|
|
 جائزة أكضب سوداني ..
|
أحتجت مرة ـ هنا في جدة ـ أن أستعين بأحد السودانيين لإنجاز معاملة خاصة بي ..
تعرفت على هذا الرجل عبر والد زوجته الذي هو ناظر قبيلة معروفة ، و هذا الناظر الذي كان يقيم في جدة أيضاً تعرفت عليه عن طريق بعض الأخوة الأفاضل الذي جمعتني بهم علائق رائعة ..
تسلم مني الرجل المبلغ المخصص لإنجاز المعاملة و سلمني إيصالاً مختوماً بختم المؤسسة التي يعمل فيها وعدني بإنهائها في غضون أسبوع على الأكثر .. لأنها و على حد قوله بكنة سعودية ( ما تحتاج ) ..
ــــ
|
|
  
|
|
|
|
|
|
|
|
Re: جائزة أكضب سوداني .. (Re: عصام دهب)
|
مضى الأسبوع .. و تبعه آخر .. ثم شهر .. حيث كلمني الرجل و قال لي أن ( الموضوع ماشي تمام بس الراجل كان مسافر و يا دوب جا و خلاص إن شاء الله خلال الإسبوع دة نكمّل ) ..
مضى الأسبوع الذي حدده ثم تبعه أسبوع و قبل أن يكتمل الشهر هاتفته و قلت له ( كتر خيرك ياخي و ما قصرت لكن الله ما أراد ) ..
اعتذر لي الرجل عما سببه من تأخير لي حسب قوله .. ثم أردف( مافي مشكلة لو عايزة المبلغ و المستندات حأرجعها ليك طوالي) ..
شكرته على حسن تعامله و نسبة لأنه كان سيغادر في اليوم التالي للسودان في مهمة سريعة لثلاثة أيام أتفقت معه على أن يترك لي المبلغ و المستندات عند شقيقه الأصغر الذي لديه محل بالقرب من محل سكني على أن أقابل شقيقه ألأصغر مساء اليوم التالي ..
| |
|
|
|
|
|
|
|
|
|
Re: جائزة أكضب سوداني .. (Re: عصام دهب)
|
مساء اليوم التالي مباشرة حال إنشغالي دون مقابلة الأخ الأصغر ـ للشخص الذي تعاملت معه ـ أتصلت عليه و أعتذرت له عن عدم تمكني من الحضور و وعدته بأن أحضر له في اليوم الثاني بعد صلاة المغرب .
فعلاً في اليوم الثاني ذهبت للأخ الأصغر و أرمز له بالحرف ( ش ) تمييزاً عن أخيه الأكبر الذي أرمز له بالحرف ( م ) .
قابلت ( ش ) و بعد السلام و المجاملة قام بتسليمي مظروفاً به المستندات التي سبق أن قمت بتسليمها مع المبلغ لأخيه الأكبر ( م ) .
صراحة خجلت من أن أسأله من المبلغ لأني لم أسلمه له هو .. لكني تذكرت سند القبض ( إيصال الإستلام ) الذي كنت قد أستلمته من شقيقه ، فأبرزت له ذلك السند و قلت له ( أهة بالنسبة للمبلغ سلمك ليهو ؟؟ ) رد عليّ .. لا أبداً والله هو بيعتذر ليك لأنو كان عندو شيك مفروض يصرفوا اليوم و حصلت ليهو إشكالية بسيطة ما صرفوا .. و قال ليك هو حيرجع بعد بكرة و حيجيب ليك القروش لحدت عندك )..
أخذت المستندات و السند و قلت له ( مافي مشكلة ) ..
| |
|
|
|
|
|
|
|
|
|
Re: جائزة أكضب سوداني .. (Re: عصام دهب)
|
مضت أكثر من أسبوعين و لم يهاتفني ( م ) أو يحدثني و أنا الذي كنت أنتظر عودته ليصرف الشيك و يسلمني ما دفعته له ـ و هو من المفترض أن يكون قد حضر من سفره في غضون ثلاثة أيام ـ أنتظرت أسبوعاً آخراً ثم قررت الإتصال به على هاتفه ..
ـ ـ ـ السلام عليكم و حمد لله على السلامة ياخي ..
( م ) و عليكم السلام يا سيد الله يسلمك يا أخي أنا جيت من زمان و هسع بعد بكرة ـ و كان يصادف يوم وقفة عيد الأضحى ـ راجع عشان العيد في السودان ..
ـ ـ ـ و الله بس أنتظرت إتصالك عشان ( ش ) قال لي كان عندك مشكلة في الشيك و كدة .. إن شاء الله أتحلت ..
( م ) شيك شنو ياخي و الله ما فاهم حاجة .. إنتا مش أستلمت منو المستندات و القروش ؟؟
ـ ـ ـ لا أبداً أنا أستلمت المستندات و بالنسبة لي القروش هو بلغني بإعتذارك و قال لي كان عندك مشكلة بتاعت شيك و أول ما حتجي حتجيب لي القروش .. و في الحقيقة أنا أنتظرت إتصالك لكنك ما أتصلت علي ..
( م ) و الله دة كلام غريب جداً .. دة كلام غريب .. أسمع يا أستاذ أقول ليك حاجة يا أستاذ إنت بكرة المغرب عندك حاجة ؟؟ طيب خلاس نتلاقى في بيت الناظر .. تعال لي هناك و إن شاء الله ( ما عندك عوجة تب ) . ..
| |
|
|
|
|
|
|
|
|
|
Re: جائزة أكضب سوداني .. (Re: عصام دهب)
|
( سلمت على الجميع و أثار إنتباهي إن ( م ) حينما صافحني على عكس البقية كان جالساً بل أنه أشاح بوجهه بعيداً .. فتعجبت !! )
قصدك (ش) هنا؟؟؟
تابع و معليش للمقاطعه
| |
|
|
|
|
|
|
|
|
|
Re: جائزة أكضب سوداني .. (Re: عصام دهب)
|
قبل أن أستقر في مكان جلوسي فاجأني (م ) بقولٍه ..
( م ) : يا أستاذ أنا قبل ما أسافر قلت ليك حأخلي ليك الورق و القروش عند ( ش ) و فعلاً أنا خليتهم عندو ، و بعد ما رجعت عرفت من ( ش ) أنك مريت عليهو تاني يوم و أخدت القروش ..
حقيقة كان كلامه ذلك بالنسبة لي زي الكضب كضب وفي اللحظة ديك حسيت كأني مافي عدييل كدة .. و من دهشتي فغرت فاهي بهبالة و قررربت أقول ليهو بطل الهظار السخيف دة .. المهم أنا بين مصدق و مكضب و مكذب و قبل أن أفيق من تلك الخبتة الجامدة .. فوجئت بـ ( ش ) و وهو يوجه لي الضربة الفنية بت الكلب ..
ش : أيووة يا زول هوووي .. أيوة أنا أديتك الورق و القروش لآمن جيتني .. داير تكضب تقول ما أديتك .. أوعة تكظب .. أنحنا حركات الشفاتة دي ما بتاكل معانا .. يعني عشان نسيت أخد منك الإيصال عايز تكظب و تعمل لي شغل النصابين دة .. هووووي أوعة تكظب .. أوعة تكظب !!
ديييييينك ... كان ( ش ) يصرخ حينها بأعلى صوته و لا يتحدث و كانت كلماته تتسارع من فمه و كأنها طالعة من سلاح رشاش .. تيشنغ .. تيشنغ .. تيشنغ .. و كنت أنا لحظتها أنطط في عيوني و أرمشها و أغمضها و أفتحها و كأني أحاول أثبات أنني حي أرزق في تلك اللحظة ..
رن جرس الباب في تلك اللحظة ، فأخذت نفساً عميقاً قبل أن أرد ..
| |
|
|
|
|
|
|
|
|
|
Re: جائزة أكضب سوداني .. (Re: عصام دهب)
|
وددت تنبيه المتابعين لهذا البوست بأن ( ش ) الذي لم أكمل حديثي عنه لن ينال جائزة أكضب سوداني لوجود من يستحق أو يستحقون هذه الجائزة بجدارة .. و ستعرفووون من هو همتارو..
ـ
عذراً للإنقطاع .. بإذنه تعالى سأواصل لاحقا من مكة إن وجدت عند نسابتي للنت سبيلا ..
| |
|
|
|
|
|
|
|
|
|
Re: جائزة أكضب سوداني .. (Re: عصام دهب)
|
عصام ياخ جيب من الآخر .. شغل الشحتفة ده ما عندنا ليهو صبر
مكجنو في أفلام الآكشن .. نسيبك كتلو صاح ؟ .. أقصد انفصم فيهو يعني وخمشو
زي جوز الحمام ................. كامل متابعتي
| |
|
|
|
|
|
|
|
|
|
Re: جائزة أكضب سوداني .. (Re: منتصرمحمد زكى)
|
الأستاذ عصام..
دة مش اكضب سودانى لكن دة أحط وأخس انسان اسمع بيه فى حياتى ولو انو بعد خصلة الكذب لاتوجد خصلة اخس واتفه منها.
انا زعلان ومكتئب لوجود هكذا بشر .
نحن فى انتظار النهايات التى اتمنى ان تكون سعيدة لك ولنا.
| |
|
|
|
|
|
|
|
|
|
Re: جائزة أكضب سوداني .. (Re: قلقو)
|
شكراً للمتابعين و المتداخلين .. و عذرأ لهذه الشحتفة غير المقصودة ، ثم تاني عذراً لأني أكتب بصورة لم أعتادها ( من لابتوب ) و لوحة المفاتيح ما سالكة معاي ..
ــ
كان ( ش ) يجعر بأعلى صوته و يقسم بأغلظ الإيمان ـ أعوذ بالله ـ أنه سلمني المبلغ ، و كان نسيبي الذي دخل علينا في مجلسنا حتى دون أن يسلم على الموجودين يرتجف غضباً و هو يستمع لحديث ( ش ) الكاذب ..
الناظر و الشخصين الآخرين كانا واجمين مثلي و ( م ) كان يحاول تهدئة شقيقه ( ش ) حتى يتيح لي الفرصة للحديث و تقديم مرافعة دفاعي .. و أنا كنت أعاين في ( ش ) و أتأمل و كأني بي مرة أضحك و مرة أبكي لكني في كل الأحوال مندهش حد العوارة .. مندهش أن يكون هناك شخص لا يختشي و لا يخاف الله مثل ( ش ) الذي كان يحلف لدرجة تجعلك تخاف من أن يحيق به و بمن يجالسه في تلك اللحظة غضب إلهي عظيم ..
فاجأنا نسيبي بتناولة لأقرب تربيزة صغيرة أمامه و قذف بها في وجه ( ش ) الذي تفادى جزءاً منها بصعوبة بالغة لكنه لم يتفادى هجوم نسيبي الذي كانت قد تعطلت لديه كافة آليات الصبر و نفذ منه مخزون التسامح تماماً ..
في تلك اللحظة أنصبت جهودنا على تخليص ( ش ) من براثن أبو النسب صراحة كنت أخاف لحظتها أن يبدر من نسيبي تصرف وخيمة عواقبه و نحن في بلد لا تعرف محاكمها الإستفزاز الشديد المفاجئ كظرف مانع أو حتى مخفف للمسئولية الجنائية ..
أختلط الحابل بالنابل والضيوف مع أسياد البيت وتناسينا لحظتها موضوعنا الذي أتينا لأجله و أضحي كل همنا تهدئة نسيبي من غضبته العارمة تلك ..
| |
|
|
|
|
|
|
|
|
|
Re: جائزة أكضب سوداني .. (Re: منتصرمحمد زكى)
|
| Quote: عصام ياخ جيب من الآخر .. شغل الشحتفة ده ما عندنا ليهو صبر |
معليش يا معتصم .. الشغل تلاقيط و يمكن تلاحق الأحداث في المنبر قد يضطر الواحد لتوزيع جهده بين أكثر من بوست فمعذرة ..
Quote: مكجنو في أفلام الآكشن .. نسيبك كتلو صاح ؟ .. أقصد انفصم فيهو يعني وخمشو
زي جوز الحمام ................. |
شكلك خشيتو في قضارف .. طيب مالك زهجان ؟؟
و كامل تقديري لمتابعتك و خليك قريب ..
| |
|
|
|
|
|
|
|
|
|
Re: جائزة أكضب سوداني .. (Re: عصام دهب)
|
| Quote: الناظر و الشخصين الآخرين كانا واجمين مثلي و ( م ) كان يحاول تهدئة شقيقه ( ش ) حتى يتيح لي الفرصة للحديث و تقديم مرافعة دفاعي .. و أنا كنت أعاين في ( ش ) و أتأمل و كأني بي مرة أضحك و مرة أبكي لكني في كل الأحوال مندهش حد العوارة .. مندهش أن يكون هناك شخص لا يختشي و لا يخاف الله مثل ( ش ) الذي كان يحلف لدرجة تجعلك تخاف من أن يحيق به و بمن يجالسه في تلك اللحظة غضب إلهي عظيم .. |
وممكن بحلف على المصحف كمان
ولذلك افضل حاجات في التعاملات مع السودانين الزول يخليهم يكتبوا ويوقعوا حين اخذ او استلام
اي مبلع بوجود شهود
مع المودة
| |
|
|
|
|
|
|
| |
عصام دهب
OSMAN SAYED MOHAMED
منتصرمحمد زكى
شول اشوانق دينق
قلقو
سيف الدولة كامل
عبد الدائم سيد أحمد
بكري الخير
ود محجوب
فيس بوك
تويتر
انستقرام
يوتيوب
بنتيريست