|
خـــــــبـــراء .............. أجــــــــــانب
|
بلدنا دي طالما ما قادرين عليها وحالتها متاخرة وماشية لي وراء وكل يوم مشاكل منذ خروج ( الخبراء الاجانب ) الاستعمار الانجليزي بدت بالجنوب وما انتهت بدارفور بعد ما كنا الرواد في كل شيء ابتداء بالكورة ونهاية بالسياسة ( ياخي كفاية انو كنا بنصالح مصر مع السعودية )حاليا اصبحت مصالحتنا مع بعض تتم من دول لم تري النور الا في السبعينات والتسعينات واسسنا الاتحاد الافريقي وحاليا منتخبنا اصبح ملطشة لمنتخبات بنين وبنات ومافي زول كان بغترب بالعكس اليمنيين كانوا بجوا يغتربوا عندنا اليوم شبابنا نصهم برة البلد وكان كل شي عندنا بالنظام والمواعيد يعني ممكن تزبط ساعتك علي قطر حلفا حاليا لو اكدت حجزك علي سودانير وجيت في مواعيدك عادي ممكن يقولوا ليك والله الطيارة معطلة في بورتسودان من امبارح وما معروف تجي بتين . وكانت الخرطوم يطلق عليها باريس افريقيا وكان شارع الجمهورية يضاهي شارع الشانزليزية في باريس حاليا لايمكنك السير فيه مطمنئا في عز الظهر رغم قربه من القصر بشارعين
اما عن العلاج والمستشفيات كان اطباءنا مشهود لهم بالكفاءة وحاليا ممكن الزول يدخل المستشفي ماشي برجليه يطلع منها جنازة بخطاء طبي والمتسبب بالخطأ ممكن اسمه يكون الاول في كشف الترقيات الجايه واما عن الاقتصاد فحدث ولا حرج كان الجنيه يساوي 3 دولار وكانت البلاد تصدر اكثر مما تستورد حاليا بلدنا يستورد الطماطم من الاردن والثوم من الصين والاحذية من سوريا والعصائر من السعودية !
بالنسبة للتعليم كانت جامعة الخرطوم واحدة من افضل الجامعات في العالم وكان خريجوها مرغوبين في العمل في كل مكان حاليا خلا تصنيف ال 1000 افضل جامعةفي العالم من اسم لاي من ال 30 جامعة سودانية بل شكك الانجليز في شهادة خريجي الطب السودانيين
الحـــل طالما ما قاديرين نمشي امورنا في بلدنا اقترح استجلاب خبراء اجانب في مجال الادارة والاقتصاد والصحة والتعليم والرياضة والزراعة والتعمير ونديهم مهلة عشر سنوات عشان يخططوا وينفذوا خطة عشرية يطلعونا بيها من الحال المائل ده
|
|
|
|
|
|
|
|
Re: خـــــــبـــراء .............. أجــــــــــانب (Re: بكري عباس علي)
|
تخش بشارع المخبز (التركي) تلقى ليك محل بتاع حلويات (شامية)..... تمشي طوالي بلاقيك حلاق (فلسطيني).... جنبو بتاع سباكة (بنغالي)....... و في الركن بتاع سراميك (باكستاني)... أول شارع تدخل بيه تلقى بيت ساكنين فيه عمال (هنود) تخليه..... بعديه بتلقى عمارة ساكنين فيها لعيبة كورة (نيجيريين)..... تلف على يدك الشمال تلاقى محل شيشة (مصريين) و قدامو في عمال (صينيين) بيحفرو مجاري الخريف... و بعدين بتلاقيك شجرة تحتها ست شاى(حبشية) وقدامها بيت فيهو عطالة (سودانيين)...
المذكورين اعلاه دلالة واضحة علي حاجتنا الماسة لخبراء اجانب حيث اننا لانستطيع القيام بالاشغال الهامشية التي لا تحتاج الي خبرة فما بالك بالتخصصات الكبيرة والمهمة والاحترافية
| |
|
|
|
|
|
|
Re: خـــــــبـــراء .............. أجــــــــــانب (Re: بكري عباس علي)
|
الأخ بكرى عباس
لك التحية
بمناسبة خبراء أجانب يحكى انه قبل زمن استعانت سوداتل فى بداياتها لحفرياتها بعمال مصريين فى مدينة بورتسودان جاء ادروب يشاهد الموقف وهو مستغربا كيف للمصرى ان يكون طلبه وهو يتخيله حاجة كده كبيرة جدا فالتفت اليه الصعيدى قائلا : بتبص على ايه ؟ انت قبل كده ما شفتش خبراء أجانب ولا ايه؟
| |
|
|
|
|
|
|
Re: خـــــــبـــراء .............. أجــــــــــانب (Re: قرشـــو)
|
الاخ قرشو
Quote: بمناسبة خبراء أجانب يحكى انه قبل زمن استعانت سوداتل فى بداياتها لحفرياتها بعمال مصريين فى مدينة بورتسودان جاء ادروب يشاهد الموقف وهو مستغربا كيف للمصرى ان يكون طلبه وهو يتخيله حاجة كده كبيرة جدا فالتفت اليه الصعيدى قائلا : بتبص على ايه ؟ انت قبل كده ما شفتش خبراء أجانب ولا ايه؟
|
والله جيراننا الخبراء الاجانب ديل الكلام اصلو ما بغلبهم
| |
|
|
|
|
|
|
Re: خـــــــبـــراء .............. أجــــــــــانب (Re: بكري الصايغ)
|
استاذنا بكري الصائغ
Quote: ¡ عليك الله يابكري بطل اللف والدوران،انت عاوز تقول (مانرجع الانجليز مرة تانية يحكمونا)..." وجه ضاحك "!! |
ليه قايلني حضرتهم
لكن جدي كان بحكي لي عنهم وقال عنهم كلام سمح وجدي دا انا واثق من كلامه وبالتالي انا زاتي ما عندي مانع يرجعو
تحياتي
| |
|
|
|
|
|
|
|