|
|
 قصيدة جديدة..
|
أسال امام العاشفين عن وصلك
قبال اصلك,,
عن ميعاد لحظة مجيك
او,,
انتظارك للحظة ديك
او,,
لحظة تمني,,
لو كنت ذاكرتك أكتر
*************
انتصار لحظة تلاقينا
و الامل يرسم بشارة فرح لينا
و الهم المزروع منذ الازل
من خوف بكرة,, وجمال لقيا
او,,,
لحظة تمني,,
او,, و لو,,
لو ذاكرتك اكتر,,
ما كان يمكن احبك اكتر..
**********
اصلو الكلام,,
الكان و كان
كان عندك وقف,,
يا مدهشة
********
كل الظنون الحلوة,,
الارق,,
الاحتمال,,
باكر تصبح خبر لكان
و الكان جواي من زمان,,
اوهام,,
او خيال شاعر,,
ليك الطريق ضل
*********
وسط الزحام,, شعرت بيك
ضي حسنك وصل
بي سخونة العاطفة,,
الضل زاد في طوله ضل,,,
و ابتسم..
الطيور الرايحة نادت,,
تشاهد لهفة عاشقين
في لحظة احتمال..
السكون حصل
**********
من جديد العمر ابتدا,,
بيك و معاك
سمع خطاك و الطريق
كان لازم اجيك
بي عشقي,, و هيامك
روعة حبي,, و خصالك
بي وجودك,,كان لام اصل
*************
و وصلت بيك يا هوي..
لى بحرالندي..
الشايل من اسمك حروفه
ومن عمقه و اتساعه..
عاطفة من نظرة فى عيونك
************
قول...
اصلو المد..
المن قبيل رامي ليك..
شايل شقي الايام ..
الكايسة ليك..
تشهد له الصباحات و الليل
ما ضل.. لكن..
وحاة الغربة الما بتعرف شجن
لحظة وجودك..
ساعة وصولك..
من قبيل شايفه..
شايفة من قبال تصل
*********
شايف اللهفة الفي عيونك
ما كان داخوف..
كانت امل
والامل رحيق دنيانا..
البيه واصلنا..
وبيه قاسينا..
و لازم نصل
*********
ما كان دا العشم
المحبة الدايشة في سكة سفر
وما عارفة متين وصولها..
او لحظة ميلاد حصولها..
غير انه .. دا الحصل
واشنطون
محمد خالد حسين
|
|
 
|
|
|
|
mohamed hussein
فيس بوك
تويتر
انستقرام
يوتيوب
بنتيريست