|
Re: الى الذين يجغمون ( البـقـنية) (Re: قرشـــو)
|
والله صدقت يا قرشو عطشتنا يا المنصوري
البقنية تختلف عن الشربوت عندنا في منطقة الشايقية(جيرانكم يا المنصوري) ، بعد ان تخمر و تحضر، تدردم وتجفف وتحول لمشروب سريع التحضير ، وللمعلومية هي ليست مسكرة على الاطلاق وهي تختلف عن الدكاي تحياتي
| |
|
|
|
|
|
|
Re: الى الذين يجغمون ( البـقـنية) (Re: قرشـــو)
|
Quote: يستخدمونه أهلنا المناصير والشايقية كثيراً.. وهو شبيه بالشربوت ولكنه اقوى منه |
ولِمَ فتططنا أخى منصورى ؟؟ إنه لمن تمام أيامانا سابقاَ ( وربما حالياَ ) فى منطقتى السكوت والمحس عمل مثل ذلك الشربوت المعتق ،، إنه كان ( وربما ما زال ) تراث قائم بذاته ،، نرجو مراجعة كتاب الإنداية للطيب محمد الطيب عندما تحدث عن الإندايات ،، ورغم أن منطقتنا لم تعرف الإنداية مطلقاَ ولم تتثقف بثقافتها إلا أن ( بعض ) أهلنا هنالك كانوا يتعاطون هذا الأمر فى خصوصية تامة بمنازلهم.
أحيلك إلى أغنية ( شوقرينق كانتين ) للأستاذ محمد وردى ،،
ماهر
| |
|
|
|
|
|
|
Re: الى الذين يجغمون ( البـقـنية) (Re: Mahir Mohammed Salih)
|
بلغ عمر رضي الله عنه أن عَامِلَه النعمان بن عدي تغنّى قائلاً :
فمن مبلغ الحسناء أن حليلها **** بميسان يسقى في زجاج وحنتم إذا شئت غنتني دهاقين قرية**** وصناجة تجذو على كل منسم إذا كنت ندمانى فبالأكبر اسقني**** ولا تسقني بالأصغر المتثلم لعل أمير المؤمنين يسـوءه **** تنادمنا في الجوسـق المتهدم فكتب إليه عمر : قد بلغني شعرك ، وقد والله ساءني ، وعزله ، فلما قدِم قال : والله ما كان من ذلك شيء ، وإنما هو فضل شعر قلته ، فقال عمر : إني لأظنك صادقا ولكن والله لا تعمل لي عملا .
| |
|
|
|
|
|
|
Re: الى الذين يجغمون ( البـقـنية) (Re: ود محجوب)
|
كل جهه في السودان تتفنن في صناعة مشروباتهاوماكولاتها علي حسب ثقافتها الغذائيه فنجد ان اهلنا في الشمال يتفننونفي صناعةالمشروبات والماكولات من التمر ابتدأ من قراصةالبلح السك مروراً بمشروب البلح بكل درجاته الي عرقي البلح . ويعتقدون اعتقاد شديدان الذي يشرب مريسةالعيش ده سكران عجيبه مش كده
| |
|
|
|
|
|
|
Re: الى الذين يجغمون ( البـقـنية) (Re: نجلاء قرافي)
|
Quote: ويعتقدون اعتقاد شديدان الذي يشرب مريسةالعيش ده سكران عجيبه مش كده |
أتفق معكى أختى نجلاء تماماَ ،،
ففى السودان أمور عجيبة ،، هنالك قبائل لا يرون فى لحم الثعلب حرج ويتعاطونه كما أنزل ،، فهنالك قبائل لا يرون فى تعاطى المريسة أى حرج على الإطلاق وبل يستنكرون ما يعارضون ذلك ( راجعى بوست الأخ حبيب نورة ) الجارقو أو شىء من ذلك القبيل ،، وأنا عن نفسى عاصرت زمناَ كان زملائنا فى مدرسة الرنك يذهبون إلى بيوتهم وبفطرون بالمريسة ويأتون عادى فى الحصة التالتة ،،
تحية للجميع ،،
ماهر
| |
|
|
|
|
|
|
Re: الى الذين يجغمون ( البـقـنية) (Re: Mahir Mohammed Salih)
|
الشباب الحلويين ديل كلهم علماء وأصحاب باع في الكتابة والعلم والتحقيق ما حا أقدر أرد عليهم دفعة واحدة.. كل واحد محتاج لرد براهو دقايق وبجيكم بإذن الله عندي كلام كتييير عايز أقولو ...... قرشو الشفيع وراق ماهر محمد صالح ود محجوب نجلاء قرافي... يا ترى إنت عندك علاقة بقوز قرافي داك العندنا في قبيلتنا الواسعة الشايقية.. زرته آخر مرة وأنا في الثانوي... أولادنا ما كلهم في مروي الثانوية وكريمة الثانوية.. بس أنا قريت الثانوي في عطبرة
| |
|
|
|
|
|
|
Re: الى الذين يجغمون ( البـقـنية) (Re: عبدالله ود البوش)
|
Quote: أحححححححححححح
عطشتنا ياخى
والله عقود من البقنية دى ياخى
ياربى زى زمان ولا جارت عليها الايام زى ما جارت علينا
وبقت موص ساكت |
قرشو.... خالد... وينك يا رجل أنت من الأعضاء القدامى مثلنا.. حليل أيام زمان بوستاتك الرايعة ديك.. مساهماتك قلت شنو إنشغلتوا والله شنو؟ قلت لى كيف عطشتكم بعدين يا خالد( قرشو) ابراهيم حسين عندو غنية بتقول( لو جارت عليك ايام... تعال لعيونا بتجيرك) واظنها البقنية جارت عليها الأيام.. يبدو إنو البقنية دي كان الناس بيعملوها لما الناس كان عندهم زمن وفايقين شوية لأنو شغلتها كثيرة ومحتاجة لعمل كبير.. ومعظم الناس اللي بيعملوها في الاقاليم في المدن تقل.. هسه الاقاليم زاتا بقت زي المدن الناس قاعدة أم الدش والتلفزيون وتقلب من قناة لى قناة وبالموبايل.تتصل في الداخل والخارج.. الناس بقى ما عندها زمن.. هسه عواسة العشاء في الاقاليم بقت مشكلة. الواحدة ما عايزة تضيع لقطة واحدة من المسلسل.. زمان يعوسو الفطير ويفوروا اللبن.. وقزازة السمن جنب حمو النار عشان تسخن.. والله مثلا دمعة ديك بلدي وفطير قمح أحمر وليس قمح صعيد ابيض.. هسه بس الواحده تدي الولد جك وتقول ليهو جيب طلبين فول من الدكان وخلاص.. تتابع في المسلسل.ز هذا بالنسبة لوجبة عشاء دسمة الواحدة تعملا لى راجلا.. فما بالك يا قرشو بعمل بقنية تحتاج لوقت طوييل
| |
|
|
|
|
|
|
Re: الى الذين يجغمون ( البـقـنية) (Re: منصوري)
|
Quote: والله صدقت يا قرشو عطشتنا يا المنصوري
البقنية تختلف عن الشربوت عندنا في منطقة الشايقية(جيرانكم يا المنصوري) ، بعد ان تخمر و تحضر، تدردم وتجفف وتحول لمشروب سريع التحضير ، وللمعلومية هي ليست مسكرة على الاطلاق وهي تختلف عن الدكاي تحياتي |
الشفيع وراق زولنا.. كيفك يا رجل... تعرف يا الشفيع أولاً بالتبادي.. أنا زول وحدوي هو الشايقية موش جيرانا..الشايقية نحن.. ده اسم القبيلة الواسع بعدين التفاصيل دي تجي... مناصير... حامداب... أمارة... التفاصيل الدقيقة جداً تعرف في المنطقة بس..بعثة التلفزيون المشت هناك جنب الخزان استغربت من الإندماج بين هؤلاء المجموعات.. قالت والله نحن ما قادرين نفرز بين الشايقي والمنصوري والأماري والحامدابي.. وكدة..اللهجة واحده والتراث ياهو الطنبور ده والتمر والمنقة وغيرو الفنان عيسى بروي لايحب أن تقول ليهو منصوري ولايحب أن تقول ليهو شايقي.. دائما يقول ( فنان الشمال) كذلك فناني الحامداب كذلك الفنان عبد الرحمن البركل وعبد الرحيم البركل.. وغيرهم .............. أها نجي يا الشفيع لموضوع البقنية.. طبعاً هي ليست مسكرة كما قلت ويشربوها الفقرة وتعمل في الأعراس للفقرة بينما تعمل المريسة للناس عامة وكان هذا برنامج طوييل في الخمسينات والستينات والسبعينات شكرا الشفيع في المرور بي جاي
| |
|
|
|
|
|
|
Re: الى الذين يجغمون ( البـقـنية) (Re: منصوري)
|
Quote: كنا في المرحلة المتوسطة في ابوحمد ومعانا واحد منكم من جزيرة ( نلوتي) إسمو محمود عبد السيد |
يا سلالالالالالالالالالالام يا منصورى ،،
فى البدء لابد لى ونيابة عن كافة أهلى فى حلفا والسكوت والمحس ودنقلا أن أقدم لشخصكم الكريم الشكر الواجب على كل هذا الحب الذى تكنه لنا وهذا من قطعاَ من كريم معدنك وأصلك .
محمود عبدالسيد ،، هذا الرجل الأنيق الجميل الرزين ،، فعلاَ هو من أبناء قريتى جزيرة نلوتى ،، وهو الدفعة التى تسبقنا مباشرة ،، يا أخى هذا الرجل بدماثة خلقه يخجلك عدييييييل كده
الزول ده طبعاَ قرا الثانوية فى بورتسودان وعمل إستاذا منذ تخرجه من هنالك فى مختلف المناطق فى السودان ومن ثم إنتدب للعمل إستاذا فى اليمن السعيد ،، ومن ثم هاجر إلى الإمارات أبوظبى تحديداَ ويعمل إستاذا هنالك حتى يومنا هذا .
أقدم لك شكرى مرة أخرى ،،
ماهر محمد صالح
| |
|
|
|
|
|
|
Re: الى الذين يجغمون ( البـقـنية) (Re: Mahir Mohammed Salih)
|
ماهر على جناح السرعة أرجو أن تعطيني تلفون محمود عبد السيد.. أنا في الإمارات.. هو فعلاً زول ملاك في أخلاقو.. يذكرني بأخ لى اسمو الناجي محمد أحمد رمضان.. ونحن اصلا لانصاحب إلا الناس الأصلاء.. محمود عبد السيد ده..رائع بكل ماتحمل هذه الكلمة من معني..متدين مهذب وديع جميل متعلم مثقف ود بلد أخو أخوان
| |
|
|
|
|
|
|
Re: الى الذين يجغمون ( البـقـنية) (Re: منصوري)
|
الاستاذ منصورى و ضيوفه الكرام
لكم التحية
كلامك و موضوعاتك يا منصورى أخوى مشاء الله ... عندك بوست غير هذا و قد تداخلت فيه ارجو ان تهتم به و ترفعه
"بتاع الخواجة"
سوف اضع رابط لبوست لى اسمه الراية البيضاء "قصة" و اريد اسمع رايك فيها ...
راجع ليكم
| |
|
|
|
|
|
|
Re: الى الذين يجغمون ( البـقـنية) (Re: الطيب رحمه قريمان)
|
Quote: اسمو مختار الخليفة احمد الأمين هو زول ود عمد ومشايخ عندكم ترقى في ادارات التعليم حتى وصل مرحلة كبيرة بالله عليك الله اسعفني بيهو |
اخي المنصوري ..
الاستاذ/ مختار الخليفة احمد الامين هو ابن
(عمتي لزم) وحاليا موجود بالباوقة
وقد قضى في شري بينكم زمنا جميلا هو اسرته
ما زالوا يذكرون اهل شري الاوفياء بالخير
سارسل لك رقمه ...
اما عن اخونا فطيس بقنة فشكرا عن المعلومة
التي كنت ابحث عنها وقد وجدتها بين سطورك
الجميلة ..
مودتي منصوري ..
| |
|
|
|
|
|
|
Re: الى الذين يجغمون ( البـقـنية) (Re: منصوري)
|
Quote: ماهر على جناح السرعة أرجو أن تعطيني تلفون محمود عبد السيد.. أنا في الإمارات.. هو فعلاً زول ملاك في أخلاقو.. |
شاكرون ومقدرون أخى منصورى ،، هذا هو رقم صديقك القديم محمود عبدالسيد وهو كما ذكرت لكم مقيم فى أبوظبى .
00971507421228
مع التحية ،،
ماهر
| |
|
|
|
|
|
|
Re: الى الذين يجغمون ( البـقـنية) (Re: الطيب رحمه قريمان)
|
Quote: حكى لى أخى الاكبر أن طلاب مدرسة خورطقت الثانوية فى الستينات أضربوا عن الدراسة و السبب هو إمتناع المتعهد عن توريد المريسة لوجبة الفطور |
الاخ /ماضى ابو العزايم
تحياتى واحترامى اعتقد ان ماكتبته هنا ليس صحيحا ومدرسة خورطقت من اعرق المدارس السودانيه مثلها مثل حنتوب وخور عمر.ولايمكن ان توزع لطلابها المريسه والخمره؟؟؟
| |
|
|
|
|
|
|
Re: الى الذين يجغمون ( البـقـنية) (Re: ضحيه ابراهيم)
|
Quote: هي شراب ينقع من التمر |
ياخي التمر واحد من مكوناتها، وأهمها ""زرٍيعة"" الذرة أو ""العيش ريف"" وأحياناً تضاف إليها بعض البهارات ، قرفة ، زنجبيل ، أو قرنجال.
Quote: وللمعلومية هي ليست مسكرة على الاطلاق |
القال ليك منو؟؟
والا عشان بتنوٍم بس ؟؟
للمرحوم بروفيسور تجم الدين محمد شريف مقال رائع بعنوان ""خمور النوبة"" نشر في سبعينات القرن الماضي في مجلة الدراسات السودانية، بالله فتش عليهو.
تحياتي
| |
|
|
|
|
|
|
Re: الى الذين يجغمون ( البـقـنية) (Re: ضحيه ابراهيم)
|
Quote: هي شراب ينقع من التمر |
ياخي التمر واحد من مكوناتها، وأهمها ""زرٍيعة"" الذرة أو ""العيش ريف"" وأحياناً تضاف إليها بعض البهارات ، قرفة ، زنجبيل ، أو قرنجال.
Quote: وللمعلومية هي ليست مسكرة على الاطلاق |
القال ليك منو؟؟
والا عشان بتنوٍم بس ؟؟
للمرحوم بروفيسور تجم الدين محمد شريف مقال رائع بعنوان ""خمور النوبة"" نشر في سبعينات القرن الماضي في مجلة الدراسات السودانية، بالله فتش عليهو.
تحياتي
| |
|
|
|
|
|
|
Re: الى الذين يجغمون ( البـقـنية) (Re: dardiri satti)
|
نجي مرة تانية نواصل في كلمة ( جغم) وبعدين نرد شوية شوية على المتداخلين أخوانا ناس الآداب بيقولوا( اللغة وليدة الواقع) وأنا قبل كدة قلت الواقع السياسي والاجتماعي والاقتصادي عندنا في السودان كبير لدرجة منشرة وعندنا مصطلحات ليهو لاتتوفر في اي لغة شوف مثلاً الواقع السياسي عندما يقول لك شخص مثلاً( سدنة) أو ( عوامة) ( الانتفاضة) ماذا ينبعث في ذهنك انقلاب ( كوز) ...... الاجتماعي مثلا كلمة( دلدول) لما يقول ليك الزول ده دلدول.. شوف معناها يمشي بعيد كف وتديك طعم كيف ووصف كيف حتى تكون محرقة أشد الاحراق للشخص الذي قيلت في حقه ودلدول في اللغة العربية يمكن ترادفها( إمعة) هل كلمة إمعة بتدي نفس الطعم والبعد أو يقول ليك الزول ده( طروره) وقس على ذلك البعد الاقتصادي يقول ليك مثلاً( دق الدلجة) شوف المدى الذي يمكن أن تصل له كلمة دق الدلجة.. وترادفها يمكن في اللغة العربية( الانهيار الاقتصادي) نجي لكلمة جغم هن ثلاث كلمات نستخدمهن في العامية 1 جغم 2 قرطع. او كرتع 3 يغر وكلها تعني شى معين ينسكب في الحلق بس بمعاني متفاوته نجي لشرحها
| |
|
|
|
|
|
|
Re: الى الذين يجغمون ( البـقـنية) (Re: منصوري)
|
جغم 2 قرطع. او كرتع 3 يغر وكلها تعني شى معين ينسكب في الحلق بس بمعاني متفاوته نجي لشرحها جغم في اللهجة السودانية تعطي عمق أكثر من اللغة العربية في كلمة( شرب) جغم تعطي المعنى العميق الآتي( الشراب بنهم شديد، بعد طول غيبة من هذا المجغوم أو المشروب المعنى مع تذوق لذته والاستمتاع بعملية الجغم نفسها أثناء البلع ، وهذا المعنى يتوفر لمحبي مشروب البقنية ........................ قرطع: برضو معنى يخص الشرب وهي لها مدلولات أكثر ومعنى مختلف في البعد عن عملية الجغم قرطع تعطي المعنى الآتي( قرطع غالباً قد يكون شراب بي كوز أو كورية أو قرعة.. والقرطعة تسمع فيها صوت حلقة الحلقوم لها صوت.. وذلك لفقاعات الهواء التي تتخلل القرطعة السريعة) .................. يغر... غر يغر غراً... فيها أثر عربي( غرغرة الروح) لكن عندنا السودانيين تختلف شوية يقول ليك غروا الدواء إن رفض يشربوا غرو ليهو بالقوة.. يغر يعني يسقي بالإكراه .. قد لا يكون أحيانا يغر فيها إكراه ولكن يكون فيها انسياب بشدة في الحلق ............ ما أطعم لهجتنا السودانية وأحلاها وأعمقها
| |
|
|
|
|
|
|
Re: الى الذين يجغمون ( البـقـنية) (Re: منصوري)
|
وقيل ان الجغمة تصغير البقة جغم يجغم بق يبق والبق معروف للباقاقين ابو الزفت بالله شوف البقبقة دي كيف تشرح نفسها وقد سمع من الباع جملوا في حكم مواصلة الصيام في الحر الشديد فقال : كان ما جغيمات الوضؤ دا ما كان بنصام
والقرطعة في عاميتنا السودانية لها مدلول رومانسي آخر غير الشراب قول لي كيف ؟ اقول ليك كيف . . عندما يغيب الزوج عن زوجته فترة طويلة تزيد عن السنة مثلا وياتي لهذه الزوجة المسكينة مرسال اقول ليها راجلك جاء في الخرتوم هنا يقرطع حلقة الزوجة حتى تسمع لها صوتا وقيل في هذه الحالة يلزمها غسل عديل كدا ( الكلام دا سر يا منصوري )
| |
|
|
|
|
|
|
Re: الى الذين يجغمون ( البـقـنية) (Re: عبدالله ود البوش)
|
>>>>>>>>>>>>>>>>>>>>> يا عبد الله ود البوش يا عبد الله ياخي حيرتنا عديل كدة نقول بقنية... تجيب لينا عيار تقيل في قرعة شول منى ومحروسة واحد في المداخلات قال ليك دا ما عيار ده عبار وبعدين تجيب لينا بق ياخي عندنا البق ده في أبوظبي حشرة ملعونة خلاص تجي في الفراش اي دواء ما بيكتلا هسه دي فرصة ياجماعة جيرانا جاهم البق في زول عندو دواء ناجع؟ ماعندك الدواء ده يا عبد الله ........... اما يا عبد الله الموضوع السر القلتو ما حا أتكلم فيهو لأنو قلتا سر أها النوريك الفنجرة دي..
| |
|
|
|
|
|
|
Re: الى الذين يجغمون ( البـقـنية) (Re: منصوري)
|
نحن هنا نتكلم عن البقنية فقط.. ولكن شوف الشيخ العارف ده الذي سارت بحكمه وأمثاله الركبان قال شنو؟ وهو الشيخ فرح ود تكتوك قال: ( الدنـيا مريسة... والآخره صـفاية؟) شوف الحكمة في هذه الأبيات وقيمتهن التربوية لمان وجد المجتمع تمور موراً فيه هذه الآفة( المريسة) ما أفتكر الأبيات محتاجة لشرح.. عشان كده نجح كبار المتصوفة في تسليك الناس وسوقهم الى الدين رويدا رويدا حتى تمكن في نفوس العامة بصورة ثابتة
| |
|
|
|
|
|
|
|