|
فـن الـدعـايـة... مـا بـيـن الـمـشـآتـرة والـمـطـآبـقـة ...
|
أسلوب الدعاية هو نوع من الفن الغرض منه جذب المستهلك للسلعة. وقد بلغ هذا الفن قمته في عصرنا هذا وأصبح يلعب دور هام في الترويج للسلع، لكن بيني وبينكم في شتارة مرات بتحصل، يعني مرات تلقى الإعلان في وادي والسلعة في وادي تاني. سأقوم بعرض نماذج إعلانات قديمة في هذا البوست حتى نضطلع من خلالها على الإعلانات الموفقة والإعلانات الشترا. أرجو من المضطلعين على الإعلانات الحديثة إمدادنا بها وشـــــكراً...
|
|
|
|
|
|
|
|
Re: فـن الـدعـايـة... مـا بـيـن الـمـشـآتـرة والـمـطـآبـقـة ... (Re: معاوية المدير)
|
الموس أبو تمساح: هذه الدعاية موفقة إلى أبعد الحدود. يعني ما في أكثر جاذبية من أنك تشوف الموس في الدعاية وهي قاطعة التمساح، أبكريق الأغبش أبضهراً خِشِن نصين عديل كده. الدعاية تجذبك وتخليك تسرع لشراء الموس، لكن بمجرد إستعمالك للموس يتضح لك أنها ماليها آي علاقة بالدعاية. يعني عآدي ممكن تكمّل ليك 6 أمواس عشان تحلق دِقنك...
| |
|
|
|
|
|
|
Re: فـن الـدعـايـة... مـا بـيـن الـمـشـآتـرة والـمـطـآبـقـة ... (Re: معاوية المدير)
|
زمآن في سفنجة أسمها القمر بوبا: القمر بوبا يعني القمر إكتمل. وما أجمل القمر عندما يكون قمر 14 فهو مصدر إيحاء للشعراء، وتُشبّه بِه الغيد الحِسان، والغناي قال: القمر بوبا عليك تقيل. والمقصود (الفدايات) أو أقراط الذهب التي تتحلى بها النساء. الملاحظ في هذه الدعاية، إنو ما في علاقة بين السفنجة البيطو بيها في الأرض، ويمشو بيها بيت الأدب والقمر بوبا. دي شتارة أصلها قبل الليلة ما لاقتني...
| |
|
|
|
|
|
|
Re: فـن الـدعـايـة... مـا بـيـن الـمـشـآتـرة والـمـطـآبـقـة ... (Re: معاوية المدير)
|
الكافينول: هي حبوب مُزيلة للآلآم. لا اذكر لها دعاية في التلفزيون أو الإذاعة، لكن إعتقد إنو مفعولها كان قوي جداً، ومازلت أذكر دعايتها على عربات التوزيع. المفارقة في إنو أصحاب الواري الواحد يكون عندو لوري مكرهو حياتو، ومألمو غآية الألم، وبعد ده تلقاهو كاتب فوقو الكافنول!!! عبد الكافي لاعب بري كان إسمو الكافنول، والراجل ده كان فعلاً كافينول. كان لعّآب جداً وبي سببو بري كانت ترهب فريقي القمة الهلال والمريخ، بس كان مشكلتو مع الحُكام دايماً بيعمل مشاكل، ولمان الحكم يطلع ليهو الكرت الأحمر كان يهجم على الكرت يمزقو ويتخارج... دايماً... كان فعلاً كافينول...
| |
|
|
|
|
|
|
Re: فـن الـدعـايـة... مـا بـيـن الـمـشـآتـرة والـمـطـآبـقـة ... (Re: أبو عبيدة البصاص)
|
Quote: حبيبنا
ياريت يتم دعم هذا البوست "بنماذج" . . ساعود إليك فالموضوع شيق نقف من خلاله على تطاول الدخلاء في هذا المجال مع مقارنة بنماذج "المبدعين" وأصحاب الخبرة ... . . سأعود |
الأخ الحبيب مُعتز، ســــــــلام. ياريت الناس تشارك خاصةً ذوي الإختصاص في هذا الموضوع.. سأحول تقديم مزيد من النماذج القديمة، وياريت الناس يمدونا بالجديد حتى نضطلع على مدى التطور الحاصل في هذا المجال.
في إنتظار عودتك يا حبيب...
| |
|
|
|
|
|
|
Re: فـن الـدعـايـة... مـا بـيـن الـمـشـآتـرة والـمـطـآبـقـة ... (Re: أيمن مبارك أبو الحسن)
|
Quote: من اجمل الدعايات الشفتها في التلفزيون واح زوغ وزوجته منتظراه وعند عودته سالته من السبب فقال ليها العربيه اصاحبها عطل فما كان منها الا ان رشعته كف محترم دعايه لعربات المارسيد |
ســـــــــــــلام دوما... تعرفي، الدعاية لمان تكون مظبوطة تمام، يكون لها مفعول السحر. مرّة واحد صاحبنا ماسك ليك صندوق الكورن فلكس مدخل يدو وشغال بحبيت شديد، هرس الكورن فلكس هرس. قلنا ليهو : يا زول بتسوي في شنو؟ قال: بفتش للديك. طبعاً صندوق الكورن فلكس فوق الصندوق مرسوم ديك...
| |
|
|
|
|
|
|
Re: فـن الـدعـايـة... مـا بـيـن الـمـشـآتـرة والـمـطـآبـقـة ... (Re: معاوية المدير)
|
Quote: يعني عآدي ممكن تكمّل ليك 6 أمواس عشان تحلق دِقنك... |
بالغت ودقنك حمست كمان ، يا أخي معقوله بس دي دقن شنو أصلو ، أنا بتستهويني الدعايات لكين شايفها كلها وهمه ويتضيع حقوق الناس يعني دعاية محلات الناله لحسوا أغنية المرحوم سيد حليفه ويغنوا اليوم كلو ناله يا ناله ... وبنفس الموسيقي وأسرة المرحوم سيد خليفة كعادة السودانيين ما شغاله بي القصة شغله وديل يلحسوا في كل توب يبيعوهو وبدون تعب. أنا لو كنت محامي الأسرة أو وكيل أعمالها إلا أرفع شكوى تخلي ناس الناله يدفعهوا لأسرة المرحوم الحقوق الأدبية ومعاهم في كل توب باعوهو أو طرحه إن شاء الله وبالنسبة المئوية. راجع ليك بس بتخيلك مرات تولستوي يعني دقن زي دي إلا تحلقها بي ماكينة جز العشب.
| |
|
|
|
|
|
|
Re: فـن الـدعـايـة... مـا بـيـن الـمـشـآتـرة والـمـطـآبـقـة ... (Re: معاوية المدير)
|
Quote: بالغت ودقنك حمست كمان ، يا أخي معقوله بس دي دقن شنو أصلو ، أنا بتستهويني الدعايات لكين شايفها كلها وهمه ويتضيع حقوق الناس يعني دعاية محلات الناله لحسوا أغنية المرحوم سيد حليفه ويغنوا اليوم كلو ناله يا ناله ... وبنفس الموسيقي وأسرة المرحوم سيد خليفة كعادة السودانيين ما شغاله بي القصة شغله وديل يلحسوا في كل توب يبيعوهو وبدون تعب. أنا لو كنت محامي الأسرة أو وكيل أعمالها إلا أرفع شكوى تخلي ناس الناله يدفعهوا لأسرة المرحوم الحقوق الأدبية ومعاهم في كل توب باعوهو أو طرحه إن شاء الله وبالنسبة المئوية. راجع ليك بس بتخيلك مرات تولستوي يعني دقن زي دي إلا تحلقها بي ماكينة جز العشب. |
يا مولانا والله تشوف الموس قاطعة التمساح تقول أنا حا إشتريها مرّة وآحدة في حياتي وتغنيني عن حاجة أسمها أمواس، لكن صدقني الـ6 ديل للدقن العادية أما الدقن المغوفة دي خلو خبرها سآكت... يا أخي نحن في بلدنا الحق في إنك تعيش زي ما بيعيش البني آدمين ما مكفول، كمان يكفلونا حق التأليف؟ دي ما ظنيتها تبقى... لكن صرآحة حكاية إستغلال حق الآخرين دي ما جآية...
| |
|
|
|
|
|
|
|