|
|
 وزير العدل السابق (المرضي) يقود سيارته دون رُخصة و يرتكب حادثاً مرورِيّاً (لاكبير على القانون)
|
حيث ارتكب مساء أول أمس ليلاً بمنطقة سوق نمرة (2) و بالتحديد في تقاطع صيدلية نمرة اتنين حادث حركة وهو يقود عربته (السوناتا) مع عربة أمجاد ، حيث دخل بسيارته للشارع من الإتجاه الغربي مُحاوِلاً قطع الشارع للإتجاه الشرقي و المعروف أن الشارع إتجاهين شمال جنوب ، إصدمت به الأمجاد و هي في خط سيرها ، ببابه اليمين ، هرول أحد المارّة من (إيّاهم) خاصّة الرجُل ، و قال لسائق الأمجاد:
- إنت ما بتعرف الزول دة ولاّ شنو؟
رد سائق الأمجاد بقرف شديد:
- لالا ما بعرفو.
فأردف (إيّاهو):
- ياخ دة يُفترض أي زول يكون بيعرفو ، دة وزير العدل السابق محمد علي المرضي و أنا رجُل بعرِف القانون و إنت الغلطان ياخ.
فرد عليه سائق الأمجاد بطول بال يُحسد عليها:
- خلاص خلِّي القانون يجي يحكم بينا كان بقى وزير عدل ولاّ مواطن زيِّي كدة ، مش في قانون في البلد دي.
في هذه اللحظة ترجّل (مولاهو) من السوناتا و قال لسائق الأمجاد:
- أنا ما غلطان إنت الغلطان.
رد سائق الأمجاد:
- خلاص مافي مُشكِلة يجي بتاع مرور يحدِّد منو الغلطان.
فقال مولى إيّاهو:
- أنا هسي بضرب أجيبم.
و أخرج هاتفه السيّار من جيبه و طفق يضغط على أزراره ليتحدّث دونما أن يسمعه أحد.
واستدرك سائق الأمجاد الموقِف و علِم أنّ الرجل يحاول استغلا نفوذه فقام بسرعة بالاتصال برقم شرطة المرور المجّاني و تمّ الرد عليه بسرعة أراحته بالطبع و خبّرهم بأنه قد تعرّض لحادث مروري فطلبوا منه وصف المكان ووعدوه بالاتصال بأقرب دورية إليه للمتابعة ، و قد كان ، فبعد مرور أقل من عشرة دقائق توقّفت دورِيّة شُرطة مرور و في ذات اللحظات توقّفت سيارة فارهة حضرت خِصّيصاً (لمولى إيّاهو) و كانت تلك العربة هي ربما لمن اتصل عليهم فقد هرولوا نحو مولاهم يحيّونه (يا سعادتّك يا سعادّتك).
و لكن بحمد الله قام رجال الشُرطة بالسيطرة على الموقف حتى حينما قال لهم:
- أنا فلان وزير العدل (دون السابق) ثم أردف ( الزول دة غلطان لأنو أنا جيت خاشي الشارع من خمسين ياردة مافي عربية عشان كدة دخلت)
فرد عليه رجل الشُرطة بتهذيب له و احترام لنفسه:
- مافي مُشكِلة يا سعادتك نمشي القِسِم و هِناك بنحِلّها مُشكِلة بسيطة.
و ذهب الجميع للقسم و هُنالِك دخل (سعادّتك) مباشرة لمكتب الرائد بينما سائق الأمجاد لأنّه (مواطن) توجّه مُباشرة لمنصة البلاغات و باشر تحرير إجراءات بلاغه .
الرائد كانت شُرطِيّة خرجت من مكتبها و برفقتها (سعادّتك) و أمرت مُساعِد شُرطة بالتحقيق مع (سعادّتك) زيُّو زي غيرو (وهذا هو الوضع الطبيعي)
و في التحقيق سألوه عن رُخصة قيادته فقال أنّه قد تركها بالمكتب ثم قال إن لديه إجتماع وهو على عجلة من أمره فرد عليه المُساعِد شُرطة:
- مافي مُشكلة إنت مفروض تتحبس لكن لأنُّو عندك حصانة حنكتِّبك تعّهُد بأنّك تجيب الرُخصة بكرة أو ترسِّلة لينا مع زول من طرفك.
و كتب (سعادّتك) تعهُّداً بذلك ثُمّ خرج.
و استلم سائق الأمجاد تقريراً يُتابِع به مع شركة التأمين التي تتبع لها سوناتا (سعادّتك).
التحِيّة للشُرْطة السودانِيّة و لرجالاتها الأوفياء.
لا لاستغلال المناصب الدستورية (الحالية أو السابِقة)
|
|
  
|
|
|
|
|
|
|
|
Re: وزير العدل السابق (المرضي) يقود سيارته دون رُخصة و يرتكب حادثاً مرورِيّاً (لاكبير على القان (Re: hassan bashir)
|
طبعاً يا علاء لا كبير على قانون (الحركة)، لكن هناك كبير على (نهب المال العام)
فيا علاء لمن نسمع بالناس السرقوا المال العام تم فتح بلاغات ضدهم حنقول معاك فعلاً (لا كبير أمام القانون).
والمال العام الذي اتكلم عنه هنا ليس (ما خُفِيَ) ولكنه تقرير المراجع العام (بتاع الحكومة) يعنى ما ناس المعارضة.
وكدي أقرأ براك، وإن شاء همتك عشان زولك (وزير العدل دا) هو المنع التحقيق والقبض على الناس ديل.
هاك التقرير
Quote: الاعتداء علي المال العام بالسودان يقفز من (396) مليون دينار إلي (542.2) مليون دينار
سودانيزاونلاين.كوم
sudaneseonline.com
21/4/2006 8:40 ص
إعداد :- ماهر أبوجوخ
كشف تقرير المراجع العام الذي قدمه بالمجلس الوطني يوم الأربعاء 19 أبريل 2006م أن جملة الإعتداءات علي المال العام في نطاق الأجهزة الاتحادية باستثناء قطاع المصارف بلغت (542.5) مليون دينار مقارنة بمبلغ (396) مليون دينار في آخر تقرير أصدره ديوان المراجع العام بزيادة قدرها (146.5) مليون دينار. كما أحاط الغموض رئاسة اللجنة التي كونها المجلس لدراسة التقرير.
وعن الإيرادات
تقرير المراجع العام الذي قدمه المراجع العام أبوبكر مارن يوم الأربعاء للمجلس الوطني أشار إلى أن الإيرادات الذاتية قد بلغت مبلغ (932.3) مليار دينار بنسبة (98%) من أجمالي الربط مثلت الضرائب المباشرة (71.3) مليار دينار بنسبة أداء بلغت (100%) من الربط المقرر وبلغت ايرادات الجمارك والرسوم الانتاج مبلغ (282.7) مليار بنسبة أداء (104%) فيما بلغت ايرادات القيمة (76.6) مليار دينار بنسبة أداء (97%) من الربط وبلغت ايرادات الرسوم المصلحية مبلغ (14) مليار دينار بنسبة (70%) من الربط المقدر فيما بلغت الايرادات القومية الممركزة (491) مليار دينار بنسبة أداء بلغت (96%) من الربط المقدر.
واشار التقرير لملاحظات تتصل بمحور الايرادات والتي اعتبرها (مخالفة للقواعد القانونية الواجب اتباعها) والمتمثلة في التجنيب الكامل أو الجزئي للايرادات أو توريدها في حسابات الأمانات ومن ثم الصرف منها وفرض رسوم لم تتم اجازتها في الموازنة واستمرار ظاهرة التحصيل بايصالات غير رسمية.
التقرير كشف أن الميزانية حققت عجزاً بلغ (102.7) مليار بنسبة (9%) من اجمالي الانفاق العام الفعلي فيما كان مخصص له (49.7) مليار دينار بنسبة (4%).
حسابات المؤسسات والشركات المملوكة للدولة أو التي تشارك فيها
وفيما يتعلق بمراجعة الحسابات الختامية للمؤسسات والشركات والشركات العامة المملوكة للدولة بالكامل والتي تساهم فيها الدولة بنسبة لا تقل عن (20%) فقد ذكر التقرير مراجعة (190) ميزانية فيما لا تزال (93) وحدة تحت المراجعة فيما لم تقدم (63) وحدة حساباتها الختامية للمراجعة. وطالب التقرير في توصياته بضرورة الالتزام بتنفيذ أحكام قانون ديوان المراجعة العامة لسنة 1999م فيما يتعلق بقفل الحسابات والقوائم المالية ورفعها للديون في مدة لا تتجاوز ستة أشهر من نهاية كل سنة مالية وارسال الأجهزة الاتحادية لقرارات التعيين والترقي والعلاوات والمخصصات الي الديون خلال ثلاثين يوماً من تاريخ صدوره بغرض الفحص والمطابقة وارسال الأجهزة الاتحادية نسخاً من عقود تأسيس الشركات التي تمتلك فيها (20%) فأكثر والاتفاقيات والقروض المحلية والأجنبية خلال ثلاثين يوماً من تاريخ التوقيع عليها والاحتفاظ بسجل مكتمل للموجودات غير المتداولة بما يمكن من التحقق من صحتها من حيث (الوجود الفعلي، الملكية وصحة التقييم) والالتزام بالميزانية التقديرية كوسيلة من الوسائل الرقابية. التقرير أوصى باستصحاب التوصية الواردة في تقرير مراجعة مصانع السكر والمطالب بالرجوع للتقويم الزراعي القديم الذي يبدأ في أول يوليو وينتهي في آخر يونيو بدلاً عن التقويم الحالي نسبة (لتغطية التقويم القديم لدورة النشاط الاقتصادي، وصعوبة تصفية كل موسم علي حده وزيادة العبء المحاسبي).
حسابات ديوان الزكاة والأوقاف وصندوق دعم الطلاب
طبقاً لتقرير المراجع العام فقد بلغت جملة ايرادات ديوان الزكاة (23.1) مليار دينار بربط قدره (95%) فيما بلغت المصروفات علي المصارف المختلفة مبلغ الصرف الفعلي حيث خصصت الاعتمادات (14.9) مليار دينار للفقراء والمساكين صرف منها فعلياً مبلغ (13.6) مليار دينار بنسبة (91%) من نسبة الاعتمادات المخصصة أما العاملون عليها فخصص له (3.5) مليار دينار بلغ حجم الصرف الفعلي (3.8) مليار دينار بنسبة (108%) أما الغارمون فخصص لهم (1.5) مليار دينار صرف منها (1.2) مليار دينار بنسبة (80%)، ابن السبيل (0.1) مليار دينار تم صرفها بنسبة (100%) فيما بلغت الاعتمادات التي خصصها ديوان الزكاة للمصارف الدعوية (1.4) مليار دينار بلغت جملة مصروفاتها الفعلية (1.1) مليار دينار بنسبة (78%) أما الأصول والإنشاءات فخصص لها (0.6) مليار دينار صرف منها (0.4) مليار دينار بنسبة (67%) فيما بلغت منصرفات التسيير (1.7) مليار دينار قياساً بالمبلغ المخصص والذي يبلغ (1.2) مليار دينار أي بنسبة تبلغ (141%).
أما حسابات هيئة الأوقاف الإسلامية فبلغت جملة ايراداتها مبلغ (72.4) مليار دينار فيما بلغت جملة مصروفاتها (45.3) مليار دينار. أما ريع الاوقاف في جدة والمدينة ومكة فقد حققت ايراداً بلغ (1.3) مليون ريال سعودي تم صرفها علي المرتبات والأجور وتسيير الخدمات. أما ريع الأوقاف السنارية فقال التقرير (إن به أمانات من سنين سابقة طرف المحكمة بالمملكة العربية السعودية كان يتم الصرف من تلك الأموال بواسطة ناظر الأوقاف) وأشار التقرير إلى أن جملة ايرادات الصندوق القومي لدعم الطلاب بلغت (8) مليار دينار فيما بلغت المصروفات (6.3) مليار دينار.
(542.5) مليون دينار جملة الاعتداءات علي المال
تقرير المراجع العام أشار إلى أن جملة الإعتداءات علي المال العام في نطاق الأجهزة الاتحادية باستثناء قطاع المصارف بلغت (542.5) مليون دينار مقارنة بمبلغ (396) مليون دينار في آخر تقرير أصدره ديوان المراجع العام بزيادة قدرها (146.5) مليون دينار. كما أحاط الغموض رئاسة اللجنة التي كونها المجلس لدراسة التقرير.
وكشف التقرير أن التصنيف الإداري لجملة المبالغ التي تم الاعتداء عليها في نظاق المؤسسات والشركات والهيئات القومية بلغ (354.2) مليون دينار بما يعادل (65%) من جملة المبالغ المعتدي عليها و(63.5) مليون دينار في نطاق الأجهزة الاتحادية المركزية بنسبة (12%) من جملة المبالغ و(124.8) مليون دينار في نطاق الأجهزة الاتحادية بالولايات بنسبة (23%).
أما التحليل النوعي للتجاوزات فقد أوضح أن (84%) من تلك التجاوزات والبالغ قدرها (455) مليون دينار تدرج في إطار خيانة الأمانة، فيما تدرج (10%) والبالغ قدرها (22) مليون دينار في بند التزوير و(1.8%) والبالغ قدرها (9.7) مليون دينار في بند صرف دون وجه حق، أما السرقة والنهب والمحددة بـ(0.9) مليون دينار فقد كانت نسبتها (0.2%) من جملة الأموال المعتدى عليها.
أما التصنيف المحاسبي لتلك الأموال فأوضح أن (15.2%) من تلك الأموال تدخل في بند الإيرادات والمصروفات بلغت (12%) وعجز المخازن بلغ (2.3%) والسرقة (0.2%). فيما سجل عجز المستودعات أعلى المعادلات حيث بلغت نسبته (70.3%) من جملة المبالغ المعتدى عليها.
أما الموقف العدلي لقضايا الاعتداء على المال العام فأشار التقرير إلى أن جملة قضايا الاعتداء على المال العام بلغت (58) حالة تم البت في (11) قضية منها فيما لا تزال (9) تهم أمام المحاكم و(5) حالات لا زالت بين يدي رؤساء الوحدات و(4) منها تم شطبها و(2) تم حفظهما، فيما لا تزال (27) تهمة أمام الشرطة أو النيابة.
وأورد المراجع العام في تقريره أن جملة ماتم استرداده من اجمالي المال المعتدى عليه في نظاق الأجهزة الاتحادية بلغ (104) مليون دينار بنسبة (19%) من جملة المال المعتدى عليه، لكنه كشف في سياق تقديمه للتقرير أمام البرلمان أمس أن أخر احصائيات ديوان المراجعة العامة تفيد باسترداد (221) مليون دينار أي بواقع (40%) من جملة المال المعتدى عليه.
من سيرأس لجنة المجلس لدراسة تقرير المراجع العام ؟
ما أن فرغ المراجع العام من تلاوة تقريره، حتى أشار رئيس البرلمان أحمد ابراهيم الطاهر إلى أن الشعب السوداني من حقه أن يعلم أين تذهب الأموال التي يدفعها من (جيبه) ويتأكد أن تلك الأموال قد صرفت وفق الضوابط القانونية وأقترح تكوين لجنة خاصة من المجلس برئاسة رئيس لجنة التشريع على أن يكون رؤساء كل من اللجنة (الاقتصادية، العمل والبيئة) رئيساً مناوباً علي أن تكون اللجنة من جميع أعضاء تلك اللجنة الأربعة مع امكانية مشاركة جميع أعضاء المجلس في اللجنة، مع تمتع أعضاء اللجنة الأربعة بحق التصويت.
هذا المقترح اعترض عليه عضو البرلمان غازي سليمان عن دوائر الحركة الشعبية مبدياً موافقته على مقترح تكوين اللجنة لكنه اعترض على اسناد رئاستها لرئيس اللجنة التشريعية باعتبار أنها يفترض أن يرأسها رئيس اللجنة الاقتصادية. واعتبر رئيس البرلمان نقطة نظام سليمان (نقطة تنظيمية) معللاً تقديم مقترحه لرئاسة لجنة التشريع والعدل باعتبار أن التقرير يتناول جوانب قانونية، معتبراً رؤساء اللجان جميعهم في موضع ثقة بالنسبة له معلناً عدم ممانعته في الموافقة على مقترح غازي سليمان. وقبل شروع أعضاء المجلس في التصويت طلب عضو المجلس يوهانس أكول من كتلة (اليوساب) نقطة (نظام) والتي طالب فيها قبل الموافقة علي تكوين اللجنة أن يحدد رئيس المجلس رئاسة اللجنة (هل سيكون رئيس لجنة التشريع أم رئيس اللجنة الاقتصادية ؟). رئيس البرلمان رد علي نقطة النظام بالقول (هذه النقطة تم حسمها) دون أي توضيح إضافي.
ربما تكون قضية رئاسة لجنة المجلس الوطني المكلفة بدراسة تقرير المراجع العام لا تتم بمعزل عن المشاكسات بين (الشريكين الغريمين) وهو أمر يمكن أن يعززه ربط المقترحات التي تقدم بها كل من الطرفين، فالمؤتمر الوطني يرأس لجنة التشريع فيما ترأس الحركة الشعبية اللجنة الاقتصادية بالمجلس الوطني.
|
| |
|
|
|
|
|
|
|
|
|
Re: وزير العدل السابق (المرضي) يقود سيارته دون رُخصة و يرتكب حادثاً مرورِيّاً (لاكبير على القان (Re: الشفيع وراق عبد الرحمن)
|
| Quote: باب القضاء متاح لكل مواطن ويمكنك مقاضاة حتى رئيس الجمهورية |
الشفيع ما تجي تكتب كلام انشائي ساي ما عندو سند قانوني
في كبير على القانون بنص الدستور
Quote: حصانة رئيس الجمهورية والنائب الأول وتنحيتهما
60ـ (1) يتمتع رئيس الجمهورية والنائب الأول بحصانة في مواجهة أي إجراءات قانونية ولا يجوز اتهامهما أو مقاضاتهما في أي محكمة أثناء فترة ولايتهما.
(2) دون إخلال بأحكام البند (1) أعلاه، يجوز اتهام رئيس الجمهورية أو النائب الأول أمام المحكمة الدستورية في حالة الخيانة العُظمي أو الانتهاك الجسيم لأحكام هذا الدستور أو السلوك المشين المتعلق بشئون الدولة، شريطة صدور قرار بذلك من ثلاثة أرباع جميع أعضاء الهيئة التشريعية القومية. |
والغريبة لم يرد ذكر في الدستور لاي حصانة للوزراء الاتحاديين او الولائيين
| |
|
|
|
|
|
|
|
|
|
Re: وزير العدل السابق (المرضي) يقود سيارته دون رُخصة و يرتكب حادثاً مرورِيّاً (لاكبير على القان (Re: الشفيع وراق عبد الرحمن)
|
ياااااا ود يا علاء ! ياخ انت بقيت جنك رقشات وامجادات
ودا دقش دا .. ودا ادا دا كف .. وكلام ميت ..
دى كلها مخالفات ساى .. بسييييييته .. مافى اغتيالات ؟
ما شايف هاييتى دى ؟ .. والله ياعلاء لما شفت صور هاييتى
دى اتزكرت صور حلتكم ديك . هى اسمها شنو ؟؟
قلت ليهم نحن عندنا ذى دا بدوون زلزال .
القانون البقى كبير على الناس .. لوووول
هسه قصتك دى كلللها بتورى التمييز امام القانون وبتورى شخصيات الوزراء
وفسادهم واستخدامهم لمناصبهم واسماءهم للافلات من العقاب زولك
دا كضاب؟ غلطان وداير يغالط
Quote: مافي مُشكلة إنت مفروض تتحبس لكن لأنُّو عندك حصانة حنكتِّبك تعّهُد
بأنّك تجيب الرُخصة بكرة أو ترسِّلة لينا مع زول من طرفك |
هو بالله الزول ممكن يمشى المعاش بى حصانته ؟؟؟
ـــــــــــــ
بالله شوف لينا قصص احللى !!
| |
|
|
|
|
|
|
|
|
|
Re: وزير العدل السابق (المرضي) يقود سيارته دون رُخصة و يرتكب حادثاً مرورِيّاً (لاكبير على القان (Re: Nagi Ahmed)
|
علاء
بوستك في السلك ...
الحقيقة للأسف انو بلدنا فيها كتير من المحسوبية و استغلال المناصب و سيادة حكم القوي و اللاقانون
الظواهر دي عشان تنتهي انا بفتكر انو انت و من على شاكلتك بقوموا بعمل جليل بالاشارة لمواقع الخطأ و الجهر بقول الحق...
الظاهر للناس و ليكم يا علاء غيض من فيض...ولو دايرين بلدنا دي تمشي لي قدام...محاربة استغلال النفوذ لازم تكون اول المعارك...كان البلد دي حاكما المؤتمر الوطني ولا غيرو!
...
اخونا الشفيع وراق
| Quote: ما ذكرته "حتى رئيس الجمهورية" من باب المبالغة |
باب المبالغة دي هنا ما بتنفع يا الشفيع!!!
الانتماء الحزبي يا مان لازم ما يعمي الزول من توخي المصداقية في كل ما يكتب...
ما تبقى لينا زي ود الباوقة كمان!
...
و ماننسى نقول...التحية لشرفاء الشرطة السودانية
| |
|
|
|
|
|
|
|
|
|
Re: وزير العدل السابق (المرضي) يقود سيارته دون رُخصة و يرتكب حادثاً مرورِيّاً (لاكبير على القان (Re: الشفيع وراق عبد الرحمن)
|
| Quote: يكون أحسن لو خليتها توخي الدقة يا زياد يا أخوي |
جدا يا أخونا الشفيع...ما حأسيء بيك الظن و حأقول الدقة بدل المصداقية....مع أنو الأمور دي لازم ما يكون فيها مجاملة ...أيراد معلومة خطأ يا الشفيع حول سواسية الناس امام القانون بيتبني عليه تزييف للحقائق للقراء ...وهو شيء ما اظن انك حريص عليهو في منبرنا دا!
| Quote: يا ريت لو قدرنا نبقى زي ود الباوقة |
تاني نغمة انصر اخاك ظالما او مظلوما!!...
اخونا ود الباوقة ما عندي ضدو اي شيء والله...بالعكس..الراجل بلدياتنا وكدا...
القصدتو يا الشفيع تناولو لموضوع مناصرة الرئيس و الحزب المنتمي ليهو بطريقة منفرة لينا كسودانيين..
يعني والله يا الشفيع..انا لو كنت مؤتمر وطني ..كانت اكون حريص جدا على نصح ودالباوقة و أمثالو بترك طريقة (المصريين) بتاعة يا بيه و يا باشا دي في التأييد...والتي يراها الكثيرين تملق منفر...
صدقني يا الشفيع..الانسان المخلص لي حزبو و لي رئيسو ما ضروري يكون (مطبل) في الهينة والقاسية...بضحك الناس فيهو و بيفقد الآخرين الثقة فيهو و في بقية زملائه الاعضاء!!!
نعم...كعضو اعلامي...له ان يسلط الضوء على انجازات و ايجابيات حزبه...لاكين القاريء واعي و بيقدر يفرق بين التأييد الواعي و المنطقي و بين التطبيل!!
...ارجو انو تكون فهمتني...و لك ولي ود الباوقة الود
| |
|
|
|
|
|
|
|
|
|
Re: وزير العدل السابق (المرضي) يقود سيارته دون رُخصة و يرتكب حادثاً مرورِيّاً (لاكبير على القان (Re: علاء الدين يوسف علي محمد)
|
تحياتي ياعلاء الدين
الكثير من التجاوزات تحدث من اهل القانون انفسهم, خصوصاً في موضوع الترخيص و حركة المرور, و ما سألين فيها, لحكاية كلها ديتها تثبت الـ Logo بتاع وزارة العدل (الميزان بالونين الاحمر والابيض ولا الاسود ما متذكر) ودا بيحل محل الترخيص و التأمين و رخصة القيادة و تصريح مباشر لتظليل القزاز كلو, شفت كيف يا علاء استغلال السلطات و التستر وراء المناصب و ده بيحصل من مستشارين و ووكلاء نيابة و موظفين عاديين فما بالك لو مشيت لي فوق(الا من رحم ربك) شكل استغلال النفوذ حيكون كيف? والله انه لشيء مخذي ان نجد بعض المناط بهم تنفيذ القوانين و رد الحقوق لاهليها, هم اول المارقين على القوانين واول المتغولين على الحقوق فالمباديء لا تتجزأ
انا بس نفسي افهم ليه الناس دي بتستثنى نفسها و تتعالى على ما هو منصوص و يستوجب سريانه على الكل ? كل واحد شايف انو معفي و ما لازم يكون زيو زي المواطن العادي المغلوب على امره? كل واحد شايف نفسه صاحب فضل على السودان و انو هو الوحيد البيخدم البلد ? وكأنما المواطن العادي ده ابن كلب و يستاهل المرمطة و الشقى و البهدلة عشان ما عندو سلطة يتدارا وراها, وبكرة دي لو لقاها ياهو البقا زيهم عشان كدة دي مشكلتنا الما حتتحلى ابداً
و احيي سائق الامجاد لوعيه التام بما له و ما عليه و لرباطة جأشه امام عنفوان وصلف الواسطة و المحسوبية والنفاق, ففي الاخير لا يصح الا الصحيح
يا علاء عليك الله لاحظ لي حتته الـ Logo بتاع وزارة العدل و شوف كلامي صاح و للا ما صاح
و قس على ذلك باقي السلطات الممكن تُستغَل على شاكلة Logo وزارة العدل
مودتي,
| |
|
|
|
|
|
|
|
|
|
Re: وزير العدل السابق (المرضي) يقود سيارته دون رُخصة و يرتكب حادثاً مرورِيّاً (لاكبير على القان (Re: غباشي)
|
العزيز غباشي
تحِيّاتي
تعرِف !
لي زمن عندي فكرة بوست عبيطة كدة زانّة لي في راسي دة
طبعاً أنا كرهتي في الدنيا إستغلال الإنسان لنفوذه كسطوة له على إنسان مثله
و كرهتي في الدنيا التعالي و شنق النخرة
و كرهتي في الدُنيا التمييز
أها قصة العربات المظلّلة دي فاقعة مرارتي
حملات المرور تنتشر بكثافة و تقلع تظليل أي عربية و الحقيقة هُم شايفين شُغلهم لكن البعض يُمارِس حتى عليهم نوع من الإرهاب بالرٌتب و المناصب الدستورِيّة.
فكرة البوست الجاي عبارة عن صور عربات مظلّلة و بالنمرة ما ساي و معنون لوزارة الداخلية و جهاز الأمن العام اللي منعوا التظليل تماماً لأسباب تتعلّق بأمن المواطن و الإرهاب بالداخل.
البوست ممكن يجيب هواء لأنو لمن تجيب صورة العربية + النمرة يبقى ترصُّد واضح لواحد من السعادات المالية البلد. "سعادات البورد يمتنعون"
شكراً للمرور يا غباشي
| |
|
|
|
|
|
|
|
|
 Re: وزير العدل السابق (المرضي) يقود سيارته دون رُخصة و يرتكب حادثاً مرورِيّاً (لاكبير على القان (Re: AnwarKing)
|
علاء ابوي حواثه ومواقفه كتيره مع رجال الشرطة الأوفياء
أنا حا اخليه يكتب مذكراته دي حاجه ما تخلصش
والعجب (الجماعه)البكونوا لابسين ملكي ويلقاهم شايلين ليهم فحمات وبرسموا في الحادث
ولماتسألم يقولوا ليك يازول هي معاك المقدم فلان الفلاني بس انا هسه بره ساعات العمل بس انا شفت الحصل كلو
وهو يكون جايك ببجامتو من بيتو وماشاف حاجه وكمان رسمه غلط دا غير الكلام البقولوه المافي داعي ليه
والمحسوبيه وإستغلال المناصب
_________________
وعن رجل المرور أحكي ليك دي
مره أخوي حكى لي قبل 6شهور كان في السودان قال لي جاي بشارع النيل في شارع مافي اي حاجه تدل على انه إتجاه واحد
بل العكس سارت قدامه العديد من العربات قال اول ماخشى الشارع يسمع ليك اصصصصصصصصصصصصصصص ولا صوت الصفاره كيف هو
المهم يازول الشارع دا إتجاه واحد
أخوي قال لي قلت ليو والمشو ديل أرجل مني ولا شنو
المهم زولك قعد يبرر ان فلان لواء وداك في مهمه وديك عربية علان وفرتكان
قال مره ثانية نفس العسكري
في شارع تاني قال لي اول ماخشيت الشارع حسيت إني إرهابي من كمية العساكر الجوجارييين علي
قال لي عاينت للزول المابغباني وقلت ليه اوعى يكون الشارع دا إتجاه واحد قال لي لا
قال ليه لاكان كده خلاص مرقنا منها
قال لي واحد بالجنبه التانية قال ليه بصوت عالي ان شاء الله مايكون عنده رخصه
قال مديت ليو لساني قلت ليو برخصتي يامعلم العب غيره قال ليه العربية دي باسم منو
ولانها افراج موقت هم حافظين باسم منو وتاريخ الانتهاء زي جوع بطنهم وطلعت باسم ابوي واتصلوا على ابوي عشان
يتاكدوا انه في البلد ولا مسافر وقالوا ليه لو ساقه تاني لازم تخلي جواز سفرك معاه
المهم الشاهد انهم بتلككو للزول عشان ايصالاتم دي تمشي
__________
بجيك راجعه بالمذكرات
| |
|
|
|
|
|
|
|
|
|
Re: وزير العدل السابق (المرضي) يقود سيارته دون رُخصة و يرتكب حادثاً مرورِيّاً (لاكبير على القان (Re: وجن)
|
وجن
إنتِ من زمن الشِخِّيت بالفحمة و تعليم مكان الحادث؟
ياخ الناس دي إتعدّت الحِتّة دي زماااااااااااااااااان
قبل فترة حصل لي حادث في شارع مدني جمب جياد
ضربتني شاحنة من الخلف
جوا ناس الشُرطة كنت متوقع يرسموا
قالوا لي وييييييييييييين يا حبيب عفا الله عمّا سلف
يا وجن الشُرطة إتقدّمت و تقنياتها تطوّرت
ياخ مُش كفاية تتصلي تلقيهم جمبك؟
أمّا ضِعاف النفوس و أهل الحِسبة فلكِ أن تسألي عن جهاز رادع جداً لمثل هؤلاء إسمو آلية الشُرطة
بُعبُع بيخافوا منو كل ضعاف النفوس بالشرطة
ممكن تاخدي حقك من أي واحد مِنّهم
و جرِّبي كان حصل ليك موقف زي دة
| |
|
|
|
|
|
|
| |
علاء الدين يوسف علي محمد
مزمل خيرى
الصادق اسماعيل
باسط المكي
الشفيع وراق عبد الرحمن
محمد إبراهيم علي
دينا خالد
talha alsayed
ابراهيم قناوي
زياد جعفر عبدالله
Nasr
غباشي
AnwarKing
وجن
خالد العبيد
فيس بوك
تويتر
انستقرام
يوتيوب
بنتيريست