|
Re: البرانويا (Re: هاجر التهامي ياسين)
|
Quote: البرانويا paranoia اضطراب عقلي نادر ينمو بشكل تدريجي حتى يصير مزمنا ويتميز بنظام معقد يبدو داخليا منطقيا ويتضمن هذاءات الاضطهاد والشك والارتياب فيسئ المريض فهم أية ملاحظة أو إشارة أو عمل يصدر عن الآخرين ويفسره على أنة ازدراء به ويدفعه ذلك إلى البحث عن أسلوب لتعويض ذلك فيتخيل أنة عظيم وأنة عليم بكل شيء
والمعنى العام للبارانويا الذي يستخلص من العديد من الكتابات في تاريخ علم الأمراض النفسية والعقلية أن البارانويا مرض عقلي يتمثل في هذاءات – توهم- عقلية (delusions) قوامها الاضطهاد (persecution) من نوع معين يؤيده المريض ويدافع عنة بطريقة منظمة في حماس وإصرار. وتشغل هذه التوهمات جزء صغيرا أو كبيرا من عقلة محاولة أن تتوسع لتشمل العقل, وترتبط هذه التوهمات وتصبح في انسجام مع موضوعها وتكون هلاوس سمعية أو صوتية أو بصرية.
في الطب العقلي تعتبر الأفكار الهذائية (paranoia) والأفكار المتسلطة اضطرابات عقلية خالصة . فعندما يمكن تتبعها وكانت قوتها ترجع إلى ما فيها من صراع كما يكون في الاضطرابات العصابية يمكن التعرف عليها , ولكن في البرانويا تكون أكثر خطرا وأكثر توغلا في العقل
|
| |
|
|
|
|
|
|
Re: البرانويا (Re: هاجر التهامي ياسين)
|
نادية عثمان كيفنك
انشاء الله الوالد يكون بخير
يا اختي البرانويا دا زي ما شايفة في التعريف الفوق دا
احد الامراض النفسية المنتشرة في العالم وبكثرة
المشكلة الناس المصابين بالمرض دا بيسببوا الامراض التانية
للناس الاخرين وهم طبعا بيضحكوا من غير ما يحسوا
الله يكون في عونهم وعون الاخرين
مع مودتي
هاجر
| |
|
|
|
|
|
|
Re: البرانويا (Re: عثمان رضوان)
|
اخوي عثمان رضوان
اشكرك على مرورك اولا
وانا ما معاك في انو اغلب الشعب السوداني مصاب بالبرانويا
بس برضوا منتشرة بصورة ما شوية.
وقيل ان البرانويا سببها عقدة اساسية في النفس.
ممكن سببها الطفولة او الحياة الفاشلة
حاجات كتيرة بس المريض يها انسان غير متصالح مع نفسه
مهما قست الدنيا علينا لا بد ان نصبر ونتعامل مع الغير
بمحبه ومهما كان الغير , لسنا افضل من الاخر , ربما انهم
ارفع درجة عند ربهم ونحن لا ندري !!!!!
مع مودتي
هاجر
| |
|
|
|
|
|
|
Re: البرانويا (Re: العوض المسلمي)
|
العوض المسلمي
كيفك اخوي
ايوة البرانويا دا مرض اخي العوض.
اكيد انت ما من الناس ديل واكيد لا يمكن ان تصاب به.
لان الانسان الذي يعمل دون ان ينتظر الشكر دا انسان متصالح مع نفسه.
اخي العوض في ناس لايمكن ان تمد يد العون الى الناس مالم تجد المنفعة في ذلك
اقلها الشهرة.
ابدا البوست دا مافيه اي شفرات وحبابك الف بس انت ادعمنا.
| |
|
|
|
|
|
|
Re: البرانويا (Re: Dr. Salah Albashier)
|
د. صلاح كيفنك
انشاء الله انت طيب
البرنويا زي ما معروف مرض جنون العظمة, والمصابين بيه
بيتخيل ليهم انهم مهمين لدرجة غير طبيعية.
فالواحد يتخيل انه اهم من الاخرين ويتعامل معهم على هذا
النحو, وانه لا يخطي بل هم المخطئين.
مثل هذا الشخص لا يهتم بمشاعر الاخر, ومهما بزلت له
لا يراك الا اقل منه درجة بل المصيبة يحاول ان يتبرأ من
الذين هم حوله, وبصورة وقحة جدا لدرجة اذاء المشاعر.
مع مودتي
هاجر
| |
|
|
|
|
|
|
Re: البرانويا (Re: هاجر التهامي ياسين)
|
Quote: البرنويا زي ما معروف مرض جنون العظمة, والمصابين بيه
بيتخيل ليهم انهم مهمين لدرجة غير طبيعية.
فالواحد يتخيل انه اهم من الاخرين ويتعامل معهم على هذا
النحو, وانه لا يخطي بل هم المخطئين.
مثل هذا الشخص لا يهتم بمشاعر الاخر, ومهما بزلت له
لا يراك الا اقل منه درجة بل المصيبة يحاول ان يتبرأ من
الذين هم حوله, وبصورة وقحة جدا لدرجة اذاء المشاعر.
|
كيف يصاب الشخص بهذا المرض وما هو أسبابه ؟؟؟ كل الود محمد كابيلا
| |
|
|
|
|
|
|
Re: البرانويا (Re: محمد كابيلا)
|
Quote: البرنويا زي ما معروف مرض جنون العظمة, والمصابين بيه
بيتخيل ليهم انهم مهمين لدرجة غير طبيعية.
|
دي المشكله زاااااااته هنا .. اللهم احفظنا .......
هاجر كيف حالك يا حبيبة
| |
|
|
|
|
|
|
Re: البرانويا (Re: مزمل خيرى)
|
مزمل كيفنك
وشكرا على المرور
البرانويا ما اسم ماركة سيارات
بس اسم ماركة امراض نفسية جديدة على المجتمع
مع مودتي
هاجر
| |
|
|
|
|
|
|
Re: البرانويا (Re: محمد كابيلا)
|
شكرا الاخ محمد على المرور
الشيئ الاكيد انو المرض دا سببه الاضهاد الذي مُرس تجاه المصاب او الحياة الفاشلة
ولكن هنالك دراسة جديدة اقرأ هذا الاقتباس
Quote: وجدت دراسة حديثة صلة بين الحرمان من النوم ومرض جنون الارتياب الذي يعرفه أطباء علم النفس بأنه أحد أشكال الاضطرابات الشخصية يقوم على الشك في الآخرين وفي نواياهم اتجاه المصاب. وذكر موقع ساينس ديلي أن الدراسة التي مولتها مؤسسة ولكام ترست البريطانية، وهي منظمة خيرية بحثية غير ربحية، وجدت علاقة بين الحرمان من النوم والبارانويا، مشيرة إلى أن الأرق يمكن أن يعزز أيضا الشكوك في نوايا الآخرين. وتعد هذه الدراسة التي نشرت في مجلة أبحاث انفصام الشخصية، أول دراسة تعالج مشكلة الحرمان من النوم والأرق وعلاقتهما بالشعور بالاضطهاد، وقد أوضحت أن من يعانون من هذه المشكلة معرضون خمس مرات أكثر من غيرهم للمعاناة. وأعد هذه الدراسة الدكتور دانيال فريمان، وهو باحث في منظمة ولكام ترست التي تأسست عام 1936 من أجل تحسين نوعية الحياة، مع زميل له في معهد علم التحليل النفسي في كنجز كولدج في لندن، ومؤلف كتاب "بارانويا، مخاوف القرن الحادي والعشرين". وقال فريمان إن قلة النوم تسبب القلق والحزن وتعكر المزاج وتخلق شعورا بأن الآخرين يتعمدون إيذاء الشخص الذي يعاني من هذه الحالة. وأضاف فرديمان أن "عدم الحصول على قسط كاف من النوم ليالي عدة يجعلنا نشعر بالتوتر وبالانفصال عن العالم"، لافتا إلى أن هذه الشروط هي المثلى للشعور بالبارانويا وبسيطرتها علينا، معتبرا أن النوم الجيد مهم لحالتنا النفسية. وانتهى إلى أن الحصول على ليلة نوم هادئة قد يجعلنا نرى العالم بشكل إيجابي أفضل.
|
مع مودتي
هاجر
| |
|
|
|
|
|
|
Re: البرانويا (Re: ombadda)
|
تعريف :* Sensitive, suspicious, preoccupied with conspiratorial explanations, self-referential, distrust of others.
((Conspirational explanation )) دى واضحة شديد فى المريضين أعلاه...
رأى: الترجمة العربية للبارانويا على أساس إنها هى جنون العظمة ترجمة تؤدى لكثير من الخلط ولا توضح المعنى الحقيقى للمرض..
---- من كتاب: * Oxford Handbook of Psychiatry, 1st Edition
| |
|
|
|
|
|
|
Re: البرانويا (Re: ombadda)
|
شكرا اخي امبدا على مرورك
الموضوع محتاج الكثير من التوضيح وياريت تمدنا بالمزيد
وكما هو واضح من التعرف العلمي للمرض فانه يبدأ تدريجيا
الى ان يسيطر على الشخص,ففي هذه الصور نرى حالة مستفحلة
من حالات البرانويا وقد سيطرت عليه كليا كما هو واضح.
مع مودتي
هاجر
| |
|
|
|
|
|
|
Re: البرانويا (Re: هاجر التهامي ياسين)
|
اول مرة اسمع كلمة برانويا وانا في الصف الثالث الثانوي كان يوصف الصف الذي ادرس به بانه
اكثر الصفوف شغبا وازعاجاوفوضى.
وفي احد الايام جميع من في الصف واقف في الخارج لان الاستاذة تاخرت وهذه فرصة طبعا واذا سؤلنا
سوف يقع اللوم على الاستاذة, وعندما راتنا جاءت مسرعة قائلة (ثالث علمى جاياكم تجيكم الطاوية
حبالها) فردت عليها احدى الاستاذات (ديل يمسكوا الطاوية حبالها ويجوك) فرد عليه احدالاساتذة وكان
واقفا يشاهد في المنظر(ثالث علمي صف مصاب بالبرانويا). فاثار في نفسي الفضول الكلمة غريبة كليا , فبعد انتهاء الحصة مباشرة, ذهبنا وفد الى هذا الاستاذ
وكان اسمه الاستاذ ادريس مدرس التربية الدينية من ابناء قرية القرشي كان خجولا جدا ولا ينظر الى البنات
اذا خاطبهم, طبعا فرصة عشان يلعبوا باعصابة, مجموعة من البنات دخلن الى مكتبه, وبدأن في الاستجواب
(يا استاذ يعني شنو برانويا), واتخيلوا منظره يحنن والله, طبعا البنات ناقشين انو بيخجل شديد وبيتصبب عرق
لما يستفردوا بيه البنات, ويا حليلوا ما قادر يتصرف ويجاوب وهو ينظر للارض.
| |
|
|
|
|
|
|
Re: البرانويا (Re: هاجر التهامي ياسين)
|
ياهاجر تغيييييبى وتجى جايبه معاك كفوه جديده انا هسى قلت هاجر دى المره دى غطست كدا أكيدلابدالا فوق رأى تجى تقولى لى برنوياووبتاع يبرنى رأسك ياخى نحنا مستنين تجينا بى اخبار حلوه عشان انا متبرع لك بالبوست سوال جادى انتى شغاله وين
| |
|
|
|
|
|
|
Re: البرانويا (Re: WAD ELGAALI#4)
|
اخوي ود الجعلي كفينك , كفوة شنو الله لا جاب الكفاوي, بس قلنا نتثقف نفسياً شوية ونغير المود
Quote: يبرنى رأسك ياخى نحنا مستنين تجينا بى اخبار حلوه عشان انا متبرع لك بالبوست
|
حرام عليك الراس براه مافاضي فيه الكافيه, اما عن الاخبار لا جديد ودا زاتوا كويس
Quote: سوال جادى انتى شغاله وين |
شغالة في بيتنا, زمان كنت موظفة محترمة ونسبة للاحوال السعودية رفدوني وقالوا لي انتي ماتبع
كفالتنا, ومن يومها انا ابحث عن وظيفة
عندك لي وظيفة؟
اسع اخر حل قلت ح اقدم لناس الصداقة الاسرائلية
بعد ما السعودية بقت طاردة والسودان مستحيل الرجعةله بظروفة العجيبه دي والهجرة لامريكا وكندا صعبة.
وكمان انا برضو جادة
| |
|
|
|
|
|
|
Re: البرانويا (Re: BitAlhana)
|
فى حاجة اسمها: Paranoid Personality Disorder وهؤلاء متشكيكين لدرجة عالية جدا فى الأناس الذين من حولهم.. الشك قد يكون تصرف طبيعى لكن ديل بيكونوا highly suspicious مثلا موظف أو موظفة فى شركة مرموقة بتجيهوا أفكار بأنوا زملاء الموظفين ما بيحبوهوا وبتكلموا عنوا بسوء بعد ذهابه.. فيقوم يغير مكان العمل وفى نفس المكان الجديد يبدأ المسلسل..فيغير ويغير ويمكن أن يشتغل فى عشرة شركات فى سنة واحدة بلا سبب مقنع سوى الشكوك التى تدور فى مخيلته...
وايضا: Paranoid Schizophrenia دة نوع من أنواع الشيزوفرينيا والمرضى بالنوع دة بيكون عندهم معتقدات وبيؤمنوا بحاجات ما ليها صلة بأرض الواقع Delusions وبيسمعوا أصوات (هلوسة سماعية) ما موجودة أصلا Hallucinations
من المشاهير الذين اصيبوا بهذا المرض:
عالم الرياضيات الامريكى جون ناش... جون نوش ظهرت عليه علامات المرض أثناء دراسته الجامعية...وبالرغم من توقفه عن تناول العلاج فلقد واصل دراسته.. إلى أن حصل على جائزة نوبل فى العام 1994... قامت زوجته بتصوير فيلمa Beautiful Mind فى العام 2001
تتوقعوا قصة الفيلم كانت شنو؟
-------------- الصور من ويكيبيديا
Attention Please I am not psychiatrist ...Dont consult me
| |
|
|
|
|
|
|
Re: البرانويا (Re: ombadda)
|
الحمد لله لا علماء ولا مشاهير علشان يجينا مرض زي ده .. زي ماقال ودالبشري رضي الله عنه زماااان : نحن الباقين . لا مبدعين ولا معروفين .. اها يا هاجر عندي سؤال ممكن ؟ وزي ما بقول تمبس اعتبرتك رديتي وقلت ايوة , يلا سؤالي هو هل العنقالة ممكن يصابوا بالبرانويا ؟؟؟
| |
|
|
|
|
|
|
Re: البرانويا (Re: العوض المسلمي)
|
العوض اخوي
والله سؤالك عايز اخصائي عديل
لكن قالوا بيصابوا بالمرض دا اكتر ناس السياسين والمشاهير, والله اعلم
وكمان الناس المؤذين البيحاولو يخربوا للناس
وكمان الناس المعندها (سالفة) على قول السعودين
على ما اظن يا العوض اهم حاجة الانسان كون متصالح مع نفسه.
العوض انا ما دكتورة والحمدلله على نعمه.
مع مودتي
هاجر
| |
|
|
|
|
|
|
Re: البرانويا (Re: BitAlhana)
|
Quote: يعني هلوسه و وسواس و حاجات من دي انا غايتو يمكن عندي ويمكن ماعندي |
كيفنك بت الهنا
انشاء الله طيبة وتبري انت من الهلوسة
لكن بيني بينك كلنا بنشك انو يكون عندنا وما يكون عندنا
مع مودتي
هاجر
| |
|
|
|
|
|
|
Re: البرانويا (Re: هاجر التهامي ياسين)
|
النسوان في الحلة يتهامسن قالوا هاجر بت شيخ التهامي راقدة في البيت - سجمي من متين يا نفيسة - قالوا جات من الشغل بدري ورقدتي في السرير وليها يومين ترجف - كا في البلا وحايد الحن مالها ( قبلها وحدها) - ودوها الدكتور الدكتور قال ليهم ضربها واحد عندو برانويا - كر عليها والبرروريا دها يافتحية شنو دفار والا قندراني - بري شن عرفني بيه اظنو شيتن من الشيتات البسوو السدود جابو واحد من الكيزان ديا اصلهم غير النصايب ما بجيبو شي - البرروريا يا عشة عربات جديدة ضد الرصاص يا هو جابوها الجماعة ديل خايفين من الانتخابات - والله يا علوية كلامك ده خوفني النلم عيالنا ما يلعبوا في الشاريه - الله يكفينا شر البررويا - وهسة هي كيف ؟ نعلو ما كسر فيها شي - قالة الاشاعة نضيفة وما في نزيف في المخ بس الخلعة شديدة عليها
| |
|
|
|
|
|
|
Re: البرانويا (Re: د.محمد حسن)
|
Quote: النسوان في الحلة يتهامسن قالوا هاجر بت شيخ التهامي راقدة في البيت - سجمي من متين يا نفيسة - قالوا جات من الشغل بدري ورقدتي في السرير وليها يومين ترجف - كا في البلا وحايد الحن مالها ( قبلها وحدها) - ودوها الدكتور الدكتور قال ليهم ضربها واحد عندو برانويا - كر عليها والبرروريا دها يافتحية شنو دفار والا قندراني - بري شن عرفني بيه اظنو شيتن من الشيتات البسوو السدود جابو واحد من الكيزان ديا اصلهم غير النصايب ما بجيبو شي - البرروريا يا عشة عربات جديدة ضد الرصاص يا هو جابوها الجماعة ديل خايفين من الانتخابات - والله يا علوية كلامك ده خوفني النلم عيالنا ما يلعبوا في الشاريه - الله يكفينا شر البررويا - وهسة هي كيف ؟ نعلو ما كسر فيها شي - قالة الاشاعة نضيفة وما في نزيف في المخ بس الخلعة شديدة عليها
|
مرحبتن د. محمد حسن
جد موت من الضحك
والله الكيزان ديل غير النصايب ما يعملوا حاجة
اسع عليك الله الزول الفتل البوست دا يقولوا ليه شنو؟
عارف يا دكتور البحث في البروفايلات برضو نوع من انواع البرانويا
مع مودتي
هاجر
| |
|
|
|
|
|
|
Re: البرانويا (Re: هاجر التهامي ياسين)
|
اختنا الكريمة هاجر
اها اعملي حسابك حسب فهمنا الدكتوري وليس الدكتاتوري قالوا في برروريا حايمة اعمملي حسابك وادخلي اقرب مركز صحي اتطعمي وكان ما لقيتي تطعيم اغتربي البلد دي ما مضمونة
| |
|
|
|
|
|
|
Re: البرانويا (Re: د.محمد حسن)
|
Quote: اها اعملي حسابك حسب فهمنا الدكتوري وليس الدكتاتوري قالوا في برروريا حايمة اعمملي حسابك وادخلي اقرب مركز صحي اتطعمي وكان ما لقيتي تطعيم اغتربي البلد دي ما مضمونة |
اها يا دكتور انا عاملة حسابي شديد
وفكرة الاغتراب دي واردة في البال
| |
|
|
|
|
|
|
Re: البرانويا (Re: هاجر التهامي ياسين)
|
الاخت هاجر هل للبرنويا علاقة بمرض التوحد د0محمد حسن ماهي علاقة البرنويا بي د0نجيب ذيادة
تخريمة وانا متأكد انه في كميه من الاعضاء هنا في المنبر مصابين بالمرض ده
| |
|
|
|
|
|
|
Re: البرانويا (Re: طارق عبد اللطيف نقد)
|
Quote: هل للبرنويا علاقة بمرض التوحد |
الاخ طارق كيفك
والله الاسئلة دي محتاجة لمتخصص, لكن على ما اظن وذلك حسب ما قرأت ان مريض التوحد
يولد بهذا المرض او يصاب به في سنواته الاولى وهو عبارة عن اضراب عصبي ناتج عن
خلل في وظائف الدماغ يظهر كاعاقة, وذلك عكس البرانويا
اذا انها مرض نفسي وليس عضوي كما في حالة التوحد,حيث تبداالبرانويا تدرجيا الى ان يصبح مزمنا.
ومريض التوحد يظهر عليه المرض جليا من خلال تصرفاته
ميوله للوحدة, تكرار ما يسمعة بصورة روتينة,
لايكترث الى المخاطر, القيام بحركات غريبة.
وهذا ما توصلت له من خلال قراتي البسيطة.
ولك اخ ان تسال من هم اكثر تخصصا.
وحكاية انو في ناس من المنبر مصابين بالبرانويا
دا قطع شك اكيد واول واحد الفتل البوست دا
وشكرا على مرورك
مع مودتي
هاجر
| |
|
|
|
|
|
|
Re: البرانويا (Re: هاجر التهامي ياسين)
|
الدكتورة هاجر
ياخ ما من المصلحة انك تتعدي بالشتم والاوصاف الغير كريمة علينا في بوستات اخري , تلدغي وتهربي , لذا انا افضل ان يكون الحوار منطقيا والاحترام فيه متبادل , ونصيحة لوجه الله هذا المسلك معي قد يؤدي بك الي ويلات لاذعة لست بحاجة اليها انت ولست في مقام يجعلك ندا حقيقيا , فاسلكي طريقا اخر معي , واحترمي وجه نظري في كتاباتك واستفيدي منها بدلا عن جعلي عدوا لك من غير فائدة ترجيها من ذلك , فقد شكرتي كل الذين اشادوا بك ومن باب اولي ان تحترمي النقد الذي وجه اليك لا ان تبادليه بالتبرم تارة والشتم تارة والمكاواة تارة , عموما قد اعذر من انذر فلا تمتحني صبرنا اكثر من هذا لانه قد يفاجئك ما قد تضطرينا الي كتابته لك .
عموما حتي الان لم تحري جوابا حول سؤالي الجادي جدا اعلاه حول هذا البوست . ـــــــــــ
واحترم جدا استدلالك بصورتنا اعلاه وهي فرصة سانحة انه الواحد يتحدث عن مناسبتها , في اخر لقاء لنا في جدة قال لي الاخ محمود انه سيترصدني بكاميرته ويصور لحظات طربي وانفعالي بالغناء وقلت له ما حاديك فرصة , في لحظة وجدته يترصدني من بعيد ويريد التقاط صوره فاشرته له بتلك الحركة والتي تعني اني متيقظ لك وانت تصور , هذا ما كان من حب الظهور الذي ذكرتيه دون وجه حق وبكذب صريح ومحاولة ادانة ودمغ غير مبررة منك . ويا دكتورة لو كنت احب الظهور لكنت كتبت باسمي الحقيقي لحدي جدي الخمسطاشر مثلك علي الاقل ولكنت وضعت صورة قدر الطشت في بروفايلي او مثلما تفتلين البوست فخليك منطقية ولا تهدري وقتنا في ما لا يفيد وينفع ولا تصدقيني في مقولتي عن سطحيتك قد لا اعود لهذا البوست ان وعيتي الدرس , وقد اعود ان وجدتك في غيك تعمهي ولكن ساكون موجعا اكثر مما يخطر علي بالك وفي النهاية اتوقع شكرك علي هذه الدروس المجانية حتي لو كانت بارنويا
(عدل بواسطة اساسي on 01-28-2010, 11:21 AM)
| |
|
|
|
|
|
|
Re: البرانويا (Re: اساسي)
|
اساسي انا ما اعتديت عليك الا بعد ان اصابني منك الكثير
والكثير ولو عايز تتناقش بروح طيبة, ممكن بس انت البديت النجريح
وحقيقة لوما انت قصدت تتعدى على ما كان خديت الصورة في البوست
وانا كتبت البوست من اجل البوست نفسه ليس اعتداء على احد ولا وصف
لاحد ما, يا سيد اساسي لو عندك حاجة ضدي انا من جيت المنبر دا وانت
خاتيني في راسك ولو عندك تار عندي قوله بس اصلا انا ما بعرفك لا من قريب
ولا من بعيد.
عشان كل انسان ما بستحمل في نفسه انا عندي سؤال واحد
انت عايز من هاجر التهامي شنو ؟
ليه بتتحرش بي وليه اصلا بديت الامر؟
ولو عايز تتفاهم بصورة طيبة غير الهجوم والاستعلاء والتكبر على شخصي
اتفضل نزل الصورة اولا بعدين نعرف الغلطان على التاني منو.
ولو كمان عايز تهدد وتدخل في مهاترات الانت بديتها, كمان انا بعرف
احمي نفسي كويس.
انا ما محتاجة لدروس منك ياسيد اساسي, كثيرين هم في المنبر استفدت منهم
انت لم تعطيني فرصة لكى ارسم لك شكل غير انك بدات باهانتي.
ابدا ازيل الصورة وانا ازيل الصورة
ازيل الاهانات والتجريح وانا افعل ذلك بروح طيبة
انا لست متكبرة ولا ابدا ولكن اعتدي على من اعتدا على بمثل ما اعتدا على.
ودي سنة الحياة.
| |
|
|
|
|
|
|
Re: البرانويا (Re: هاجر التهامي ياسين)
|
يا هاجر في الاول حبابك ولو بتقبلي مني الكلام بقولو شوفت احتدادك مع اساسي قبل البوست دا .. كلنا لمن جينا جداد هنا كنا بنعرف الحاصل شنو .. منو اساسي ومنو حميده ومنو عمر الفاروق ودا المفروض طبعاً بحكم انك جديده فكان لازم تتعاملي مع الاعضاء (القدامي منهم) حسب معرفتك المسبقه ليهم كان عرفتي اساسي قاصد شنو وعلان بيهظر كيف وفرتكان بيدور لي ؟؟ صدقيني مافي زول بخت الكلام الهنا دا في راسو شديد .. لانو ما في زول بتربطه بالتاني عرفه الا يخلقها براهو والبورد دا ماهو الى مساحه نقضي فيها وقت حسب ما نحب .. يا نقضيها ونسه واستثقاف .. يا نقضيها شكل وحرابه
فاتمنى انك تكوني زي ما حسيت زوله طيبه وعفويه وعارفه انه اي زول من حقه يقول رايه ومن حقو تتقبليه
| |
|
|
|
|
|
|
Re: البرانويا (Re: Dalal Ezzaldin)
|
شكرا اخت دلال على المرور
وشكرا مرة تانية على النصيحة القيمة
وياريت يكون المنبر مفيد لينا كلنا كما تمنينا قبل ان
نصبح اعضاء به.
اكيد انا ما حابه المكايدة البيني وبين اساسي وما سعيت ليها
لكن الظروف وضعتني في هذا المحك.
زي ما شايفة نزلت الصور اول خطوة,ما معروف بعد دا يحصل
وبتمنى كل الخطوات القادمة تكون ايادي ممدودة بيننا للسلام
مع مودتي
هاجر
| |
|
|
|
|
|
|
Re: البرانويا (Re: هاجر التهامي ياسين)
|
ياهاجر
بالله إنت فتحت البوست دا عشان شنو؟
عشان تفيدى القارئ؟ أم تستفيدى؟ أم فقط للفت النظر وتوجيه إهتمام الناس لك؟
إذا كان عشان تفيدى القارئ فأول معلومة أوردتيها فى معنى البرنويا خطأ.. واذا عايزا تستفيدى يظهر لا استفدتى من تصحيح أمبدة ليك ولا حتى المعلومات النقلتيها بدون ذكر مصدر.. فمازلت مصرة على الخلط بين الparanoid disorder و الgrandiosity و النرجسية.
وإن كنت تحبين الإستحواذ على الأضواء وكسب إهتمام الأعضاء والقراء فيمكنك الإلمام بما تكتبين أو تتجهى للبوستات ذات الظل الخفيف.
| |
|
|
|
|
|
|
Re: البرانويا (Re: Balla Musa)
|
الاستاذ بله السلام عليكم اولا
شكرا على المرور ثانيا
اكيد ما كتبت البوست عشان لفت الانظار يا اخي.
وما مشكلة ان غلطت في معلومة وفي نقلها يبقى تصحيحها من عندك
اكيد ح يفيد كثير, لكن في الحقيقة البوست لم يذهب في اتجاه صحيح.
زي مداخلات امبدا افادت ولو قرأت كل المداخلات جيدا, انا ببحث عن حقيقة
المرض الذي اعرف عنه القليل فاكيد المنبر يضم الكثير من المتميزين الذين لديهم
الكثير لكي يفيدوا في اثراء البوست.
اخر حاجة اقولها ليس عيبا ان نخطي ولكن العيب ان لا نستفيد من الاخطاء
وشكرا للمرة الثانية على النصيحة والتوضيح
مع مودتي
هاجر
| |
|
|
|
|
|
|
|