|
|
 هذا البوست برعاية .. الكثير من المواقف الانسانية
|
في رحلة طويلة و جميلة امتدت لستة اسابيع طفت فيها بعض ولايات امريكا و غنيت فيها للجالية السودانية هناك ,
التقيت بالكثير من الاصدقاء القدامي و الكثير من كرام المواطنين و الحميم من البورداب ,
تجمعوا بمختلف الوانهم السياسية خلف لافتة مواطنين سوداناب امريكاناب
اريزوناب - ميريلانداب - فرجيناب
نيويوركاب - دنافرة كلوروداب
كلفورنياب - برنسس آنا ب
و احتفوا بي كثيرا و اخجلوني بكرمهم و حملوني و انا غافل الي اهلي , الكثير من الحب و عظيم الامتنان ,
وانا هنا الان بدوري , لاشكرهم و استرجع معهم بعضا مما حدث هناك مع عظيم تمنياتي باللقاء قريبا
طارق ابوعبيدة
________
هذا البوست برعاية الكثير من المواقف الانسانية
|
|
  
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: Tagelsir Elmelik)
|
قصدكـ ده ؟ 
___
اهو الشركـ قبض واحد
تاج السر الملكـ ده يا شباب مواطن مُحير جدا , ودود و رسمي - دوغري و مجامل - امريكي سوداني جد جد
تمسكوا في كل شي تلقاهو عارف و لو ما عارف تلقاهو سكت طوالي و اداك المايك تتكلم انت العارف
استمتعت بي صحبتو جدا , حدثني حديث العارف عن الاغنية السودانية و الامريكية و بدايات الهجرة لامريكا
حدثني المغنين و المغنيات و لقيتو حافظ غنا قدر شعر راس بوب مارلي عليه رحمة الله , تاج متحدث خطير
و محاور ذكي , كان مكتبو (تاج ملتميدا) مقري الدائم و كانت بينا الكتير من المواقف التي قطع شك
لا تصلح للنشر هنا  .. شكرا يا جانكوف علي العِرفة و الونسة و الصحبه الجميلة.
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: أبو ساندرا)
|
عزيز يا عزيز
شكرا انت ياخي علي المهاتفه الجميلة
سعدت جدا بيها و تمنيت انو اصلكم
لكن للاسف الترتيبات كانت عكس ما اشتهي
من اريزونا سافرت كالفورنيا و منها لي دينفر كلورادو
و تواصلت الجولة من هناكـ
كان صعب يا صاحب انو البي دعوتكم لكن اعد ان اصلكم
في الزيارة القادمة
يا كبير
تصدق و تآمن الطيارة دي لمن وصلت مطار امستردام
حلفت اني ما اطير تاني إلا الخلعة دي تمرق
تعرف ..
لمن كنت ماشي لي بكري ابوبكر لي حفل اريزونا
الطيارة كانت بوينج كبيرة و اخوك علاقتو كويسة مع الطيارات الكبيرة دي , بحترمها خالص بعكس الطيارات الصغيرة
تخيل انو في نص صحراء اريزونا ديك الطيارة وقفت في الجو (وقفت عديل ) قالوا الرياح شديدة و حا يتوقفو شوية
و بعد داك يخفضو السرعة و يواصلو الرحلة (متخيل منظر اخوكـ كان كيف ؟)
لكن برضو جاييكـ بالدرب .. علي الاقل اعقد لي دكين و ارجع.
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: خدر)
|
قبل ما استرسل في الحكي يجب اولا ان اقدم واجب العزاء لاهل و اصدقاء الزملاء البورداب في فترة غيابي
السابقة نسبة لصعوبة متابعة المنبر و بالتالي فاتني ان اقدم واجب العزاء في حينه
و حار تعازي بشكل خاص لاسرة و اصدقاء و احباب الانسانة آمال كنة ,
هاكم كتفي يا اصدقاء تبكون عليه و اعطوني احضانكم اتكي عليها, يا لفداحة الفقد لكنكـ ماكـ كتيرة علي الله
و أظن ان بإمكاننا بصعوبه شديدة ان نواصل وانتِ لستِ هنا.
تقبل الله موتانا جميعا و آخر دعواتي ان يتقبلهم الله جميعا في جنات عدن مع الصديقين و الشهداء
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: خدر)
|
باسط يا مكي سلامات
اصبر ساي يا فنان الغنا جاييكـ
و الونسة جايياكـ
البوست ده انا حا استغلوا في فضح بعض الخونة و الاشادة بخونه اخرين
طروق
و الله اخوك صياعتو كانت طويلة خلاص
ياخي وحياة الخوة اخوكـ كان ساكن في طيارة
و وانت عارف طبعا الطيارات بتقبض قلبي كيفن
زمان العرب كانو لمن يقولو فاس دي ,, آخر الدنيا بس
لكن يا معلم امريكا دي طلعت فاسات كُتار خلاص
كان قالوا ليك طارق خلص القرأن في الطيران المتواصل ده .. صدق ساي
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: خدر)
|
صاحبي .. ( معاي الآن ) .. محب للسفر من ايام كان رسـوم استخراج الجواز 18 جنيه ..
استخرج جواز سفره من جوازات امدرمان .. و جدده عدة مرات .. لحدي ما انتهى و بلغ الجواز عشرة سنوات ما طلع خلالها من ولاية الخرطوم ..
حاليا هو بصدد استخراج الجواز الجديد الإلكتروني ابو شريحة .. و الذي تقدر رسومه بـ 600 الف جنيه ..
و بعد قراءته للبوست بتاعك دا .. قال لي ( الاستاذ دا ما داير ليهو بتاع بنقز ) .. 
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: خدر)
|
 لكل من حمل قلبه و سافر هاربا من جحيم شرطة الضمائر السودانية, تركـ قلبه هناك في السودان و فر بما غلا ثمنه
من اطفال و ازواج و آباء و امهات و عاش هناكـ في المنافي بقلب نصفه حي و نصفه لا ,
كل من توزع علي أركان القطب الاربعة باحثا عن عيش كريم او فاراَ من عسف العسس السوداني الجديد
___
غالي الحروف
كلمات مصطفي سند
الحان و غناء صلاح مصطفي
آداء طارق ابوعبيدة
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: خدر)
|
| Quote: و بعد قراءته للبوست بتاعك دا .. قال لي ( الاستاذ دا ما داير ليهو بتاع بنقز ) |
سلامات يا حميدة
قول ليهو بعدين ببقي ليكـ السفر ده بمبي
تعرف يا حميدة .. كنت راجع من سان هوزي و ماشي دينفر .. المسافة صغيرة بمقاسات امريكا (3ساعات طيران بس )
و انا في الـ Gate إتفاجأت انو الطيارة صغيرة جدا
فوكرز 66 راكب و لك ان تتخيل كمية الجقلبة العملتها
ملحوظة
لمن الطيارة نزلت في مطار دنفر و كنت غاضبا تماما, ارسلت التكست مسج التالي لكل من يهمهم الامر
The fu..ing 66 passenger plain is landing now in Denver
Daam it
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: خدر)
|
مقتطف :و بعد داك يخفضو السرعة و يواصلو الرحلة (متخيل منظر اخوكـ كان كيف ؟)
لكن برضو جاييكـ بالدرب .. علي الاقل اعقد لي دكين و ارجع.
-------------------------------------------
متخيل منظر اخوي
يعرق ويجف ، ويمشي الحمام
ويتذكر البنات واليتم والجهجهة ويبكي
الفيلم ده صاحبك دخلو قبل كده
لو لميت في علي عوض بيحكيهو ليك
قول ليهو : يالتومات ابوكن مات ، كانت مناسبتها شنو
فيما يتعلق بمقطوع الطاريء
فشوف ليك حجة تانية ، فهذا قد فات فيه الفوات
وغنايو مات
أهلآ بيك
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: خدر)
|
تارق ....
تحياتي ....
حمدا لله علي سلامتك و الاولاد ....
مودة بطعم جبال الروكي ...
ـــــــــــــــــــــــــــــــــــــــــــــــــــــــــــــــ
( كان قالوا ليك طارق خلص القرأن في الطيران المتواصل ده .. صدق ساي ) ....
ايون والله .... قويييييية ....
.
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: esam gabralla)
|
Quote: ده ذاتو الخايف منو, انك ترجع من السفر "حساس" شوية
الله لا كسب تاج السر و أمريكا و لا غزا فيهم بركة
بوظو علينا الولد و بقا انسانى |
و الله يا عصام جبر الله
نحنا بسبب جية ولدكم ده قربو يشيلو مننا الجنسية
التقول مركب جربوكس كلب ‘ حوام حوامة ‘ التقول كان بياع اكياس في سوق الخدار
و اوعي تكون فاكر عنوان البوست عندو علاقة بانسانية ‘ ده اسم الشركة ‘ شركة ( الكثير من المواقف الأنسانية)
المحدودة ‘ ما تفلق ساكت ‘ دافعين ليهو عشان يعمل بوست
بعدين امريكا دي البركة فيها لمن مكفية الجيران
God Bless America
دي ما بتقع واطة ‘ عن أذنك ماشين هاييتي نساعد الشباب هناك
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: Teeta)
|
والله يا كبير البكا هين
اخوك في العادة اول ما يخت رجلو في الطيارة بخطر المضيفات انو انا خواف
و من ثم انتظر حصاد حنانهم الدفاق
تخيل باقي الركاب من شدة حنية المضيفات علي اخوك , افتكروني معوق
تيتا
شكرا كتير
الله يجبر بخاطرك و كل سنة و انت طيبة و رد الله غربتنا جميعا
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: انس عمر)
|
انس عمر
حمدلله علي السلامة يا فنان .. طيعا عزيزي المتابع , انس صاحب حميم , كان من اميز طلاب قسم النحت بكلية الفنون الجميلة و التطبيقية هو و زوجتو الجميلة إجلال
قضيت معاهم يوم ممتع جدا و ساقني في جولة مهمة جدا في مدينة دنفر بعد ان فشلت محاولاتنا في الوصول الي جبال الروكي و الاستمتاع بمنابع نهر دنفر
يا انس سيف اليزل ما اظنو عارف انك هنا .. انا حا اخلي بوست الترحيب بيك لي سيف
طبعا عزيزي القاري انس من حسادتو فسحني في كلورادو في اماكن الفن التشكيلي بس .. اصلو ما وداني مكان الموسيقي و الفنون البصرية التاانية
شفتو حسادة التشكيليين دي
توقعوا تلفوني
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: خدر)
|
عصوم
دي تاني اقوي نكتة سمعتها هناك ( طبعا الاولي ما بقدر احكيها ليك إلا في التلفون )
الجنوبي عندو صداع دائم .. يوم اشتكي لي صاحبو .. قام صاحبو سألو
انت يا دينق بنوم كيف ؟
دينق قال (بنوم عادي .. بقفل الشبابيك و الابواب و المروحة و بنوم )
صاحبو قال ليهو (كده ما صاهح لكن .. افتح الشباك و جدد الهواء الصداع حا يروح)
تاني يوم دينق قاعد زهجان صاحبو جا و سألو
اها يا دينق الصداع راح ؟؟
دينق قال ليهو
صداع راح تلفزيون راح مسجل راح سرير راح كلو كلو كلو راح
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: خدر)
|
تارق ....
تحياتي ....
حمدا لله علي سلامتك و الاولاد ....
مودة بطعم جبال الروكي ...
ـــــــــــــــــــــــــــــــــــــــــــــــــــــــــــــــ
( كان قالوا ليك طارق خلص القرأن في الطيران المتواصل ده .. صدق ساي ) ....
ايون والله .... قويييييية ....
.
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: انس عمر)
|
الاخ طارق الحمد لله علس سلامتك...
من المواقف الظريفه ...طبعا نسقت علي ان نلتقي في نيويرك
وصاحبك انتظر علي حسب العنوان المعلن عنه في المنبر...قرابة الساعتين...في بروكلن يا طارق وفي كونيايلاند...
واتشرينا طبعا الوقت مر.. والدنيا برد...الاتكيت كان بيتطلب مجرد نوت علي البا ب العنوان الجديد للاحتفال...علي العموم فهمت انو الموضوع خاص ومدام الناس المفروض تكون عارفه عرفت البقية ما مهم...لكن الصور كفايه.. وتاج وعدني بنسحه من السي دي... والعفو من كل الاخوة الاخوات النسقو للاحتفال...الواحد اخدتو زعلة وحبة دبرسة...
ما بلومك
ومابعاتبك لو تشرنا بالسنين
اناعارف قلبك ابيض
وانت اكتر من حنين
كل الود
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: Manal Mohamed Ali)
|
صلاح اسمعيل
امسحا لي في وشي انا ده .. حقيقة حفل نيويورك بعد وفاة محمد ابراهيم عبدالهادي كان من المقرر إلغائه .. لكن اهل نيويورك بحساسيتهم المعروفه
شعروا بالاحراج و قرروا اقامة حفل علي نطاق ضيق إيفاءا منهم بإلتزامهم معي .. فيا صلاح اميحا لي في وشي و الزيارة القادة انت اول المدعويين
شكرا لحضورك يا صاحب و عذرا لما جري .
منول
استمتعت جدا بملاقاتك بعد السنين الطويلة رغما عن المشاكل لعملتوها انت و شذي في القطر
G.W.BOSH
شكرا علي الوكت الجميل يا جميل
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: AnwarKing)
|
خدركة يا صاحب
في البال كل الاهل و الاصدقاء و المحَنة الفي الله
ده شعب حنين و ولوف و جميل و انا بحبو
و قطع شك حا اجي اغني ليهو و اسمع غناهو
مشتهيك و شعبك يا صاحب
انور يا فنان
تسلم يا حلو و جميل انو الآداء عجبك
شيخنا مصطفي سند احرف من يحدثك عن الاشواق
كيفك انت و إقبال و امها
تمنياتي انكم بخير
| |
|
|
|
|
|
|
|
|
 Re: هذا البوست برعاية .. الكثير من المواقف الانسانية (Re: Manal Mohamed Ali)
|
طارق الخدر...
حمدالله على سلامة رجوعكم... وإنشاء الله الكل بخير!
وطبعا كلامنا ما حايكفي الزول الزيك... إنت جيت كالنسمة الباردة في الصيف
وكزول إنت إنسان رائع... وكفنان إنت فعلا متمكن ومخلص وأصيل
يسمعك الواحد يقعد ينطرب لمن يسكر... يشوفك يرتاح
فشوفتك شئ جميل... وغناك يسرح بالواحد والأتنين والتلاتاء
إيقاعك خفيف على الروح... وسلامك يرد الروح
وصوتك ليه نغم وفيهو طعم...
وعودك أحمر قاني... ذكرني عمنا علي بصلة.. بتاع سوق (جزر) بري
وده زول حريف في ضرب القرع!
ياخي... أسعدتنا وأطربتنا وكتر خيرك
وتســلم...
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: Yassir Tayfour)
|
العزيز المتألق خدر
البوستات جهجهتني الفترة الفاتت عن الرحلة المكوكية الامريكانية.
ماعرفت اعلق وين ولا وين.:).
اها قلت اخليك لما تخلص خالص واجي احيييك على التألق والرقي الذي يغشانا
وانت تعانق احرف الغنى وموسيقاه فتزرع الحنية والحنين والشجن في القلوب,,,ثم تمضي
لتتركهم محملين بزاد الشجون.
ازيك يا خدر وويلكمين باك.
:).
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: أيزابيلا)
|
خدر
خدر عاين .
فرامل الجو كيف ؟
يازول الله فكاك من دى طاحونة .
معليش يا ود عمى .
البلد شغلتنا .
الا أنشاءالله شهر 6 الدلاليك هناك مكان الدهب هههههههها
والله يا خدر شرفت البلد من SAN DIEGO ولا حدد ال ATLANTIC OCEAN والشام واليمن .
تحياتى للأسرة الكريمة .
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: Khalid Kodi)
|
يا طارق
Quote:
لكل من حمل قلبه و سافر هاربا من جحيم شرطة الضمائر السودانية, تركـ قلبه هناك في السودان و فر بما غلا ثمنه
من اطفال و ازواج و آباء و امهات و عاش هناكـ في المنافي بقلب نصفه حي و نصفه لا ,
كل من توزع علي أركان القطب الاربعة باحثا عن عيش كريم او فاراَ من عسف العسس السوداني الجديد
|
ياله من شجي !
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: Salma Daoud)
|
الجميل ,,, خدر,, الف حمدا لله علي سلامة الوصول.
والله ياخدر ولعت فينا نار ما بتنطفئ الا تجينا تاني
سعدنا وفرحناوطربنا بوجودك بيننا,,حقا رائع وجميل.
منتظرينك ... ما تطول يا خدر... عليك الله,,,سمح.
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: Safa Fagiri)
|
العزيز طارق أبو عبيدة
أكتب لينا يا غالى الحروف....
لقد كان لقاءك بالأمس عاطرا ....
كان حلما عبقريا.....
ونحن السعداء بمعرفتك عن قرب....
والأن عرفت من هو خدر...لكى أشفى حسدى من إلتفاف الجميلات الرفيعات حولك....
نتمنى لقاءك وأن لا تنقطع عمن أطربتهم بفنك....
تقبل تحيات أسرتى لك ....
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: أسامة خلف الله مصطفى)
|
اسامة يا فنان
فعلا والله انا البليت شوقي اني اشوف الزول بتاع المشاكل زي ما قلت ليك
ياخي انت ودود جدا .. الشكل ليك شنو في سودانيزاولاين دي !؟
سعدت جدا بالحوار و الونسة الجميلة في ضيافة فناننا خالد كودي
و تمنياتي بالتلاقي قريبا من جيد و تحايا خاصة للمدام و ياريت
تديها اللنك ده تسمعو و قول ليها وعد الحر دين عليهو و انا اوفيت .
أغنية
الشكر الكتير يا اسامة لحضورك و لمعرفتك
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: عبد المنعم ابراهيم الحاج)
|
ينجبر خاطرك الغالي يا سلوم
و شوق شديد للتلاقي
اظهري .. عليك الامان
هل من عودة هل !؟
منعم الاول من اليمين
كيف ما إتلاقينا يا منعم ياخي
تعرف اكتر منظر معلق معاي في حفل اريزونا يا منعم
منظرك وانت شايل بناتك الاتنين و بترقص بيهم
ياخي انا ما شفت احن من كده
منعمابراهيم الحاج عزيزي القارئ .ز آخر مره شفتو كان
زمااان في السودان في زواجو علي زميلتنا الجميلة سمية قسم
تخيل انو الاقيهو تاني مع بناتو بعد سنين , حنيتو و رقتو
معروفة و ما جديدة عليهو , لكن المدهش انو إذاد وسامة
لمن خلاني اتحسس صلعتي
يا منعم سعدت جدا بملاقاتك و سلام خاص في ذمتك لزميل الزنازين
ابوعبيدة الماحي
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: Abdulbagi Mohammed)
|
دكتور الوليد
عاطر التحايا و الله
و ما تحرمنا من حلو الطلات يا صاحب
بُقة
ياخي والله دي حسادة منك ساي
المره الفاتت مشيت ليك في السودان
انت جيت هولندا
المره دي مشيت لي في امريكا
انت مشيت السودان
و بعدين عندك حرفنة في انك تصل بعد خروجي مباشرة
ياخي والله مشتاقين .. المره دي حا انتظرك هنا في امستردامي دي
اقرب مشوار للسودان خليهو عن طريقي بي جاي ياخ
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: انعام عبد الحفيظ)
|
اميمة سلامات
ما بيناتنا يا ستنا و شكرا علي المتابعة
بابكر الفنان ده اظنو اخوك
شكرا ليهو والله عندو مستقبل عريض
اشتغل معاي حفل اريزونا كأجمل ما يكون
تحياتي
| Quote: ياخي إنت بس تعال الخرطوم ح تلقى ليك كترت مواقف إنسانية لآمن تآمن |
والله يا انعام مشتهي اجي الخرطوم
ماعندك لي منتج حفلات شااااطر زي ناس امريكا ؟
بالمناسبه مشتهي اشوفك شديد لامن أأمن زاتو
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: awad hassan)
|
سلام يا اصدقاء و عذرا علي الغياب القسري
وفاة زميلنا و رجوع خطاب حسن احمد السودان
و كمان بعيد عنكم في إنتخابات في السودان
اعذروا تأخري رجاء
سأعود للردود عليكم بالتفصيل و من ثم نواصل البوست
الصورة دي عشان تقزقزوا بيها او (بي كوستاوي ) الي حين عودة
(1)
(2)
كوستاوي و لقاء .. عشاء في رأس السنة
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: Hussein Mallasi)
|
تعرف يا حسين
هذا المواطن كوستاوي , من أحّن خلق الله اللاقيتهم في حياتي
تعرف معني كلمة إنسان !! ده صاحبنا الكارثة كوستاوي
تقريبا قضينا مع بعض معظم الرحلة اما بالتلاقي و الونسة
او كل ما امشي مكان القاهو متابعني بالتلفون, الاحساس
المباشر البصلك منو انو انت اخوهو الصغير
شوف بعاين لي لقاء كيف ؟ شوف المحنة الفي عيونو دي !!
بت الكلب دي اول مره تساهر و يكون مزاجها معتدل كان في بيت كوستاوي
تصدق !!
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: awad hassan)
|
سيف الكارثة
الشافعي ياخي كان دليلي الاساسي و حاجات تانية
كتر خيرو ياخي جا من متشيجن و قضي معاي تقريبا كل
حفلاتي و كان المنسق لبعض الحفلات كمان
و زيادة في مغستك لاقيت انس عمر و إجلال و النعمان
و شفت آخر اعملهم و بالذات شغل النعمان بتاع الماستر
و عييييييك ناس كتار من دفعتكم
عوض حسن
انا الخسران يا سيدي بعدم ملاقاتك
خلي بيناتنا مسنجرات للتواصل و القصائد
شكرا كتير علي الاهتمام
| |
|
|
|
|
|
|
|
|
|
Re: هذا البوست برعاية .. الكثير من المواقف الانسانية (Re: الجندرية)
|
اماني
ضحكني مقل الضنب بتاعك
ما نسيتك لكن لخبطت بي البوست ده
و بوست ارمي لي مطار لانو داك فيهو لنك الحفظ
ربنا يخلي لي الحُرفا الجديدين
و ما تحرمينا من حلو الشوفات
يا طروق
يمين انت قايلني ما داير بلدكم دي !!
المغاربة ديل هنا ماليين علينا البلد
ماشاء الله عيني باردة
حلاة و حمار
| |
|
|
|
|
|
|
| |
خدر
نصار
Tagelsir Elmelik
باسط المكي
طارق جبريل
عزيز عيسى
أبو ساندرا
humida
salah ismail
خضر حسين خليل
AnwarKing
Mohamed Yassin Khalifa
Yassir Tayfour
Omayma Alfargony
انعام عبد الحفيظ
أيزابيلا
ايمن التاج
Osman Musa
نصرالدين صلاح
Khalid Kodi
Abdulbagi Mohammed
سيف الدولة كامل
Adam D.El-Asha
ندى عثمان حسن
Safa Fagiri
أسامة خلف الله مصطفى
awad hassan
Hussein Mallasi
الجندرية
احمد محمد بشير
معتصم دفع الله
فيس بوك
تويتر
انستقرام
يوتيوب
بنتيريست