|
الى الراحل الشريف
|
يا راقى يا انسان جميل يا محترم يا انت يا حادى القيم يا غاية الذوق والكرم وجمال ظلال وظلال نغم يا انت يا نفس النقاش الما احتدم بل انت يا نور الصباح اذا ابتسم ابحرت باللوح والدواة مجدافك الهادى القلم وكتبت فى سفر الخلود اديت مع النبل القسم ارحل فروحك والوجود مركب فضائك التئم وتفطرت منا القلوب والناى ناح بكل فم وتوشحت عينى السواد وما رات بعضى لبعضى فى تشتته انسجم ما انت زولا للزوال.. مسك الكلام المختتم يازاهى فى مشوار حياة قرر يغادر وبى فهم ما بوذا قائم فى الوجود تمثالوا فيهم انهدم لكن نوره ما انهزم فرعون وسيرتو الانمحت حتى ان بقى فينا الهرم يا ومضة من عمق الالم كلا ولا ليس ولم نسمع عواء المرفعين نرسم وقد كالنا السجم نكتب مواويل الوهم مسقيةمن تعب وهم كل الحياة بلا طعم ادينا من شوقك رؤى تشفينا من هذا السقم انا فى الهواء ونفسى انكتم قبال اقوم امدد خطاى ياتينى احساس بالندم يا راوى اروع قصتين فيها اجتمع دمع ودم مسئول من الخير آشريف وينو الزمن وعدادو كم ويبقى الزمن ياهو الزمن جار اوظلم مالو الزمن ليلو ادلهم عمار محمد ادم20|1|2009
|
|
|
|
|
|