|
Re: منتهى الأشواق.. (Re: تماضر الخنساء حمزه)
|
Quote: الجاي يصيد الشوق مابشبك السنار والشبك القليب ريدو صادت حواسو النار مابطفيها شط النيل لو صبحت مياهو ديار تطرق حواف الموية تدخل تشاشي الدار شقيش تلاقي مدن عمرانة بالثوار شقيش تلاقي الحق زايد الحقيقة شرار |
يا سلام يا تماضر ياخي
اشتقنا لحرفك الانيق لك التحايا يا زوله يا رائعه
| |
|
|
|
|
|
|
Re: منتهى الأشواق.. (Re: نوفل عبد الرحيم حسن)
|
مرحب بيك اختنا تماضر..ويا مراحب..
Quote: والنيل ده زول حقاني وكاتم الأسرار |
الليل والنيل....هبه ربانيه..لملهمى الشعر والمبدعين..للنيل النجوى وفى الليل السهاد....
كلام حلو وجميل...
تقديرى وأحترامى...
| |
|
|
|
|
|
|
Re: منتهى الأشواق.. (Re: خضر حسين خليل)
|
يا بت يا كتابة و شاعرة و غايبة .. كيفنك ياخ !! أنا قريت النضمي الشبعان ده كده : ( كلما يطول الليل.. يفرد نجومو عليك ويأخّر الاشراق أعرف نوايا النور والشمس والاحراق المابتبل الجوف لاها بتجيبو صباح إلا بطلوع الروح.. في منتهى الأشواق راح تعرف التقدير يا نغزة البشتاق النور بيغشى بيوت .. سبحة خرز وخيوت كلما تجر تسبيح.. نقرة ضيوف النور. تحلف تخش وتفوت مسروبة بالنفاج وأكتر كلامنا سلام مفرود بسيمو جناح والشكل رسم حمام يهدل صباح الخير والخير صباح الناس. بالريد يكون ونّاس بي روح ملانة حباب . قلدة حضن حسّاس تعبر جموع الود. خطوة كلامك ورد. نبرة حديثك وعد.. بي بكرة والأجمل.
باكر يفوت النور تفقد حروفك شي يفرد عبايتو الليل يخلف علينا الكي يفضل معانا سؤال يا هل نهارك حي؟ و الموج عاى نيلو عاكس حقيقة الضي والنيل ده زول ذمة ما بيمرق الأسرار لفحة و يفيض الشال فردة وجيهو السار ساعة و يدس جوفو نبرة كلامو الحار ماشفتو زعّل زول عدّوهو من أخيار عقد الضفاف عِمة لبس الشواطي سوار أمّنتو كل البيّ شايلاهو جوّة محار ماشالو سر ليلي كشحو المراكبي نهار.. و الجاي يصيد الشوق مابشبك السنار ) .
مش على كيفي ؟؟؟
| |
|
|
|
|
|
|
|