|
|
 أسماء وهمية في كشوفات المرتبات بولاية الخرطوم ....
|
كشف تقرير المراجع العام القومي للأداء المالي والحسابات الختامية
لولاية الخرطوم أن حجم الاعتداء على المال العام في الوزارات
والمحليات والشركات بلغ في الفترة من سبتمبر للعام 2008 وحتى
اغسطس من العام 2009 مبلغ (3,947,212) مليون جنيه ، منها 4% خيانة
أمانة ، و 96 منها تزوير ..
المصدر الرأي العام اليوم ...
الاسماء الوهمية الحاصلة على المرتبات بالولاية كانت أبرز ما تم فضحه
من تزوير وفساد في التقرير حيث تكررت اسماء معينة في عدة كشوفات كما
تم تعيين أشخاص وفق قرارات شخصية بغرض المحاباة دون أي سند أو مصوغ
قانوني .
الأدهى والأمر وجود أسماء ... بل كشوفات وهمية تلغف بها أموال الولاية
تحت بند المرتبات.
**
أعانك الله يا عبد الدافع ..
|
|
 
|
|
|
|
|
|
|
|
Re: أسماء وهمية في كشوفات المرتبات بولاية الخرطوم .... (Re: عمر التاج)
|
الاحتيال الحاصل عن طريق الاسماء الوهمية له أشكال عدة ظلت تمارس في الخدمة المدنية دون محاسبة و رقابة ..
قصص يشيب لها ولدان العمل ويندي لها جبين الوطن تحكى في هذا الشان ..
بلغني من أحد معارفي أن أحد موظفي ولاية الخرطوم قرر ترك الخدمة
والهجرة للخارج ، ظل متنقلاً بين ضواحي الاغتراب لأكثر من عام ،
ولما لم يوفق في عمل مستقر هناك قفل راجعاً لوطنه وقرر العودة
إلى عمله السابق ...
جهز خطاب التماس شديد التهذيب لرئيس عمله السابق ، وقبل أن يسلمه
له راى ان يمهد لذلك بعبارات الإطراء والحمد المعتادة ، ولكنه تفاجأ
بأن رئيسه لم يكن يعلم بغيابه طوال هذه الفترة ، وازداد تعجبه وحيرته
عندما وجد اسمه في كشف المرتبات وقد صرف بتوقيعه (المابتغاباه ) كل حقوقه
للفترة السابقة .
صاحبنا ما سأل عن الحاصل ... وما كضب .. واصل عمله زي الماحصل حاجة ...
| |
|
|
|
|
|
|
|
|
|
Re: أسماء وهمية في كشوفات المرتبات بولاية الخرطوم .... (Re: عمر التاج)
|
Quote: الاحتيال الحاصل عن طريق الاسماء الوهمية له أشكال عدة ظلت تمارس في الخدمة المدنية دون محاسبة و رقابة ..
|
إنت الظاهر ما سمعت بي محاسب الغابات
الحير المقتش الإنجليزي في قلع النحل؟؟
ياخوي أنا البكتب ليك دا،
مستقيل وكانت ماهيتي ماشة،
وكمان رقوني بي أثر رجعي،
طيب لوكان رقيتوني من البداية،
كنت اناطاشي بالدنيالي يوم الليلة،
يا أبناء الأراذل؟؟
القوي الأمين ؟؟؟!!!
تحياتي
| |
|
|
|
|
|
|
|
|
|
Re: أسماء وهمية في كشوفات المرتبات بولاية الخرطوم .... (Re: dardiri satti)
|
أخي /
dardiri satti
وافر التحايا والاحترام
Quote: إنت الظاهر ما سمعت بي محاسب الغابات
الحير المقتش الإنجليزي في قلع النحل؟؟
|
يطرشني والله ،،،
يعني نلقاها من المحاسب ولا من رئيسوا ؟
--
Quote: ياخوي أنا البكتب ليك دا،
مستقيل وكانت ماهيتي ماشة،
وكمان رقوني بي أثر رجعي،
طيب لوكان رقيتوني من البداية،
كنت اناطاشي بالدنيالي يوم الليلة،
|
وأنا أقول اسمك ده قريتو وين ؟
| |
|
|
|
|
|
|
|
|
|
Re: أسماء وهمية في كشوفات المرتبات بولاية الخرطوم .... (Re: عمر التاج)
|
Quote: يطرشني والله ،،،
يعني نلقاها من المحاسب ولا من رئيسوا ؟
--
|
ياخوي تشوف ناس الغابات ،
دي أكيد حيكونوا عارفنها
باعتبارها جزء من تراثهم المهني!!
أو تقوم تسافر قلع النحل عديييييييييييييييييل.
غير كدا ، دي حكايةأنا مابقدر أقولها ليك هنا،
في حاجات كتيييييييييييييرة حامياني.
اما حكاية إسمي لاقاك وين ،
إنت ذاتك قول لي إنت كنت وين.
تحياتي
| |
|
|
|
|
|
|
|
|
|
Re: أسماء وهمية في كشوفات المرتبات بولاية الخرطوم .... (Re: dardiri satti)
|
Quote: ياخوي تشوف ناس الغابات ،
دي أكيد حيكونوا عارفنها |
الغابات دي ناسا ياتم ؟
البياكلو ولا الضالين (الفكوهم) يعضو في أطراف الخرتوم ؟
Quote: غير كدا ، دي حكايةأنا مابقدر أقولها ليك هنا،
|
يا أخي بالعدم كدة اجدعها لي في البتاع ولا من شاف ولا من خاف ..
Quote: اما حكاية إسمي لاقاك وين ،
إنت ذاتك قول لي إنت كنت وين.
|
انا كنت بمزح معاك يا حبيب
عميق شكري قبله وبعده ....
| |
|
|
|
|
|
|
| |
عمر التاج
فيس بوك
تويتر
انستقرام
يوتيوب
بنتيريست