|
|
|
 Re: اليوم يبدأ الترشيح للانتخابات - والدقير يتشرح لمنصب والي الخرطوم (بوست متابعة للقوائم) (Re: محمد فرح)
|
تحياتي يا ود فرح
مصيبة المصائب إصرار منسوبي اللا وطني على المشي في هذا الطريق وإعلان الفوز المبكر قبل حتى بدء الانتخابات ..
عشرون عاما والبشير رئيسا للحكومة والسودان وقائدا للجيش ورئيسا للحزب اللا وطني والناس صامتة ، عشرون عاما ونحن الآن في نهاية موسم الصيف وبداية موسم الشتاء وسعر العيش والقمح واللوبية والبغلوليات مرتفعة جدا لدرجة اصبحت مستحيلة على المواطن العادي ، عشرون عاما واللا وطني يحتفل بكيلوترات معدودات اسفلت وكباري لن تصمد طويلا بعضها آيل للسقوط ، عشرون عاما وللا وطني عقد العزم على محو كل مصادر ومشاريع الانتاج بالسودان لا جزيرة ولا مناقل ولا رهد ولا ابوعامة ، بل بيع أصول وعقارات البلد بأسعار زهيدة بغية العمولات لجنرلات اللا وطني وشيوخه ، عشرون عاما الوظيفة العامة اصبحت لأهل الولاء ، عشرون اختفت المستشفيات الريفية في القرى والمدن وحلت محلها دور اللا وطني ومراكز الشرطة الشعبية والدفاع الشعبي ، عشرون عاما والجامعات أصبحت أوكارا للأمية والجهل والخرجيين عاطلين عن العمل ... الوجع أكبر من عشرين سنة يا محمد
ماذا تريدون من المواطن ؟؟؟ أتقوا الله في أنفسكم وفي عباد الله ، من كثر الباطل والضلال ورفع الأيدي والعصي غشا وتدليسا للمواطن فقد سلط الله على الشعب الآفات والجفاف وشح الأمطار والجوع والأمراض والفقر والزنى ... كفاية من جد ( قرفنا)
الشفيع
| |
 
|
|
|
|
|
|
|
|
Re: اليوم يبدأ الترشيح للانتخابات - والدقير يتشرح لمنصب والي الخرطوم (بوست متابعة للقوائم) (Re: Alshafea Ibrahim)
|
| Quote: مصيبة المصائب إصرار منسوبي اللا وطني على المشي في هذا الطريق وإعلان الفوز المبكر قبل حتى بدء الانتخابات .. |
والله يا الشفيع يا أخوي
لو قلت ليك أتمنى ، أتمنى والله العظيم إنو تكون انتخابات حرة ونزيهة وبمشاركة كل القوى السياسية والأحزاب والمستقلين وأي واحد داير يترشح يترشح
وبعداك نشوف الشعب.
الشفيع ياخ ادينا البديل لو ما عاجبك المؤتمر الوطني.
على العموم الانتخابات شاملة وعلى جميع المستويات ، الرئاسية والبرلمانية والفدرالية..
ممكن يكون دا التغيير المفيد..مشاركة كل القوى السياسية الوطنية في الحكم.
وصباح الخير يا ديمقراطية.
مؤنة عام من الود
| |
|
|
|
|
|
|
|
|
|
Re: اليوم يبدأ الترشيح للانتخابات - والدقير يتشرح لمنصب والي الخرطوم (بوست متابعة للقوائم) (Re: محمد فرح)
|
عندي مزاج الليلة أرد ليك!
يا عمك ياخ نحن في 2010
عليك الله طور اسلوبك دا شوية 
طبعاً ما معروف انت قاعد وين..؟؟!! كائن شبحي ومدسي ورا الكيبورد
لكن افترض انك جيت الخرطوم عشان تصوت.
تقوم يا فالح انت تصوت لي ياسر عرمان مرشح حزب البهجة ولاية الخرطوم ، عشان البهجة والمزة تكون بمزاج تاني في الخرطوم ، وعشان لمن الجنوب ينفصل ما معروف حيخش ياتو جحر
أما نحن دعاة التنمية المستدامة حنصوت لوالينا الخضر ، عشان الزول دا عندو خطط سمحة شديد للولاية..وهاك يا استثمار وهاك يا عاصمة يا حديثة.
أما المعارضين الشرفاء والوطنيين فأنا نصحتهم بالدقير..زول شفنا شغلو ومهنيتو.
حظك والله الليلة رديت عليك
يلا شغل البتاعة حقتك
| |
|
|
|
|
|
|
|
|
|
Re: اليوم يبدأ الترشيح للانتخابات - والدقير يتشرح لمنصب والي الخرطوم (بوست متابعة للقوائم) (Re: Hussein Mallasi)
|
أخونا محمد فرح
السلام عليكم
مرشحي ولاة الولايات كيف تم اختيارهم لإنجازتهم في ولاياتهم ...مثلاً ولاية الجزيرة رشح لها الزبير بشير طه ..لماذا لم يرشحوا مثلاً عبدالرحمن سر الختم الوالي السابق وهو وال له ثقله القبلي والمكانة الاجتماعية والانجازات التي يشهد بها القاصي والداني ففي عهده الزاهر امتلأت جيوب المزارعين ونهضت الزراعة وظهرت بشريات النفرة الزراعية وجاء بعده الزبير بشير طه ..وما ذكره المعارض الشفيع إبراهيم غير صحيح ويجافي الواقع ..وللتأكد من ذلك خذ كاميرتك الجميلة واذهب بنفسك والتقط لنا صور من قسم ود حبوبة أو وادي شعير أو المسلمية أو اسأل أهل تلك القرى عن رأيهم في التنمية التي شهدتها ولاية الجزيرة .
تقبل تحياتي
ترمة : الشفيع ود ابراهيم سلام ومحبة ...هات الدليل على ما تقول .تحياتي
| |
|
|
|
|
|
| |
محمد فرح
Mustafa Mahmoud
Hussein Mallasi
elsawi
عبدالرحمن الحلاوي
saif khalil
فيس بوك
تويتر
انستقرام
يوتيوب
بنتيريست