|
Re: خليل ابراهيم.. فكّـر وقدر ثم.. جابها شينة كلو كلو (Re: محمد فرح)
|
في سبق صحفي لصحيفة الاهرام اليوم نطالع اليوم مسودة مشروع اتفاق اطاري تطرحه حركة العدل والمساواة لحل أزمة دارفور في طاولة الدوحة.
انظر معي واضحكـ
1- رئاسة تعاقبية على السودان.. الحكومة مرة وحركة العدل والمساواة مرة.
2- حكم خالص للعدل والمساواة على اقليمي دارفور وكردفان ، وأن تتقاسم الحركة بقية الاقاليم مع الحكومة.
3- تخصيص نسبة 42% من الوظائف الدستورية والتشريعية والقضائية العليا والخدمة المدنية في كل مستويات الحكم الاتحادي لحركة العدل والمساواة.
4- احتفاظ الحركة بما لا يقل عن 3 ألف جندي داخل الخرطوم.
!!!!!!!!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
Re: خليل ابراهيم.. فكّـر وقدر ثم.. جابها شينة كلو كلو (Re: محمد فرح)
|
يعني في حاجات معقولة
مبلغ 5 الف يورو لكل نازح (دا طبعاً مطلب مسروق من حركات أخرى اتفاوضت مع الحكومة) ، لكن مطلب معقول.. ممكن يصلوا معاهم لدعم كبير لكل النازحين وقراهم.
مطلب تاني معقول.. (تخصيص 15% من الميزانية العامة للبلاد لاعمار دارفور)
معقول جداً.
وممكن جداً تنفيذه ان شاءالله بعد ما يكتسح الطرف المفاوض (الحكومة) الانتخابات
لكن تقول لي تدونا البلد وتدونا دارفور وكردفان وما عارف اللغة الفرنسية
دا شنو الكلام الفارغ دا!
| |
|
|
|
|
|
|
Re: خليل ابراهيم.. فكّـر وقدر ثم.. جابها شينة كلو كلو (Re: محمد فرح)
|
Quote: انظر معي واضحكـ
1- رئاسة تعاقبية على السودان.. الحكومة مرة وحركة العدل والمساواة مرة.
2- حكم خالص للعدل والمساواة على اقليمي دارفور وكردفان ، وأن تتقاسم الحركة بقية الاقاليم مع الحكومة.
3- تخصيص نسبة 42% من الوظائف الدستورية والتشريعية والقضائية العليا والخدمة المدنية في كل مستويات الحكم الاتحادي لحركة العدل والمساواة.
4- احتفاظ الحركة بما لا يقل عن 3 ألف جندي داخل الخرطوم. |
حقيقي الكلام ده يا محمد فرح !!!!!!!!!!!!
| |
|
|
|
|
|
|
Re: خليل ابراهيم.. فكّـر وقدر ثم.. جابها شينة كلو كلو (Re: Faisal Al Zubeir)
|
يا محمد فرح أولا ازيك...
غايتو انا معقدني منك موضوع الكهرباء الزماااااان داك...
لكن نفترض انو موضوعك دا ما فيه سد ولا رد...
يبقي القالوه ناس العدل والمكاواة ديل فيه حقارة واستخفاف بقدرة ومقدرات الشعب السوداني
زي ما حقرتو بينا انتو يا محمد فرح...
انتو تحقروا بينا ويجوا ناس يطالبوكم تقسموا اللقمة بيناتكم...
(ومحل قبلت القاكم معاي معاي زي ضلي)
| |
|
|
|
|
|
|
Re: خليل ابراهيم.. فكّـر وقدر ثم.. جابها شينة كلو كلو (Re: Nasir Ahmed Elmustafa)
|
Quote: اها قولو لي دي ما قلة ادب! |
اقول ليك حاجة يا محمد فرح ؟ اخدو بعضكم انت واخوك ود الباوقة والمعاكم واخطفو رجلهم لمكان ناس خليل واخوانه وادبوهم ذى ما دايرين وتعالو راجعين ذى ما مشيتو من الميدان لام درمان وقشة ما تعتر ليكم.
مش بقولو داك الميدان يا حميدان ؟؟ يلا يلا جرى على الميدان يا شاطر عشان تأدب الفرسان
قال قلة ادب قال بالله انت البتعمل فيه اسمو قلة شنو؟؟؟
| |
|
|
|
|
|
|
Re: خليل ابراهيم.. فكّـر وقدر ثم.. جابها شينة كلو كلو (Re: حواء سليمان ابراهيم)
|
أخى محمد فرح
سلامى
Quote: - رئاسة تعاقبية على السودان.. الحكومة مرة وحركة العدل والمساواة مرة.
2- حكم خالص للعدل والمساواة على اقليمي دارفور وكردفان ، وأن تتقاسم الحركة بقية الاقاليم مع الحكومة.
3- تخصيص نسبة 42% من الوظائف الدستورية والتشريعية والقضائية العليا والخدمة المدنية في كل مستويات الحكم الاتحادي لحركة العدل والمساواة.
4- احتفاظ الحركة بما لا يقل عن 3 ألف جندي داخل الخرطوم. |
إذا كان النظام الحالى سرق للسطة والمال العام منذ 89.... فلماذا تستغرب وتستخف بطلبات الحركات المسلحة بٌإقتسام الوطن المسروق وممتلكاته؟؟؟ ألم يتقاسم النظام الوطن المسروق وماله العام مع الحركة الشعبية؟؟ حركة مناوى؟؟؟ حركة الشرق؟؟؟
| |
|
|
|
|
|
|
Re: خليل ابراهيم.. فكّـر وقدر ثم.. جابها شينة كلو كلو (Re: أسامة خلف الله مصطفى)
|
الأخ/ محمد فرح
تحياتي
إنت مستغرب ؟ وليه تستغرب ؟
والله أنا بقول يحق لدكتور خليل أن يمد رجليه الإثنتين.... طالما يفاوضه وفد يتكون من ( تاكل عيش )
لا علاقة لهم بدارفور، ولا يعرفون من دارفور الا اسمها، ومعلوماتهم عن دارفور جمعوها من الإعلام الكذوب
والمتمرد د. خليل ووفده يعرفون دارفور تماما ويناقشون من زوايا يجهلها وفد الحكومة كليا، لذلك
فلو كنت مكان د.خليل لرفعت سقف المفاوضات وطالبت بحضور أوباما شخصياوكل قادة العالم ليشهدوا على مهزلة
أن يفاوضني في أرضي من لا يعرفها ولا يعرف أهلها، بل ويستنكف أن يعيش بها أو حتى يزورها ليواسى أهلها
في محنتهم وينظر بعينيه لماذا جفلت الجموع كما قال المرحوم بإذن الله تعالى ( الشهيد) تاج الدين أحمد
الحلو لفخامة الرئيس عمر البشير : يا ريس لو حوت البار بتلاقي الجفلهن.
يا محمد فرح إن كانت الحكومة جادة لحل مشلكة دارفور عليها:
1 - أن تتخذ الآليات الصحيحة للحل وأولها أن يتم تسليم ملف دارفور لأحد أبناء دارفور من أهل الثقة والكفاءة.
2 - إشراك الأغلبية الصامتة في الحوار وعدم ترفيع المتمردين لكونهم تمردوا ويتم تجاهل الآخرين.
3 - بسط هيبة الدول وتوفير الأمن بالقوة وردع المتمردين والمتفلتين وكل خارج على القانون.
4 - قيام تنمية عادلة ومتوازنة مع حاجة مجتمع ما بعد الحرب والفوضى وتوفير الأمن، المسكن ،الإعاشة ، التعليم،
الصحة بدارفور مجانا. أي التعويض العادل والعاجل.
5 - قفل باب أن يكون التمرد وسيلة لدخول القصر الجمهوري أو إرتقاء المناصب السياسية.
6 - أن يكون حكام دارفور ليسوا من أبناء دارفور وإنما من أبناء قبائل كبيرة ومعروفة ولهم مراكزهم الإجتماعية
بينما يتم توزيع ابناء دارفور بأقاليم أخر بذات مستويات الكفاءة والمهنية المتوفرة لرصفائهم.
وإلى أن تعي حكومتنا الرشيدة هذه الجزئيات سيتمدد د. خليل ويرفع سقف مطالبه رويدا رويدا وكما تعلم فهو يلعب
بخطة الخصم ذاتها كونه كان رأس حربه بالفريق نفسه، ويعرف حتى كيفية لعب الإحتياطي..........................
| |
|
|
|
|
|
|
Re: خليل ابراهيم.. فكّـر وقدر ثم.. جابها شينة كلو كلو (Re: حماد الطاهر عبدالله)
|
الأخ حماد الطاهر تحياتي
ايوة انا مستغرب.. ومستغرب جداً لأن حركة خليل لو كانت جادة في المفاوضات لما بدأت بهكذا مطالب وهذا ليس سقف كما تفضلت انه (تعجيز) واستهتار
لا اعلم ولكن كلامك هذا غير منطقي
Quote: لا علاقة لهم بدارفور، ولا يعرفون من دارفور الا اسمها، ومعلوماتهم عن دارفور جمعوها من الإعلام الكذوب
والمتمرد د. خليل ووفده يعرفون دارفور تماما ويناقشون من زوايا يجهلها وفد الحكومة كليا،
|
يازول الحكومة دي عارفة القاعد جمب خليل هسي منو
بالنسبة لكلامك دا فأقول انو نعم الكلام والله
Quote: 1 - أن تتخذ الآليات الصحيحة للحل وأولها أن يتم تسليم ملف دارفور لأحد أبناء دارفور من أهل الثقة والكفاءة.
2 - إشراك الأغلبية الصامتة في الحوار وعدم ترفيع المتمردين لكونهم تمردوا ويتم تجاهل الآخرين.
3 - بسط هيبة الدول وتوفير الأمن بالقوة وردع المتمردين والمتفلتين وكل خارج على القانون.
4 - قيام تنمية عادلة ومتوازنة مع حاجة مجتمع ما بعد الحرب والفوضى وتوفير الأمن، المسكن ،الإعاشة ، التعليم،
الصحة بدارفور مجانا. أي التعويض العادل والعاجل.
5 - قفل باب أن يكون التمرد وسيلة لدخول القصر الجمهوري أو إرتقاء المناصب السياسية.
6 - أن يكون حكام دارفور ليسوا من أبناء دارفور وإنما من أبناء قبائل كبيرة ومعروفة ولهم مراكزهم الإجتماعية
بينما يتم توزيع ابناء دارفور بأقاليم أخر بذات مستويات الكفاءة والمهنية المتوفرة لرصفائهم.
|
كلام عقل وكلام جميل..
مؤنة عام من الود
| |
|
|
|
|
|
|
Re: خليل ابراهيم.. فكّـر وقدر ثم.. جابها شينة كلو كلو (Re: حواء سليمان ابراهيم)
|
السيدة الفاضلة حواء سليمان أولاً كامل احترامي و نقدر انفعالك بحكم الصلة
ولكن صدقيني الميدان الذي تتحدثين عنه لا يملك فيه خليل الكثير ودليلي ليس فقط خروجه بطرحة من ام درمان ولا خروجه ذليلاً من مهاجرية بعد ان تركها الجيش لمناوي الذي فرط فيها وانما دليلي هو أن العدل والمساواة حركة مضلة في اعلامها ، تتحدث ولا تعمل واسوأ ما فيها اعتمادها على القبيلة ، وفي القبيلة بطن واحد
واحترامي ثانية ، وأؤكد لك أن (رجالتنا) والله ما بنتكلم عنها بكيبورد
| |
|
|
|
|
|
|
Re: خليل ابراهيم.. فكّـر وقدر ثم.. جابها شينة كلو كلو (Re: nazar hussien)
|
أخوي محمد فرح لو تتذكر كم كان نصيب ناس الجبهة اللا إسلامية (سابقا) اللا وطني حاليا في السلطة والثروة ، وكم أصبح الآن ؟ حلال عليكم حرام على غيركم ؟ مش ممكن تصبح الأمنيات والأحلام واقع بيده الملك ينزعه ممن يشاء ويهبه لمن يشاء ؟؟ يا أخوي لو عندكم أدنى معرفة بالدين فإنه يأمرنا بالعدل والإحسان طبعا أأنتم لا تعرفون ( الإيثار) هم مظلومين كغيرهم من سياسات وممارسات اللا وطني الذي ساوى الكل في الظلم والقهر ... خليكم على تزوير إرادة الشعب حتى لا يأتي بالانتخاب من لا يرحكم ولا يخاف الله فيكم .. أبقوا عشرة على التزوير وقهر وظلم الرجال والشيوخ والأطفال والنساء ... فتك بعافية الشفيع ابراهيم
| |
|
|
|
|
|
|
Re: خليل ابراهيم.. فكّـر وقدر ثم.. جابها شينة كلو كلو (Re: Alshafea Ibrahim)
|
الأخ/ محمد فرح
تحياتي
Quote: لا اعلم ولكن كلامك هذا غير منطقي
يازول الحكومة دي عارفة القاعد جمب خليل هسي منو |
- من قال لا أعلم فقد أفتى، ( أراح واستراح).
- أما المنطقي وغير المنطقي فهذه جدلية لا نهاية لها.
- أما جهل بعض من بالوفود المفاوضة بأرض دارفور وشعب دارفور، فقد تحدثت به الركبان، وكدليل
وليس للحصر، فقد سبق وتم تسليم منطقة قريضة بجنوب دارفور للمتمردين وهم حقيقة ما كانوا يقصدونها
ولم تكن يوما تحت سيطرتهم وإنما يقصدون منطقة أخرى تحمل نفس الإسم بأرض المساليت في ضواحي الجنينة،
وغيرها كثر لا يتسع المجال لذكرها.
- أما القاعد جمب خليل .... والله الكضب خيبة... ممكن تقول د. خليل قاعد تحت شجرة حسب الصورة بهذا البوست
وأنت الصادق، أما تقول مثل كلامك دا، فلو كان ذلك كذلك فلم إهدار الموارد في حرب خايبة وقائدها مكشوف حال
بهذه الطريقة ...... هي دي التي تستحق الإستغراب!!!!!!!!!!!!!!!!!!!!!!!!!!!!!!!!!!!!!!!!!!!!!والتعجب كمان.
| |
|
|
|
|
|
|
|