|
Re: السنوسي بدر فارس الحوبة ... (Re: وجن)
|
ياوجن .. تحياتي ..
نتمني الامور تخلص ونشوفك بالشرقية .. تعرفي اننا ما بنفقد المنطق بسهولة .. ولا بتجينا حمى بمنطق المؤمن مصاب دا لووووووووووووول
السنوسي لو ما متاعة زول فارس حوبة بالجد ومن الاعضاء النشطين بس في بعض القضايا شايفها بتهموا ومختفي منها..
قلت أكيييييد .. يا ابصعلة ادي خدمة وأنا ما عارف .. او هو بعيــد لسبب ما ..
حبيت اسأل منه ...
أها لو بعرف وسيلة اتصال بيهو صدقيني ما كان خليتك تتهميني بالحمي ساكت هههههه
تحياتي يا راقية
| |
|
|
|
|
|
|
Re: السنوسي بدر فارس الحوبة ... (Re: Tragie Mustafa)
|
شكراً يا تراجي طمنتينا على الزول ..
وإجازة سعيدة ليهو بالمغرب..
Quote: السنوسي بدر عهدي به متجدع في المغرب مستمتع بشمسها ودفئها..... |
حاسي بيك بتكتبيها كدة وإنت حاسداهو مع بردكم والتلج الأنتو فيهو ..
تقديري
| |
|
|
|
|
|
|
Re: السنوسي بدر فارس الحوبة ... (Re: Elsanosi Badr)
|
مرحب يا السنوسي وبركة الاطمأنينا عليك وعرفناك كويس....
بيني وبينك احلي حاجة الهرب من التكنولوجيا دا الواحد لو لقي فرقة يمشي حتة كهرباء مافيها
( قول لي امشي السودان
ربنا يسهل ويخفف المشغوليات ونشوفك بهنا ..
لك المودة وبيننا الألو ان شاء الله ..
شكراً يا اميـــرة الشيخ وعادل عبد العاطي
| |
|
|
|
|
|
|
Re: السنوسي بدر فارس الحوبة ... (Re: عبدالوهاب علي الحاج)
|
ا وهبة الجدية مطلوبة خليك من ود الزين دا أصلا الحادث الذى تعرض له الاسبوع الماضى لسع شغال
يعنى ود الزين بالواضح يا أمنجى عايز حقو قبل ابريل لان المثل بقول (( دار أبوك كان خربت شيل ليك
فيها شلية )) . أها خليتكم عافية يا أمنجية
| |
|
|
|
|
|
|
Re: السنوسي بدر فارس الحوبة ... (Re: HAIDER ALZAIN)
|
Quote: بيني وبينك احلي حاجة الهرب من التكنولوجيا دا الواحد لو لقي فرقة يمشي حتة كهرباء مافيها
( قول لي امشي السودان) |
تعرف يا حيدر مشيت الصحراء الغربيه وشربنا لبن (ألبل) والشفع بطونهم نظفت من (الجنك فوود) والواحد جدع التلفون بعيد والساعه ذاتها جدعتها ...
ومفكره صغيره ذاتها جدعتها (اديتها) لشافع من الصحراويين ...واتذكرت ايام الطفوله وشربت موية الحفير والسير لمسافات طويله (بالكرعين) ...والوقر سال من الدومات*
شفت يا حيدر حسيت براحه عجيبه جدا ... ياخي الحياة الماديه دي (تلفتنا) والواحد بقي (تليفه) عديل كده ...
_______________________________________ *كنايه عن سيلان العرق من الراس ...اسألو ود شيقوق عن احساس البدوي لامن يرجع ...
| |
|
|
|
|
|
|
Re: السنوسي بدر فارس الحوبة ... (Re: Elsanosi Badr)
|
Quote: هلا بالسنوسي هلا بود بدر ماشاء الله الليلة الحبايب كلهم بجاي حمد لله بالسلامة وبركة بالشوفة |
وهبه يا عزيز ياخي كيفنك ...وكيف الاهل حداك ...ياخي والله اتذكرتك وقعدت اضحك ... لامن دموعي جرن ... اخوك راقد( نايم) في رمله وفجاءة كدي احس ليك بضب بيطلع في شعر الراس ...وقمت (احتحت) ليك في الراس والهدوم ولقيت واحد جوه (جيب) السديري ...
_______________________________ ياخي ود عمي العوض الكباشي وين ...
| |
|
|
|
|
|
|
Re: السنوسي بدر فارس الحوبة ... (Re: محمد المرتضى حامد)
|
Quote: والوقر سال من الدومات* |
اخخخخخخخخخخخخخخخخ يا السنوسي مالك على مالك على كنت مرتاح ومتيقن تااااااااااااااااااااااااااااااانى جيت تولع نيراني مع ناس حيدر
يجازي محنكم انا براي الايام دي دوماتي سايلات ودلاعتي برررررررررررررررة
| |
|
|
|
|
|
|
Re: السنوسي بدر فارس الحوبة ... (Re: الطيب شيقوق)
|
Quote: يعنى ود الزين بالواضح يا أمنجى عايز حقو قبل ابريل لان المثل بقول (( دار أبوك كان خربت شيل ليك
فيها شلية )) . أها خليتكم عافية يا أمنجية |
حيدر ياعمك بالله لما تقبض ماتعمل حمد لبد !!
ـــــ عوداً حميداً ياسنوسي .
| |
|
|
|
|
|
|
|