|
|
|
 Re: ساطور يتصفح الجريدة بمزااااج (Re: ارصد محمد جلال)
|
100%
تسلم يالفاتح
ياخي طمنونا معاكم علي الهادي
الهادي وساطور ديل عندهم نفس موسيقي غريب ومريح
موسيقتهم بتخش الخلايا جوة كدة
وزي ما قال ليك الحبيب ودالمايقوما بالله لو عنده انتاج تاني نزلوه لينا
ويا ساطور دين البلاد الفي الشمال ديك عليك تختار عشرة اغاني نوبية تشتغلها كده وتبثها لينا
تسلموا كلكم
| |
 
|
|
|
|
|
|
|
|
Re: ساطور يتصفح الجريدة بمزااااج (Re: GamarBoBa)
|
يا أخى يا الفاتح ،، ساطور ده مش أتصفح الجريدة بمزاج ساااااااااااااكت ،،، يا أخى ده خلى المزيكة تتكلم عديل كده ،، يا جماعة الزول ده مبدع مبدع ما بعده إبداع ،، والله أبام عطبرة الزول ده كان بيجى حفلات لحد عندنا هناااااااااك فى الدامر وهو طالب فى عطبرة ،، الزول ده ملك الأورج وملك الأكورديون بدون أى منازع ،، يا ساطور بالله نزل لينا كما قال لك القمر بوبا حاجات من عندييييينا ،، ما شرط نسمع غنا يكفينا نسمع المزيكة بسسسسسسسسسسسسس ،،
تحية ومحبة لصاحب البوست وعازفنا القدير ساطور والمتداخلون ،،
ماهر
| |
|
|
|
|
|
|
|
|
|
Re: ساطور يتصفح الجريدة بمزااااج (Re: الصادق خليفة)
|
و الله العظيم لقد حملتمونا يا الفاتح وساطور حملا للأيام الخوالي نهاية السبعينات ايام سطوع النجم احمد عثمان ساطور,حملتونا لأجواء عطبرة و الدامر و الدورة المدرسية حيث كنا تعلمجية في الأكورديون وكان قامات العزف الموسيقي امامنا ساطور (اكورديون وكمان وعود و جيتار) كلها اتى بها للمسابقة في العزف المنفرد و لكن اللجنة طلبت منه التركيز على ألة واحدة .وكان هناك القامة الكمانية يحيا الهجا المخرج الآن بتلفزيون عطبرة, و الفنان الصاوي و عبد اللطيف وردي الصغير و الممثل الفنان نصر الدين السيد.
ساطور طمنني انذاك باني امتلك اذن موسيقية و زمن ممتاز بس بحتاج لتمارين شاقة ووصى يحيا الهجا علي.
و ياماهر وييييييييينك ياخي و الله مشتاقون
| |
|
|
|
|
|
|
|
|
Re: ساطور يتصفح الجريدة بمزااااج (Re: الصادق خليفة)
|
مرحب محمد الشيخ عطبرة أعتبرها نقطة مهمة في مسيرة ساطور ودور الأب الفنان الانسان العملاق حسن خليفة العطبراوي وايمانه بموهبة ساطور وتبنيه له وعطبرة مدينة البسطاء والبناء والثوار ويحيى الهجا الان بالدامر وصديق الطيب الزول الطيب كل عطبرة ساهمت في تكوين هذا الساطور لها دين عليه ولازم كده يسجل زيارة ويعمل حفلات بلاش للسكة حديد وكل احياء عطبرة والقرى المجاورة ومستعدين لمصاحبته بدون دولار ولا دينار للفن وللوطن تسلم
| |
|
|
|
|
|
|
|
|
|
Re: ساطور يتصفح الجريدة بمزااااج (Re: محمد النيل)
|
الفاتح جاري، رفيقي وصحبي....
قلت ساطور قاعد يتصفح في جريدة فضل الله محمّد؟
ساطور، وأنامله الموسيقية في غدوها ورواحها، كنغم الساقية في ليلة
قمرية، وأنت تمتطي "التُكُمْ" وأنت تجلس تشُم رائحة أسماك النيل، وبين الفينة
والأخرى تسمع أصوات "الكيلنج" التي لا تنام لأنها لم تبك الرسول (ص) ونقيقً متقطع
لأنثى "قوقلتي" تنادها "قوقلتيها" وبومٌ يبكي حسرته، وغمامةٌ تحجب عنك وجه البدر،
وأحلامٌ بالسفر للخرطوم ومنها لجدّة بلوري عبدالمجيد بوري، ثم العودة مجدداً
ومعك "ساعة جوفيل" ومسجل وشيلة....
ساطور عبقٌ من الماضي ينامُ على مجراتٍ بعيدة، نتمنى
أن يعود لمنبعه، كما اتمنى ذلك لك يا فاتح ولنفسي...!
حيّاكما الغمام.....
| |
|
|
|
|
|
|
|
|
|
Re: ساطور يتصفح الجريدة بمزااااج (Re: عبدالأله زمراوي)
|
| Quote: و ياماهر وييييييييينك ياخي و الله مشتاقون |
محمد الشيخ ،، يا أخى الشوق بحر ومحيطات ،،
يا اخى الزول ده ،، يكون قاعد معاك كده ،، وفجاة يجرى لجوة ويقوم يعزف ليك حاجة كده يمين تتراقص على إثرها الإفئدة والحسان .
والله فى فترة من فترات جدة ،، الزول ده متع خلق الله متعة لا تدانيها متعة أخرى ،،
يوم كده ساقنا ليك فى حفلة دنقلاوية خاصة فى إحدى سطوح عمارات جدة
وهو كان شايل الأورج بتاعه والفنان كان ( قالو قطعة سُكر )
قاموا جابو ليه أورغن كده زى آلة كبيرة به عدة أدوار زى أدوار العمارات
ناس كتار قالوا ليه خليك فى جهازك ده اللى إنته بتعرفو
يمين الزول مسك ليك الجهاز داك وخلاه يتكلم نضم شىء دنقلاوى وشى حلفاوى وشى من نغمات العرب
على اليمين الناس ديل إنتشوا لحد ما قالوا كفى
وفحأة رُفع أزان الصبح وتداخل أصوات الآزان والأورج وقالوا قطعة سكر
قمنا نحن قلنا ليه والله ساطور أحلى وأنضر ،، وفرتقنا إلى أقرب منزل
وقد كان منزل الأخ العزيز ود لندن أوندى إدريس
يا سلالالالالالالالالالالالالالالالالالالام يا ساطور ياأخى ،، والله أنت ملك متوج
ماهر
| |
|
|
|
|
|
|
|
|
|
Re: ساطور يتصفح الجريدة بمزااااج (Re: اسعد صلاح البدري)
|
يا لؤى الصور الجبتها دى أكيد أكيد ما لساطور
ومع إحترامى الكامل لصاحب الصورة ،، إلا أن ساطور رجل وسيم جداَ ( إذا غتغتطنا صلعته ) ،، وفى تصورى الشخصى فإن وسامته تلك لعبت دوراَ كبيراَ فى إبداعاته بدون أدنى شك .
هل لنا أن نعرف صاحب الصورة ؟؟
ماهر
| |
|
|
|
|
|
|
|
|
|
Re: ساطور يتصفح الجريدة بمزااااج (Re: Mahir Mohammed Salih)
|
أستاذنا الموصلي كيفك معظم عازفي الاورغن تعزف لهم الاله بتقنياتها ولكن يمتلكها ويجعلها طوع أنامله يعني يجضما تجضيما وترضخ له التقنية كل صباح وبعد طقوس العبادة أقفل غرفتي وأتناول جرعة ساطورية منشطة وحي على العمل وفي نهاية اليوم أعود منهكا واحد دش دافئ وأقفل الغرفة وجرعة ساطورية مهدئة تزيل ما علق بالنفس من توتر واطياف ذكريات ونواح على الزمن الجميل وبعدها أفيق وأعلم أنني بين أسرتي السحر في احساسه يرجعني الى زمن الحفلات الحية الاندية الكاسوليكي الايطالي السوري مزيكا حية رقيص للصباح لاطواري ولاقفلوا الكباري ومن النشوة نرجع الكلاكلة كداري وتسلم
| |
|
|
|
|
|
|
|
|
|
Re: ساطور يتصفح الجريدة بمزااااج (Re: لؤى)
|
لؤي العريس القمر شكرا للصور أرخي السمع وأسمع تفاصيل الوجع وأكيد حتتطلع بدرر ساطوريه وبلل أناملك بزيت الزيتون عالي الجودة وفي إنتظار حاجاتك برواقة ومهلة سلام
| |
|
|
|
|
|
|
|
|
|
Re: ساطور يتصفح الجريدة بمزااااج (Re: الفاتح يسن)
|
عزيزي الفنان الفاتح والضيوف الكرام
والله أديتوني اكتر من حقي ، وأنا بعد العمر الطويل ده في المجال الفني ما زلت اتلمس هذا الطريق
وعلى حسب طلبك حأنزل ليكم اغنية محببة لقلبي لعلها تسعدكم
ولكم كل الحب
موسيقى أعنية محمد وردي (اسأل قلبك عن حالي اسأله) أنا خايف الاعنيتين يبدو مع بعض ،
| |
|
|
|
|
|
|
| |
الفاتح يسن
ارصد محمد جلال
GamarBoBa
Elmosley
عبد الحكيم نصر
خدر
حبيب نورة
محمد النيل
الصادق خليفة
MOHAMMED ELSHEIKH
لؤى
ابو جهينة
اسعد صلاح البدري
ترهاقا
فيصل محمد خليل
فيس بوك
تويتر
انستقرام
يوتيوب
بنتيريست