|
|
 انوركينج بقي حارس مرمي ساحل العاج ولا شنو....جنس شبه
|
شفت مباره ساحل العاج والجزائر الشوط الاول
مع اني ما بتاع كوره ولا حاجه
انتبهت لواحد واقف في القون
قلت لاصحاب والله الزول ده مااااا غريب علي
دورتها قلبتها في راسي ياربي دي صوره منو البتجي وبتمشي دي كل الحارس يمسك كوره
هي... ده ما انور كينق زاتو
عليكم الله واحد ينزل الصورتين وقارنو
يا معاويه عليك الله صاح ولا ما غلط
|
|
  
|
|
|
|
|
|
|
 Re: انوركينج بقي حارس مرمي ساحل العاج ولا شنو....جنس شبه (Re: محمد زكريا)
|
طيب خلونا من انور وساحل العاج وتعالو نسئلكم انتو العاجبكم في الكوره دي شنو هسه ؟
عليكم الله عاملين فيها متابعين وماسكين لينا التلفزيون كوره كوره ’اها استفيدتو شنو؟
ياخ الساعه ماشه لي حداشر بالليل وفي برنامج عن موسيقيي الشوارع داير احضرو وكتر خيركم... فوتوه لي
طيب طالما الموضوع كوره في كوره تعالو نناقش في الكوره ونشوف
زمان قالو لي يا ابوالزيك عليك شوف ليك موضوع غير نقاشات الكوره
قلت ليهم ليه انتو قايلين ناس الموسيقي ما بفهمو في الكوره ولا شنو
===
اولا طبعا اساس كوره القدم اتسلست تاريخيا من العاب هنود لاتين امريكا من عصور قديمه جدا
وكانو بيلعبو بي كوره من نار والمرمي عباره عن حلقات في جدار المعبد
الفريقين المتنافسين بيكونو عباره عن محاربيي القبائل الاقوياء
وبيلعبو من الصباح حتي غروب الشمس والفريق المهزوم بيضحو بلعيبتهم في المعبد وبيرموهم في البحيره المقدسه
وطبعا الكاهن هو الحاكم وووو.... احد المشاهدين مقاطعني
يا زكريا ارحمنا عليك الله...تمها بكره الصباح
وسكت ابوالزيك عن الكلام المباح
| |
|
|
|
|
|
|
|
|
|
Re: انوركينج بقي حارس مرمي ساحل العاج ولا شنو....جنس شبه (Re: محمد زكريا)
|
اها بتشجعو في ساحل العاج .....ااهو اتغلب ليكم
طيب الايام ديك ما كنتو واقفين مع الجزائر....يا ما عندكم مبداء
بعدين بتاع ساحل العاج المسحسح شعره قلتو لي بيلعب في تشلسي؟
طيب مسمينه اب ركبه ...عارفين ليه؟
احدهم مقاطعني باستخفاف.........اسمو دروقبا ...دروقباياخي مش اب ركبه
اوكي ذروقبا ابركبه كلو واحد اها اتغلبتو برضو
ابو الزيك انت حمي اليد دي طلعت ليك في راسك ياخ امشي نوم عليك الله
والله انا زاتي فترت من النضم احسن امشي انوم ..لكن نتلاقي بكره... بقنعكم
قلتو لي بكره لاعبه منو ومنو؟
واحد بيغمز للتانيين... بكره مافي مباره بكره راحه اوكي وح نقطع ليك تذكره للسينما تغير ويه من قعاد البيت
ولا شنو يا شباب.... بصوت عالي وبهز في راسه باشاره الموافقه
كلهم بصوت واحد..اااااي ياخ انت محتاج تغيير جو
====
ياجبناء تخافو من النقاش والمواجهه عشان عارفيني بقنعكم....والله قاعد ليكم وكاسر هنا ...من بيتي ما طالع
قال سينما قال...ده فلمكم
ولا اقول ليكم... تذاكر سينماوعزومه مطعم ..قلتو شنو؟
اووووكي موافقين
| |
|
|
|
|
|
|
|
|
|
Re: انوركينج بقي حارس مرمي ساحل العاج ولا شنو....جنس شبه (Re: محمد زكريا)
|
غايتو المدام لمن تجي ح تفرح فرح
بس الخوف تطلع بتاعه كوره كمان
ح اكون تبع رابطه مشجعي رجال الخط
بالمناسبه رجال الخط ديل مظلومين من ناحيه الاعلام
كمان مساعد المدرب والفريق الطبي....ح اركز علي تشجيعهم
يعني كل ما رجل الخط يرفع رايه ح اصفق ليهو مهما يكون الفريق
اما الفريق الطبي خصوصا بتاعين النقاله ديلك محتاجين صفافير وصراخ من التشجيع مني
مساعد المدرب ما حصل اتعرفنا بيهو لامن بعيد ولا من قريب
الكوره البيلعبو بيها برضو مهم نتعرف عليها
====
نتمها بكره
| |
|
|
|
|
|
|
|
|
|
Re: انوركينج بقي حارس مرمي ساحل العاج ولا شنو....جنس شبه (Re: BitAlhana)
|
امس قاعدين في القهوة نحضر في كورة ساحل العاج ومعاي مجدي وحجر , اول ما جابو ليك حارس الكوديفوار ( لانهم بقوا يتحسسوا من قصة ساحل العاج دي) نفس التعليق دا قلتو ليهم : انور كنق دا بقي (الاقطبوط) بتاع ساحل العاج بتين ؟
اها كل شوية مجدي يقول لي : والله بشبهو
نص ساعة كدا حجر يقول : ياخي شبه شديد
لحدي ما ساحل العاج اترشت
| |
|
|
|
|
|
|
| |
محمد زكريا
AnwarKing
وجن
اساسي
ود العجمى
omer osman
عمران حسن صالح
معاوية المدير
Hussein Mallasi
محمد عبد الماجد الصايم
Kostawi
فيس بوك
تويتر
انستقرام
يوتيوب
بنتيريست