|
يا بتـ مُلونة بالغُنـا ...
|
دخلّت فيني نُقطة ضوء
عبر المسام إتسارقت
وجوة القليب إتوهطت ...
ضوّت عليّ دُنياي يوم
جوة القليب إتحكرت
وفي دماي إتمازجت ...
يا بتـ ملونة بالغُنـا
ياحلم أحلامي الطفرّت
ولي ضوء عيونكـ غازلت
نزلتي عليّ نقطة ضوء
ودون ما أحس بالإيقاع
عزفت عليكـ مقاطع فن
وجبتّ الفُرشة والأقلام
نزعة أوراق ملطخة بالرتابة
ومسحتـ المرسم الميمون
وعليو شدّيت
أجمل ورقة بيضاء حنين
وضربتـّ عليها بالفرشة
لونـ الفرح والضوء
رسمتكـ في حنايا الرُوح
وسكبتـ عليكـ لونـ القلب
رسمتكـ بكل تفاصيل الرؤى الفي الجوف !
وطني وحلمي وأرض النيل
ونخل الحق شموخو رغم الجور
وطين الجروف النافى قول الزور
محطاتـ عشقي ترحالي
وصوتـ تربال مع إيقاع سواقي الري
تواريخ مضمخة بسيّر أبطال
وطيبة ناس نقيين جــوف ...
يا بت مُلونة بالغُنـا
يا سِر هواي
يا نغمة من عمقـ الوتر ... مدوزنة
أنا بيني مابين هواكـ
وعد المُنى
ولوحة ضاجة مُلونة
ومراسي شوق
وضفة خضراء مؤمنة
أنا بيني مابين هواكـ
إنكـ أنا
وإنكـ مطرزة بالسنا
يا بتـ مُلونة بالغُنا
|
|
|
|
|
|
|
|
Re: يا بتـ مُلونة بالغُنـا ... (Re: محمد الجيلى)
|
يا بت مُلونة بالغُنا
يا نكهة في كل الدروب والأمكنة
يا نفحة من عبق الأماسي مُعطرة
يا رنة في جوف الليالي المُحزنة ...
في كُل ليل بستأذنكـ
أغازلـ طيوفكـ وألثما
وأطير معاكـ بجناحي فوق
وأعبر معاكـ في الأزمنة ...
وأنا في البعيد
في كُل ليل بفتح شبابيكـ الرؤى
وأسهر معاكـ في شوق
وفي إيقاع ليالي مُطمنة ...
في كُل كتاب بقرأكـ قصص
بقرأكـ حِكم
بقرأكـ حروف
بقرأكـ قصيدة مُدوزنة ...
جربت أهواكـ
بكُل ثقافات الشعوب !
وقلت ليكـ بهواكـِ بكُل اللُغات
وفي الأخير بهواكـِ أصيلة مُسودنة ...
| |
|
|
|
|
|
|
Re: يا بتـ مُلونة بالغُنـا ... (Re: محمد الجيلى)
|
يا بت مُلونة بالغُنا
يا بت هواي
يا بت ملخبطة بملاكـ
يا بت مُناي
يا بت موضية بالجمال
يا روح ميمة بالضياء
يا واحة في صي الصحاري ورملتا
يا غيمة هاطلة عليّ سُقا
يا بت مُلونة بالغُنا
أنا يومي داكـ !
يوم عرفتكـ كاملة حاضرة
بكُل مقاييس الحلاة
صليت عليكـ وإقامتي إسمكـ في جهُر
رتلّت فيكـ أجمل حروف
ووهبتكـ ليكـ خشوعي حُب
جوة الصلاة كُنت الخشوع
في ضي عيونكـ وطلعتا
يا بت هواي
يا بت مُلونة بالغُنا
| |
|
|
|
|
|
|
Re: يا بتـ مُلونة بالغُنـا ... (Re: محمد الجيلى)
|
يا بت مُلونة بالغُنا
يا بت مخيّطة بالعسل
يا بت مطرّزة بالهنا
يا وردة فرّحت الندى
يا نغمة دوزنة الغُنا
أنا بيني ما بينكـ وعد
وبين عيونكـ والمُنى
شدّيت على خطوي اليقين
وثقتي فيكـِ مُطمنة
نافيتي لكُل الخداع
وبقيتي لي شارة سنا
يا بت هواي
يا بت مُلونة بالغُنا
يا ضي حياتي وبهجتا
يا عُمري يا فصول السنة
يا بت غُناي
يا بت مرتّبة في الغُنا
| |
|
|
|
|
|
|
Re: يا بتـ مُلونة بالغُنـا ... (Re: محمد الجيلى)
|
يا بت ملونة الغُنا
يا ساكنة فيني ممكنة
يا طالعة من جوف الوتر
يا سكة واسعة مُطمنة
يا سرقة من بحر الخيال
وبقت حقيقة مُؤمنة
في كُل لوحة وكل فن
إنتِ الطبيعة مُلونة
في كُل فرشة وكُل لون
إنتِ الجمال زايد سنا
وفي كُل بيوت حلتنا ديكـ
إنت العصافير والجنا
إنت الطيوب إنت الزهور
يا نابعة من قوس المُنى
| |
|
|
|
|
|
|
Re: يا بتـ مُلونة بالغُنـا ... (Re: محمد الجيلى)
|
برجاااكـ في السكّة المروية
يا غيمة مستّفة حنية
يا نغمة مُدوزنة للإيقاع
يا غُنية جميلة فرايحية
يا بت مرسومة على الخطوات
ومُلّونة لوحة طبيعية
حبيتكـ قبل ألاقيكـ جد
وطيوفكـ طلّة ملائكية
مازجتكـ جوة دماي يا بت
وزرعتكـ فيني فرايحية
وأنا شايلكـ سُقية جوفـ جواي
لي عطشة شوقي الزمنية
| |
|
|
|
|
|
|
Re: يا بتـ مُلونة بالغُنـا ... (Re: محمد الجيلى)
|
حبيتكـ وإنتِ معاي ياروح
ودسيتكـ زاد الحنية
وضيتكـ بموية العين ياروح
ويممتكـ فيني طهورية
صليتكـ في محراب الحُب
وخشعتكـ وإنتِ الفرضية
سبّحتكـ بنبضات القلب
ودعواتي جميلة وفي النية
والحُب من قبلكـ مازارني أكيد
وفي بُعدكـ كويات نارية
يـا مواسم مُترعة بالأفراح
يا عطية جميلة سماوية
يا عزيزة عليّ بالجد
ومكانتكـ جواي أسرية
يا مُشرع هادي إليّ إيقاع
وموسيقى حنينة مسائية
يا بت مُتوهجة بالأنوار
وعيونكـ أشعة سحرية
ومواكبكـ دائماً مُكتملة
وحضوركـ إنسي البشرية
بتمني هوانـا إدوم يااارب
وتسعدنا الكف القدرية
| |
|
|
|
|
|
|
Re: يا بتـ مُلونة بالغُنـا ... (Re: المسافر)
|
Quote: يا بت منورة بالغنا أغني ليك تتلوني من قزح وطيف وسنا ومن أثير تتكوني يسري بساط من منى ما هان أمري هوني
|
يا بت مُلونة بالغُنا
يازولة مُترعة بالفرح
والنور ببان في طلّتا
أقواس قُزح!
تحلم تمازج نظرتا
أنا عندي غيركـ مين!
يا بت مُحققة للمثنى
ــــــــــ
المسافر
شكراً على المرور والمُشاركة
تحايايّ
| |
|
|
|
|
|
|
Re: يا بتـ مُلونة بالغُنـا ... (Re: محمد الجيلى)
|
يابت مُلونة بالغُنا يابت مستّفة بالحنان ياواحة مُترعة بالظلال أنا عندي غيركـ أصلو مين ياسرقة من بحر الخيال يانخلة باسقة رغم الظلام ياخضرة جمّلت التلال خليكـ زي ماكُنتي نيل وأشفيني من جور الضلال
يابت مُلونة بالغُنا
| |
|
|
|
|
|
|
|