|
|
|
 Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: Ahmed musa)
|
مولانا أحمد
Quote: ده (إحتيال)
وممكن أحوّل ليك البوست ده لكتب أرسين لوبين أوريك (قسس) ياقول ناس نقابة المنتحرين تتحيري
أوعك و (التنزيل) ده خرب بيوت ... بس س: سُعال : البنزلو ديل ما إغتنوا ليه ؟؟؟؟
حيقولو ليك تبريرات منطقية ....!!!! |
أوعك والتنزيل دي لي أنا ولا لصحبتي ؟! ( وش بخاف من الحاجات) !
أنا بخااااف يامولانا لا (تنزيل لا تطليع) هو أنا ناقصة جن الناس عشان أبقى على جن الجن ؟ ( وش هلوع) !
مولانا
عليك الله تعال أحكي لينا بعض قصص التنزيل ده عشان الناس تعمل حسابها من المحتالين ديل سمح ؟؟
| |
  
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: نادية عثمان)
|
| Quote: أها يامولانا يلا تعال ورينا الموقف القانوني والفقهي من قصة ( التنزيل) دي ومعناها شنو ؟! |
إحم إحم
التنزيل ؟؟؟
(عفواً)
على قول ناس التلفزيون
(التنزيل) واحدة من طُرق الإحتيال الحديثة يقوم فيها المتهم بإيهام الضحية بإنه قادر على (تنزيل) مبالغ مالية من السماء
ومن هنا جاء إسم (التنزيل) ... ويُدخل الضحية في حالة إيهامية بواسطة (براهين) لإثبات ذلك الشئ ... وحين يصدّق الضحية
يدعي المتهم بأن المال يحتاج إلى (تثبيت) ويتم ذلك بواسطة مواد وغالباً ما يكون سعر تلك المواد باهظ الثمن
ويدعي المتهم انه لا علاقة بالمواد وإنما يقوم بجلبها فلان والذي يكون شريك غير ظاهر ... ولمحتالي التنزيل خدعة إسمها بينهم (التوصيلة)
و (التوصيلة) أن يدعي المتهم أن دوره ينتهي هنا وأن علان هو من يملك فقط إكمال المسألة ويكون قد إستلم مبالغ مالية وهرب أو أختفى
ليبدأ الضحية رحلة أخرى مع المتهم الجديد وهكذا ....
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: Ahmed musa)
|
مولانا أحمد
حباب التنوير والنصائح الغالية والتوعية يا اهل القانون والعلم
Quote: التنزيل) واحدة من طُرق الإحتيال الحديثة يقوم فيها المتهم بإيهام الضحية بإنه قادر على (تنزيل) مبالغ مالية من السماء
ومن هنا جاء إسم (التنزيل) ... |
لكن صحبتي قالت لي التنزيل بيكون بواسطة الخدام من باطن الأرض .. برضو في وهمات كدا ؟!!
Quote: ويُدخل الضحية في حالة إيهامية بواسطة (براهين) لإثبات ذلك الشئ ... وحين يصدّق الضحية
يدعي المتهم بأن المال يحتاج إلى (تثبيت) ويتم ذلك بواسطة مواد وغالباً ما يكون سعر تلك المواد باهظ الثمن
ويدعي المتهم انه لا علاقة بالمواد وإنما يقوم بجلبها فلان والذي يكون شريك غير ظاهر ... ولمحتالي التنزيل خدعة إسمها بينهم (التوصيلة)
و (التوصيلة) أن يدعي المتهم أن دوره ينتهي هنا وأن علان هو من يملك فقط إكمال المسألة ويكون قد إستلم مبالغ مالية وهرب أو أختفى
ليبدأ الضحية رحلة أخرى مع المتهم الجديد وهكذا ....
|
الغريبة ذكرت لي أسماء ناس من كبار الأغنياء في البلد وقالت بعملوا التنزيل ده !!
يامولانا
طيب وبما إنو القانون لا يحمي المغفلين !
ممكن النصاب يطلع براءة بحسبان انو ماسرق والزولة جابت ليهو القروش بمحض إراداتها ؟!
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: Mahir Mohammed Salih)
|
أستاذة نادية
السلام عليكم ورحمة الله وبركاته
استمعت قبل عدة سنوات عبر تلفزيون أمدرمان لسعادة اللواء/محمدالمرتضى البكري أبوحراز - وهو من هو في هذا الجانب -
وقد ذكر الآتي:
1. أنه لا يوجد شئ إسمه الزئبق الأحمر - كعنصر -
2. يوهمك الدجال أنه يحتاج للزئبق الأحمر لتقديمه للخادم - الجان -
لإطالة عمر الجان.
3. لو إفترضنا أن الجان يحتاج لهذا الزئبق الأحمر - فما هي القوة التي تحول بين الجان والحصول
على تلك المادة - بمعنى أنه يستطيع أن يخترق أي تحصنات موجودة حول الزئبق الأحمر.
4. أن القصة في مجملها شبكة من الدجالين المحتالين - يتولى أحدهم عرض خدماته في مجال التنزيل
ثم يقم بطلب الزئبق الأحمر - كما أشار مولانا أحمد بعاليه - ويفيدك أنه يوجد لدى الشيخ فلان الفلاني
في منطقة كذا.
وحفظ الله الجميع من شياطين الإنس والجان
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: أبوعبيدة محمد الأمين)
|
يا نادية يا اختي
مالك ومال القراية ام دق ؟
دا وهم بشربكوا في زولهم بي الحكاية وتاني يغروهوا
بي المشاركة وكيف فلان إغتنى وبقى مُرطب ( مُرطب ) يعني غنيان
زي جمال الوالي والا صلاح إدريس كدا ! ( زي اموالهم )
ودائماً بيوهــموا بيها ناس الدهب بحكم إنو أقرب ليـ المعادن وعندهم القروش !
وفي التنزيل بيحتاجوا للزئبق الأحمر بمقدار كُباية شاي صغيرة !
وبعض الآيات القرانية وجو روحاني ما بيتلقى الا عند حفظة القرآن ! دا كلام الواهمين كدا !
يعني يقولوا ليك في شيخ في نيجيريا والا دول غرب أفريقيا دي بنزل قروش ! بس
محتاجين الزئبق للحاجه دي -
وبعد داك يخلوك تصرف العندك والما عندك عشان الحاجه دي - وحالياً
زايده شوية في اليمن بحكم جبال ومعادن والزئبق يقال هناك موجود .
غايتو أنا عندي صاحبي سوهـا فيهو هسع هو وين ما عارفو - في الأرض موجود
لكن مما قال لي كدا نصـحـتوا وفارقتـو !!
إنتي يا طيبة الأخلاق ما شبه دا -
وكفاك كدا ما يجونا الخُدام يـــ ... ( الله يستر )
هشام
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: أبوعبيدة محمد الأمين)
|
حلال او حرام مسألة عقائدية
يعني مانراه نحن حلال يراه اخرون حرام
| Quote: أنه لا يوجد شئ إسمه الزئبق الأحمر |
الزئبق الاحمر موجود اسأل اي كيميائي في البورد بس عند منو ده السؤال
التعامل مع الجن متاح لذوي الخبرات
هنالك اكثر من طريقة للتنزيل ويعنى هنا تنزيل الكنجالات
وفي الغالب بتكون عملة صعبة
في اللبان الضكر بالعامية..برضو بساعد
الدنيا اسرار وعالم الجن اسرار لاننفي وجودهم
ليك مني يانادية جيبي لي زئبق احمر اصلي ولبنان ضكر دخانو وردي
انا بنزل ليك...
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: حافظ كنجال)
|
عزيزتنا الأستاذة نادية عثمان
تحية طيبة
المواضيع دي كلها خرافات ودجل وشعوذة، أياك ثم أياك بتصديقها
أما بالنسبة للزئبق الأحمر يا نادية دا أكبر بومبة فى العالم
قبل كدا حضرت محاضرة للبروف الفيزيائي معاوية شداد واسم محاضرته
"شغل طايوقك"
محاضرة تحث الإنسان على عملية تشغيل المخ، وعدم تصديق كل ما يُقال
وتحدث عن الزئبق الأحمر، وقال الناس بقولوا الزئبق الأحمر سعره أغلى
من الدهب ومن الصعب الحصول عليه، قال دا كلام فارغ
وجاب لينا سعر الزئبق الأحمر من شركات عالمية ومعاها فواتيرها
وبعملية بسيطة جداً وهى واحد زائد واحد يساوي اتنين
تعرفي الزئبق الأحمر طلع سعرو أرخص من سعر زيت السمسم
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: أبوعبيدة محمد الأمين)
|
أوعوووك يانادية تحاولى تدخلى فى تجربة زى دى ..!
احكى ليك قصة حصلت قبل سنين والضحية كانو زوج وزوجة مقيمين فى الامارات والزوج شغال مدير مالى فى شركة كبيرة تابعة لواحد من الشيوخ هناك ..وانت طبعا عارفة مجتمع النسوان بيصدقوا الخرفات دى ..
أها الزولة دى سمعت بى شيخ ايدو لاحقة وبينزل القروش ، يعنى المليون درهم بيعملو 2 مليون والمليون دولار كذلك .. وانت عارفة ناس الخليج الحاجات دى بيكوسوها كواسة ، المهم زولتنا كلمت صاحب المؤسسة الاماراتى وجابو المحتال من السودان وقعد فى غرفة فى بيت الشيخ وجابو ليهو مليون درهم ودخل الغرفة وقعد فيها فيها ثلاثة ايام وبعدها نادى الشيخ وقال ليهو ادخل الغرفة فعلا الشيخ شاف بعينو المليون درهم ذادت وبقت اثنين مليون .
بس الدجال قال ليهو القروش دى مابنقدر نشيلها هسع من الجان الا بعد 4 ايام والشيخ طبعا طمع وسلم الدجال 10 مليون دولار عشان يزيدها وتبقى 20 مليون .. وطبعا دى الحاجة الدايرها الدجال .!
وفعلا استلم الـ 20 مليون ودخل بيها الغرفة وبعد ثلاثة ايام قال للشيخ تعال شوف بعينك .. وفعلا القروش بقت 20 مليون دولار .!
وطلعوا وقفلوا الغرفة وقال للشيخ ماتفتح الغرفة الا بعد مرور 4 ايام والشيخ وافق وصاحبنا الدجال شال اتعابو ورجع السودان .. بعد 4 ايام الشيخ مشى الغرفة وفتحها ومالقى فيها الكتح ..!!
فى النهاية الشيخ قال لزوج المرة الجابت الدجال انا بعرفك انت وانت الجيبتو
ودخلو السجن والولية المسكينة جات السودان وفتحت بلاغ وزوجها محبوس هناك وقبضو الدجال من غرب السودان وكانت قصة .. عشان كدة اوعك تخشى فى حاجة زى دى ..
القصة دى حقيقة والبلاغ كان مفتوح فى القسم الشرقى الخرطوم ومتذكر مولاناالمستشار الهادى مكاوى وكان وكيل اول نيابة الخرطوم شرق سافر الامارات عشان يأخد اقوال صاحب الشركة .
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: مزمل خيرى)
|
مزمل خيري ياأخوي الغالي
حبابك ملايين
| Quote: أوعوووك يانادية تحاولى تدخلى فى تجربة زى دى ..! |
أنا ؟؟؟؟
عليك الله دي حالة زول عندو قروش ينزلها ولا يطلعها ؟ ( وش مفلس)
والله وقسما بالله صحبتي ما أناااااااا سمح ؟ ( وش شايل هم صحبتو) !
Quote: احكى ليك قصة حصلت قبل سنين والضحية كانو زوج وزوجة مقيمين فى الامارات والزوج شغال مدير مالى فى شركة كبيرة تابعة لواحد من الشيوخ هناك ..وانت طبعا عارفة مجتمع النسوان بيصدقوا الخرفات دى ..
أها الزولة دى سمعت بى شيخ ايدو لاحقة وبينزل القروش ، يعنى المليون درهم بيعملو 2 مليون والمليون دولار كذلك .. وانت عارفة ناس الخليج الحاجات دى بيكوسوها كواسة ، المهم زولتنا كلمت صاحب المؤسسة الاماراتى وجابو المحتال من السودان وقعد فى غرفة فى بيت الشيخ وجابو ليهو مليون درهم ودخل الغرفة وقعد فيها فيها ثلاثة ايام وبعدها نادى الشيخ وقال ليهو ادخل الغرفة فعلا الشيخ شاف بعينو المليون درهم ذادت وبقت اثنين مليون .
بس الدجال قال ليهو القروش دى مابنقدر نشيلها هسع من الجان الا بعد 4 ايام والشيخ طبعا طمع وسلم الدجال 10 مليون دولار عشان يزيدها وتبقى 20 مليون .. وطبعا دى الحاجة الدايرها الدجال .!
وفعلا استلم الـ 20 مليون ودخل بيها الغرفة وبعد ثلاثة ايام قال للشيخ تعال شوف بعينك .. وفعلا القروش بقت 20 مليون دولار .!
وطلعوا وقفلوا الغرفة وقال للشيخ ماتفتح الغرفة الا بعد مرور 4 ايام والشيخ وافق وصاحبنا الدجال شال اتعابو ورجع السودان .. بعد 4 ايام الشيخ مشى الغرفة وفتحها ومالقى فيها الكتح ..!!
فى النهاية الشيخ قال لزوج المرة الجابت الدجال انا بعرفك انت وانت الجيبتو
ودخلو السجن والولية المسكينة جات السودان وفتحت بلاغ وزوجها محبوس هناك وقبضو الدجال من غرب السودان وكانت قصة .. عشان كدة اوعك تخشى فى حاجة زى دى ..
القصة دى حقيقة والبلاغ كان مفتوح فى القسم الشرقى الخرطوم ومتذكر مولاناالمستشار الهادى مكاوى وكان وكيل اول نيابة الخرطوم شرق سافر الامارات عشان يأخد اقوال صاحب الشركة .
|
والله العظيم نفسي أطبع القصة دي زي ماهي وأوديها لصحبتي لكن خايفاها تقع من طولها !!(وش قلقان)
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: Mahir Mohammed Salih)
|
ماهر
حبابك أخوي
| Quote: يا نادية إنتى مالك الأيامات دى نازلة حرام وحلال وإستغفار ،، |
والله الإستغفار مهم في زمن الغفلة النحنا عايشين فيهو والموت بجي فجأة على الاقل نستغفر والله كريم علينا !
Quote: وصيتى لك فيما يخص مبالغ تأتيك من حيث لا تعلمين هى الآتى:
عليك بأخذها فوراَ وبدون أى إبطاء ( حتى لا يأخذها غيرك ) ولكن تأكدى تماماَ
بإنها لم تؤخذ قلعاَ من أحدهم،، وضعى فى بالك دائماَ أن الله أنزل مائدة من السماء
من قبل . |
عارف ؟
أنا اكبر مبلغ لقيتو واقع في الواطة وشلتو كان عبارة عن خمسة جنيه مصري !( وش غلبان)
الموضوع ده بتاع صحبتي والله والزولة دي دفعت كتير للناس ديل وأنا خجلانة وخايفة أحبطها لو قلت ليها ديل دجالين !!
Quote: وأخيراَ ،،
المهم إنتى لو مادايرة المبالغ دى بالله حوليها لى ،، إذا موافقة سأزودك رقم حسابى المصرفى . |
يا أخوي هو وينها المبالغ حيل حبوبتي !
والله شايلة هم صحبتي وبالجد عيالها صغار كان مرضت بسبب ضياع كل أموالها عاد تبقى ميتة وخراب ديار ( وش مهمووووم) !
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: Mohammed Awad)
|
تعرضت سيدة الي عملية إحتيال من قبل أربعة أشخاص وذلك بالإستيلاء منها على 47 الف جنيه سوداني و29 الف ريال سعودي وكمية من المجوهرات بعد ان اوهموها بانه سوف يتم علاجها من السحر والهلوسة وعلى الفور باشرت شرطة الازهري تحرياتها مع السيدة والتي افادت بانها تقيم بمنطقة الطائف وانها تعاني من بعض المشكلات وان احد الاشخاص قد قادها للمتهمين بحي الانقاذ بالخرطوم جنوب وقد اوهمها بمعرفتهم في اعمال السحر وامكانية حل مشكلاتها وقد باشرت معهم العلاج حيث طالبوا بالاموال بدعوى احضار بعض الادوية التي تساعد في تسخير الجان وانهم قد حصلو منها على 47 الف جنيه سوداني و29 الف ريال سعودي وبالاضافة مصوغاتها الذهبية التي تقدر بالاف الجنيهات الا انهم لم يقدموا لها علاجاً حيث توصلت الي انهم احتالوا عليها وتم فتح بلاغ في مواجهتهم تحت المادة 47 من الانون الجنائي وبحسب صحيفة الدار مازالت التحريات جارية حتى يتم التوصل للمتهمين .
منقول http://www.sudaneseonline.com/news.php?action=show&id=19389
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: Ahmed musa)
|
مولانا أحمد
حبابك
Quote: المصيبة في (السنارة) و(السنارة) عبارة عن مبلغ يكتب كشيك قريب لجزء من ثمن الزئبق الأحمر
يعني يقولو ليك الزئبق بألف تقول عندي ميتين يأخذوا الميتين ويكتبوك شيك قريب مثلا بثلاثمائة وشيك متأخر بخمسمائة
أها بعد شوية يطلع الموضوع كضب وتبقى مطارد بشيك الثلاثمائة ويمكن تخش السجن
طبعاً ما حتقول دي شبكة أو حتقول وما حيصدقوك ...
|
غايتو الله يستر على الأبرياء من هكذا محتالين !
الزولة دي لسة مقتنعة إنو الموضوع ماشي تمام وأنا لسة ماعاوزة أحبطها أنها وقعت تحت يد محتالين !!
شكلنا راح نحتاج ليك في القضية قريب وخليك قريب ( وش مترقب)!!
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: Mohammed Awad)
|
محمد حبابك
| Quote: تعرضت سيدة الي عملية إحتيال من قبل أربعة أشخاص وذلك بالإستيلاء منها على 47 الف جنيه سوداني و29 الف ريال سعودي وكمية من المجوهرات بعد ان اوهموها بانه سوف يتم علاجها من السحر والهلوسة وعلى الفور باشرت شرطة الازهري تحرياتها مع السيدة والتي افادت بانها تقيم بمنطقة الطائف وانها تعاني من بعض المشكلات وان احد الاشخاص قد قادها للمتهمين بحي الانقاذ بالخرطوم جنوب وقد اوهمها بمعرفتهم في اعمال السحر وامكانية حل مشكلاتها وقد باشرت معهم العلاج حيث طالبوا بالاموال بدعوى احضار بعض الادوية التي تساعد في تسخير الجان وانهم قد حصلو منها على 47 الف جنيه سوداني و29 الف ريال سعودي وبالاضافة مصوغاتها الذهبية التي تقدر بالاف الجنيهات الا انهم لم يقدموا لها علاجاً حيث توصلت الي انهم احتالوا عليها وتم فتح بلاغ في مواجهتهم تحت المادة 47 من الانون الجنائي وبحسب صحيفة الدار مازالت التحريات جارية حتى يتم التوصل للمتهمين . |
أها ده موضوع تاني بجيهو برواقة برضو
ومعاً لتنبيه الناس من خداع الدجالين والمحتالين !
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: نادية عثمان)
|
الأخت نادية والأخوان المتداخلين
قبل فترة عرض علينا مواطن خليجي مبلغ ضخم لأحضار الزئبق الأحمر وقال أنه متواجد في السودان وقمت بالأستفسار وسؤال صديق هو البروفسير سامي حسن سليمان وكان رئيس قسم الكيمياء في مركز البحوث البريطانية ووضح لي قصة الزبئق الأحمر وقال لي أنه في مادة مساعدة تستخدم في عملية الأنشطار النووي في القنبلة الذرية وأنه عشان ذرات البلتنويوم تنشطر لازم تصل درجة حرارة معينة في مادة وسيطة بتكون حاضنة لقلب القنبلة وعند أشتعالها بتصل لي درجات حرارة عالية تساعد ذرات البلوتنيوم ولا شنو ما عارف على الأنشطار وهو انفجار القنبلة الذرية ، المادة دي كانت محظورة زي بقية مواد القنابل النووية وكان لدي الأتحاد السوفيتي كمية كبيرة في مخازن متعددة في عدة جهموريات بعد أنقسام وتشطر الأتحاد السوفيتي تسربت المادة للسوق للبيع وبما أنها تعتبر من المواد النووية سعرها كان عالي وأهم سوق ليها كان في أفريقيا لأنعدام الرقابة وسهولة بيعها
(دا حسب ما أتذكره من كلام الدكتور سامي)
الدجالين استغلوا الكلام دا ونشروا إشاعات كتيرة حول المادة وبغروا البشر في النصب والأحتيال على أموالهم ويروجوا لي أنو الزبئق الأحمر بطول في عمر الجن لمن يلحسة ودا كلام ما صاح لأن أجل الأنسان والجان بيد رب العالمين ومافي بشر أو جن بموت من غير أجله المحدد من الله سبحانه وتعالي والبصدق كلام زي دا يمشي يراجع إيمانه وربنا يهدينا كلنا
وضحنا المعلومة دي للمواطن الخليجي ونصحناه واتجاهلنا الموضوع بعد فترة حوالي ستة شهور قابلناه في حالة رثة جداً وبادي عليه الأعياء وسالناه قال ياريت لو سمعت كلامكم وأتضح أنو تم النصب عليه في مبلغ كبير 750درهم بحجة مضاعفة المبلغ بالدولار وبالمبلغ دا اشترى زجاجة الزبئق الأحمر حسب قوله وحكى لينا القصة أنو الدجالين طلبوا منه يمشي منطقة معينة في سلطنة عمان يلقى شخص حددوه بي أوصافة وأنو الشخص دا هو الوحيد العندة الزبئق الأحمر طبعا الشخص دا شريكهم ويشتريه منه ويجيبه في علبة محمية مصبوب عليها الرصاص ونصحوه ما يفتحها ولا يحاول لانو الزبئق دا حسب كلامهم كان انفتح بتبخر طوالي وأشتراه بملبغ 500 الف درهم ومشي أستجار ليهم مكان بي مبلغ 50 الف وباقي القروش صرفها وادهم ليها وعملوا حركات ووروه وقاموا بسحر خياله وأهموه بي أنهم قاموا بتنزيل حجم غرفة من الدولارت وشافها وورو عينه منها وقالوا ليه لسه لينه الصباح بتنشف الصباح ما لقي ليهم أثر ولقى الغرفة مليانه ورق جرائد وورق أبيض ومسكه السكري من اللحظة ديك وعليه ديون للبنوك
دي قصة حقيقة حصلت قبل اربعة سنوات
في قصة تانية لموظف بنك النيلين في أبوظبي قبل سنتين في حكاية مشابهة وكان المبلغ 550 الف درهم وممكن تراجعي أي شخص في بنك النيلين يأكد ليك القصة دي
يا أخت نادية الرزق الحلال محدد ومحدده طرقة وعلى الأنسان السعي والسعي عنده اجر بمعني الأنسان لو سعى للحلال وما لقاه ربنا برضه بديه اجر السعي وربنا كريم يا أخت نادية وربنا بحاسب عبادة بالنوايا ويدخلهم جنته بالرحمه وربنا يحسن نوايانا ويشملنا بالرحمه
أنصحك والأخوان بالأبتعاد السريع
في حاجه مهمة ما متأكد منها بقولوا أنو الدجالين ديل بسقوا الشخص أو الضحية حاجه أو بسووا ليه حاجات تخليه مصدقهم ومنقاد ليهم وماعارف صحة الكلام دا من كذبة
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: محمد عثمان الحاج)
|
Quote: قبل كدا حضرت محاضرة للبروف الفيزيائي معاوية شداد واسم محاضرته
"شغل طايوقك"
محاضرة تحث الإنسان على عملية تشغيل المخ، وعدم تصديق كل ما يُقال
وتحدث عن الزئبق الأحمر، وقال الناس بقولوا الزئبق الأحمر سعره أغلى
من الدهب ومن الصعب الحصول عليه، قال دا كلام فارغ
وجاب لينا سعر الزئبق الأحمر من شركات عالمية ومعاها فواتيرها
وبعملية بسيطة جداً وهى واحد زائد واحد يساوي اتنين
تعرفي الزئبق الأحمر طلع سعرو أرخص من سعر زيت السمسم |
فعلا الفيزياء التي تدرس في الجامعات لا تعرف سوى أكسيد الزئبق الرخيص، أما هذه المادة فهي تنتمي لعلم متطور جدا هو فيزياء القياسيات الذي يبدو أن هذا البروفيسور المحترم لم يسمع به، ولذلك يتم اغتيال كل من يتعامل فيها.
| |
|
|
|
|
|
|
|
|
|
Re: ياجماعة ( الحاجة) دي يعني شنو ؟ وحلال ولا حرام ؟! يوجد ( خزائن وزئبق أحمر ) !! (Re: عبدالعزيز حسين عبدالرحيم)
|
عبد العزيز أخوي
حبابك
| Quote: قبل فترة عرض علينا مواطن خليجي مبلغ ضخم لأحضار الزئبق الأحمر وقال أنه متواجد في السودان وقمت بالأستفسار وسؤال صديق هو البروفسير سامي حسن سليمان وكان رئيس قسم الكيمياء في مركز البحوث البريطانية ووضح لي قصة الزبئق الأحمر وقال لي أنه في مادة مساعدة تستخدم في عملية الأنشطار النووي في القنبلة الذرية وأنه عشان ذرات البلتنويوم تنشطر لازم تصل درجة حرارة معينة في مادة وسيطة بتكون حاضنة لقلب القنبلة وعند أشتعالها بتصل لي درجات حرارة عالية تساعد ذرات البلوتنيوم ولا شنو ما عارف على الأنشطار وهو انفجار القنبلة الذرية ، المادة دي كانت محظورة زي بقية مواد القنابل النووية وكان لدي الأتحاد السوفيتي كمية كبيرة في مخازن متعددة في عدة جهموريات بعد أنقسام وتشطر الأتحاد السوفيتي تسربت المادة للسوق للبيع وبما أنها تعتبر من المواد النووية سعرها كان عالي وأهم سوق ليها كان في أفريقيا لأنعدام الرقابة وسهولة بيعها |
دي معلومات مهمة شديد عن الزئبق الأحمر جزاك الله خير !!
لكن قالوا ليكم أماكن وجوده وين في السودان؟
| |
|
|
|
|
|
|
| |
Ahmed musa
baha eassa
saif massad ali
أبوعبيدة محمد الأمين
Hisham Ibrahim
حافظ كنجال
النذير حجازي
مزمل خيرى
عفاف الصادق بابكر
Mohammed Awad
فيس بوك
تويتر
انستقرام
يوتيوب
بنتيريست