|
|
 حركة حوت ,,,, الحركة الوطنية للتغيير,,,,
|
وصلتني المشاركة التالية من الاخ الباشمهندس يوسف طه وهو متابع ومشارك من خارج المنبر
نتمني ان يستجيب الاخ بكري لطلبه باللانضمام للحوش العامر,,,, مع خالص الشكر والتقدير.
بسم الله الرحمن الرحيم
الحركة الوطنية للتغيير
مقدم البرنامج :
مقدمة
تسربت إلينا أنباء عن تكوين حركة مسلحة جديدة تطلق على نفسها الحركة الوطنية للتغيير ويرمز لها بـ "حوت" فحاولنا معرفة سر هذه الحركة ومن هم الذين يقفون من خلفها وما هي أهدافها ومراميها فكان أول إتصال لنا بأمير سر الحركة ويدعى (س) فإتصلنا به هاتفيا وإليكم الحوار الذي دار بيننا :
مقدم البرنامج : ألو من معي ؟
الطرف الآخر : ياخي خليني من مين معاي دي ، وريني إنت عايز منو؟
مقدم البرنامج : يا أستاذ معاك قناة الجذور وعلمنا بأنك أمين سر حركة "حوت" أليس كذلك؟
الطرف الآخر: مرحب بقناة الجذور ونشكر إتصالكم وإهتمامكم بنا ، وعايز أصحح معلوماتك أنا ما أستاذ أنا دكتور يا أخينا.
مقدم البرنامج : أنا آسف يا دكتور بس نحن عايزين منك تكلمنا عن حركتكم .
الطرف الآخر : نعم .. نعم .. نعم نشكر إهتمامكم بقضايا المفلسين ، نحن أولاً حركة وطنية للتغيير ، وأنت زي ما عارف حركتنا عايزة تخدم قضايا الوطن والمهمشين ..
مقاطعة من مقدم البرنامج : أنا يادكتور ما عارف عشان كده إتصلت عليك عشان أعرف ، وبالمناسبة أنت عايز نستخدم اللغة العربية واللا الدارجية؟
الطرف الآخر : لا .. لا .. نستخدم الدارجية عشان الشعب يفهم شعاراتنا ، لأنو بعد ما ندخل الحكومة حنتكلم باللغة العربية الفصحى عشان الشعب ما يفهم نحن بنقول في شنو ، وما تنسى كل مرحلة وليها أدبياتها زي ما قال الفيلسوف السياسي .
مقدم البرنامج : وضحت الفكرة ، ونشكرك السؤال أين يقيم قائد تنظيمكم ؟ وهل يمكننا الإتصال به ؟
الطرف الآخر : أولا لحركتنا شقين شق عسكري وآخر سياسي ، الشق السياسي يقوده دكتور (ي. س ) ، وهو يقيم بأحد العواصم الأوربية ويتنقل من دولة لأخرى لتجنب ملاحقة قوات الأمن له ، وهو من الشخصيات المرموقة في أوربا ، وهو ما جاسوس ولا يتعامل مع المخابرات الأجنبية ضد بلده ، وهو يمتلك أعمال تجارية ضخمة ، وهو رجل أعمال .
مقدم البرنامج : أنت متأكد هو ما بتعاون مع المخابرات الأجنبية ضد بلده ؟
الطرف الآخر : آآي متأكد تماماً ، وهو ذاتو بعد ما أخد الجنسية بتاعة البلد الأوربي ديك جاب القروش كلها وإستقر .
مقدم البرنامج : جنسية شنو وقروش شنو ، أنا بسألك عن المخابرات ؟
الطرف الآخر : أصلو الدكتور لمن جا هنا كان عاوز يقرا ويحضر ،(مقاطعة من مقدم البرنامج :إنت وين الآن يا دكتور ؟) أنا في أوربا ، وبعد ما الحركة إتكونت حولو ليهو قروش الحركة عشان يعمل بيها تجارة .
مقدم البرنامج : والقروش جبتوها من وين يا دكتور ؟
|
|
 
|
|
|
|
|
|
|
|
Re: حركة حوت ,,,, الحركة الوطنية للتغيير,,,, (Re: سيف الدولة كامل)
|
الطرف الآخر : دا سؤال تسألو يا أستاذ ؟ نحنا حركة "حوت" ، ما بتعرف "حوت" يعني شنو؟
مقدم البرنامج : وضحت الفكرة يا "حوت" أو آسف ، يا دكتور والآن يمكن تكلمنا عن تكوين الحركة .
الطرف الآخر : دا سؤال جميل جداً ، أولا فكرة الحركة بدأت عندما حسينا بأنو أهلنا مهمشين ونحن ذاتو فلسنا وكنا قربنا ندخل حوش الخليفة بأمدرمان ، وعشان كدا قررنا حمل السلاح .
مقدم البرنامج : أنا ما فاهم حاجة يا دكتور ، إنت بتتكلم عن تهميش وحوش الخليفة ، ممكن توضح أكتر يا دكتور ؟
الطرف الآخر : أوكى .. أوكى .. عايز أقول إنو بعض المنتسبين للحركة شغالين بالتجارة ودخلو في مشاكل مالية والمشاكل المالية في بلدنا بتدخلك السجن ، ويقدموك للمحكمة ، ولمن تقيف قدام القاضي حيقوم يأدبك ويديك أقل حاجة أربعة شهور ولو مادفعت القروش أو صوتك علا شوية يقول للحاجب بتاعو جيبو لي بعد تلاتة شهور عشان أنفذ فيهو وأخليهو في السجن لمن يموت أو يدفع القروش ، عشان هو إستفز المحكمة ، وبعد داك خليهو يستأنف ، وفي كل الأحوال أنا ما خسران حاجة ، إذا قبل إستئنافو حيكسروا ا لحكم ويطلعوهو من السجن ، وإذا رفض الإستئناف حيأيدوا الحكم ويخلو قاعد في السجن ، وأنا ما في زول بحاسبني ما أنا القاضي ...
مقدم البرنامج : البرنامج طويل وحنخصص ليهو حلقة أخرى عن الموضوع ، ونوعدك حنستضيفك في البرنامج ، هسي خلينا مع تكوين الحركة .
الطرف الآخر : بعد ما شعرنا بالمشاكل إجتمع القائد السياسي والعسكري في الخارج وقرروا نقل المعركة من أرض العدو فاستعنا بدولة مجاورة وهي وفرت لنا المكان الذي يمكن أن ننطلق منه ، ونشكرهم على إهتمامهم بقضيتنا ، وأنا من هنا برسل رسالة لتلك الدولة ونقول لهم نحنا حنفظ ليهم الجميل ده ، ونوعدهم بإننا حنطارد ليهم جماعات المعارضة التي تزعجهم بحجة أنهم مهمشين وحتى نقضي عليهم ، وبعد ما إتصلنا بالدولة الشقيقة عرضوا علينا عرض جميل بأن يسلمونا المجرمين الذين أدينوا بجرائم قتل وحكم عليهم بالإعدام لنقوم نحن بتنفيذ الإعدام ، وكان السؤال الطبيعي الذي سألناهم عنه هل هم إستنفذوا فرص الإستئناف ؟ قالوا : نعم . فوافقنا بعد ذلك عندما طرحت المسألة على القائد السياسي الدكتور جاءني بفكرة جهنمية وهي أن نقوم بالإغارة على إحدى القرى القريبة من الحدود ، ونستدعي رجالات الصحافة والإعلام ، ونقوم بتوزيع ملابس عسكرية حكومية على هؤلاء المساجين المحكومين بالإعدام ، ونعمل مؤتمر صحفي نعلن فيه بإستيلائنا على هذه القرية وإننا سوف نقوم بإعدام العسكريين التابعين للحكومة ، وإطلاق سراح المدنيين . وفعلا قمنا بتنفيذ العملية بكل دقة ومسئولية ومن ذلك الحين أصبحت الحكومة تطاردنا من أجل المفاوضات وعرضت علينا المناصب والثروات .
مقدم البرنامج : وضحت الفكرة ، يعني حركتكم فبركت مسرحية ونجحت ، والآن ما هي أطروحاتكم
| |
|
|
|
|
|
|
|
|
|
Re: حركة حوت ,,,, الحركة الوطنية للتغيير,,,, (Re: سيف الدولة كامل)
|
الطرف الآخر : طبعا نحن عندنا رؤى كثيرة جداً في مجال الرياضة والأدب والإقتصاد والعلاقات الخارجية .
مقدم البرنامج : سوف نعود إلى كل هذه المسائل بالتفصيل في حلقات أخرى ، والآن تتهمكم الحكومة بأنكم تتعاونون مع جهات أجنبية وتزودكم بالأخبار وبعض المعلومات السرية فما هو ردكم ؟
الطرف الآخر (ساخرا): ها .. ها .. ها.. نحن ما عندنا أي تخابر مع جهات أجنبية ، وأنا عايز أقول ليك سر ، أنا عندي ابن عمي بالحكومة في جهة أمنية مرموقة ، مرة إتصلت عليهو بالتلفون عشان أسلم عليهم وكنت أنوي أرسل مصاريف للأهل ، ولمن إتكلمت معاهو قاي لي أنا هسي في بيت نائب الرئيس ، قلت ليهو عليك الله شيل التلفون وزح بعيد منو ، وفعلا زح بعيد وقمت سألتو أها الأخبار شنو ؟ قال لي : كل شي تمام التمام ، والأهل مبسوطين وما عندهم أي عوجا ، بس نحن الأيام دي مزنوقين شديد ، قاعدين نجهز لعمليات جديدة ، قمت قلت ليهو : عايزين تعملو شنو ، قام قال لي : ما بكلمك ، ولو كلمتك بكون خنت شرف المهنة ، وأنا ما داير أكون خائن ، لكن الأسبوع الجاي بس شيلو شيلتكم . قلت ليهو : لا انت كضاب ساي ، والله ما تقدروا تعملو أي حاجة ، نحن عندنا سلاح صعب جداً ، والله دا ما بتقدروا عليهو ، قال لي : برضو بنقدر عليكم لأنوا سلاحكم ما بقدر يقيف قدام طيراتنا (ومن هنا عرفت إنو الهجوم بالطائرات) ، وقام طوالي قال لي : بالمناسبة زوجة نائب الرئيس جاية عندكم الأسبوع الجاي عشان تتفسح في أوربا بدل ما ترسل قروش لي هنا ، أنا ممكن أكلم نائب الرئيس إنت تديهم القروش هناك وأنا بدوري أستلم القروش من نائب الرئيس هنا وأسلمها للأهل ، وفعلا كلم السيد نائب الرئيس وإتصل علي وذهب وقابلت السيدة الفضلى حرم نائب الرئيس وعرفتها بنفسي أنا فلان الفلاني أمين سر حركة حوت فرأيت الإندهاش على وجهها وقالت : سجمي .. سجمي .. دا إنت ذاتك ، يلا قوم أطلع برا يا ود ...... ، والله حنوريكم جنس سوا ،، والله قبل ما أسافر سمعت راجلي (سيدك) بتكلم في التلفون مع وزير الدفاع وقال ليهو جهز 50 عربية ورسل 10 ألف جندي وإمداد جوي وخليهم يغيروا عليهم يوم جمعة عشان كلهم يكونوا موجودين ، من المكالمة وحديث السيدة الفضلى عرفنا تفاصيل الهجوم وعدد الجنود وساعة الصفر ، بعد دا كلو عايز تقول لي نحنا بنتخابر مع جهات أجنبية ، أنا أولاد عمي قاعدين جوا القصر ، بس خليها مستورة .
مقدم البرنامج : وضحت الفكرة يا دكتور ، يعني إنتو المعلومات بتجيكم من القصر بدون ما تتعبوا نفسكم .
الطرف الآخر : دا كلام صحيح ، إنت عارف المكالمة كانت كلفتني 3 يورو ، وطلعت منها بكل المعلومات العايزها .. ها.. ها.. ها..
مقدم البرنامج : نشكرك لضيق الزمن ،، وحنواصل في الحلقات القادمة .
يوسف سعيد
| |
|
|
|
|
|
|
|
|
|
Re: حركة حوت ,,,, الحركة الوطنية للتغيير,,,, (Re: محمد عبد الرحيم جمعة)
|
Quote: مقدم البرنامج : سوف نعود إلى كل هذه المسائل بالتفصيل في حلقات أخرى ، والآن تتهمكم الحكومة بأنكم تتعاونون مع جهات أجنبية وتزودكم بالأخبار وبعض المعلومات السرية فما هو ردكم ؟
الطرف الآخر (ساخرا): ها .. ها .. ها.. نحن ما عندنا أي تخابر مع جهات أجنبية ، وأنا عايز أقول ليك سر ، أنا عندي ابن عمي بالحكومة في جهة أمنية مرموقة ، مرة إتصلت عليهو بالتلفون عشان أسلم عليهم وكنت أنوي أرسل مصاريف للأهل ، ولمن إتكلمت معاهو قاي لي أنا هسي في بيت نائب الرئيس ، قلت ليهو عليك الله شيل التلفون وزح بعيد منو ، وفعلا زح بعيد وقمت سألتو أها الأخبار شنو ؟ قال لي : كل شي تمام التمام ، والأهل مبسوطين وما عندهم أي عوجا ، بس نحن الأيام دي مزنوقين شديد ، قاعدين نجهز لعمليات جديدة ، قمت قلت ليهو : عايزين تعملو شنو ، قام قال لي : ما بكلمك ، ولو كلمتك بكون خنت شرف المهنة ، وأنا ما داير أكون خائن ، لكن الأسبوع الجاي بس شيلو شيلتكم . قلت ليهو : لا انت كضاب ساي ، والله ما تقدروا تعملو أي حاجة ، نحن عندنا سلاح صعب جداً ، والله دا ما بتقدروا عليهو ، قال لي : برضو بنقدر عليكم لأنوا سلاحكم ما بقدر يقيف قدام طيراتنا (ومن هنا عرفت إنو الهجوم بالطائرات) ، وقام طوالي قال لي : بالمناسبة زوجة نائب الرئيس جاية عندكم الأسبوع الجاي عشان تتفسح في أوربا بدل ما ترسل قروش لي هنا ، أنا ممكن أكلم نائب الرئيس إنت تديهم القروش هناك وأنا بدوري أستلم القروش من نائب الرئيس هنا وأسلمها للأهل ، وفعلا كلم السيد نائب الرئيس وإتصل علي وذهب وقابلت السيدة الفضلى حرم نائب الرئيس وعرفتها بنفسي أنا فلان الفلاني أمين سر حركة حوت فرأيت الإندهاش على وجهها وقالت : سجمي .. سجمي .. دا إنت ذاتك ، يلا قوم أطلع برا يا ود ...... ، والله حنوريكم جنس سوا ،، والله قبل ما أسافر سمعت راجلي (سيدك) بتكلم في التلفون مع وزير الدفاع وقال ليهو جهز 50 عربية ورسل 10 ألف جندي وإمداد جوي وخليهم يغيروا عليهم يوم جمعة عشان كلهم يكونوا موجودين ، من المكالمة وحديث السيدة الفضلى عرفنا تفاصيل الهجوم وعدد الجنود وساعة الصفر ، بعد دا كلو عايز تقول لي نحنا بنتخابر مع جهات أجنبية ، أنا أولاد عمي قاعدين جوا القصر ، بس خليها مستورة |
ياعزيزي سيف ...واقع لملهاة غير مستبعد حدوثها في بلدنا حين يغيب "النظام" عن "النظام"
| |
|
|
|
|
|
| |
سيف الدولة كامل
محمد عبد الرحيم جمعة
abubakr
فيس بوك
تويتر
انستقرام
يوتيوب
بنتيريست