|
Re: هل تنجح نظرية التشتيت الترابية في حمل الرئيس البشير لجولة ثانية (Re: khaleel)
|
هلا بالاستراتيجي خليل.. ووراد جدا طبعا خروج البشير من النهائي.. ولكن ده لو حصل سناريو بتاع تحالف وارسلت القوي المعارضة مرشح واحد.. وعلي المعارضة ان تلعب بالتكتيك الاتي.. اكتساح كامل لاصوات 1- الجنوب- النيل الازرق- جبال النوبة 2-تفوق مافو النصف من اصوات دارفور - الشرق- كردفان... ومكابسة البشير في الخرطوم- والجزيرة وسنار..
لو حصل السنياريو ده سوف يلحق البشير بالفريق الجزائري وسنقول وداعا يا بشير والله يكافينا شرور اوكامبو
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: عبدالكريم الامين احمد)
|
Quote: اكتساح كامل لاصوات 1- الجنوب- النيل الازرق- جبال النوبة 2-تفوق مافو النصف من اصوات دارفور - الشرق- كردفان... ومكابسة البشير في الخرطوم- والجزيرة وسنار..
|
هل بالمهاتما كيكي
يقول دكتور نافع ان عضوية الموتمر الوطني خمسة مليون
والمسجلون 21 مليون والخمسة مليون كلهم صوتو للرئيس البشير
تبقي 16 مليون تتوزع بين المرشحين ا
يعني الرئيس لن يحزر النسبة الكافية والتي تمكنه من الفوز المطلق
وعليه ممكن ان تكون هناك جولة ثانية
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: khaleel)
|
Quote: يقول دكتور نافع ان عضوية الموتمر الوطني خمسة مليون
|
الخمسة مليوين القالها نافع دي زاااتها حصل فيها كجم.. فالخلافات دبت بين لوردات الاقاليم واساطين الموتمر في الولايات - خلاف في البحر الاحمر ومرشح مستقل ليه ضل طلع من صلب الموتمر الوطني -النيل الازرق ودراما كرمنو -ناس ابو كلابيش في كردفان برضو بفرتقو بجماعتهم - كبر بتاع دارفور ممارس تهميش وغاغات علي اساطين ومراكز الوطن في ولاياته يعني يا خليل (التسمية بتاع نافع 5 مليون دي) هي زااتها مربوطة مجهجهة وبشوية دفر كده ممكن براحة كده تتقلص الي ثلاثة مليون ونص او اربعة
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: khaleel)
|
Quote: وهناك من يقول لمن اعطي صوتي وكمان طريقة الانتخاب معقدة جدا
وليس علي طريقة (اشخت) الفانوس ول القطية |
فعلا دي كمان دايرة ليها مباصرة وجهد تنويري كبير للناخبين لانو الناس بسطاء ياخي فما ممكن تقول ليهم شختو لي زي كم شخيت كده والي ورئيس ومجلس شنو كده ماعارف...
وهناك سؤال هل ورقة انتخاب الرئيس فارزنها من باقي الورقة ولا كلو ليسسسسسسك ليسسسسسسك ...شختك ششششختك
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: khaleel)
|
Quote: القصة دي فيها نوع من الصعوبة |
القصة فيها صعوبة وفيها ملعوب ياخليل.. ... وكدي نرجع لموضوعنا علي قولة 0(عمر اومو).. كخبير استراتيجي بالله كدي امسك لينا ترشيحات كولاة الولايات واعمل لينا مقاربة وخلينا نشوف كل ولاية حتجيب منو وااالي..
واديني شبال كده عن موقف البشير في (شرق) السودان لانو حاصلة لي ضبابية كون الاحمر فيهو موتمر بجا والحزب الاتحادي عندو نفوذ قديمة وهييييك تعقيدات
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: khaleel)
|
Quote: الاول البشير
والثاني حاتم السر
والثالت الصادق المهدي
والرابع نقد
والخامس عرمان |
ااااااع ياخليل كده ما كويس وحتعمل هارت اتاك ساكت... بالله صلح القصة دي وقول لينا دي الجولة الاولي... وما شايف انت عصرت علي ياسر عرمان ده شوية,,,, وشايفك دافر زولكم حاتم السر الي الدرجة الثانية العليا ابو خليل بالله اتصلح معانا نحن ديل كيسار وسط وصلح لي وخت لي ياسر عرمان ده في ميس كويس
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: عبدالكريم الامين احمد)
|
Quote: وما شايف انت عصرت علي ياسر عرمان ده شوية,,,, وشايفك دافر زولكم حاتم السر الي الدرجة الثانية العليا ابو خليل بالله اتصلح معانا نحن ديل كيسار وسط وصلح لي وخت لي ياسر عرمان ده في ميس كويس |
بالعكس يا كيكي
نجح الكيزان في رسم صورة مشوهة لياسر عرمان وكانو يغنو له حتي في التلفاز
ياسر عرمان يا البشير
دا شيوعي جبان يا البشير
علمتو كمان وخان السودان
صعب ان يلعب عرمان مع الكبار
في خبرة نقد والسيد الصادق
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: khaleel)
|
Quote: ياسر عرمان يا البشير
دا شيوعي جبان يا البشير
علمتو كمان وخان السودان
|
دي هطرقات كيزانية ساكت يا ابو خليل والقصة دي لو فتشنا لوراء بنلقاها كاتبها ود الباوقة لوووووووول..ط .. ما تنسي يا خليل ياسر لاعب بقوي دفع الحركة الشعبية وعندها حوالي اربعة مليون ونيف في الجنوب... قول ناس لام اكول كجمو النيف ده فتبقي لياسر 4 مليون ثم هنالك اصوات في الشمال والنيل الازرق وكردفان.. دي ما ياها الخمسة الف بتاعة البشير ده زاااتو.. يازول ياسر عرمان wayeeeeeeeee
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: عبدالكريم الامين احمد)
|
القائد الاسفيرى الاعلى خليل ..
بخصوص ولاية الجزيرة حزب الامة استطاع ان يضع الحصان امام العربة ... وفى خطوة ذكية جدا تحسب له رشح المفتش خلف الله احمد الشريف ... وخلف الله احمد الشريف جاب الجزيرة (حواشة حواشه ) و(ترعة ترعه) ..يعرفه اهل المسلمية ووادى شعير وناس فطيس وام عضام وطابت وناس النديانة وكمبو حاج على وكمبو جبنات ... و افادت مصادر غير مؤكده تاييد الشيخ ازرق طيبه له فى قراءة ذكية من ابونا الشيخ للمرشحين من قبل الاحزاب الوطنية لم يبقى بعد ذلك الا ان تعلن الحركة الشعبية سحب مرشحها محمد يوسف احمد المصطفى وتعلن تاييد خلف الله الشريف ..حينها سنعلن لكم فوز القوى الوطنية بولاية الجزيرة قبل مواعيد الانتخابات ...
محمد عبدالرحمن مراسلكم من الجزيرة ...تفتيش 30 ودسلفاب ....
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: khaleel)
|
Quote: مافي طريقة لياسر مع ناس حزب الامة والاتحادي ونقد
الراجل سيحل خامسا صدقني |
والله يا خليل صعبتها خالص خالص.. الكترابة الجنا التقول حبوبتو ترااجي لووووووول... ياسر عرمان ده لجنتو لينا رسمي وشعبي... يازول لو الثلاثة الفوووق ديل فازوا برضو الامر بكون مية مية بس ختينا عليك الله صاحبنا بتاع اوكمابو بتاع حوش بانقا داااااك..
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: khaleel)
|
Quote: بس كيف تنحج الاحزاب في حمل البشير للركلات الترجيحية |
يا زول الخطة والتكتيك مادام عاملو شيخ حسن.. احنا راقدين قفا.. الترابي ده احسن زول في العالم بزبط تكتيك ما تقول لي حسن شحاتة ولا اي زول تاني.. القصة دي ح تتخجا كده في الدورة الاولي.. وخلي البشير دي يجينا مقنطر .. وبعد داك الكبع الانتخابي باذن الله سيكون ركب
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: khaleel)
|
Quote: كمان ما تبالغ عائز الموتمر الوطني يفرط في ولاية الخرطوم
معقولة بس |
الخرطوم دي يا ابو خليل لو القوي المعارضة لعبت في اطرافها براااحة حتطلع من حسابات الموتمر الوطني...وشوية كجمة كده من امدرمان القديمة وفعل لي شغل في بحري ومتبقي حلال الخرطوم كالديم والجريف وغيره... تاني موتمر وطنو وينوووووووو..؟؟ يا زول الموتمر الوطني دفاعو تعبان وعندو كرت بتاع دين لو اتسحب منو تاني نافع ده يشرب موية وما يروي
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: khaleel)
|
Quote: لماذا لم يرشح الموتمر الوطني شخصا لمنصب رئيس حكومة الجنوب |
الموتمر الوطني يا خلي عارف روحو في الجنوب ماعندو تعريفة فعشان كده قرر انو يحترم نفسو ومايرشح زول.. رغم انو ناس لام اكول وبعض الجنوبين جناح الموتمر الوطني كانو فاتحين خشمهم وراجين ليهم رضعة رضعتين كده من شطر الموتمر الوطني كمرشحين في الجنوب.. والموتمر الوطني ايضا عاملة القصة دردقة للحركة الشعبية (نظام شنو يا جماعة ما تدونا كاس معاكم في مهمشين الشمال ديل واعملو ايضا انسحاب تكتيكي لمرشحكم في الشمال)..
| |
|
|
|
|
|
|
Re: هل تنجح نظرية التشتيت الترابية في حمل الرئيس البشير لجولة ثانية (Re: khaleel)
|
Quote: سوال اخر
فاز والي وهو غير موتمر وطني
والبرلمان الاغلبية للموتمر الوطني
كيف يحكم هذا الوالي |
هنا يا ابو خليل انت سالتني سؤال... والناس لازم ترجع وتشوف العلاقة الدستورية البتنظم الموسسة البرلمانية والموسسة التنفيذية.. ومفروض يكون اوراق وقوانين مكربة ومظبطة كل القصة دي لانو اي (كراك) فيها ممكن يجيب البلد الدلجة.. مع الفوضي وعدم الاهتمام بالقوانين في ديمقراطية القطر قام دي اعتقد جازما بان الامور لو مشت بالسنياريو القلتو ده الامور حتجوط حتجوط قطع شك
| |
|
|
|
|
|
|
|