|
Re: ضُلْ الشِدَره .. وبيت الطِين (Re: فاروق أبوحوه)
|
الرائع فاروق ابو حوة
تحية برائحة الجروف ونسيم القيفة
الشدرة اجتثوها ليسفلتوا الطريق أو ليبنوا بقالة أو محل اتصالات أو لأنها أصبحت مأوا للمتسكعين والعطالة والذين لايعطون الطريق حقه
اما بيوت الطين لم تعد كذلك بعد ان قام بهدمها أولاد المغتربين .. وشيدوا مكانها بيوت الأسمنت .. بيوت الطين فقدت بريقها وعفويتهاونقاءها منذ اعتلتها أطباق الديجتال أنت تكتب عن أشياء نحملها في دواخلنا لم يعد لها وجود على أرض الواقع .. وان بدا لنا غير ذلك .......... شاهق التحايا
| |
|
|
|
|
|
|
Re: ضُلْ الشِدَره .. وبيت الطِين (Re: فيصل محمد خليل)
|
أخوى ابوحوه..سلام يازين..
كلامك زين وسمح بالحيل..
فيهو جمال وفيهو حنين.
حنين زى ريحة اهلنا الطيبين..
Quote: يوم فارقت أخوي بابكير ويوم وادعت لي حاجتين ضل الشدره.. وبيت الطين.
|
الله يجمع الشمل يا حنين...
تقديرى وأحترامى.....إسماعيل محمد احمد عباس...
| |
|
|
|
|
|
|
Re: ضُلْ الشِدَره .. وبيت الطِين (Re: ismeil abbas)
|
Quote: أخوى ابوحوه..سلام يازين..
كلامك زين وسمح بالحيل..
فيهو جمال وفيهو حنين.
حنين زى ريحة اهلنا الطيبين..
|
سمعه يا عباس:
سلامات حبابك يا حبوب ..
ما أجمل الغناء للإلفة
بين الإنسان والبيئة المحيطة به من ناس وغيره.
وما أجمل تفاصيل الحياة البسيطة.
Quote: الله يجمع الشمل يا حنين...
تقديرى وأحترامى.....إسماعيل محمد احمد عباس... |
آمين يا (سماعين)
وتلتئم كل جراح الغربة فينا.
كل الود
| |
|
|
|
|
|
|
Re: ضُلْ الشِدَره .. وبيت الطِين (Re: نهلة محكر)
|
Quote: الفاروق ..
كم أهوى هذه المفردة التي تخرج منك
مزيد من الدهشة يا صديق |
نهله محكر:
يا فاتحة طاقة شجونك نم..
كم أهوي حرفك الحاضر المقيم..
مشتاقين يا بت الناس الطيبين
كل الموده نهله محكر
تحياتي
| |
|
|
|
|
|
|
Re: ضُلْ الشِدَره .. وبيت الطِين (Re: فاروق أبوحوه)
|
فاروق أبو حوة
ياعزيز
لا كلام ولا حديث يصح....في حضرة صاحب (الكلمة)Quote: كم في الخط ؟ مو خمسه ؟ شِد واركب شِدّ الرُكَبْ الميس بعيد ولا قرّبْ ولا بنتعب ويوت نلعب يوم شديت ويوم حرينا الرمه والحراس زمناً سمح بالحيل لا وسواس ولا خناس إتعشينا إتدمدمنا واتغتينا وكنا بنحلم بي حاجتين ضل الشدره وبيت الطين ومرات مرات بين البين غرقتي ديك وحجم العين -----
|
| |
|
|
|
|
|
|
Re: ضُلْ الشِدَره .. وبيت الطِين (Re: منتصرمحمد زكى)
|
Quote: الرائع فاروق ابو حوة
تحية برائحة الجروف ونسيم القيفة
الشدرة اجتثوها ليسفلتوا الطريق أو ليبنوا بقالة أو محل اتصالات أو لأنها أصبحت مأوا للمتسكعين والعطالة والذين لايعطون الطريق حقه
|
منتصر محمد ذكي
أهلاُ بك بين جروفنا التابره زي غابه.. وبك أخد نسيم الدغش شبالو من جريد نخلنا السامق..
لا أحد بمقدوره إجتثاث خضرة قلوبنا وطوحاتنا وطفولتنا .. (يسفلتوا شنو يا حبوب) ؟ دي كل البلد زفت إلا الشوارع ما فيها ( زفت )..
أملا ضراعك بالبلد لسه الضراع أخدر
Quote: اما بيوت الطين لم تعد كذلك بعد ان قام بهدمها أولاد المغتربين .. وشيدوا مكانها بيوت الأسمنت .. بيوت الطين فقدت بريقها وعفويتهاونقاءها منذ اعتلتها أطباق الديجتال أنت تكتب عن أشياء نحملها في دواخلنا لم يعد لها وجود على أرض الواقع .. وان بدا لنا غير ذلك .......... شاهق التحايا |
بيوت الطين راكزه يا طيب بالأرض كالمقام المبارك.. بيوت الأسمنت إن لم تمنحك راحة البال والهواء البارد يبقي هي وبيوت الطين لا قاسم مشترك يجمعهما..
( حرم يا منتصر أنا من المغتربين ديل لكن بيتنا طين لليله لا أسمنت ولا هم يحزنون)..
ولسه مراحنا يعشي ويفشي وبي بقيراتنا وغنيماتنا.. كم كلب وكوم حمير.
لسه أم كرم الله مكسيكيه يا منتصر..
ممتن
| |
|
|
|
|
|
|
Re: ضُلْ الشِدَره .. وبيت الطِين (Re: فاروق أبوحوه)
|
لطالما أحتفينا بضل الشدرة وبيوت الطين قبل ان تزحف علينا المدينة أو نزحف عليها ونغوص في أتونها ومتاهاتها ومن يومها لم نضوق العافية وراحة البال ............
لكم أشتهي شاي فجر بي لبن غنماية لبونة يعقبه شاي سادة بي لقيمات والصبح يتمطى قبل ان تلامس وجهه خيوط الشمس الأولى ................. شاهق التحايا
| |
|
|
|
|
|
|
Re: ضُلْ الشِدَره .. وبيت الطِين (Re: منتصرمحمد زكى)
|
Quote: لكم أشتهي شاي فجر بي لبن غنماية لبونة يعقبه شاي سادة بي لقيمات والصبح يتمطى قبل ان تلامس وجهه خيوط الشمس الأولى ................. شاهق التحايا |
يا منتصر أخوي:
صدقني مشتاق للبلد في كل لحظه عليّ تمر ضيع سنيني الإغتراب في الغربه ضيّعت العمر
طاري الديار الطاعمه ديك زي قهوه في ضُل الضُهُر كِسرَه ومُلاحه كمان فرِك جرجير وشطاةً خُدُر بصلاً مفقَّش بي طرف سِعن الغُباشه هناك يكُر خيتين سمِن تمسح وشيك.. بعد الشبع.. شاياً.. ( مَـقـنـَّن ) فوق. جمر. وين المراييق البُطان ؟ كُر من فوتتُن.. يا غربه كُر
بجيك راجع
فارع الشوق
| |
|
|
|
|
|
|
|