|
|
|
 Re: يا كتاب سودانيز أون لاين (فلنفعل) وليست (فالنفعل) ... !! (Re: صديق عبد الجبار)
|
Quote: يديك العافي أخي إسماعيل عباس ...
|
طبعاً هنا في خطأ مطبعي ، مفروض تكون يديك العافية ... مش (العافي) ..
لكن من محاسن الصدف أنا راجل شايقي .. وعندنا في الشايقية أنحنا أحياناً بنشيل التاء المربوطة .. وقاعدين نكسر أواخر الكلمات كسير جد ...!!!
يديك العافي .!
أنا مندلي كريمي ..!
شايل الجنيني ..!! يعني مسافر الجنينة ..!
وهكذا دواليك وهلما جرييييي !!!
| |
 
|
|
|
|
|
|
|
|
Re: يا كتاب سودانيز أون لاين (فلنفعل) وليست (فالنفعل) ... !! (Re: الشفيع وراق عبد الرحمن)
|
Quote: بالحيل يا أخوي ( بس ما تقول لي بالحيل تكتب بلحيل)
بس من شوايقة امبدة |
حلوة دي يا الشفيع .. !
يقال أن (بالحيل) هي في الأصل : (بهذا الحال) .. والعرب كانوا يميلون الألف ويقلبونها إلى ياء .. وأهلنا الشايقية شالوا (هذا) ضمة الله ولحقوها أبوي ...!!! فأصبحت بالحيل ! والله أعلم !!!
نحنا بالمناسبة من ترابلة مروي غرب ... الوالدة من دويم ودحاج - الرجيلة .. من ناحية الأم وهي بخيتة بنت إدريس بن فضل الله الكدنقابية وهم في الأصل دهمشية .. ومن البركل ساقية النفيساب من ناحية الأب .. والنفيساب يدعون بذلك على أمهم وهي والدة جدي يوسف ود نفيسة ووالده حسين بن صالح الهواري .. أما والدنا فمن أهالي أبودوم .. وهم حوشاب ..
جدتي لأمي رحمها الله بنت إدريس الكدنفابية كانت تقرض الشعلر .. وكانت من جكماء أو حكيمات زمانها ، من الأبيات التي كانت تستشهد بها عندما تأتي مناسبة الحنية أو المحنة :
كـضــــــاب من يدور محنة الجافي ....!! (كضاب = كذاب)
والهدم إن قدم ... ما بينفعوا الرافي ... !! ( الهدم بكسر الهاء والدال وتسكين الميم)
* والهدم بكسر الهاء هو الثوب ..أما الرافي .. فهو إسم الفاعل من رفى ..يرفي .. فهو رافياً .. أي من يرتق الثوب الممزق ..!!
.... والله أنا الليلة قمت بيك قومة ! ..الله يستر !
| |
|
|
|
|
|
|
| |
صديق عبد الجبار
أبو عبيدة البصاص
الطيب رحمه قريمان
ismeil abbas
AMNA MUKHTAR
الشفيع وراق عبد الرحمن
لؤى
فيس بوك
تويتر
انستقرام
يوتيوب
بنتيريست