|
|
 مقال إبن كلب ... أتساءل الزول ده بقي رئيس تحرير كيف ؟
|
نقلاً عن صحيفة الاسطورة
العدد155 الموافق 31-1-2010
Quote: واشري .. ياكلابنا..!
بقلم: عادل سيد أحمد
رئيس تحرير صحيفة الأسطورة
لن نتركك نهباً لشائعات الكلاب الوافدة . ولن نرضي بأن يقتلك (كتال الكلاب). بسبب الرأسمالية التي إستثمرت في (تجارة الكلاب الأجنبية) ... لكنها عجزت أو طمعت أو بخلت .. فالصرف علي هذه الأجنبية،كلف جداً ... وهي كلاب ، ليست مثل (المحلية بتاعتنا).. فكلابنا متواضعة..!
الكلاب الأجنبية،عاوزة وضع صحي.. وصابون حمام ونظافة(مرتين علي الأقل يومياً)..!!
وكلابنا فقط عاوزة ضُل أو زير، ترقد تحتو..!
الكلاب (الوافدة)، لاتعرف (الهوهوة).. مدلعة جداً...والخواجات لم يربوها علي حراسة البيت.. وإنما الخواجة هو الذي يحرسها.. يتونس معاها.. ويبوسها..!
وحاجات ثانية،حامياني..!
الخواجية، حينما تيأس من الـ(BoyFrind).. فإنها تروض الكلب، حتي يكون القائم بأعمال (الصديق)..!
كلابنا مؤدبة جداً..فحتي ظاهرة المعاشرة العلنية،اختفت في شوارعنا.. وقد تحسنت الفطرة، فأصبحت الكلاب، تلتقي في ساعة من الليل بعيداً عن أعين (الشماراتية)..!
كلابنا(هدية ورضية)..! ياكتال الكلاب، ابحث عن الكلاب الخواجية.. قليلة الأدب،دي..! |
|
|
  
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: الوليد محمد الامين)
|
الذي يغيظ يا صاحبي
انو الواحد بي صراحة ما عارف الشاب ده بقي رئيس تحرير صحيفة كيف ؟
والله يا الوليد جاتني رغبة أكيدة في الاستفراغ وأنا أقرأ هذا المكتوب
وأغرب مافي الموضوع عاملين إعلان في الصفحة الأولي .
اللغة التي استخدمها الكاتب ركيكة للغاية ولا تصلح كـ(ونسة) في شارع
مظلم لا لكون الاشارات التي وردت بل لأنو بالجد ده لا يمكن علي الاطلاق
تسميته بالكتابة الصحفية .
الموضوع من مبتداه الي منتهاه الواحد ما بطلع منو بي حاجة . هو عايز
يوصل يات رسالة مثلاً ؟ عايز يقول شنو؟ وهل انتهت الونسات والمواضيع في
كركب الأرض ناهيك عن سودان القضايا الساخنة ليكتب هذا الرجل أعلاه ؟
ياخ علي الأقل مفترض يحترم قراء هذه الصحيفة والتي علمت بعد ذلك انها
جديدة وأطلت برأسها مؤخراً في المكتبات السودانية .
والله حاجة تطمم البطن يا الوليد
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: فتحي الصديق)
|
Quote: وإنما الخواجة هو الذي يحرسها.. يتونس معاها.. ويبوسها..!
وحاجات ثانية،حامياني..!
الخواجية، حينما تيأس من الـ(BoyFrind).. فإنها تروض الكلب، حتي يكون القائم بأعمال (الصديق)..! |
طبعا الكلام دا سفيه و بذئ و منحط، و يكشف عن جهالة ليس لها ما بعدها. جنس الاساءة للشعوب الاخرى بالمجان و فى الصحف كمان حاجه عجيبة و محيرة. و نشكى نحن لطوب الارض من الخليجيين و الاعراب. الخواجات مساكين و الله الناس دى تتبلى عليهم ساكت من طرف.
حقاً من شابه اباه فما ظلم ابداً.
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: د.محمد بابكر)
|
Quote:
الذي يغيظ يا صاحبي
انو الواحد بي صراحة ما عارف الشاب ده بقي رئيس تحرير صحيفة كيف ؟ |
يا خضر
واحد وابوه رئيس التحرير
وهم الاثنين اصحاب الجريدة
كيف ما يبقى رئيس تحرير ؟
بالمناسبة
ود العتباني بيكتب في الراي العام مقال زي 14 ورقة A4
وكأن الناس فاضية ورايقه وبرضه
عشان خاطر ابوه (يرحمة الله ) كان صاحب الجريدة
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: Al Sunda)
|
Quote: لكن الاهم انه هذا النوع من الكتابه عندو جمهور ودا مفهوم فى جو الانحطاط العام
السؤال كيف نهزم هذه الطريقه فى الكتابه وهل هزيمتها بتكون فى اطار مشروع تنويرى كامل
ام انه ستأتى عقب اصلاح سياسي نحلم به جميعا ...
ارى انها احلام لا اريد ان اقول انها مؤجله لكن دعونا نقول انها بطيئه... |
بطيئة جدآ يا صديقي
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: أبو ساندرا)
|
تحياتي يا أخ خضر
بعيدا عن الكلاب والأسطورة
يا زول إنت خليت الشرقية وللا شنو ؟
يا زول تعال راجع الشرقية دي ما بتلقى زيها
__________________________________________________________________
Quote:
لكن الاهم انه هذا النوع من الكتابه عندو جمهور ودا مفهوم فى جو الانحطاط العام
السؤال كيف نهزم هذه الطريقه فى الكتابه وهل هزيمتها بتكون فى اطار مشروع تنويرى كامل |
بالضبط كدا الخلل في القراءة وليس في الكتابة وحدها
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: Mohamed E. Seliaman)
|
هذه القصيدة توضح وضع الكلاب الحقيقي
عندنا وعند الخواجات
للشاعر احمد مطر
السيدة والكلب
يا سيدتي . . هذا ظلم !
كلب يتمتع باللحم
وشعوب لا تجد العظم !
كلب يتحمـم بالشامبو
وشعوب تسبح في الدم !
كلب في حضنك يرتاح ..يمتص عصير التفاح
وينال القُبلة بالفم !
وشعوب مثل الأشباح ..
تقتات بقايا الأرواح
وتنام با ثناء النوم
!Who are they
قومي
.?Do not mention them
قومك هم أولى بالذم
وبحمل الذلة والضيم
هذا ظلم يا سيد تي
أين الظلم ؟؟
ومن المتلبس بالجرم ؟
! أنا دللت الكلب ولكن . . . هـــم
أعطوه مقاليد الحكم
______________________
سلامي للجميع
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: مجاهد عبدالله)
|
إنتهي زمن الدهشة وولي في زمان الانحطاط و الركاكة (مش زمان درسونا حاجة اسمها عصر الانحطاط و الركاكة)
بس الما فهم في حصة العربي في سنة سادسة بالمنهج القديم , الزمن القديم , و السودان القديم أيضا ... الما فهم حصة اللغة العربية تحت عنوان (الادب في عصر الانحطاط و الركاكة), يجي هنا سيدنا و سيد جبلنا دا حيفهموا بيان بالعمل
قلت لي بقي رئيس تحرير كيف؟!!!!!!!!!!!
والله انتو بتبالغوا؟
هو رئيس الوزراء زاتو منو؟
بلا اندهاش معاكم
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: مجاهد عبدالله)
|
مجاهد ياصاحبي
كيفنك وبركة الطلة والله
Quote: الزول ده قول ليه كلامك صاح عِلا ناقص الكلب عند الخواجات عند ضمان إجتماعي وكمان الخواجات ذاتم عندهم ديمقراطية ..
والعنده ديمقراطية انشاءالله يدخل كلبه الجامعة |
أقول ليهو ناقص كيف يا مجاهد
انت عايز الزول ده يعملها لينا حلقات ويقعد يبرمج بينا ويشبكنا (4الي واحد) وماتعرف شنو
غايتو ربنا يلزمنا الصبر
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: د.محمد بابكر)
|
| Quote: طبعا ياجماعه عادل ده زاتو اسطوره لكن الاهم انه النوع من الكتابه عندو جمهور ودا مفهوم فى جو الانحطاط العام السؤال كيف نهزم هذه الطريقه فى الكتابه وهل هزيمتها بتكون فى اطار مشروع تنويرى كامل ام انه ستأتى عقب اصلاح سياسي نحلم به جميعا ...ارى انها احلام لا اريد ان اقول انها مؤجله لكن دعونا نقول انها بطيئه... |
د- محمدبابكر
تحياتي
إتفق معك أن لهؤلاء الكتاب جمهور ولا أدل علي ذلك سوي استمراريتها وشبيهاتها من الصحف ، لكنني أتساءل عن دور هذه الصحف كآلة إعلامية ودور مجلس الصحافة والمطبوعات تجاه هذه الاصدارات التي في تقديري تقلل من شأن الصحف السودانية والتي اتسمت طوال تاريخها بالموضوعية وجودة الأقلام .
هل قارئ هذه الصحف وجد بديلاً لهذا الغُثاء ؟ وهل دور الصحف الارتماء في أحضان عدم الموضوعية والاسفاف أم الإرتقاء بالقارئ ؟ الحلم بالمشروع التنويري هو حلم مشروع لكنني إعتقد إننا علي الأقل يمكننا الضغط علي هؤلاء الكتاب حتي يخرجوا بكتاباتهم الي فضاءات أرحب تحترم فيما تحترم ذهنية القارئ .
مودتي واحترامي
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: abubakr salih)
|
عارف يا بكور
من أمس أنا متحير في اللغة المكتوبة دي
ياخ هل الصحف من همها الإرتقاء وتوعية الشارع العام
أم النزول الي مفردات لم يعد لها وجود حتي في الشارع
بمفهومه الواسع .
عادل سيد أحمد نموزج جيد في تقديري للصحافة (الهابطة)
التي لادور واضح لها والتي ليست لديها أي رسالة تحملها
والله يابكور يومياً ممكن أخسر خمسمية جنيه وأجي أنقل ما يجود
به هذا الشاب عبر صحيفته . عشان تآمن إنو مافي شئ أصلاً فضل
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: Osman Musa)
|
عثمان موسي العزيز
والله انها (نكبة روما والمتمة) علي قول الشاعر
قررت منذ الأمس متابعة مواضيع هذا الكاتب
بالفعل إبتدرت يومي بشراء صحيفة الأسطورة
الشهادة لله بتاع المكتبة عاين لي في عيوني شديد
ودار حوار بينناعلي شاكلة :
قلت لي جريده شنو ؟
الاسطورة ياعم أحمد
شنو؟
الاسطورراااا
حملت الصحيفة والتي زينت صفحتها الأولي سيدة أعمال
ومواضيع عجيبة ومريبة وما تعرف تقول معاها شنو
المهم فتشت الكاتب الذي أبحث عنه فوجدته يجلس
في الصفحة الأخيرة (نظام رئيس تحرير وكده)
والله العظيم ياعثمان موضوع الليلة كان عجيب
إذ وضع رئيس التحرير (قرابة الخمس أرقام)
طالباً الشباب للحديث عن قضاياهم أو نحو ذلك
قربت إتصل والله وأسألو سؤال البوست ده
غايتو ربك يصبرنا بس
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: خضر حسين خليل)
|
الحبيب خضر
من شابه اباه فما ظلم!
العام 2006 كنا متجهين صباح احد الايام الى مدينة الدمازين فى وفد لمؤسسة "سودانيز ساوند"
وقعت فى يدى صحيفة الوطن ومقال لرئيس تحريرها والد السيد عادل شخصيا
كان يتحدث عن ابنه واصفا اياه بانه"هذا الشبل من تلك اللبوة " والله على مااقول شهيد
فان كانت تلك هى لغةالوالد فلماذا نعتب على الابن ؟
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: Abd-Elrhman sorkati)
|
عبدالرحمن سوركتي
تحياتي
تعرف ما حصل اشتريت صحيفة الدار ، لكن بصادفني كتير في مشوار الحياة (اليوماتي)
قبل أيام قريت عن متابعة الدار للحيوانات الغريبة أو كما قالوا
المهم لقيت انو النوع ده من الصحافة ماشة في السوق بالخبطات المن شاكلة معزة تلد
مواطن وطماطماية تبتسم وغنماية تدر حليباً مجففاً وما الي ذلك من المبالغات .
ياخ الموضوع ده بالجد يحتاج لوقفة
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: خضر حسين خليل)
|
العزيز خضر
تغييب تام للعقل لمدة 21 عاما حتما هذه نتيجته التي يريدونها
الجهل سيد الموقف ،، ولكن صدقني قرائتهم للموقف خطأ سيرتد اليهم
Quote: معزة تلد
مواطن وطماطماية تبتسم وغنماية تدر حليباً مجففاً وما الي ذلك من المبالغات . |
وأسم الجلالة داخل بطيخة
ماذا تنتظر من أشخاص مثل : أحمد البلال وعادل خليفة ومن حاورهم أن يكونوا
حسبي الله ونعم الوكيل
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: سلمى الشيخ سلامة)
|
سلوم
ازيك ومشتاقين
لي تقرياً تلاتة ايام يا سلمي بمشي المكتبة الصباح وبشتري عدد واحد اسطورة ( ذي الأسطورة)
أملاً مني في متابعة ما يكتبه السيد عادل سيد أحمد طبعاً يومياً بتفاجأ بحاجة أغرب من الفاتت
الليلة متعت نفسي بالدهشة والسيد عادل يعد قراء الصحيفة بالكتابة عن المواقع الالكترونية
وغربة الكتاب . طبعاً (مس كولات) أخانا في الله حسين ملاسي بالنسبة لما يكتبه عادل سيد أحمد عبر
عموده تعتبر صفحات مفيده في عالم الكتابة . مع ملاحظة المتعة التي يتلقاها قارئ حسين ملاسي
وتعليقاته الساخرة وحالة الوجوم التي يقرأها قارئ السيد عادل سيد أحمد وعدم خروج الأخير سوي
بـ (أمتع نفسي بالدهشة) علي قول الموسيقار محمد وردي .
لكن بصراحة ياسلمي النوع ده من رؤساء التحرير يجب متابعة ما يخطونه وتقديم النصح لهم لأنهم بصراحة
شديده ببالغوا معانا كقراء وكمواطنين وبصراحة كدة نحنا ماناقصين والله .
تحياتي يا سلمي
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: سلمى الشيخ سلامة)
|
| Quote: الخواجية، حينما تيأس من الـ(BoyFrind).. فإنها تروض الكلب، حتي يكون القائم بأعمال (الصديق)..! |
المسألة ليست انحطاط وركاكة وحسب ، مضاف اليها جهل بابسط قواعد إملاء اللغة الانجليزية (BoyFrind) ولعله قصد
(Boyfriend ) خطأ مركب حذف حرف (e) ثم اعتبرها كلمة مركبة من جزئين (Boy+friend) ولكنه الصقهما. فهي ثلاثة
اخطاء في جملة واحدة وهذا بدوره يعكس مستوي اعمال التحرير في الصحيفة نفسها.
خرجت مظاهرة في أوائل التسعينات بالخرطوم أيام ذروة اشتداد حمي العداء لامريكا وتقدمت المظاهر لافتة كبيرة بيضاء
يحملها مجموعة من الشباب كتب عليها بالخط العريض (DAWN DAWN USA) ولعلهم قصدوا (DOWN) تلقفتها كبيريات الصحف
العالمية بالصور دون اي تعليق ، ولما لا و(DAWN) هو الفجر.
أذكر اني في أواخر الثمانيات وكنت وقتها ليس بقديم عهد باوربا والغربة في اصقاعها، شاهدت مظاهرة اقامتهامجموعة من
الشابات والشبان أمام احدي الشاحنات (لوري معد خصيصا للغرض) كانت الشاحنة محملة بالخراف الحية المنقولة من بلد
أوربي الي آخر. المدافعون عن حقوق الحيوان كانوا لا يردون للحيوانات الحية التنقل وهي حية لما تلاقيه من عذاب في الرحلات.
وفي خضم الهرج والمرج الذي ساد تلك المظاهرة مع محاولة الشرطة ابعاد هؤلاء الشباب من امام الشاحنة لتواصل سيرها،
انزلقت احدي الشابات وعمرها حوالي العشرين عاما، انزلقت تحت اطار الشاحنة ودحستها الشاحنة
وفارقت الحياة.
توجه احد الصحفيين بسؤال لصديقتها عن السبب الذي دعاهن للمخاطرة بحياتهن في سبيل حيوانات وحقوقها
بينمايوجد في هذا العالم ملايين البشر ممن ليست لديهم ابسط الحقوق. فردت الشابة وهي في نفس عمر رفيقتها، اننا بهذا
ننقل الانسانية الي مستوي ارفع. فالانسانية التي يستحيل معها اهدار حقوق الحيوان سوف لن تقبل بالتفريض في حقوق آدميها!
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: GAAFER ALI)
|
يا خضر
ما عارف انت بتقدر تقرا الكلام دا كيف ، قصدي زي الجرايد دي !
الجريدة دي أول ما سمعت بيها كانو بيوزعو في الصفحة بتاعتا في شكل ورق مصقول ،
كان في طيارة هلكوبتر لافة وترمي في الورق لجموع الشعب السوداني الفضل !
رغم ذلك ما حصل اشتريتا !
اها يا عمك - علي قول ود الصايم- فترة من الفترات قبل كم شهر كدا عمك محجوب شريف المت به وعكة ولزم فراش العافية بمستشفي تقي بامدرمان ،
مشينا انا وصاحبك وليد الضيف للسلام والاطمئنان ،
لقينا ليك الجماعة زعلانين من جريدة اسمها الاسطورة !
الجريدة كان خبرا الاساسي اليوم داك : اصابة الشاعر محجوب شريف بانفلونزا الخنازير !
- او كما صاغوا الخبر -
!!!!!!!!!!!!!!!!!!!!!!1
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: خضر حسين خليل)
|
والله يا خضر من ما قرات هذا المقال بطني طامه وما قادر اقول شنو غايتو والله من عرس بت سلمي وانا جعان وراقد بي جوعي دا
وكمان المقال دا غايتو نقّص ورزني في البرد دا
الله غالب
وانالله وانا اليه راجعون
الاسطوره لتنقيص الوزن.... شعار المرحله....
والله مشتاقين وتجياتي الاخ وليد
ياخ انتو جميلين ,,, نتحدث يا صيديق....
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: الوليد محمد الامين)
|
Quote: مشينا انا وصاحبك وليد الضيف للسلام والاطمئنان ،
لقينا ليك الجماعة زعلانين من جريدة اسمها الاسطورة !
الجريدة كان خبرا الاساسي اليوم داك : اصابة الشاعر محجوب شريف بانفلونزا الخنازير !
- او كما صاغوا الخبر - |
والله شر البلية ما يضحك يا صاحب
والعبقرية شنو مثلاً في إختيار عنوان صادم كهذا في وقت قد تتكشف فيه الحقائق بيسر وسهولة
يعني الناس ديل يا صاحب شغالين بسياسة رزق اليوم باليوم ولا شنو الحكاية ؟ مصداقية الصحيفة
وين من الكلام ده كلو .
أول أمس طبعاً السيد رئيس التحرير كان بدأ كلام عن المواقع الالكترونية وغربة (الكتاب) وانهم
يكتبون بعيداً عن الواقع وكلام دراب دراب ما فهمت منه شيئاً ثم ختم سطوره (السبع) بـ لنا عودة
بتفصيل أكثر لأتخمخم وأذهب للمكتبة صباح اليوم الثاني علني أخرج بمفيد كلام البارحة غير أنني وجدته يتحدث عن موضوع جديد جاء بعنوان (رسالتنا) فضحكت وأيقنت إنو الناس ديل قاعدين ساي أمفكو في سهلة الكتابة وإن الجريدة بكل حاجاتها وموظفيها وبتاعين الشاي لا رسالة لهم ولا يحزنون .
وغايتو ربك كريم
| |
|
|
|
|
|
|
|
|
|
Re: مقال إبن كلب ... أتساءل الزول ده بقي رئيس تحرير كيف ؟ (Re: GAAFER ALI)
|
عزيزي جعفر
تحياتي وأكيد إحترامي
إعتذر لك لتأخري في الرد حيث قمت بكتابة رد طويل آثر الغياب لخطأ لا أعلم مكمنه بالضبط
Quote: أذكر اني في أواخر الثمانيات وكنت وقتها ليس بقديم عهد باوربا والغربة في اصقاعها، شاهدت مظاهرة اقامتهامجموعة من
الشابات والشبان أمام احدي الشاحنات (لوري معد خصيصا للغرض) كانت الشاحنة محملة بالخراف الحية المنقولة من بلد
أوربي الي آخر. المدافعون عن حقوق الحيوان كانوا لا يردون للحيوانات الحية التنقل وهي حية لما تلاقيه من عذاب في الرحلات.
وفي خضم الهرج والمرج الذي ساد تلك المظاهرة مع محاولة الشرطة ابعاد هؤلاء الشباب من امام الشاحنة لتواصل سيرها،
انزلقت احدي الشابات وعمرها حوالي العشرين عاما، انزلقت تحت اطار الشاحنة ودحستها الشاحنة
وفارقت الحياة.
توجه احد الصحفيين بسؤال لصديقتها عن السبب الذي دعاهن للمخاطرة بحياتهن في سبيل حيوانات وحقوقها
بينمايوجد في هذا العالم ملايين البشر ممن ليست لديهم ابسط الحقوق. فردت الشابة وهي في نفس عمر رفيقتها، اننا بهذا
ننقل الانسانية الي مستوي ارفع. فالانسانية التي يستحيل معها اهدار حقوق الحيوان سوف لن تقبل بالتفريض في حقوق آدميها |
قرأت ما سطرته هنا مستصحباً معي جُملة ما أشاهده هنا من إنتهاكات صريحة ، ياخ ما أدهشني حقاً هو سلوك هذه الشابة وإيمانها القاطع بحق الآخر أياً كان بالحياة كقيمة يجب أن تعاش . أؤلئك قوم ذهبوا بعيداً وحلقوا عالياً في عوالم الإنسانية الخالصة لوجه الحياة لاغير وهم بالطبع توصلوا الي ما توصلوا اليه عبر نضالات جسام إستطاعوا من خلالها تغيير سلوكهم الجمعي والتي القت بظلالها في نظرتهم للحياة .
أشكرك علي مداخلتك الثرة عزيزي جعفر علي
| |
|
|
|
|
|
|
| |
خضر حسين خليل
عامر باضاوي
Osman Musa
talha alsayed
صديق عبد الجبار
فتحي الصديق
abubakr salih
د.محمد بابكر
أبو ساندرا
Mohamed E. Seliaman
ابراهيم قناوي
حافظ حسن ابراهيم
سلمى الشيخ سلامة
Abd-Elrhman sorkati
ibrahim kojan
omar altom
Adam Mousa
فيس بوك
تويتر
انستقرام
يوتيوب
بنتيريست