|
Re: أفراد الأسرة .. ويوم عمل شاق (جليد + صور) (Re: محمد الجزولي)
|
ودالجزولي مشتاقين بالبتبادي
تخيل وحياتك شلت ليك هم ياخ زارنا برد عادي فأدخلنا في علبنا كأن لم يكن انت المقعدك في السقط ده شنو؟ شن البقعدك في التلج ياودالجزولي ؟ ياخ لو درت مشورتي : اصلو كتالك ياهو كتالك تجي مندلي الواطة تراها وبي جاي جاي بندبر حالك
تحياتي للوليدات
| |
|
|
|
|
|
|
Re: أفراد الأسرة .. ويوم عمل شاق (جليد + صور) (Re: خضر حسين خليل)
|
الترس ود حسين وفي مقولة أخرى السباح خضر حسين وبالتبادي والزبادي انحنا المشتاقين
وماتشيل مع الحنية هَم
طبعاً بردكم ده خجووووول من الضيوف وبندسة وكِد يجو زايرين وبالتالي يبرطع الحَر مع التراب ويطير الناموس في الدائرة صقرية .. { وحلاتو الناموس شايفو كبر.. وبقى يحمرليك وهو بِمُص }
والمقعد الناس في السقط ياهو المِقَعدوم في حتات تانية على مناقد من جهنم .. وبرضو على مسواك الصبر لاَيكين ..
وعزمي مُندلي .. وفي رقبتك الدبارة بس مامن المم . من ملاقى في عضمك ده .. ـ المرة الفاتت جَلت ـ المرة الجاية تَعّدي .. {ينفع شعار تشجيع كورة ؟}
هَي مبروك الإنفتاح الصنع خصيصاً للسودن .. لكن هو إنفتاح السرور يايمة
وياخي معسلامة تحياتي للمدام والأهل
| |
|
|
|
|
|
|
|