|
|
 ترحيب خاص جدا لانضمام صديقي معاوية النعيمة للبورد
|
اول حاجة الشكر الجزيل لي بكوري لجعل ذلك ممكنا
والتحية الحارة لصديقي معاوية عثمان الذي كانت لي معه صولات وجولات بالرياض والدمام
هذا ترحيب مني له شخصيا وانتظرت يومين كاملين لكي يكون الترحيب لشخصين لكن للاسف الاخ مجدي عبدالله امورو لسع مجهجهة فلذلك قلت نرحب بالاخ معاوية وبعدين مجدي هين 
نرحب كمان بالبرلوم عبدالله محمد احمد
الترحيب مفتوح للجميع
تحياتي
زاتوووو
|
|
 
|
|
|
|
|
|
|
|
Re: ترحيب خاص جدا لانضمام صديقي معاوية النعيمة للبورد (Re: GamarBoBa)
|
خليت قبيض السمك بقيت ترشح أعضاء جدد؟
كده أنقطع عملك الا من أربع
الرابعة ترشيح الأعضاء الجدد
رغم اني لسه ما عارف التلاتة الباقيات
على العموم نرحب بالزميل النعيمة
ولو من بربر نرحب بيهو مرتين
ومقدما نرحب بي معاوية
لأنو مع التفرغ التام بتاعك ده، اكيد حا تتلح بكري لحدي ما يقول هاك ياخ بس حل عني
الله يجيبا بالسلامة بس
| |
|
|
|
|
|
|
|
|
|
Re: ترحيب خاص جدا لانضمام صديقي معاوية النعيمة للبورد (Re: ALGARADABI)
|
Quote: خليت قبيض السمك بقيت ترشح أعضاء جدد؟
كده أنقطع عملك الا من أربع
الرابعة ترشيح الأعضاء الجدد
رغم اني لسه ما عارف التلاتة الباقيات
على العموم نرحب بالزميل النعيمة
ولو من بربر نرحب بيهو مرتين
ومقدما نرحب بي معاوية
لأنو مع التفرغ التام بتاعك ده، اكيد حا تتلح بكري لحدي ما يقول هاك ياخ بس حل عني
الله يجيبا بالسلامة بس |
القرضابي ياوجيه
تصدق وتامن انا اي زول عملت ليهو وصية بكوري ما اشتغل بيهو لوووولز عندي صاحبي خمسة سنة بعمل ليهو توصيات بدون فائدة واقترحت على بكوري اي عضؤ تم سبعة سنة بالبورد من حقو ياخد ليهو اربعة خمسة باسوردات .
لكن الزمن ده كلام الطويل مابنسمع
بالنسبة لي معاوية قبل اسبوع اتصلت عليهو تلفون وعندنا بوست بتاع الكلية مفتوح قلت ليهو لو عندك حاجة عايز تنزلها رسلها لي اها قال لي يازول انا بتصرف وفعلا تصرف 100%
يكون ناس شيكاغو ديل عندهم اساليب خاصة بيخضعوا بيها بكوري
على العموم اهم حاجة انو اتحصل على باص وورد ريقاردلس الطريقة الاخد بيها الباس وورد
بي خصوص السمك واحد من المرضانين ضرب لي تلفون قال لي السمك اليومين ديل عامل بارت ومحتفل بي جية المدام  قال لي لو ختيت سجارة في السنارة تقبض لوووووولز
الله يبارك فيك دائما ياخي
معاوية من كوستي لكن الزول ده تمشي اي حته تلاقيهو
تحياتي
زاتوووو
| |
|
|
|
|
|
|
|
|
|
Re: ترحيب خاص جدا لانضمام صديقي معاوية النعيمة للبورد (Re: ALZOLZATOO)
|
اولا الشكر اجزله للباشمهندس بكري ابوبكر الذي لم يخذل احد يوما ونسال الله ان يوفقه ويجعل كل اموره ميسورا اينما ذهب وان يحفظه واسرته الكريمة ودمت يا بكري في خدمة الوطن الكبير ومواطنيه وربط حبال الوصل بينهم وتوفير مناخ معافى للنقاش والحوار والراي الاخر وتبادل الثقافات وتواصل الاجيال وتوسيع دائرة المعرفة ونقل المعلومة..
والشكر ليك يا الزول ذاتوووو على هذه المبادرة الطيبة التي تعبر عن صدق الاخاء وعميق الحب ونحن اذ نشاركك الترحيب بالاخ معاوية عثمان ترحيبا حارا يليق بمقامه واني لاشد الناس فرحا في هذا المنبر بقدومه لعلمي ويقيني انه سيكون اضافة حقيقية للمنبر وكم تمنيت لان يكون هنا منذ بدايات البورد ليكون جزء من الحوار الذي دار في كل الصعد وحول مختلف القضاياعبر عمر المنبر غير القصير ويمتد ترحيبي لصديقي وزميلي عبدالله محمد احمد بلة الذي لا شك انه سيكون من بين اميز كتاب هذا المنبر .. والف مبروك لبورداب كوستي حيث ان الزميلين معاوية عثمان النعيمة وعبدالله محمد احمد بلة ينحدران منهاكما انهما زميلا دراسة ودفعة..
الف مرحب بكما ونتمنى لكما وقتا طيبا بين ثنايا وفضاءات المنبر الرحب..
وستكتمل الخياطة بالحرير يا باشمهندس بالحاق الزميل والصديق مجدي عبدالله محمد الذي لازال يحلم بالمنبر منذ سنين ونحن ايضا نشاركه العشم يا صاحب الحوش الكبير..
مودتي.. معتصم
| |
|
|
|
|
|
|
|
|
|
Re: ترحيب خاص جدا لانضمام صديقي معاوية النعيمة للبورد (Re: لؤى)
|
الله يسلمك يا ابو اللول
مابتقصر والله بس معاوية ده لازم تنزل ليهو اغنية من اختيارك هو زوقوا في الفن تعبان يعني مافي مشكلة ممكن تنزل ليهو زيدني من دلك شوية طلب خاص
نحن برضو بنجي في الاحلام يالؤي نحن حدنا خشم الباب لوووولز
يازول ماعندك مشكلة اي مشوار نحن حاضرين حفلات ينظر ويفاد
تحياتي
زاتوووو
| |
|
|
|
|
|
|
| |
ALZOLZATOO
GamarBoBa
محمد عبد الماجد الصايم
معاوية عوض الكريم
ALGARADABI
khaleel
HAIDER ALZAIN
معتصم احمد صالح
لؤى
فيس بوك
تويتر
انستقرام
يوتيوب
بنتيريست