|
|
|
 Re: وارغو بار وعرمان جوة الدار ونافع يقول سيبو الكجار وعقار كلامو حار (Re: khaleel)
|
| Quote: مما حدا بالهندي عزالدين ان يقول اتيت فقيرا معدما لابس قميص مزركش |
الهندي عزالدين طبعا ملك ملوك الاسفاف والصحافة الكرتونية الهابطة والمغبشة والمخستكة بالوعي السوداني...
مالك عقار ده العينو في حتتو دي هو نضاله الطويل في الغابات والاحراش والرصاص..
ومن حقو يلبس مزركش او يمشي ميطي فهو حرا يا هندي يا عزالدين
.........
البشير فعلا مزنوقة زنقة بوبي في مايرنو
الدفاع بتاعو في الاطراف مكعكع في ظل فرنبدات مناوي وفي ظل تصدع سطوة موسي علي البجا
في الوسط ايضا رصدنا تزمر من القوي الانقاذية التقليدية كما صار في امر غازي العتباني
في الهجوم ضربة خروجه من القوات المسلحة كانت قاضية ولها تبعاتها وبها سيظل دفاع البشير مكشوف
ويسهل تسجيل زي كم قون فيه كده علي طريقة مصر في نجيريا...
بجانب ايضا التحكيم الدولي وخاصة رجال الخطوط
اوكامبو وساركوزي
| |
  
|
|
|
|
|
|
|
|
Re: وارغو بار وعرمان جوة الدار ونافع يقول سيبو الكجار وعقار كلامو حار (Re: khaleel)
|
Quote: شيخ علي اسندت اليه مهمة اعادة الحركة الاسلامية التي حلها دكتور ترابي
بالمناسبة حصلت مشاكل في اختيار الولاة في الموتمر الوطني
في النيل الابيض ونهر النيل وحتي ولاية الخرطوم |
تعرف يا ابو خليل
تيم الحركة الاسلامية الكونو الترابي ما قبل الانقاذ تاني مش لو جابو علي عثمان حرم لو جابو (زجالو)
ماحيقدر يعمل تشيكلة زي اللعبت ماتش الانقاذ قبل 99 ..
علي عثمان مقصقص الاجنحة سياسيا وشيخ حسن اعتمد في البناء علي الاداء الروحي وكارزيما الشيوخ
..........
شايفهم في دائرة المجلد منزلين مرشح صاعقة بس..!!
الله يسترنا ساكت بس
| |
|
|
|
|
|
|
|
|
|
Re: وارغو بار وعرمان جوة الدار ونافع يقول سيبو الكجار وعقار كلامو حار (Re: khaleel)
|
Quote: لكن بتاعة الشيوعين كانت بتخلع
مفروض اخشو ليك بسايد حبني وليس سايد حاتم محمد احمد |
قلت لي يشبكوك احنا زي عاوزين نناقش معاك مرحلة شنو كده ماعارف الديمقراطية
واحنا بعتقد وبنفتكر انو الحتة دي فيها نمط انتاج اركلوجي لووول...
.......
تعرف الخرفان والباسطة الاكلوها الكيزان ايامات التنجيدات في المزارع
لو لموها حرم تاكل اهل كمبو كثر كلهم سنتين ونص
| |
|
|
|
|
|
|
|
|
|
Re: وارغو بار وعرمان جوة الدار ونافع يقول سيبو الكجار وعقار كلامو حار (Re: khaleel)
|
Quote:
قال لي انت عندك اجتماع في 102 مع القوي الديموقراطية
|
والراجح يا خليل انو الجلاد ده خشي فيك لفت ساكت
لانو بكون المقصود هو وليد زكريا لانو ولي جاي من الثانوية موضب وشيوعي ليهو ضل..
_____________
وليد زكريا ده اول زول في العالم انا اشوفو بقدم كباية موية لبتاعين اركان النقاش..
ماشي معانا وماعارفنو الزول ده شيوعي ..وفجاة كده اشوف ليك زولي قاعد في ركن نقاش
وقدم موية لنزار بتاع الجبهة الديمقراطية في البريك بتاع النقاش
فقلت ياربي وليد ده شيوعي ولا الحكاية دي لبط ساكت..
واخرتها طلع شيوعي نحرير كبير ياخي
| |
|
|
|
|
|
|
|
|
|
Re: وارغو بار وعرمان جوة الدار ونافع يقول سيبو الكجار وعقار كلامو حار (Re: khaleel)
|
| Quote: وخسران فريقنا القومي |
فعلا
ودولة مثل قطر ورغم القروش المطر الا انه ممنوع منع بات ان يتم الاتيان بحارس مرمي من برره
تشجيعا لهذه الخانة من المواهب المحلية من اجل مصلحة فريقهم الوطني..
ولكن شايف القصة عندنا جايبة الحضري كمان
فحرام ياخي بلد نبع من ارضه بريمة والطيب سند وزغبير واحمد عافية ويور
يقوم يجيب حارس عجوز اكبر من حبوبتي عشان يحرس مرمي الفرق الكبيرة فيها...
وبالطريقة دي البطولة الافريقية الجاية قوم الفريق القومي السوداني ده
الا يقيف فيهو كمال شداد
| |
|
|
|
|
|
|
|
|
|
Re: وارغو بار وعرمان جوة الدار ونافع يقول سيبو الكجار وعقار كلامو حار (Re: khaleel)
|
Quote: تعرف الخرفان والباسطة الاكلوها الكيزان ايامات التنجيدات في المزارع
لو لموها حرم تاكل اهل كمبو كثر كلهم سنتين ونص |
تعرف يا كيكي
ايام الثانوي واحد من الاسلامين عائز يجند واحد صاحبنا
مشي مدني مع الاسلامي في مكان اسمو دار الرعاية افتكر
وفرجو في كتب سيد قطب وحسن البنا وعرفو بالجماعة
بعد شوية صاحبي قال للكوز اسمع
الحلة الجديدة بي وين ماشين نغير زيييييييييييييييييت
| |
|
|
|
|
|
|
|
|
|
Re: وارغو بار وعرمان جوة الدار ونافع يقول سيبو الكجار وعقار كلامو حار (Re: khaleel)
|
Quote: سلامات يا فاضل
والله شهر منتظرين مفاجاة الارباب
لكن طلعت بندق في بحر زي ما بقولو اهلنا |
عليك السلام
أظن أن مفاجأة الأرباب ألا تكون هنالك مفاجأة.
تسجيلات الهلال ما محتاج لمفاجئات لأن إحتياجات الفريق واضحة كانت و ليست كبيرة.
المهم هل التسجيلات قدر الطموحات ول لا؟.
لا نقارنوا أنفسنا بناس كانوا محتاجين يغيروا فريق كامل بجهازها الفني و الجمهور.
| |
|
|
|
|
|
|
|
|
|
Re: وارغو بار وعرمان جوة الدار ونافع يقول سيبو الكجار وعقار كلامو حار (Re: khaleel)
|
سلام يا خليل لست بافوكاتو ولا حاجة انا مهندس
لكن سؤالك في الصميم ادناه نص المادة 179 من دستور السودان الانتقالي لعام 2005
Quote: الجهاز التنفيذي للولاية
179ـ (1) يرأس الجهاز التنفيذي للولاية والٍ ينتخبه مواطنو الولاية وفقاً لنصوص هذا الدسـتور والدسـتور الانتقالي لجنوب السودان متي ما كان منطبقاً، ودستور الولاية والقانون، على أن يكون ذلك وفقاً للإجراءات التي تقررها المفوضية القومية للانتخابات.
(2) (أ) يجوز للمجلس التشريعي للولاية , وفق أحكام دستور الولاية, حجب الثقة عن الوالي بموجب ثلاثة أرباع جميع أصوات الأعضاء.
(ب) إذا قام المجلس بحجب الثقة عن الوالي بموجب أحكام الفقرة (أ) أعلاه يدعو رئيس الجمهورية الناخبين في الولاية لانتخابات مبكرة لاختيار الوالي, تجرى خلال ستين يوماً، وإذا كانت الولاية المعنية من ولايات جنوب السودان يدعو رئيس الجمهورية الناخبين بعد تلقيه طلباً من رئيس حكومة جنوب السودان.
(ج) يقوم الوالي الذي ينتخب في الانتخابات المبكرة بتكملة الفترة المتبقية من ولاية الوالي الذي حُجبت عنه الثقة.
(د) إذا تمت إعادة انتخاب الوالي الذي حُجبت عنه الثقة، يعتبر المجلس التشريعي للولاية المعنية منحلاً، وتُجرى انتخابات خلال ثلاثة أشهر لتكوين مجلس تشريعي جديد لتكملة الفترة المتبقية للمجلس المنحل.
(هـ) لا يجوز حجب الثقة عن الوالي إلا بعد أن يمضي أثني عشر شهراً في منصبه.
(3) يعين الوالي مجلس وزراء الولاية وفقاً لدستور الولاية.
(4) يكون الوزراء الولائيون مسئولين فردياً وتضامنياً, عن أداء مهامهم أمام الوالي والمجلس التشريعي للولاية، ويتم إعفاؤهم بوساطة الوالي أو بناءً على توصية من ثلثي أعضاء المجلس التشريعي للولاية .
(5) يمارس الوالي، بمشاركة مجلس الوزراء الولائي، السلطات التنفيذية للولاية في الجدولين (ج) و (د) مقروءين مع الجدولين (هـ) و (و) بالإضافة إلى السلطات التنفيذية الأخرى الممنوحة للولاية بموجب هذا الدستور والدستور الإنتقالى لجنوب السودان ودستور الولاية.
|
| |
|
|
|
|
|
|
| |
khaleel
عبدالكريم الامين احمد
الشفيع وراق عبد الرحمن
عادل عبدالعزيز عبد الرحيم
عمار يس النور
على محمد على بشير
محمد إبراهيم علي
فيس بوك
تويتر
انستقرام
يوتيوب
بنتيريست