|
|
 سودانير ومطار الخرطوم بين المحسوبية والامبالاة
|
بدافع الوطنية أولا والطمأنينة البنلقاها بنختار سودانير في رحلاتنا المتاح لينا أختياره ومرات برضه بالتسهيلات البنلقاها في حالات الوزن الزائد
السببين كانوا في اختياري سودانير للسفر لحضور العيد في السودان من أبوظبي
الحق يقال في مكتب الحجز في أبوظبي الأخوان عملهم مشرف وخدمتهم جميلة وطيبة يلبوا ليك طلب في سرعة وتفاني وتطلع منهم مبسوط رغم أنو لاحظت زيادة في سعر التذكرة ومن حقهم العيد موسم ويستاهلوا وأشكر السيد مدير المكتب وعضو المنبر هنا
قبل السفر بيومين تم الأتصال بي لتأكد سفري وأشكر مكتب سودانير بأبوظبي لأهتماهم بالزبائن مرة تانية وذهبت في صباح اليوم قبل السفر لشحن أمتعتي من (تريمنال أبوظبي) داخل مدينة أبوظبي ووجدت وزني 54 كيلو وأخبرني الموظف الهندي أن لدي 4 كيلو زيادة يجب دفع المبلغ فأخبرته أنه سودانير تمرر لنا الوزن القليل فأجب بأنها تعليمات من سودانير أي وزن يزيد من 50 كيلو يتم دفع الزيادة وعلي دفع مبلغ 125 درهم ووقمت بدفع المبلغ لاحظت طريقة الدفع الغريبة لا تكتب ولا تسجل في اي سجل قيد ولم يحرر لي أي إيصال سوى أيصال دفع رسوم الشحن التي دفعتها بالأضافة للمبلغ السابق وعند مطالبتي بالإيصال قام الموظف بكتابة المبلغ في التذكرة
وفي أثناء تواجدي كان ضمن الحضور للشحن رجل ومعه جواز لشخص أخر حضروا وكان وزنهم يزيد عن 140 كيلو وبعد مجادلة مع الموظفين قاموا بالاتصال بشخص بالموبايل وأعطاء الموظف الموبايل ليقوم بعد ذلك بتمرير العفش ودفع قيمة صغيرة أظنها 200 درهم والله العالم
توكلت على الله في اليوم الثاني يوم السفر وتعمدت الذهاب للمطار مبكراً وقام أحد الأخوان بتوصيلي للمطار وبعد نزولي وأنا في التفيش الأول أتصل بي مكتب سودانير ليتم تبليغي بأن السفرية تأجلت لغداً والحمد لله لم يغادر صديقي بعيد وحضر لأعادتي (أسخف شي أن تكون تهييء نفسك للسفر وتودع الناس وتجيهم راجع) وحضرت اليوم الثالي وفي الصالة وجدت ركاب منتظرين من اليوم السابق وباتوا في المطار حيث أنهم حضروا من مناطق بعيدة ووجدت شيخ كبير مريض نائما تحت كرسي متحرك ترافقه أبنته وبسؤالها عرفت أنهم حضروا لعلاج والدها ونسبة لبعد المنطقة في أبوظبي فضلوا المبيت في المطار ولم يقصر الركاب في مساعدتهم كالعادة تأخرت الطائرة عن موعدها اكثر من 4 ساعات لتحضر لنقلع بنا للخرطوم بعد تأخير طويل لم توزع لنا طلبات الدخول في الطائرة وبعد الوصول نفأجا بطلبها بواسطة موظفي الجوازات لتبدأ قصة البحث عن قلم تخيلوا ركاب طائرة كاملة يعتمدون في تسجيل بياناتهم على 3 اقلام وكم من الوقت والتأخير، بعد التعبئة اصطففنا في طابور أمام موظفي الجوازات لاحظت وجود عدد من ضباط القوات النظامية في انتظار الركاب حيث يقوم هؤلاء الضباط بأستلام الجوازات من معارفهم الركاب والتوجة مباشرة لموظفي الجوازات دون أحترام أو اعتبار لبقية الركاب المصطفين ، موظفي الجوازات في غاية البطء يتخلل عملهم خروج من مكاتبهم والتحدث مع أفراد دون أهتمام إلى أن هولاء الركاب أمضوا وقت طويل في الطائرة وفي الصف عدد من كبار السن والأطفال
|
|
 
|
|
|
|
|
|
|
|
Re: سودانير ومطار الخرطوم بين المحسوبية والامبالاة (Re: عبدالعزيز حسين عبدالرحيم)
|
بعد إجراءات الدخول توجهنا لسير الأمتعة لننتظر مدة ساعة قبل وصول الأمتعة لا يوجد موظفين لتوجيهنا فقط العمال يتلاعبون وتركونا مشتتين بين السيور لاحظت تدافع الركاب على عربات التحميل في المطار التي نفذت ولم أحصل على عربة حيث ان عدد العربات قليل ودار السير والأمتعة تدور ولا يقوم أحد بأستلام اي شيء سوى عدد قليل من الركاب استلموا كل امتعتهم وبعد أنتظار ملل لمدة 3 ساعات في مشاهدة الأمتعة التي حفظناها قطعة قطعة يأتي موظف من سودانير ليعلمنا بأن أمتعتنا متخلفة في أبوظبي وعلينا تسجيل أسماء ليتم أحضار الأمتعة ومن لم يسجل لن يتم أحضار امتعته وقمنا بالتسجيل وسط هرج وضجيج شديد كان بين الحضور سيدة تحمل طفلة صغيرة عمرها شهور كانت تبكي بشدة طلبت منها أن احملها محاولا أسكاتها اخبرتني أن الطفلة المسكينة لا ترضع رضاعة طبيعية وتتناول نوع معين من الحليب قامت بأعدادة في زجاجات رضاعة اخذوها منها في المطار بحجة أن السوائل ممنوع حملها مع الركاب مع وعد بتسليمها لها في مطار الخرطوم وأضافت أن الطفلة تعاني ايضا من الحساسية وتستخدم نوع معين من الحفاضات وهي مع الأمتعة وحمدت الله ان احتفظت بعدد من القطع في حقيبة يدها التي تحملها لكن لا تعرف مكان تقوم بالتغيير للطفلة ، شاب أخبرني أنه سافر للأمارات قبل أيام لأحضار عينات محددة من دبي من المفترض عرضها قبل العيد لتوقيع عقد وأن تأخير عن يوم سيخسر العقد ، شاب اخر اخبرني انه عريس وأنه احضر شيلته معه وهو من منطقة بعيدة وأنه بصدد سد ماله وتسليم الشيلة بمجرد وصوله ، سيدة كبيرة قالت أن لديها ادوية مهمة موجودة ضمن الأمتعة كان في الحقيبة التي تحملها اخذوها منها قبل صعودها للطائرة وغيره من القصص ، شخصي أحمل لاب توب فقط في يدي الغريب أن الأمتعة التي كانت في السير غريبة تلفزيونات كبيرة الحجم وقطع غيار وشاهدت سيارة كاملة تدور في في شكل قطع لا ينقصها سوي الشاسية والتركيب والبنزين شاهدت أشياء غريبة كانت تدورفي السير من المفترض شحنها تحلق الركاب حول موظف سودانير الوحيد وصياحة كان شيء منكر وقبيح في مطار يوصف بأنه دولي ولموظف من شركة عريقة
| |
|
|
|
|
|
|
|
|
|
Re: سودانير ومطار الخرطوم بين المحسوبية والامبالاة (Re: عبدالعزيز حسين عبدالرحيم)
|
ما ذكرته أخيراً مجاملة لموظفي سودانير لكن السبب الحقيقي في وصول أمتعتنا هو توجهناوعدد من الركاب لمباني سودانير وطلب مقابلة المدير العام وتقديم شكوى رسمية بتأخر امتعتنا وطلب تعويض وأظن لولا هذه الشكوى كنت صليت صلاة العيد بملابس شقيقي
بعد وصول امتعتي اكتشفنا انه تم احضارها بواسطة طائرة شحن جوي تخيلوا نقوم بالدفع عن اربعة كيلو ليتم احضار الامتعة بالشحن الحقائب محطمة تمامات زجاجات العطور والكريمات تكسرت وأختلطت وسالت على الملابس وباقي الأمتعة وتسببت في تلف جزء كبير من الأمتعة وخسارة فادحة وشاهدت تلفزيون محطمة وكثير من الأمتعة التي تلفت من التحميل والشحن
تسبب سودانير وإدارة المطار في ضياع اغلب اجازتي القصيرة فقد كنت أقضي اغلب وقتي في المطار في أنتظار وصول الأمتعة بالنسبة لي أنا اسكن في الخرطوم هناك ركاب من الأقاليم مع الأسف قضوا العيد في الخرطوم نسبة لعدم وجود مواصلات في فترة العيد والفترة قبل العيد دون ملابس أو امتعة وبعضهم لا يملك حتى مأؤى وفقدت وقت طويل من زمني بتأجيل الرحلة وتأخرها وتأخر الإجراءات كان الأفضل أن يخبرونا لحظة وصولنا أن امتعتنا ستتأخر وكنا توجهنا لمنازلنا مباشرة بدلا من أنتظار السراب
تسببت سودانير في خسارة مادية كبيرة بالنسبة لي فقد تلف كثير من امتعتي وخسرت أيضا مبالغ في المواصلات وتأجير السيارات للمطار والتلفونات وغيره
مع العلم أن دافع الوطنية الذي يدفعنا للتوجة لسودانير انتفى فقد كان سودانير في السابق شركة وطنية خالصة نبذل لها حقوقنا ونستحمل لكن الأن سودانير شركاته بها شريك كويتي يستلم ارباحة من خساراتنا
| |
|
|
|
|
|
|
|
|
|
Re: سودانير ومطار الخرطوم بين المحسوبية والامبالاة (Re: عبدالعزيز حسين عبدالرحيم)
|
أرجو أن يتفضل الأخوان هنا بمساعدتي حيث أنني بصدد تقديم شكوي للأياتا
هل أستحق تعويض ؟
هل يمكن تقديم شكوى لمكتب الأياتا ؟
هل يمكن تقديم شكوى لمحاكم الإمارات مكان تعاقدي مع سودانير حيث أنني قمت بالحجز والدفع من الإمارات؟
ماهي الجهات الأخرى التي يمكن أن ألجاء إليها وتقديم الشكوي
أتمني لو يتفضل ويحضر مدير مكتب سودانير بأبوظبي ويشرح لي ماحدث فقد قمت بتصعيد الموضوع حتى وصلت مدير عام سودانير وقابلته مشكور وهو رجل فاضل استقبلني وأستمع لشكواي لكن دون جدوى
هذه أمنية وليس طلب أن لم يحضر مدير مكتب سودانير بأبوظبي فهو حر وأنا أعفيه وهو ورجل فاضل وصادق شاهدته يخدم الركاب نفسه وحدثية صريح وواضح أشكرة على جهدة وأتمني له التوفيق
| |
|
|
|
|
|
|
|
|
|
Re: سودانير ومطار الخرطوم بين المحسوبية والامبالاة (Re: عبدالعزيز حسين عبدالرحيم)
|
أسواء ما يمكن أن توجهه في وصولك للسودان البشر الذين تقابلهم
دائما أجد العذر لناس الجوازات واستحملهم لانو في النهاية انت سوداني وما عامل مصيبة وواثق من انك بتمر منهم وما بتثاقلوا كتير رغم التعب والأنهاك البتكون وصلت بيه من جلسة الطائرة وخصوصا لو جيت بي سودانير
مشكلتين في مطار الخرطوم ناس المطار وناس الجمارك
ناس المطار هم البلاء وعاملين مطار الخرطوم فوضي لو ما عندك زول في المطار بتتبهدل وشفت تجار من دبي شايلين بضاعة يقول ليك عندي زول في المطار وقبل فترة واحد اداني حاجات قال الزول حا يتسلمها من السر بس مررها من هنا وما عليك بيها تصدقوا قعدت راقبت الشنطة جات جا واحد من موظفي المطار شاله ومشى سالته قال أيوه نعم أنا عارفه موصفنها لي وموصفنك انت زاتك بالتلفون
مرة تانية سافرت سفرية للخرطوم وكان معانا جثمانين لمراحيم الله يرحمهم في الطائرة والله انفتح باب الطائرة والناس نازلة وناس طالعة في السلم عاوزة ترفع الفاتحة لذوي المراحيم المرافقين للجثامين (في ناس ما كانوا عارفين واحد رافع يديه الفاتحة لي واحد ورى مره المرة افتكرته برفع ليها في الفاتحة رمت شنتطتها وكوركت سجمي المات منو)
موظفين المطار في السير اكتر من الركاب تعامل بقية الموظفين في توجية الركاب فظ وجاف كأنك غنماية ولا جاي من الأدغال دا لو اتبرعو ووجهوك
بحكم سفري الكتير اصبحت متعود لكن بشيل هم الناس المطولين وشكلهم ظاهر من الدهشة والأحباط
موظفين المطار ازياهم باهتة وشكلهم مبهدل جداً الفقر ما عيب بس العيب الواحد يكون في واجهة بلد زي مطار الخرطوم البدخلوا بيه اجانب ولابس لبس قبيح وشكله مبهدل ولا نايم في السير
مره حصلت أنو عفشي أتاخر ومشيت المطار عشان استلمه في رحلة تانية لمن وصلت الطائرة باب الصالة كان مقفول والزول العنده المفتاح ما كان موجود والله العظيم شفتوا ليكم صالة وصول بتكون مقفولة لحظة وصول الركاب في مطار دولي مشيت فتشت في الموظف العنده المفتاح قال انت ما حا تدخل تنتظر الركاب يشيلوا عفشهم ويفضل العفش الباقي يتعده ويتحصر ويمشي المخزن أندهشت وقلت ليه المخزن طمني قال لي ما تقلق المخزن ياهو دا جنب المطار وديل المسؤولين من العفش مشيت المخزن وهو جملون كبير جوار الصالة قابلت موظفين سودانير بدون مبالاة رددو لي نفس كلام الزول بتاع الباب اضطريت عملت لي واسطة والتلفونات دورت سبحان الله نفس الزول القال لي ما بتخش جا يفتش فيني ودخلني الصالة ووصى واحد يساعدني والله ما أحب الواسطة ولا تجاوز قوانين ونظم موضوعة لكن إضطريت لانو القوانين والنظم الموضوعة كانت تخالق المنطق والصبر
...
| |
|
|
|
|
|
|
|
|
|
Re: سودانير ومطار الخرطوم بين المحسوبية والامبالاة (Re: عبدالعزيز حسين عبدالرحيم)
|
اخ عبد العزيز سلامات وتحيات
اطالبك انت ومن سافر معك فى هذة الرحلة وكل من تعرض الى سؤ معاملة ناقلنا الوطنى
الى التفدم بشكوى لمنظمة الاياتا العالمية لوقف هذة المهزلة طالما لم تستطع ادارة سودانير من حلها
والتعامل معها
تخيل ان المصريين يطلقون اسم ستهم على طائرات الخطوط السودانية وتفسيرهم لهذا الاسم
هو : يا عم دى بتيجى وقت ما هى عاوزة وتروح وقت ما هى عاوزة.
| |
|
|
|
|
|
|
|
 Re: سودانير ومطار الخرطوم بين المحسوبية والامبالاة (Re: Hisham Amin)
|
الأخ الفاضل عبد العزيز .. تحية طيبة وكل عام وأنت بخير ...
أولاً : لا أعتقد إن الإياتا هي الجهة التي ستنصفك.
ثانياً : أعلم أخي أن تذكرة الطائرة التي قمت بشرائها هي في الأصل (عقد منفعة) يسري عليه كل ما يسري على (العقود القانونية) .. عليه أرجو منك القيام بقراءة ما هو مكتوب خلف التذكرة باللغة الإنجليزية ، وأن تعتمد على الله وعلى هذا العقد وتتوجه فوراً لأقرب محامي شاطر ..!!
| |
|
|
|
|
|
|
|
|
|
Re: سودانير ومطار الخرطوم بين المحسوبية والامبالاة (Re: صديق عبد الجبار)
|
الأخ Hisham Amin
Quote: خ عبد العزيز سلامات وتحيات
اطالبك انت ومن سافر معك فى هذة الرحلة وكل من تعرض الى سؤ معاملة ناقلنا الوطنى
الى التفدم بشكوى لمنظمة الاياتا العالمية لوقف هذة المهزلة طالما لم تستطع ادارة سودانير من حلها
والتعامل معها
تخيل ان المصريين يطلقون اسم ستهم على طائرات الخطوط السودانية وتفسيرهم لهذا الاسم
هو : يا عم دى بتيجى وقت ما هى عاوزة وتروح وقت ما هى عاوزة. |
نعم إن شاء الله سأبذل لتصعيد الموضوع ما أستطيع لذلك أحتاج مشورة ومساعد
مع الأسف يا أخي هناك من جعلوا سودانير كالعاهرة تقتات من شرف الوطن وسمعته لتحقيق الربح فشركات الطيران كالسفارات ومشهد مألوف أنتظار السودانين في المطارات والمبيت فيها وهي الطائرة الوحيدة التي ينزل طاقما للسوق الحر لشراء الموبايلات ، الجلوس في الطائرة free seats ولا يوجد تنظيم أو أرقام مقاعد يشجع الركاب على عدم الأنضباط الوجبات والخدمات في الطائرة سيئة جداً
| |
|
|
|
|
|
|
|
|
|
Re: سودانير ومطار الخرطوم بين المحسوبية والامبالاة (Re: صديق عبد الجبار)
|
الكابتن صديق عبدالجبار صاحب أجمل وأروع هبوط وأقلاع
لك تحياتي
Quote: الأخ الفاضل عبد العزيز .. تحية طيبة وكل عام وأنت بخير ...
أولاً : لا أعتقد إن الإياتا هي الجهة التي ستنصفك.
ثانياً : أعلم أخي أن تذكرة الطائرة التي قمت بشرائها هي في الأصل (عقد منفعة) يسري عليه كل ما يسري على (العقود القانونية) .. عليه أرجو منك القيام بقراءة ما هو مكتوب خلف التذكرة باللغة الإنجليزية ، وأن تعتمد على الله وعلى هذا العقد وتتوجه فوراً لأقرب محامي شاطر ..!! |
عارف من الأسباب البتدفعنا نركب سودانير أنو بقودوها أمثالكم وبنأمنهم على أرواحنا مطامنين واثقين منكم
بس مع الأسف ادارة سودانير ما همها إلا الربح لا مرعاة لسمعة الوطن ولا أمن وحياة الركاب أو الخسارة الببذلوها
يا كابتن الغرض من تصعيدي ليس التعويض وهو أيضا حق من حقوقي الغرض الأساسي هو تنبية وقرص اذن سودانير لتعرف واجباتها وتنضبط وتبقى حاجه ولو في طريقة
يا كابتن الناس ديل بين إيديهم أرواح ناس واطفال والناس برضه عندها التزامات وحقوق سودانير ما ممكن تعمل فيهم كدا
بمناسبة التذكرة حكومة الإمارات الزمت سودانير بالتذاكر الألكترونية وأظن كنت من أوائل الركاب البسافرو بالتذكرة الالكترونية ومشيت حجزت ودفعت قيمة التذكرة موظف التذاكر اداني ورقة بيضاء مطبوع عليها الحجز قال لي دي تذكرتك وهو صادق من الإمارات سافرت عادي جداً جيت مطار الخرطوم قعدت نصف ساعة أقنع الجماعة في البوابة أنو أنا مسافر بتذكرة الكترونية مرروني بعد ما زهجو مني المشكلة التانية في رسوم المطار وكانت عبارة عن استيكر صغير بثبتوه في التذكرة اها انا ما عندي تذكرة تخيل الموظف المسؤول من تحصيل الرسوم قال لي شنو أمشي جيب ليك تذكرة من سودانير أو ما تسافر قلت ليه شيل قروشك وأديني الاستيكر وفي لحظات امتعاضي وقرفي أتذكرت أنو اليوم السابق لم مشيت ااكد الحجز شلت ورقة مطبوعة صغيرة وعليها الحجز ورقم الرحلة وختم سودانير حمدت الله قلت ليه اها ياها دي التذكرة يلا ختها هنا رفض مشيت لجأت لضابط الصالة أتفهم الموضوع اقنع الراجل مشيت لي كاونتر سودانير ورفعت أمتعتي في الميزان وقدمت ليه الورقة الفيها الحجز قالو لي اطلع اعمل لينا تأكيد للورقة من مكتب سودانير بره يا جماعة انا عفشي في الميزان اطلع برة المطار ما عندكم مراسلة واحد ورى الموظفة فتح فيني كلام فارغ (نحنا شغالين عند أبوك يازول بطل حقارة عوك عوك) من غير سبب والله كان ما وقفته وأتلاسنت معاه كان جا ضاربني المهم مشيت طلعت برة مكتب سودانير البقولوا عليه الكنترول مافيه زول قعدت نص ساعة جا موظف تخيل موظف مسؤول في كنترول روم شركة خطوط ما عارف يعني شنو تذكرة اللكترونية وجيت راجع من غير ما أعمل حاجه المهم اقنعت الموظفات بالكذب أنو أنا عملت اللازم وناس الكنترول قالوا امشي طوالي الغريب الموظفات اقتنعن وكلمن اجراءتي لكن لقيت المراسلة الكان زعلان رمي لي عفشي في اخر الصالة
يا كابتن والله غرضي اوصل الموضوع للأياتا زي ما ذكرت للأخ عشان يضغطوا سودانير وتنضبط زي بقية شركات الطيران لأنو هسع هي متسببة في كوارث كتيرة للركاب ولو خلوها عايرة كدا حا تعمل كوارث اكبر
| |
|
|
|
|
|
|
|
|
|
Re: سودانير ومطار الخرطوم بين المحسوبية والامبالاة (Re: ابراهيم عدلان)
|
الاخ/ عبد العزيز
سودانطير كما يحلو لى ان اطلق عليها هى اشانة سمعه لصناعة الطيران وعالم النقل الجوى فى العالم!!
ولا يفوتنى ان اقول اولا حمدالله على سلامة الوصول طالما تحب السفر على القاتل الوطنى!!
ارجع للموضوعك الاساسى: دائما تزكرةالراكاب هى التى تحدد ضمانات الشركه فى موضوع تلف العفش ودى منصوص عليها
فى Aviation Law ..وهى غالبا بحتاج انو الركاب اثبت انو العفش بتاعو كان بحالة التصنيع عندما احضره
الى المطار او عند الشحن. لو مازلت تتحتفظ بفواتير الشراء ده يتفيدك كتير فى المساءله القضائيه بالنسبه و
ل Liability واتمنى لو مازلت تتحتفظ بالشنطه الملابس التى تعرضت للتلف فى نفس حالة التلف.. وايضافاتورة او دليل على استلام العفش المتاخر. ياسيد انتا عندك قضيه وربحها ليس صعب على الاطلاق وكما قال الكابتن صديق عبد الجبار المهم تجد المحامى الشاطر..ودى
انا المتخوف منها انك كيف تجد المحامى الشاطر فى بلد فيها مساءلة مقضاءة شركة طيران فى عفش او ارواح ضئيلة جدا ان لم تكن معدومه.
ما اريد قوله انك كيف تلقى ليك محامى شاطر ليهو خبره فى قوانين الطيران.
حاجه اخيره: الشكوى من المفروض تقدم من الدولة التى قمت بشراء التزكره منها...يغض النظر عن دولة الخطوط
ــــــــــــــــــــــــــــــــــــــــــــــــــــــــــــــــــــــــــــــــــــ
نصحية لله يا سيد
لو جيت تسافر دايما انظر الى سجل سلامة الخطوط..وخدمة العملاء..
لا تمعن النظر فى ..خطوط بلدى او كمية العفش البخلونى اشيلوا ..الاخيره من اكثر مسببات الحوادث
بالاضافة الى اشياء اخرى!
| |
|
|
|
|
|
|
|
|
|
Re: سودانير ومطار الخرطوم بين المحسوبية والامبالاة (Re: bob)
|
| Quote: اكتب شكواك في احدي الصحف السيارة و الزمهم بالرد العلني و اشفع شكواك باسماء كل مسؤل طرقت بابه |
الاخ/ ابراهيم
اعتقد ان تقدم الشكوى فى صحف دولة شراء التزكره اولا..ودى حيكون ليها اثر ابلغ ..لان الشركة ستحاول حماية سمعتها لو فضل فى اصلا فيها سمعه..وزيادة عددالمسافرين من تلك الدوله. بعد اكتمال مرحلة النشر الاولى انشر القضيه فى بلد اصل الشركه..ودى بتعلم وبتدفع
الناس للمطالبه بحقوقه وكيفية المطالبه بها...وربمافى النهاية ستتعلم سودانير كيف ان تترقى الى مكانة شركة طيران وان تحترم قوانيينه!
تحياتى
| |
|
|
|
|
|
|
| |
Hisham Amin
صديق عبد الجبار
ابراهيم عدلان
bob
فيس بوك
تويتر
انستقرام
يوتيوب
بنتيريست