|
|
 إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) !
|
جربت يكون أبوك ( ولدك) وتكون إنت أبوه ؟!!
جربت لمن يكبر في السن أو لمن يهدو ( المرض) وتلاقي روحك بتأكلو في خشمو ؟!
جربت إنك تشربو كوباية الحليب الدافئة في الصباح مع اللقيمات !
جربت تلبسو هدومه ؟!
تحميهو وتوضيهو للصلاة ؟!
تسرح ليهو شعرو وتحلق ليهو دقنو ؟!
تفليهو وتلوليهو لمن ينوم ؟!
موش ياهو ده نفس الكان بيعملو ليك أبوك زماااان لمن كنت ( بيبي) وكنت ولدو أو كنتي بتو الصغيرة المحبوبة ؟!
رغم ضرورة الغربة البتجبرنا نخلي والدينا ونبعد كنت دائما بردد لروحي :
مافي أهم من تكون جنب أبوك في عافيتو ومرضو على وجه الخصوص !
لو ماشلت أبوك في مرضو تشيلو متين ؟
السؤال ده كان دوماً بيلح علي وأنا بعيدة عن الوالد وهو مريض !
رسالة للوالد الحبيب وهو على فراش المرض منذ سنوات :
أبوي ياوالدي العزيز : ربنا يقدرني على جزاك ياأجمل رجال العالم أجمعين ,,
ربنا يديك العافية ويشفيك من تكرر ( الجلطات) والنزيف في خلايا مخك المرهق !
أبوي ياوالدي و( ولدي ) الغالي ربنا مايوريني فيك مكروه ويجعل يومي قبل يومك قادر ياكريم !
أبوي يا( ولدي) الحنون .. خليك عارف .. أنا بحبك شدددديد وبدعو ليك بتمام الصحة وكمال العافية ليل ونهار !
و
أبوي إن شاء الله لي تسلم !
|
|
  
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: وجن)
|
اختي نادية
عثمان مختار ... ليس والدك فقط ... هو والد الجميع
في ذاك الزمن الطيب
كان الوالد هو والد الجميع
والأم هي أم الجميع
والأخ هو أخ الجميع
والأخت هي أخت الجميع
في كل اجازة اول طلب من الوالد طه لي هو :
يا ابني امشي سلم علي عمك عثمان مختار
وفعلا نذهب سويا له
كنت اندهش وهما يتحدثان ويتجاذبا أطراف الحديث
يتحدثان في كل شئ
موسوعتان
نسال الله لهما الصحة والعافية
ولا نطلب الا رضاهما
ورضا الوالدين من رضا الرب
دمتي اختي العزيزة
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: حسن طه محمد)
|
الأخت العزيزة / ناديه عثمان مختار
السلام عليكم ورحمة الله وبركاته واسعد الله اوقاتك بكل خير
الاخت نادية كما قال اخي ورفيق دربي الاساذ / حسن طه ( ودالبوب ) الوالد
عثمان مختار ليس والدك فقط بل هو والد الجميع ومن ابناء الشعبية
لا يعرف ( عثمان مختار ) ؟ متعه الله بالصحة والعافية باذن الله الوالد علم على رأسه
نار من اعلام الشعبية فى ذلك الزمن الجميل
اختي نادية منذ زمن وانا متابع لك مداخلاتك على المنبر العام وفى كل مكان وبالاخص
عند مرض الوالد العزيز عثمان وعند حضورك لرياض الخير لم اكن محظوظا وقد علمت من
الاخ صديق الموج ومن مداخلاته وهو اخ عزيز من اعلام الرياض وانا ايضا مقيم بالرياض
ومن محاسن الصدف ان وجدت هاتفك وانت بقاهرة المعز ولو تذكرين اتصلت بكم وعرفتك
بانني من ابناء الشعبية اى من المزاد الفاتح على الشعبية جار للدكتور اخصائي امراض
القلب ( ياسر حنفى ) وقد لقبني ابناء الشعبية بالبوست ( بالدايناصور) اي من قدماء
الشعبية وبالفعل انا من قدماء الشعبية حيث ترعرعت بها ولنا فيها ذكريات
وكنت معجب جدا بمداخلاتك وقد قلت لزوجتي وهي من المزاد بان هذه البنت من بنات الشعبية
ومن اعلامها وهي متفوقة اعلاميا وصحفيا ونعتز بها وكنت فى شوق لمقابلتكم ولكن عند حضورك
للرياض لم اكن من المحظوظين حيث تعاقبنا حيث كنت بالقاهرة مع ابنتي ولم احضر
الاحتفالات بمقدمكم والحمد لله وبعد طول انتظار منحت بتصريح الدخول لهذا المنبر
بمكرمة من الاخ العزيز الباشمهندس بكري متعه الله بالصحة والعافية
واخيرا اختي اتمني من الله العلي القدير ان يمن الله سبحانه وتعالى بالصحة والعافية
لوالدنا العزيز العم ( عثمان مختار ) وان تسمعين عنه كل خير
ودمتي اختي العزيزة نادية ولنا لقاء باذن الله تعالى
اخوك ابدا / فيصل عبد الله محمود / الرياض
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: فيصل عبد الله محمود)
|
فيصل أخوي
حبابك وعليكم السلام ورحمة الله تعالى وبركاته
Quote: الاخت نادية كما قال اخي ورفيق دربي الاساذ / حسن طه ( ودالبوب ) الوالد
عثمان مختار ليس والدك فقط بل هو والد الجميع ومن ابناء الشعبية
لا يعرف ( عثمان مختار ) ؟ متعه الله بالصحة والعافية باذن الله الوالد علم على رأسه
نار من اعلام الشعبية فى ذلك الزمن الجميل
اختي نادية منذ زمن وانا متابع لك مداخلاتك على المنبر العام وفى كل مكان وبالاخص
عند مرض الوالد العزيز عثمان وعند حضورك لرياض الخير لم اكن محظوظا وقد علمت من
الاخ صديق الموج ومن مداخلاته وهو اخ عزيز من اعلام الرياض وانا ايضا مقيم بالرياض
ومن محاسن الصدف ان وجدت هاتفك وانت بقاهرة المعز ولو تذكرين اتصلت بكم وعرفتك
بانني من ابناء الشعبية اى من المزاد الفاتح على الشعبية جار للدكتور اخصائي امراض
القلب ( ياسر حنفى ) وقد لقبني ابناء الشعبية بالبوست ( بالدايناصور) اي من قدماء
الشعبية وبالفعل انا من قدماء الشعبية حيث ترعرعت بها ولنا فيها ذكريات
وكنت معجب جدا بمداخلاتك وقد قلت لزوجتي وهي من المزاد بان هذه البنت من بنات الشعبية
ومن اعلامها وهي متفوقة اعلاميا وصحفيا ونعتز بها وكنت فى شوق لمقابلتكم ولكن عند حضورك
للرياض لم اكن من المحظوظين حيث تعاقبنا حيث كنت بالقاهرة مع ابنتي ولم احضر
الاحتفالات بمقدمكم والحمد لله وبعد طول انتظار منحت بتصريح الدخول لهذا المنبر
بمكرمة من الاخ العزيز الباشمهندس بكري متعه الله بالصحة والعافية
واخيرا اختي اتمني من الله العلي القدير ان يمن الله سبحانه وتعالى بالصحة والعافية
لوالدنا العزيز العم ( عثمان مختار ) وان تسمعين عنه كل خير
ودمتي اختي العزيزة نادية ولنا لقاء باذن الله تعالى
اخوك ابدا / فيصل عبد الله محمود / الرياض
|
شلت مداخلتك وديتها شمال ويمين عشان أرد على جزء منها مالقيت غير أشيلها كلهاااا كدا
بكل رقتها وصدقها وحنيتها يافيصل أخوي , قريتها تلاتة مرات وبكيت من صدقها وحنيتها
شكرا جميلا ليك وللفضاء الاسفيري اللمانا ولبكري أبو بكر الجعل لقاء الأخوان ممكن بعد طول فراق !
سعيدة بيك أخوي وكنت راح أكون أسعد لو لاقيتك في السعودية !
لكن الجايات أكتر ويارب نتلما في شعبيتنا دي أنا وأنت والمستشار حسن طه وصلاح أخوي وفيصل وهم في الدوحة مع حسن ود عمي طه
ربنا يلمنا في ساعة خير يارب
وأرق تحياتي لحرمك المصون وقول ليها بنتلاقى باذن الله كان الله حيانا والموت خلانا !
وكن بألف خير
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: حسن طه محمد)
|
حسن طه ياأخوي المستشار الذي أباهي به عين الشمس
عارف ؟
والأجمل كمان يكون عندك أبوين ( طه وعثمان) !
وأنا (أبواتي ) طه وعثمان ربنا يخليهم لي يارب ,,
Quote: عثمان مختار ... ليس والدك فقط ... هو والد الجميع
في ذاك الزمن الطيب
كان الوالد هو والد الجميع
والأم هي أم الجميع
والأخ هو أخ الجميع
والأخت هي أخت الجميع
في كل اجازة اول طلب من الوالد طه لي هو :
يا ابني امشي سلم علي عمك عثمان مختار
وفعلا نذهب سويا له
كنت اندهش وهما يتحدثان ويتجاذبا أطراف الحديث
يتحدثان في كل شئ
موسوعتان
نسال الله لهما الصحة والعافية
ولا نطلب الا رضاهما
ورضا الوالدين من رضا الرب |
أبوي طه هو الشقيق والصديق المحبب لأبوي عثمان والبينهم دم وعشرة عمر وحياة كااااملة !
تسلم على الكلام الحنين يا أخوي الحنون وربنا مايفرقنا من بعض ويدي والدينا الصحة والعافية
ويخلي لينا أمي ( نفيسة الدول) وكل حبايبنا ومانشوف فيهم شر يااااارب ,,
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: وجن)
|
وجن الحبيبة ياصاحبة الإسم الجميل
حبابك
| Quote: الله ياشمعة ربنا يخليكم لبعض ويرضَّي عنك أبوك كمان وكمان |
ياسلام عليك ياغالية ده دعاء سمح بالحليل وربنا يرضي عنك والديك يارب
Quote: وربنا يقدرنا على بر أبواتنا
تسلمي وتسلم البطن الجابتك ياحبيبة
أنا برضو بحب أبوي شديدومن هنا ببعث ليه حبي و
شوقي وأسفي لو قصرت في حقه
ربنا يمد في اعمارم ويدينا واياهم حسن الخاتمه |
ربنا يحفظ أبوك ياحبيبة ومعاك ببعث ليهو بأسمى آيات الحب والتقدير
وربنا يديهو الصحة والعافية ومايشوف شر يارب ,,
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: النذير حجازي)
|
النذير حجازي أيها الصديق العزيز
حباب طلتك الغالية
Quote: عزيزتنا الصحافية والإعلامية المتميزة نادية عثمان
تحياتي لك ولوالدك ووالد والدك وكل من له فضل عليك
وأمنياتنا لوالدك بتمام الصحة والعافية
شوفي مقطع الفيديو الجميل دا عن بر الوالدين |
والله يا النذير المقطع ده موبالغة عديل !!
والله كل ما أشوفه دموعي تجري شووووو!
ياخ مافي أعظم من بر لوالدين في الدنيا والله وربنا يدينا رضاهم دنيا وآخرة ياكريم ,,
كن بخير يا النذير ولا تنقطع عن بيوتاتي فوجودك مفرح ومطمئن سمح؟
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: عفاف الصادق بابكر)
|
يالله يا ناديه والله العظيم ده نفس الكنت بعملوا مع ابوي الله رحمه ويغفر له .انا الوحيده الكنت بكون معاهو لانو اخواتي الاتنين الاصغر مني كانوا في الخرطوم للجامعه ومافي اي زول غيرنا انا وامي الله يطول في عمرها .والله يا ناديه لما كنت اشيل ابوي واحميهوه امي كانت بيقول لي انا مش قلت ليك ناديني عشان اشيلو معاك. كنت بحلق ليهو شعرو ودقنو وباكلو وبشربو ملح الترويه وكنت بمسح ليهوه رجليهوه يالله
ناديه . الله يدي ابوك العافيه ويطول في عمرو يا رب
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: احلام وهبي)
|
إنشاء الله يا ناديه ربنا يقبل دعاك
و يخلي ليك ابوك و ما يحرمكم من بعض
و يقدرك علي رد حاجه بسيطه من جمايلو عليك
مهما عملنا ما بنوفيهم حقهم علينا
اوصيك مهما تعبتي , لازم لازم تبتسمي في و شو
و إصلاً ما تظهري ليهو تعبك و قلقك
و ربنا يقدرك
و ربنا يرحم والدي و يدخلو جنات عرضها السماوات و الارض
زمان حبوبتي بتقول في الجنا ليك جنا
صدقيني دا كلام صحيح , بعني إنو لما يحتاجوا لينا في
مرضم بظهر الجنا المحظوظ دا
و الربنا راضي عنو
و البرتاحو ليهوا اكتر
و قالوا الولد و ربا إرتاح
و علي قول الوالد ربنا يرحمو
الما ولد بت ما ولد
و إنت اهو خير مثال
Noon
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: noon)
|
نون
ياصاحبة الإسم الجميل والقلب الأجمل
حبابك
Quote: اوصيك مهما تعبتي , لازم لازم تبتسمي في و شو
و إصلاً ما تظهري ليهو تعبك و قلقك
و ربنا يقدرك |
أبوي عمرو ماكشر في وش والديه وكان بار بيهم
وحججهم لحدي ماماتوا ودفنهم وهم عافين منو وراضين عليه والحمد لله
ويقال كما تُدين تدان عشان كدا الغملوا أبوي مع والديه بعملوه معاه وليداته والحمد لله يانون !
Quote: و ربنا يرحم والدي و يدخلو جنات عرضها السماوات و الارض
زمان حبوبتي بتقول في الجنا ليك جنا
صدقيني دا كلام صحيح , بعني إنو لما يحتاجوا لينا في
مرضم بظهر الجنا المحظوظ دا
و الربنا راضي عنو
و البرتاحو ليهوا اكتر
و قالوا الولد و ربا إرتاح
و علي قول الوالد ربنا يرحمو
الما ولد بت ما ولد
و إنت اهو خير مثال |
ياسلام ياحبيبة
الله يرحم والدك ويجعل الجنة مثواه باذن الله
ووالله الحمد لله أبوي راضي عن عيالو أولاد وبنات وكلهم بحاولوا يكونوا أبدا مامقصرين فيهو !
والله كلامك سمح ومريح وبيظهر صفاء روحك الطيبة وقلبك الحنون ياغالية وربنا يديك على قدر سماحة روحك دي يارب ,,
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: احلام وهبي)
|
الحبيبة العزيزة آحلام وهبي
نورتي البوست وشرفتيني بجمال حضورك الطاغي
حبابك ملايين
Quote: يالله يا ناديه والله العظيم ده نفس الكنت بعملوا مع ابوي الله رحمه ويغفر له .انا الوحيده الكنت بكون معاهو لانو اخواتي الاتنين الاصغر مني كانوا في الخرطوم للجامعه ومافي اي زول غيرنا انا وامي الله يطول في عمرها .والله يا ناديه لما كنت اشيل ابوي واحميهوه امي كانت بيقول لي انا مش قلت ليك ناديني عشان اشيلو معاك. كنت بحلق ليهو شعرو ودقنو وباكلو وبشربو ملح الترويه وكنت بمسح ليهوه رجليهوه يالله
ناديه . الله يدي ابوك العافيه ويطول في عمرو يا رب |
تسلمي يا الرقيقة الحنينة
وكلامك بكاني عديل من صدقو ودفقة المحنة الفيهو والله !
ووالله والدينا لو قعدنا تحت رجولهم طول عمرنا نخدم فيهم مابنوفيهم حقهم
وبختك أخدتي رضاء الوالد وده ياهو خير الدنيا والآخرة باذن الله وربنا يتقبله ويجعل الجنة مثواه يارب,,
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: نادية عثمان)
|
الاخت العزيزة نادية عثمان
ربنا يدي ابوك الصحة والعافية
ويديك اجر بر الوالدين
رغم انو انا عندي راي اخر في هذا البوست فارجوا سعة الصدر
راي انو هذا البوست بوست غير موفق , لاننا جميعا ابناء لاباء او امهات كبار في السن
فوضعت نفسي في مكانك, فوجدت نفسي لن تستطيع ان تقول مثل هذا الكلام, ولن استطيع
ان اظهر ضعف ابي على الملا وان فعلت وخدمت امي او ابي فهذا واجب على وهذا ما امرنا
به ديننا الحنيف, وهذا رد دين علينا لانهما تعبا في تربيتنا, فاذا علم ابي او امي
بانني اظهرت ضعفهما في صفحات النت فـأن ذلك سوف ياذي مشاعرهما كثيرا, كيف ذلك وانت تقولين بانك
تقومين بغسلة وكل شيئ له فاين ابناه الرجال من ذلك, ايضا ذلك يؤذي اخوتك الرجال.
اختي نادية لم اقل ذلك تقليلا من عملك ولكن اقل لك حبيبتي هذا لان هذا ما شعرت به تجاه نفسي,
واردت ان تنالي الاجر دون ان تذكري ذلك لان ذكر الامر يفسد العمل.
مع امنياتي لوالدك بالصحة والعافية
لك مودتي
هاجر .
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: هاجر التهامي ياسين)
|
Dear Hajer,
I found your reply to Nadia is very strange and interesting at the same time. I advise you to re-read the entire post so you understand the core point of it and to get exactly what Nadia means. It’s just sharing her feeling and we really appreciate that. By the way, being sick is not something to be ashamed of or to not share. Even Islam asked us to visit people who are sick and asks God to recover them soon. I really don’t understand your point, so please patiently explain to me, especially the part of the sons are the one who should take care of the father, in terms of washing, shaving ....…!!!!!!!!!
OKAY!
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: noon)
|
Quote: جربت يكون أبوك ( ولدك) وتكون إنت أبوه ؟!!
جربت لمن يكبر في السن أو لمن يهدو ( المرض) وتلاقي روحك بتأكلو في خشمو ؟!
جربت إنك تشربو كوباية الحليب الدافئة في الصباح مع اللقيمات !
جربت تلبسو هدومه ؟!
تحميهو وتوضيهو للصلاة ؟!
تسرح ليهو شعرو وتحلق ليهو دقنو ؟!
تفليهو وتلوليهو لمن ينوم ؟!
موش ياهو ده نفس الكان بيعملو ليك أبوك زماااان لمن كنت ( بيبي) وكنت ولدو أو كنتي بتو الصغيرة المحبوبة ؟!
رغم ضرورة الغربة البتجبرنا نخلي والدينا ونبعد كنت دائما بردد لروحي :
مافي أهم من تكون جنب أبوك في عافيتو ومرضو على وجه الخصوص !
لو ماشلت أبوك في مرضو تشيلو متين ؟
السؤال ده كان دوماً بيلح علي وأنا بعيدة عن الوالد وهو مريض !
رسالة للوالد الحبيب وهو على فراش المرض منذ سنوات :
أبوي ياوالدي العزيز : ربنا يقدرني على جزاك ياأجمل رجال العالم أجمعين ,,
ربنا يديك العافية ويشفيك من تكرر ( الجلطات) والنزيف في خلايا مخك المرهق !
أبوي ياوالدي و( ولدي ) الغالي ربنا مايوريني فيك مكروه ويجعل يومي قبل يومك قادر ياكريم !
أبوي يا( ولدي) الحنون .. خليك عارف .. أنا بحبك شدددديد وبدعو ليك بتمام الصحة وكمال العافية ليل ونهار !
و
أبوي إن شاء الله لي تسلم ! |
ويسلمك إنت ليهو يا أستاذه ندى
دون أن أشعر وجدتيني أقرأ حديثك لأكثر من مرة ... غنه إحساس ندى الانسانة التي تأصل حبها في أعماق الجميع ... نعمة من الله أن يحدث هذا التحول فيصبح الإبن أبا للأب وتصبح الابنة أما له ...إحساس عظيم بروعة شيء ضئيل من رد الجميل ... لحظات رائعة تلك التي يحنو فيها الابن على أكثر من يحس معه بالأمن والأمان ... لقد أفنوا أعمارهم في تربيتنا ومهما فعلنا لن نتمكن من رد ولو جزء من جزء في المليار مما قدموا ... أطال الله في عمر والدك ويكفيه فخرا أنه أنجب إنسانا ببرك وسماحتك وطيبة قلبك ... يكفيه فخرا فخرك بإحساسك وأنت تخدمينه ... أحببته من قبل وأنا أسمع عنه وأحببته أكثر وأنا أقرأ هذه السطور التي أثبتت لي ما اعتقدته قبلا بأنه خير مربي ... لا أراك الله مكروها يا أستاذه نادية ووفقك وجعلك مثالا لنا جميعا ووهبه الصحة والعافية والسعادة مع إبنته الرؤوم البارة نادية التي استحقت بكل فخر وجدارة أن تحمل إسمه وليسمح لي القراء بتصنيف هذا البوست بأنه أفضل البوستات مضمونا منذ بداية العام لجرعة الانسانية الطاغية التي ملات أركانه وأحاسيسنا واسمحي لي أن أنحني شرفا وتشرفا بك يا أستاذه
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: عبدالدين سلامه)
|
| Quote: وليسمح لي القراء بتصنيف هذا البوست بأنه أفضل البوستات مضمونا منذ بداية العام لجرعة الانسانية الطاغية التي ملات أركانه وأحاسيسنا واسمحي لي أن أنحني شرفا وتشرفا بك يا أستاذه |
I strongly agree.
ناديه
انا ببكي من ما قريت بوستك دا
زكرني بي ود اختي , جا يوم لقانا انا و امو بنكي بعد
ما الوالد مات, قال لينا مالكم بتبكوا إتزكرتوا جدو
و هوا ما بعرف عربي كتير , قام طبطب علينا و قال لينا
God Bless him, he is in a better place
من غير ما نشعر انا و اختي ضحكنا , قالت معا ناس بلس يو ديل
اخير نمشي نعمل لينا عمل لي اخرتنا, ما عشمانين في دعا منهم
ناديه الله يخليك لي ابوك و يخلي ليك يا رب
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: noon)
|
نون الحبيبة
حبابك ملايين
Quote: ناديه
انا ببكي من ما قريت بوستك دا
زكرني بي ود اختي , جا يوم لقانا انا و امو بنكي بعد
ما الوالد مات, قال لينا مالكم بتبكوا إتزكرتوا جدو
و هوا ما بعرف عربي كتير , قام طبطب علينا و قال لينا
God Bless him, he is in a better place
من غير ما نشعر انا و اختي ضحكنا , قالت معا ناس بلس يو ديل
اخير نمشي نعمل لينا عمل لي اخرتنا, ما عشمانين في دعا منهم
ناديه الله يخليك لي ابوك و يخلي ليك يا رب
|
والله بكاني كلامك وضحكني في نفس الوقت !
ياحبيبة عملوا ود أختك حديث ( ولد صالح يدعو له) لأنو دي مهمة شديد !
هسي أنا طوالي بقولها لإيمان بتي عشان تدعو بالخير لوالدها المرحوم الله يرحمه !
كلام عمل لآخرتكم براهو من غير ولد صالح يدعو لكم دي براها مابتخارج سمح ؟ ( وش ضاحك وباكي )
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: عبدالدين سلامه)
|
الاخت / هاجر التهامى ... تحياتى
واستاذان الاخت نادية عثمان لرد على مداخلات الاخت هاجر
اولاً :- ياخت هاجر انتى تمعنتى فى رسالة الاخت نادية وحساتى بامشاعر الكلامات ومضمونها
الاخت نادية فى رسالة ما اظهرت اى ضعف على والدها بل هى زكرة مرضها واى انسان بمرض وفى
لحظات المرض بكون محتاج الى اى شخص يقف بجنبوا حتى يشعر بالطمنئن فما بال ان يكون المريض
احد الوالدين ....
ثانينا :- اقراى هذا الكلام مرة ثانية ...
Quote: رغم ضرورة الغربة البتجبرنا نخلي والدينا ونبعد كنت دائما بردد لروحي :
مافي أهم من تكون جنب أبوك في عافيتو ومرضو على وجه الخصوص !
لو ماشلت أبوك في مرضو تشيلو متين ؟ السؤال ده كان دوماً بيلح علي وأنا بعيدة عن الوالد وهو مريض !
رسالة للوالد الحبيب وهو على فراش المرض منذ سنوات :أبوي ياوالدي العزيز : ربنا يقدرني على جزاك ياأجمل رجال العالم أجمعين ,,
ربنا يديك العافية ويشفيك من تكرر ( الجلطات) والنزيف في خلايا مخك المرهق !
أبوي ياوالدي و( ولدي ) الغالي ربنا مايوريني فيك مكروه ويجعل يومي قبل يومك قادر ياكريم !
أبوي يا( ولدي) الحنون .. خليك عارف .. أنا بحبك شدددديد وبدعو ليك بتمام الصحة وكمال العافية ليل ونهار !
و
أبوي إن شاء الله لي تسلم ! |
* هنا ياخت هاجر الاخت ناديه بتطلب من الله ابان يشفى ابوها واى ابن او ابنه بدعي للوالدينا
ثالثا :- انتى بنفسك كتبتى ...
Quote: وخدمت امي او ابي فهذا واجب على وهذا ما امرنا
به ديننا الحنيف, وهذا رد دين علينا لانهما تعبا في تربيتنا, |
* فكيف تكون خدمة الوالدين اظهار ضعفهم اخت هاجر ؟؟؟؟؟؟؟؟؟؟؟؟؟؟؟ الواحد فينا لو شال الدنيا وختها ما بوفى ولو جز صغير من حق الوالدين مش بس ( اغسلهم او اطعمهم او او........... )
واخيرا امنياتنا لوالد الاخت نادية عثمان مختار بالشفاء والصحة والعافية يارب امين امين امين
مودتى .....
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: خالد درق)
|
الاخوة نون وخالد
جد انا متفهمة كلامكم لانو كلام نابع من احساس داخلي تجاه الكلمات التي وردت في خطاب
الاخت نادية, فعلا كلام جميل ومؤثر جدا ولا يمكن ان ينكر ذلك احد.
ولكن انا قلت في كلامي انا وضعت نفسي في مكان نادية وتخيلت نفسي ممكن اكتب بوست
زي دا فرديت تاني وقلت لا ما ح اقدر.
ابدا ما انقاص لحق نادية في احساسهاولا في برها تجاه والدها.
بس كل الحكاية كل انسان بيجي يعبر عن حاجته وتصرفاته تجاه نقطة معينه
وانا اكرر انا ما ح اقدر اكتب بوست اقول انا عملت لابوي حاجة ولا لامي حاجة
ممكن اكثر حاجة اقول ادعوا لابي او لامي لانه مريض, ولان المرض ليس عيب يا اخت نون
انا ما بخجل منه, بس ماتنسوا الانسان بطبعه بيخاف الكبر والعجز, وعموما الانسان ما بيحب
انو حد يشوفوا عاجز او في لحظات ضعف وانا عبرت براي.
وقبل ان ابدا طلبت سعة الصدر .
ولو اساء الحضور كلاماتي فلكم العتبى حتى ترضوا.
مع مودتي لكم ولكاتبة البوست
هاجر
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: هاجر التهامي ياسين)
|
العزيره هاجر,,
طيب,,,
رايك علي العين و الراس و إنشاء الله ربنا يخلي ليك والديك
و يدهم الصحه و العافيه و تبريهم بلطريقه البتريحك نفسيا
بس مابتوافقيني إنو كلامك بتاع البوست ما موفق دا ما في محلوا
بعدين اقول ليك حاجه من تجربه البت اقوي و احن من الولد
في ممارضه الوالدين و دا اصلاً ما بحرج اخوانا الرجال
لانو في الحظات دي الاولاد بفكروا في حاجه واحده
بس منو فيهم البقدر يريح والدو اكتر
و منو دا الله راضي عليه
و مرات كتيره ظروف البت بتكون احسن من الولد
Aslo,
ذي ما دي و جهت نظرك, ناديه وجهت نظرا إنو
تشاركنا بي فخر إنو قدر كيف هيا بتحب ابوها
بلمناسبه هيا ما زكرت قالت انا بعمل دا و دا لي ابوي
هيا قالت إنها سعيده بي إحساس إنها قدرت ترد جزء
بسيط من الكان بعملوو ليها زمان
so you could have stated your opinion in a better way
يلا يا هاجر بي الف عافيه انا كتابت الماوس دي عزبتني
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: عبدالدين سلامه)
|
أستاذي الرجل الإنسان جداً
عبد الدين سلامة
حبابك ونورت بطلتك وطيبتك هذا الركن فملأته حبوراً والقاً وطيبة !
Quote: ويسلمك إنت ليهو يا أستاذه ندى
دون أن أشعر وجدتيني أقرأ حديثك لأكثر من مرة ... غنه إحساس ندى الانسانة التي تأصل حبها في أعماق الجميع ... نعمة من الله أن يحدث هذا التحول فيصبح الإبن أبا للأب وتصبح الابنة أما له ...إحساس عظيم بروعة شيء ضئيل من رد الجميل ... لحظات رائعة تلك التي يحنو فيها الابن على أكثر من يحس معه بالأمن والأمان ... لقد أفنوا أعمارهم في تربيتنا ومهما فعلنا لن نتمكن من رد ولو جزء من جزء في المليار مما قدموا ... أطال الله في عمر والدك ويكفيه فخرا أنه أنجب إنسانا ببرك وسماحتك وطيبة قلبك ... يكفيه فخرا فخرك بإحساسك وأنت تخدمينه ... أحببته من قبل وأنا أسمع عنه وأحببته أكثر وأنا أقرأ هذه السطور التي أثبتت لي ما اعتقدته قبلا بأنه خير مربي ... لا أراك الله مكروها يا أستاذه نادية ووفقك وجعلك مثالا لنا جميعا ووهبه الصحة والعافية والسعادة مع إبنته الرؤوم البارة نادية التي استحقت بكل فخر وجدارة أن تحمل إسمه وليسمح لي القراء بتصنيف هذا البوست بأنه أفضل البوستات مضمونا منذ بداية العام لجرعة الانسانية الطاغية التي ملات أركانه وأحاسيسنا واسمحي لي أن أنحني شرفا وتشرفا بك يا أستاذه |
وأبكتني هذه الكلمات أيضاً ليس لما فيها من ثناء عاطر نثرت قطراته على وجهي وروحي
ولكن لكن سماحة الكلمات تُنبئ عن سماحة روح كاتبها !!
شكراً جميلاً لكلماتك المكتوبة بمداد الشفافية وكامل الإنسانية وجعلني الله عند حسن ظنك والجميع بي .
وجعلني أهل لهذه الثقة الغالية , وأكسبني الله أجر بر الوالدين وغفر لهما ولي في الدنيا والآخرة يارب العالمين ..
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: هاجر التهامي ياسين)
|
الاخت العزيزة هاجر التهامي يسن
Quote: ربنا يدي ابوك الصحة والعافية
ويديك اجر بر الوالدين |
اللهم آمين وشكراً للدعاء الطيب لوالدي الحبيب على قلبي جداً !
Quote: رغم انو انا عندي راي اخر في هذا البوست فارجوا سعة الصدر
راي انو هذا البوست بوست غير موفق , |
وجهة نظرك وليها إحترامها !!
Quote: لاننا جميعا ابناء لاباء او امهات كبار في السن
فوضعت نفسي في مكانك, فوجدت نفسي لن تستطيع ان تقول مثل هذا الكلام, ولن استطيع
ان اظهر ضعف ابي على الملا وان فعلت وخدمت امي او ابي فهذا واجب على وهذا ما امرنا
به ديننا الحنيف, وهذا رد دين علينا لانهما تعبا في تربيتنا |
لست في حاجة لوضع نفسك مكاني يا أخت هاجر فنحن هنا ليس في معرض التباهي والمقارنات بمن يحب والديه أكثر من الآخر !
ولكنا في مساحة حرة من حق كل منا أن يعبر فيها عن حبه لمن يشاء كيفما يشاء دون إملاء أو توجيه من أحد وشرح لكيفية إدارة كفة القلب تجاه من نحبهم خاصة إذا كان هذا المحبوب رجلاً بعظمة عثمان مختار في نظري فهو رجل يستحق أن أملأ الكتب وأجع,ل من ماء البحر مداداً وليتني أوفيه ولو القليل من حقه !
Quote: , فاذا علم ابي او امي
بانني اظهرت ضعفهما في صفحات النت فـأن ذلك سوف ياذي مشاعرهما كثيرا, كيف ذلك وانت تقولين بانك
تقومين بغسلة وكل شيئ له فاين ابناه الرجال من ذلك, ايضا ذلك يؤذي اخوتك الرجال. |
سبحان الله يا أخت هاجر أولئك أمك وأبيك وأنت أدرى بهما وأنا أدرى بوالدي اليس كذلك ؟!
إذا كان التعبير عن محبتك وتفانيك في خدمة والديك يؤذيهما فلم يطالبك أحد بفعل ذلك في النت أو غيره !
أما أنا فمن حقي التباهي بوالدي العظيم وكتابة إسمه بالفحم على جدران المنازل في الشعبية بيتاً بيتاً , فمن شريكي في حب والدي ومن أدرى بما يحب وما لا يحب غيري ؟!
وثم من حدثك بأن أخوتي الرجال لا يخدمون والدهم ويقبلون قدمه وجبينه الطاهر محبة وعرفاناً ليلاً ونهاراً ؟!
ومن قال لك أننا لا نتبارى رجالاً وبنات لخدمته دون تفريق بين نوعنا فهل في حب الوالدين ذكر وأنثى يا أختي هاجر ؟!!!
Quote: اختي نادية لم اقل ذلك تقليلا من عملك ولكن اقل لك حبيبتي هذا لان هذا ما شعرت به تجاه نفسي,
واردت ان تنالي الاجر دون ان تذكري ذلك لان ذكر الامر يفسد العمل. |
يااختي العزيزة أنا لا أمن على والدي بالمحبة ولا أكتب عنه إبتغاء مدح الناس ولا لكي يقولوا ( نادية فالحة بتحمي أبوها) !
لا .. صدقيني وإنما أكتب عنه لأن (كل فتاة بأبيها معجبة) وعثمان مختار هو قدوتي
ومثار فخري وإعزازي وإعجابي وأحب أن اؤلف عنه كتاباً إن أمد الله في الآجال !
وسعيدة أنا بكل حرف من مداد التقدير والإحترام والمحبة وضع بعناية من العزيزات
والأعزاء في هذا البوست الإحتفائي بوالدي الرجل النادر الوجود عثمان مختار إدريس !
| Quote: مع امنياتي لوالدك بالصحة والعافية |
ومتع الله والديك بتمام الصحة وكامل العافية باذن الله
ولك من المودة مثلها وأكثر
نادية
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: ابو جهينة)
|
اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ
اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ
اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
الاخت نادية كل دعواتنا لوالدنا عثمان مختار بالشفاء فوالدك والدنا جميعا
كنت احضر الى منزلكم في اشلاق البوليس قبل ان تحضروا الى الشعبية مع صديقي
ورفيق الصبا طارق حسن عثمان لزيارة الاخ الحبيب صلاح وكم كان استقبال والدك
لنا يفوق حد الوصف ويسال طارق عن حاجة حميدة ربنا يديها الصحة والعافية وكم
جلست وتسامرت مع اخوانك محمد ويوسف وفيصل برغم صغر سنه انذاك وبعد رحيلكم الى
الشعبية تكررت زياراتنا للاخ صلاح وكم كان الوالد عثمان كريما بناهاشا باشا لنا
اللهم اعطيه الصحة والعافية واشفيه فانه لا شفاء الا شفاؤك
انا متواجد في الدوحة مع الاخوان صلاح وفيصل سلامي للاخوان محمد ويوسف
تحياتي واحترامي
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: Raja)
|
..
.
ربنا يحفظ ليك ابوك ..
ويقدر على جزاه..
ما من شئ يا نادية مؤلم كفقد الوالدين
او احداهما .. والاعمار بالله
ولكننى اوصيك بان تبذلى قصارى جهدك فى ارضائه
وخدمته .. وطلب عفوه عشية وصباحا .. طالما اصبحت
قريبة منه ..
وهذه ميزة لا تتوفر لكثيرين ان يكونوا بقرب والديهم
خصوصا عند حوجتهم لهم وفى هذه المرحلة من العمر والمرض
_________
نسال الله ان يطيل عمره ويمتعه صحة وعافية
ويرحم ابائنا .. يا رب العالمين ..
ابوجهينة
كم قلبت علينا مواجع؛
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: Tabaldina)
|
Quote: اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ
اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ
اللهم رب الناس ، أذهب البأس ، أشف أنت الشافي لا شفاء إلا شفاؤك شفاء لا يغادر سقماَ
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
الاخت نادية كل دعواتنا لوالدنا عثمان مختار بالشفاء فوالدك والدنا جميعا
|
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: Tabaldina)
|
ناديه العزيزه
انا كنت عارفه الداخل لهذا البوست باكي و الخارج منه باكي
كل يوم اعاين ليه ساااااااااااكت و ازوغ منه
الليله اتوكلت على الحي الدائم و دخلت
و تعالي شوفي البكاء
تعرفي يا ناديه دائما علاقة البنت بوالدها علاقه متميزه
دائما بيفخر بيها و بتحسي انه في شفافيه و رقي في تعاملهم مع بعض
انا لماجاني المرض ده يا ناديه ... البيت كله كان في حاله حزن و دبرسه
وانا كنت بمشي مكتبي عادي ... تصوري يا ناديه انه و الدي و على مدار اسبوع كامل
ولغايه ما جهزت روحي للسفر لي كندا ... كان بيجيني يومياً في المكتب
والله برفع راسي بلقاه و اقف قدامي و مبتسم ... و يقول لي جيت ماري بي مكتبك فقلت اشرب
معاك قهوه ....
هاهاها انا عارفاه طبعا كان حارسني ... من شنو ما عارفه
لكن عنده احساس انه بي قعدته معاي يمكن يحميني من حاجات كتيره
و عمري ما ح انسى دمعته يوم الدكتوره قالت لي الفحص طلع نضيف
و حسيت فعلا عظمة اباءنا و انه نحن مهما عملنا ما ح نوفيهم حقهم
ربنا يطول في أعمارهم و يديهم الصحه و العافيه
و حبي لكي يا ناديه
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: BitAlhana)
|
الأخت/ناديه
تحياتي.........
فى رمضان الماضى حُظيت بزيارة والدي لى بأبوظبي وذات يوم كنا نشاهد برنامجك بقناة هارمونى فسألتهمأأعرفتموها؟( إياكِ أعنى) فأجابا بالنفى،فقلت لهما بأنك إبنة العم عثمان مختار،حينها
هاجت الذكرى بهما فحكيا لى عن والديك بمحبة وتقدير كبيرين وعن كيف أنهما جاهدا فى تنشئتك
واخوتك..والدانايانادية عملا معاً بشرطة بحرى لسنوات طوال،وعملت يها ومعهما وشقيقك يوسف،لذا
شدّنى ما خطه يراعك فى هذاالبوح ولم أستغربه... تمنياتى للعم عثمان بالشفاءوطول العمر وبلغيه دعوات والدى عبدالمطلب ميرغنى له بالشفاء فقد أصبح قليل الحركة......
وصية....
نادية عليك الله لم تخشى شارع بيتكم فى الشعبيةأفتحى باب أول بيت ناصية على يدك اليمين بدون ماتدقى عليهو وبعد داك ادخلى يمين وفى برنده هناك بتلقى الحاجة زينب زبير زوجة خالى الراحل عثمان سرالختم.... بوسيها لى على راساوقولى ليهاوالله بابكر مشتاق ليكم كتير.....
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: بابكر عبدالمطلب)
|
أخوي بابكر عبد المنطلب
حبابك والف مرحب بيك والله ياود ناساً جميلين من الزمن الجميل
Quote: فى رمضان الماضى حُظيت بزيارة والدي لى بأبوظبي وذات يوم كنا نشاهد برنامجك بقناة هارمونى فسألتهمأأعرفتموها؟( إياكِ أعنى) فأجابا بالنفى،فقلت لهما بأنك إبنة العم عثمان مختار،حينها
هاجت الذكرى بهما فحكيا لى عن والديك بمحبة وتقدير كبيرين وعن كيف أنهما جاهدا فى تنشئتك
واخوتك..والدانايانادية عملا معاً بشرطة بحرى لسنوات طوال،وعملت يها ومعهما وشقيقك يوسف،لذا
شدّنى ما خطه يراعك فى هذاالبوح ولم أستغربه... تمنياتى للعم عثمان بالشفاءوطول العمر وبلغيه دعوات والدى عبدالمطلب ميرغنى له بالشفاء فقد أصبح قليل الحركة...... |
حباب والديك الغاليين وحبابك وسعيدة بوجودك هنا والله
ياخ البوست ده مبارك ومبروك عديل الجاب لي ناس زيكم والله
ويوسف كل يوم من الصباح للمساء بكون قاعد مع الوالد والله وطبعا عرس وجاب ( عزيزة) بت حلوة زي حبوبتها عزيزة الشايلة إسمها !
وباكر لمن يجي بكلمو بيك ومبدئيا تقبل سلامو وتقبل تحيات كل ناس البيت يا أخوي الغالي
وبلغ عظيم التحايا لكل الأهل مني ومن عنك عثمان مختار وكل الأخوان
Quote: وصية....
نادية عليك الله لم تخشى شارع بيتكم فى الشعبيةأفتحى باب أول بيت ناصية على يدك اليمين بدون ماتدقى عليهو وبعد داك ادخلى يمين وفى برنده هناك بتلقى الحاجة زينب زبير زوجة خالى الراحل عثمان سرالختم.... بوسيها لى على راساوقولى ليهاوالله بابكر مشتاق ليكم كتير.....
|
كريم ود كرام إنت يا غالي وخالتي زينب طوالي معانا وتجي تطل على والدي الله يديها العافية يارب
وحااااااااضر بسلم ليك عليها في رأسها وجبينها الطاهر وهي أمي الغالية من قمت بعرف إنها أمي التانية ربنا يحفظها ويحفظك ,,
كن بألف الف خير
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: BitAlhana)
|
الحبيبة بت الهنا
تسلمي من كل شرور الدنيا وربنا يحفظك يارب
Quote: انا لماجاني المرض ده يا ناديه ... البيت كله كان في حاله حزن و دبرسه
وانا كنت بمشي مكتبي عادي ... تصوري يا ناديه انه و الدي و على مدار اسبوع كامل
ولغايه ما جهزت روحي للسفر لي كندا ... كان بيجيني يومياً في المكتب
والله برفع راسي بلقاه و اقف قدامي و مبتسم ... و يقول لي جيت ماري بي مكتبك فقلت اشرب
معاك قهوه ....
هاهاها انا عارفاه طبعا كان حارسني ... من شنو ما عارفه
لكن عنده احساس انه بي قعدته معاي يمكن يحميني من حاجات كتيره
و عمري ما ح انسى دمعته يوم الدكتوره قالت لي الفحص طلع نضيف
و حسيت فعلا عظمة اباءنا و انه نحن مهما عملنا ما ح نوفيهم حقهم |
والدي مرضو هو تكرر جلطات ونزيف في المخ والحقيقة انه صبر صبر أيوب وربنا يكرمو يارب
وربنا يحفظ والدك ياحبيبة
بالله شوفي أبوك حنين وبخاف عليك كيف ؟
بالله لو قعدنا عمرنا كلو تحت رجليهم بنوفيهم حقهم ؟
ربنا مايوريك في الوالد شر ويشفي أبوي ويدينا رضاهم يارب ,,
كوني بألف خير ياغالية
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: Tabaldina)
|
صالح تبلدينا أخوي الغالي
حبابك والله
Quote: ربنا يحفظ ليك ابوك ..
ويقدر على جزاه..
ما من شئ يا نادية مؤلم كفقد الوالدين
او احداهما .. والاعمار بالله
ولكننى اوصيك بان تبذلى قصارى جهدك فى ارضائه
وخدمته .. وطلب عفوه عشية وصباحا .. طالما اصبحت
قريبة منه ..
وهذه ميزة لا تتوفر لكثيرين ان يكونوا بقرب والديهم
خصوصا عند حوجتهم لهم وفى هذه المرحلة من العمر والمرض |
ده كلام زي الورد ونصائح غالية شديد والله
تسلم ياصالح وربنا يرحم والدك الغالي ويجعل الجنة مثواه
والعندو الزيك مامات ياصالح وذكراه الطيبة حاتظل دائما معطرة الدنيا ..
Quote: نسال الله ان يطيل عمره ويمتعه صحة وعافية
ويرحم ابائنا .. يا رب العالمين .. |
الله يبارك فيك ياتبلدينا وعليك بصالح الدعوات لوالدك الراحل ياصالح العزيز ،،
كن بألف خير
ابوجهينة
كم قلبت علينا مواجع؛
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: عماد الدين عبدالله)
|
عماد الدين عبد الله ود حلتنا سلام
Quote: الاخت نادية كل دعواتنا لوالدنا عثمان مختار بالشفاء فوالدك والدنا جميعا
كنت احضر الى منزلكم في اشلاق البوليس قبل ان تحضروا الى الشعبية مع صديقي
ورفيق الصبا طارق حسن عثمان لزيارة الاخ الحبيب صلاح وكم كان استقبال والدك
لنا يفوق حد الوصف ويسال طارق عن حاجة حميدة ربنا يديها الصحة والعافية وكم
جلست وتسامرت مع اخوانك محمد ويوسف وفيصل برغم صغر سنه انذاك وبعد رحيلكم الى
الشعبية تكررت زياراتنا للاخ صلاح وكم كان الوالد عثمان كريما بناهاشا باشا لنا
اللهم اعطيه الصحة والعافية واشفيه فانه لا شفاء الا شفاؤك
انا متواجد في الدوحة مع الاخوان صلاح وفيصل سلامي للاخوان محمد ويوسف
تحياتي واحترامي |
ياسلااااااام
والله فعلا ده بوست حنين الجاب الناس الحنينة !
وجاب الأصحاب والأهل والجيران العزاز ..
تسلم ياعماد ووالله فرحانة إنك هنا وبتقول في عمك عثمان قولة حق فالرجل كان ومازال وسيظل هاشاً باشاً في وجه ضيوفه!
تحياتي لجميع الأهل وتقبل تحيات طارق وسلم على أخواني صلاح وفيصل وقول ليهم الوالد بخير سمح؟
تسلم وربنا يحفظك يارب
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: ابو جهينة)
|
العزيز والصديق الجميل أبو جهينة
حبابك ملايين ومبروك تاني للبنية ومنتظرين نكون معاكم في الفرحة الكبيرة باذن الله
Quote: عاوزة الجَد ؟
قريت كلامك و نزلتْ مني دمعة غصبا عني .. فقد تذكرت والدي في أيامه الأخيرة و كان يكرر جملة واحدة : ( أتعبتكم معاي .. عافي منكم لله و الرسول ) |
الف رحمة ونور على روح الوالد الطاهرة وربنا يجعل مثواه الجنة يااارب ,,
لاحظت أنو كم زول وزولة من الدخلوا البوست ده جرت دموعهم الرحيمة وده دليل عافية القلوب والأرواح والله
ربنا يجعلنا من البررة بالوالدين ويرحمنا دنيا وآخرة يارب
وأسعدني مرورك الباهي ياأستاذنا الجليل جلال الدين وتسلم يارب
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: الرفاعي عبدالعاطي حجر)
|
الأخ الكريم عبد العاطي الرفاعي حجر
حبابك عشرة
| Quote: دعواتي الصادقات بأن يمُن الله على والدكم الغالي بالصحة والعافية واللطف . |
شكراً جزيلاً لدخولك البوست ( رغم عدم هضمك له) !! ودعواتك الطيبات لوالدي العزيز بتمام الصحة والعافية ,,
| Quote: * بدون مقدمات ما هاضم منكـ هذا البوست لا ادري لماذا ؟؟؟؟؟؟ |
وبدون مقدمات هذا البوست هو تعبير عن محبة وعرفان لوالدي العظيم ودعوات طيبات له بكامل الشفاء
وبدون مقدمات غالبية من دخلوا الى هذا البوست من النساء والرجال فاضت قلوبهم رحمة وعيونهم دموع محبة لوالديهم !
وبدون مقدمات إحتوى هذا البوست على كم من المحنة الدافقة وقصص الأباء الحنينة تجاه آباءهم من الأعضاء والعضوات الكريمات !
وبدون مقدمات إذا كان هذا البوست غير مهضوم لديك وبلا إبداء أي أسباب موضوعية فهذا حقك ووجهة نظرك ولها إحترامها !!
وأكرر أنه بوست مبذول لمحبة ( أبوي) الغالي وللدعاء بالصحة لوالدي المريض والحديث عنه مهضوم لدي
ولدى من مروا بهذا البوست الإحتفائي وسجلوا كلماتهم الطيبة فلهم كامل المحبة والتقدير،،
ولك أيضاً بما دعوات به من الدعوات الطيبات لعمك الحاج عثمان مشكور عليها أخي الرافاعي !
وكن بخير
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: نادية عثمان)
|
Quote: > >
> > ((أمية الكناني كان رجلاً من سادات قومه وكان له ابناً يسمى كلاباً,
> >
> > هاجر كلاب إلى المدينة في خلافة عمر رضي الله عنه, فأقام بها مدة ثم لقي ذات يوم بعض الصحابة فسألهم أي الأعمال أفضل في الإسلام, فقالوا: 'الجهاد'،
> >
> > فذهب كلاب إلى عمر يريد الغزو, فأرسله عمر رضي الله عنه إلى جيش مع بلاد الفرس فلما علم أبوه بذلك تعلق به وقال له: 'لا تدع أباك وأمك الشيخين الضعيفين, ربياك صغيراً، حتى إذا احتاجا إليك تركتهما؟'
> >
> > فقال: 'أترككما لما هو خير لي'
> >
> > ثم خرج غازياً بعد أن أرضى أباه، فأبطأ في الغزو وتأخر.
> >
> > وكان أبوه وأمه يجلسان يوماً ما في ظل نخل لهم وإذا حمامة تدعوا فرخها الصغير وتلهو معه وتروح وتجئ، فرآها الشيخ فبكى فرأته العجوز يبكي فبكت ثم أصاب الشيخ ضعف في بصره، فلما تأخر ولده كثيراً ذهب إلى عمر رضي الله عنه ودخل عليه المسجد
> >
> > وقال: 'والله يا ابن الخطاب لئن لم ترد علي ولدي لأدعون عليك في عرفات'،
> >
> > فكتب عمر رضي الله عنه برد ولده إليه، فلما قدم ودخل عليه
> >
> > قال له عمر: 'ما بلغ برك بأبيك؟'
> >
> > قال كلاب: 'كنت أُفضله وأكفيه أمره, وكنت إن أردت أن أحلب له لبناً أجيء إلى أغزر ناقة في أبله فأريحها وأتركها حتى تستقر ثم أغسل أخلافها -أي ضروعها- حتى تبرد ثم أحلب له فأسقيه'
> >
> > فبعث عمر إلى أبيه فجاء الرجل فدخل على عمر رضي الله عنه وهو يتهاوى وقد ضعف بصره وانحنى ظهره وقال له 'عمر' رضي الله عنه: 'كيف أنت يا أبا كلاب؟'
> >
> > قال: 'كما ترى يا أمير المؤمنين'
> >
> > فقال: 'ما أحب الأشياء إليك اليوم'
> >
> > قال: 'ما أحب اليوم شيئاً، ما أفرح بخير ولا يسوءني شر'
> >
> > فقال عمر: 'فلا شيء آخر'
> >
> > قال: 'بلى, أحب أن كلاباً ولدي عندي فأشمه شمة وأضمه ضمة قبل أن أموت'
> >
> > فبكى رضي الله عنه وقال: 'ستبلغ ما تحب إن شاء الله'.
> >
> > ثم أمر كلاباً أن يخرج ويحلب لأبيه ناقة كما كان يفعل ويبعث بلبنها إليه فقام ففعل ذلك ثم جاء وناول الإناء إلى عمر فأخذه رضي الله عنه وقال أشرب يا أبا كلاب فلما تناول الإناء ليشرب وقربه من فمه
> >
> > قال: 'والله يا أمير المؤمنين إني لأشم رائحة يدي كلاب'
> >
> > فبكى عمر رضي الله عنه
> > وقال: 'هذا كلاب عندك وقد جئناك به' فوثب إلى ابنه وهو يضمه ويعانقه وهو يبكي فجعل عمر رضي الله عنه والحاضرون يبكون
> >
> > ثم قال عمر: ' يا بني الزم أبويك فجاهد فيهما ما بقيا ثم اعتنى بشأن نفسك بعدهما ' )) |
الاستاذة نادية
اسأل الله ان يرد غربة كل من يحتاج له والداه ليكون بجانبهما كما كانا بجانبه سنوات وسنوات ولن يويفيهما حقهما
| |
|
|
|
|
|
|
|
|
|
Re: إحساس جمييييل وحنييين ..لما يكون ( الوالد) ولدك وأنت أبوه !! يوجد ( أبوي الغالي) ! (Re: Nasir Ahmed Elmustafa)
|
اختي نادية
الله عليك
وعلى كلامك الحنين وبالجد لهو | Quote: إحساس جمييييل وحنييين ..لما يكون ( الوالد) ولدك وأنت أبوه |
الدنيا تكتسي لون البنفسج ولعمري هو فرح الدنيا واجر الاخرة
الله يخليكم لبعض وماتنحرمي منو ابداً ابداً آمين آمين
ويطول ليكم في عمره ويرجعك ليهو سالمة وغانمة
ويشفيهو شفاء لا يغادر سقماًً آمين ... أمين
خيركم خيركم لاهله
وانتي الله يجزيك خير ويقويك على بر والديك
اللهم ارحم والدي وبرد ثراه وابدله داراً خير من داره فهو في كنفك وانت ارحم الراحمين
الله يرحم كل امواتنا واموات المسلمين امين
تخريمة : لفت انتباهي اسم الشعبية في احدى المداخلات لانني من الشعبية جنوب
اخوك عاطف
| |
|
|
|
|
|
|
| |
Yasier Elsayed
النذير حجازي
وجن
حسن طه محمد
عفاف الصادق بابكر
احلام وهبي
noon
عبدالدين سلامه
saif massad ali
Dr. Moiz Bakhiet
Magdi Ahmed Elsheikh
Hassan Makkawi
Hadeer Alzain
ابو جهينة
عماد الدين عبدالله
عبدالوهاب علي الحاج
Yassir Tayfour
Raja
عمر صديق
nazar hussien
ياسر عبدالعزيز الطيب
الرفاعي عبدالعاطي حجر
Dalal Ezzaldin
معتصم دفع الله
Nasir Ahmed Elmustafa
Souad Taj-Elsir
فيس بوك
تويتر
انستقرام
يوتيوب
بنتيريست