|
|
 بورداب امريكا ....... استفسار
|
لي صديق طلب مني الاستفسار عن امكانية شراء بوكس تايوتا تاكوما موديل 2010 فل اوبشن 4x4
6 سلندر 4.0 لتر
راسلنا عدد من الوكلاء مباشرة وكان ردهم بعدم اختصاصهم بالتصدير خارج امريكا طبعا النوع دا مواصفات امريكية غير متوفر بوكلاء الدول الخليجية ويصدر بصورة فردية
ما نود الاستفسار عنه امكانية الشراء والتصدير الي قطر وتكاليف الشحن
مع شكري
|
|
 
|
|
|
|
|
|
|
 Re: بورداب امريكا ....... استفسار (Re: بكري عباس علي)
|
سلام بكري...
تاكوما وكمان 2010؟ والله إنت وصاحبك خطيرين عديل يا بكري..
عموما كدا نديك المعلومات البنعرفها وإنشاءالله تفيدك في اسنفسارات صاحبك..
أنا عايش في ولاية تكساس ودي من أكثر الولايات إستهلاكا للبوكسات الكبيرة والصخمة الزي تاكوما..
نكساس دي ولاية الكاوبويات وأكثر منطقة مأهولة بالميكسيكان بحكم الشريط الحدودي الطويل البيربطنا بالمكسيك..
والمجموعتين ديل من أكثر المجموعات حبا للنوعية دي من السيارات...
أنا عندي خبرة ما بطالة في شراء وتصدير العربات المستخدمة لأفريقيا ..
الحاجة الوحيدة الماعندي شغلة بيها هي العربات الأمريكية الأنتو في الخليج بتحبوها ونفسكم فيها..
إجابة لأسئلتك...
من الأفضل في حالة شراء عربية بالقيمة دي إنك تشتري من شخص وليس من وكيل مالم تكون حريص على إنك تشتري عربية على الزيرو...
وعشان تشتري من شخص تمشي تفتش للعربية الدايرها بالمواصفات الإنت الدايرها أون لاين وبالسعر الإنت دايره وبتلقى مواصفات وكلام كتير عن السيارة بجانب عنوان البائع وطرق الإتصال بيه..
فقط يفضل ليك تلقى الزول المناسب من معرفك في المكان اللقيت فيه السيارة يمشي يشوف العربية بصحبة خبير أوميكانيكي متخصص (فقط من باب الإحتياط ) لأنه ما النادر جدا عربية جديدة موديل 2010 يكون فيها مشكلة ويتفق مع الزول (أحيانا ممكن يكون في تخفيض بسيط وإن كان أغلب الأمريكان ما بيحبوا البارقنغ - اللهي حكاية خفض لي وآخر سعرك كم وعليك الله كان ما نزلت شوية..)، ويبدأ إجراءات الشخن واللبتكون غالبا إما من ميناء نيوجرسي جنب نيويورك أو من ميناء جاكسون فيل بولاية فلوريدا...
بالنسبة للشحن أنا بتعامل مع شركة اسمها Sallaum Group بيأخدو العربات الملاكي الصغيرة لأغلب موانئ أفريقيا بـ 1000 دولار تقريبا ولمن تكون رباعية الدفع بتبقى 1200 ولا 1300 دولار تقريبا ..
من المؤكد إنو عندهم سيرفس للخليج لكن ما عندي فكرة عن أسعارهم، وهنا عنوان الشركة..
Sallaum Enterprises
website: www.sallauminternational.com
Customer Service e-mail: [email protected]
Tel: 001201 823 8330
Tel: 00703 726 25 16
Fax: 00703 726 92 97
Fax: 001201 823 8335
لو عندك مشكلة إنجليزي ممكن جدا تلقى زول يتكلم معاك عربي لو ضربت على تلفوناتهم الفي امريكا ..
ولو ما رد ليك زول بالعربي ممكن تطلب كدا لأنه الشركة مملوكة تقريبا لعرب وفيها موظفين كتار عرب...
بالنسبة لقطر أنا ما متأكد عندهم مكتب فيها ولا لا و إن كنت متأكد إنهم عندهم سيرفس ليها.. عموما دي عناوينهم في دبي بالإمارات :
Dubai - P.O. Box 9018 SAIF ZONE
Tel. No. : 00971 4 3244610
Fax No. : 00971 4 3244630
أي إستفسارات نحنا في الخدمة...
| |
|
|
|
|
|
|
|
|
|
Re: بورداب امريكا ....... استفسار (Re: محمد نور أحمد)
|
الاخ الكريم محمد نور احمد
اول شي ما قصرت معانا كلو كلو ويوم شكرك الله لا يجيبو
وشكرا علي معلوماتك المفيدة وايضا الصور
طبع صديقي دا عايز البوكس علي الزيرو لذلك اتساءل عن امكانية الشراء والتصدير وسوف اراسل الشركات التي ارفقت عناوينها بخصوص الشحن والشراء
سؤال هل هناك قانون يمنع الوكلا ء من التصدير والبيع للافراد ؟ لاني راسلت كذا شركة وحصلت علي اسعار ولكنهم رفضوا مبدأ التصدير
شكرا مرة اخري وسوف اوافيك بالمستجدات
| |
|
|
|
|
|
|
|
|
|
Re: بورداب امريكا ....... استفسار (Re: بكري عباس علي)
|
الاخ الكريم
بكري ..
تحياتي و احترامي..
في الاول اشتري العربية
وبعدين بالنسبة للشحن...حسب الولاية الاشتريت منها...
يعني اقرب ميناء للشحن
وممكن امدك بي تلفون وايمل..صديق سوداني متخصص في الشحن الي دول الخليج و بالذات الي دبي
من ميناء هيوستن\تكساس..
وحتي باستطاعته ان يشحن لك من اي ميناء اخر.....
______
اعتقد لو تريدون السيارة علي الزيرو..فالافضل شراءها من الديلر مباشرة...
| |
|
|
|
|
|
|
|
|
|
Re: بورداب امريكا ....... استفسار (Re: هواري نمر)
|
الاخ هواري
شكرا علي افادتك
مشكلتي حاليا هي الشحن وليست الشراء توصلت مع احد الديلر علي اتفاق شراء ولما طلبت منه شحنها الي قطر اعتذر بعدم قدرته علي ذلك ولا اعلم بالسبب هل ممنوع التصدير للافراد ؟هل هناك قانون يمنع التصدير راجعت الوكيل عندنا بقطر وافادنا بانه لا يملك حق استيراد هذا النوع ونصحني بان اقوم بالموضوع بصورة شخصية بمساعدة من شخص في امريكا
ممكن تمدني بايميل صديقك لو امكن
شكرا مرة اخري
| |
|
|
|
|
|
|
| |
بكري عباس علي
محمد نور أحمد
هواري نمر
Yasier Elsayed
فيس بوك
تويتر
انستقرام
يوتيوب
بنتيريست