
يَا أيُّهَا
الْبَاغِي الطَّرُوبُ
وَرَائدَ الْكَذِبِ الأشِـرْ !
اِذْهَبْ إلَى لاهَايَ
تُطْعِمُكَ الْعَنَاكِبُ
مِنْ ثَريدِ الْحَنْظَلِ
الْمَغْمُوسِ فِي
السُّمِّ الأمَرْ !
اِذْهَبْ فَإنَّا
قَاعِدُونَ وَصَامِدُونَ
عَلَى الْخَطَرْ !
اِذْهَبْ فَإنَّـا
لاعِنُوكَ إلَى الْقِيَامَةِ
حِينَمَا يُغشَى الْبَصَرْ !
لَعَنَتْكَ هَامَاتُ النَّخيلِ
وَسَامِرُ الْقَومِ الأَبَرْ !
(3)
أبْقَى أنَا الشَّعْبُ
الَّذِي صَلَبَ الْقُمامَةَ
وَانْتَضَى السَّيْفَ الأغَرْ !
يَا أَيُّهَـا الْبَاغِي
مَديد الْعُمْرِ
فِي الأَغْلالِ
تَرْفُلُ فِي السَّهَرْ !
لاهَايْ يَـا
مَنْفَى الْجَبَابِرَةِ الطُّغَاةِ
وَيَيْت طَاعَتِهِمْ،
وأحْكَامَ الإلَهِ
عَلَى الْغَجَرْ !
| |
|
|
|
|
|
|
|
|
 Re: من يفك هذا التناقض في خطاب البشير؟ (Re: الشامي الحبر عبدالوهاب)
|
عمر البشير ونظامه كذاااابين
ومناااااااااااااافقييييييين
ومجررررررررررررررررميييييين
لكن عمر البشير كيسو فااااضى
قال تعليم قال ياخ بقينا فى الخليج
نخجل من الخرجين الجداد بتاعين السودان >
جهل + لغة صفر + عدم ثقة .... قوم لف
________
الشامى سلامات ومعليش اليومين ديل قرفاااان
بس ربنا يجيب الانتخابات على خير ونرتاح من
هؤلاء المتشرزمين > الله يقرفهم ذى ما قرفونا
| |
|
|
|
|
|
|
|
|
|
Re: من يفك هذا التناقض في خطاب البشير؟ (Re: طارق الكوتش)
|
Quote: حلايب ليست عطبرة ولا بورتسودان وانما هى منطقة حدودية بيبن دولتين ويجب ان لا تكون مادة للسخرية
ومن يتحدث عن الساردين فى جامعة الخرطوم وهمو بطنو فماذا كان قبل جامعة الخرطوم
يا راجل دا كان المصريين بطلعونا من قاعات الامتحانات عشان ما دفعنا فلوس الجامعة
ياخى البشير دا قاد اكبر ثورة فى التعليم فى العالم نفخر بها وامشى شوف خرجى هؤلاء الجامعات فى الroyal college وفى الخليج
ياخى دا نحن كنا بنسافر فى كل بقاع الدنيا عشان نتعلم
ركبنالسفن والطيارات الى كوبا والفلبين
ياخى دا فى نشرات الاخبار ما كان بنسمع ونشاهد غير ملايين البشر الذين هم مهددون بالجوع فى السودان وكم من الجنوبيين والشماليين ماتو فى الحرب
ياخى دا كان لمان نجى من اهلنا بنودعهم وداع من لا يضمن اللقاء وصرنا نمشى ونجيهم فى نفس اليوم
ياخى دا كانت صفوف بنزينا يضربوا بيها المثل فى طولها وفى الزمن الذى نمشى فيه باكرا
ياخى جالون البنزين وصل 160 دولار واظلمت اوروبا وقتلهم البرد فى فرنسا وما حتى حسينا بيهو
حمدا لله اولا واخيرا |
لا تمحنا لا تبلينا!
فعلا البشير منكم وفيكم وولدكم أو كما قلت!
والحمد لله أولا وأخيرا ولا حول ولا قوة إلا بالله..
سـلام يا الشامي
تناقض البشير، بل قل كذبه (كضب السـواد والرماد) ما بدا من قوله أن يسلم البلاد مليون ميل للأجيال القادمة ولكن قبلها قال ما حصل كذبنا عليكم، يقصد الشعب، ولم يبدأ في إستادالهـلال، ولكن بدا من أول يوم سرقوا فيه الوطن بليل عندما أنكروا وبأغلظ الإيمان أية صلة لهم بالجبهة، عندما كان راعي الغنم في حلتنا يعلم (أن هؤلاء الرجال هم جبهة)، بل الجبهة هي هؤلاء الرجال كما قيل وقتها.. وماذا تعني كلمة رجال بالمناسبة؟؟ لذلك أنا ما عدت أستغرب أو أندهش لكل أنواع أكاذيب البشير وجماعته، وهل نسيتم الإيمان والطلاقات حول دخول القوات الدولية وأنه سيقود المجاهدين إذا دخل جندي أجنبي واحد لدارفور؟ وغير ذلك الكثير.. إذاً فليمدد الصحاف رجليه..
| |
|
|
|
|
|
|
|
|
|
Re: من يفك هذا التناقض في خطاب البشير؟ (Re: Isa)
|
| Quote: ياخى البشير دا قاد اكبر ثورة فى التعليم فى العالم نفخر بها وامشى شوف خرجى هؤلاء الجامعات فى الroyal college وفى الخليج |
فاقد الشي لا يعطيه البشير خريج ثانوي عالي فكيف يقود تعليم عالي ؟؟!!! كدا البشير بقى ليهو رفيق في الكضب  تقدر تجيب لي سي في بتاعت البشير ؟؟
| |
|
|
|
|
|
|
|
|
|
Re: من يفك هذا التناقض في خطاب البشير؟ (Re: محمد حسن العمدة)
|
السودان بلد عظيم
ويستحق ان يقوده عظماء الرجال
واراد البشير ان يكون من هؤلاء
لقد اوقف الرجل الحرب فقالوا اضاع الجنوب
وتجنب الحرب مع مصر فقالوا جبان
ودخل خليل امدرمان عنوة وقتل اهلها الامنين فقالوا اساء البشير باعتقال الاطفال فى جيش خليل
واوفى بوعده ومهد للانتخابات فقالوا كضاب
المشكلة ليست فى البشير
ولكن فى هذا الشعب الى يصبر على الفقر والجوع والمرض
ولكنه يرفض ان يفجر فى الخصومة حتى ضد هذا البشير
وسيفوز هذا البشير فى انتخابات سيشهدها العالم ويحكم عليها
فان كان هذا هو خيار الشعب السودانى
فماذا انتم فاعلون والا فليواجه شعبه
ولن يسلمه امثال الماللكى وكرزاى
| |
|
|
|
|
|
|
|
|
|
Re: من يفك هذا التناقض في خطاب البشير؟ (Re: الشامي الحبر عبدالوهاب)
|
الحبر
كيفنك يا زول
سلامي ليك ولي الزملاء
| Quote: تسليم السودان للأجيال القامة (مليون ميل مربع ما ناقص شبر). |
هو غايتو يا الحبر هنا ما حدد ، صحيح هو ح يسلمها مليون ميل مربع، وما ناقصة شبر،،، بس كيف ؟؟
دي بسيطة، هناك طريقتين:
1- انو يسلمها مربوطة..
2- يسلمها فكة.
وفي الحالتين ما حتنقص شبر، بس ممكن تنقص اميال، واميال كتيرة،، يعني هناك اكثر من احتمال..
ربنا يجيب العواقب سليمة
| |
|
|
|
|
|
|
|
|
|
Re: من يفك هذا التناقض في خطاب البشير؟ (Re: جمال المنصوري)
|
الاخ جمال المنصوري
تحياتي وعساك بخير
Quote: هو غايتو يا الحبر هنا ما حدد ، صحيح هو ح يسلمها مليون ميل مربع، وما ناقصة شبر،،، بس كيف ؟؟
دي بسيطة، هناك طريقتين:
1- انو يسلمها مربوطة..
2- يسلمها فكة. |
احتمال مربوطة يا اخ جمال غير وارد لانها خرجت الآن من هذه المرحلة
ويبقي الاقرب انو اسلمها فكة
| |
|
|
|
|
|
|
| |
الشامي الحبر عبدالوهاب
أبو الحسين
emad altaib
صديق عيسى صالح
Wasil Ali
Al-Shaygi
احمد محمد بشير
Alrayah Senhuri
جمال المنصوري
فيس بوك
تويتر
انستقرام
يوتيوب
بنتيريست