|
|
|
 Re: بوست التعارف ده طار وين مسؤولين من الخير ...! (Re: GamarBoBa)
|
و الله البوست كان ماشي كويس و المتداخلين كانو في قمة الابداع لامن ظهر واحد حيوان اسمو بشاشا شبك ليك الناس كلها شتيمه من طرف، دا زول حاقد ما عندو انتماء و فاقد هويه، ما ريح ليك زول قال انا نوبي... قام انبري ليه عزام حسن فرح، اسد الكداد الزام خال فاطمه، و قعدو ليك في علبه و حبس ليه نفسه... فما كان من بكري الا و يحذف ليك البوست من اساسه و يخلينا ليك في الصقيعه بعد ما الكلام بقي مداخله تعارف و اربعه مداخلات شتيمه...
| |
  
|
|
|
|
|
|
|
|
Re: بوست التعارف ده طار وين مسؤولين من الخير ...! (Re: OSMAN SAYED MOHAMED)
|
ووالله كلام ياعثمان
وبشاشا ده مالو يعني وشتيمة شنو في بوست تعارف ؟
ناس بيتعارفوا البدخل الشتيمة شنو في القصة دي ؟
وبعدين ياخ المنبر ده ما كلو بوستات تعارف
وسهام بنت من بات حلفا والهام بنت من بنات الخرطوم
فشن جد علي مخدة المنبر يا باشاشا ؟
طيب نفترض انو بشاشا ده شتم النوبيين
بكري ده يحذف البوست فوق ام كم ؟
مافي دلشيون واحد عندوا مساهمة في البوست داك
هو لو عايز ينضف المنبر مثلاً من ساقط القول ما يحذف المشاركات
المامحترمة ويخلي الناس تواصل في برامجها ؟
والله ده كلام أعجب من جية الدافي للهلال
| |
|
|
|
|
|
|
|
|
|
Re: بوست التعارف ده طار وين مسؤولين من الخير ...! (Re: OSMAN SAYED MOHAMED)
|
بشاشا الدنقلاوي شتم كل النوبيين بأنهم عنصرين
ووصف النوبين بابشع العبارات
وقال انو النوبين ضد اهل الجنوب والغرب
ويقصد بالنوبيين ابناء حلفا والسكوت والمحس
وبسماحة النوبيين رغم الحاصل عرض الاستاذ منان ان ينصرف بشاشا وعزام الذي
كان يرد علي بشاشا عن الشتائم فقبل عزام كلام نوري الدين منان ورفض بشاشا وواصل الي
ان تحقق ما اراد وزاغ بعد داك من المنبر
وربما بكري ابو بكر صدق كلام بشاشا انو النوبيين بهذا البوست انما يريدون الانكفاء
وممارسة العنصرية ضد ابناء السودان
غايتو جنس غايتو
نعمل شنو ؟؟؟؟؟
نطالب برد سريع من جميع النوبيين الاعضاء في سودانيز اونلاين
يا خضر
الحصل اهانة للنوبيين ولابد من الرد
وكلام بشاشا كلو مصور
| |
|
|
|
|
|
|
|
|
|
Re: بوست التعارف ده طار وين مسؤولين من الخير ...! (Re: Medhat Osman)
|
مدحت ازيك
اخوك يادوب بقي يدخل في الخط
طبعاً مما عرفت انو الموضوع فيهو بشاشا فهمت طوالي انو حيكون
ركب المكنة الياها بتاعت العنصرية والاسلاموعروبية والموش عارف ايه
ياخ والذي نفس خضر بيديه انا ماقادر أفهم نقطة انو بوست تعارف
يتحول لانكفاء وعنصرية وبعدين عنصرية شنو البمارسوه النوبيين من خلال
بوست تعارف عادي .
ياخ هذه العنصرية تتقدل وتتمايل وتتراقص في شوارع هذا البورد
عنصرية صحي صحي موش أي كلام فما رأي رب الانسانية ومن وخلفه السيد
بكري ابوبكر .
وكدي تعال انت زاتك يا بشاشا
وريني مثلاً العنصرية شنو في بوست تعارف
وهل مثلاً لو عملنا رحلة كنوبيين بنكون عنصريين
وكفارة القصة دي شنو مثلاً ؟
وهل يجوز للنوبيين خارج المنبر التعارف فيما بينهم
وما مشروعية نوبي متزوج من شايقية وساقها معاه لتعارف نوبيين ؟
يا بشاشا هوي ارعي بي قيدك
ويابكري لو صحي صحي انت حذفت البوست للاشكال ده بي صراحة ده موقف سخيف منك
لانك بي بساطة كان ممكن تسحب المداخلات السخيفة وتخلي البوست في حالو
وياما عملت القصة دي في الكثير من البوستات
فيا تحكم زي الناس يا نرجع تاني لي الووك وروورووك بتاع تفعيل اللائحة
والموش عارف ايه داك .
| |
|
|
|
|
|
|
|
|
|
Re: بوست التعارف ده طار وين مسؤولين من الخير ...! (Re: عبد الخالق امن الله)
|
اون جلقا ووو عبدالخالق
منقايوا
اهون نيردا ولو عصروا ننلونكا
ــــــــــ
لغير الناطقين بها
ثم الي اية الله بشاشا
نجيكم باكر المساء لأنو شغالين الصباح بدي
(فلو عندك اي نقة يا بشاشا ياريت تأجلو لي باكر
عشان انا مزاجي بكون رايق الامسيات)
يا عبدالخالق احرس لي البوست ده معاك
لحدي ما نشوف قصة العنصرية العجيبة دي
| |
|
|
|
|
|
|
|
|
|
Re: بوست التعارف ده طار وين مسؤولين من الخير ...! (Re: ترهاقا)
|
طيب مافي داعي لنعيد الكرة مرة أخري عن بشاشا اللهم الا إذا ظننا كلنا بأن الموضوع برمته كان بشاشا ضد الجميع ... فاليكن كما سلفنا القول تعارفي تعاضدي يعني زي بوست ناس بحري طرواة وناس الزقازيق أجدع ناس وناس الأمتداد نوثق فيها عن أنفسنا ونأنس الأخرين ويؤانسوننا ...خلو بشاشا في حالو وكدي نواصل معا ....
| |
|
|
|
|
|
|
|
|
|
Re: بوست التعارف ده طار وين مسؤولين من الخير ...! (Re: خضر حسين خليل)
|
والله يا خضر حايم الصباح بدري كده
لقيته مرمي في الصفحة الخامسه
غايتو جعان وفاقد مداخلات كتيرة
ويشكو من انيميا حادة..
غايتو هسه في العناية المركزة
بعد داك حنقرر نعمل ليهو عملية
او نستعمل الادوية والدربات للعلاج
واحتمال كمان لو لقينا فكي كااارب
برضو ما بطال..
المهم شيل عمود الاكل وامشي سجل ليهو زيارة
في نفس العنبر ده
| |
|
|
|
|
|
|
| |
خضر حسين خليل
haroon diyab
GamarBoBa
طارق جبريل
OSMAN SAYED MOHAMED
Medhat Osman
عبد الخالق امن الله
محمد عبد الماجد الصايم
ترهاقا
الوليد عمر
عبد الحكيم نصر
فيس بوك
تويتر
انستقرام
يوتيوب
بنتيريست