كتب الكاتب الفاتح جبرا المتوفرة بمعرض الدوحة
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: عبداللطيف محجوب)
|
معليش يا عبد اللطيف السؤال هل انت لما استلمت منهم الخدمة دي وحسب دعايتهم بجنيه اليوم الانترنت حديد سألت السعة البدوك ليها بـ 30 جنيه في الشهر (بدون ضريبة)؟ شركات الاتصالات البتقدم خدمة الانترنت تقريبا لديها حزمة الـ فلات ريت او السعة المفتوحة في حدود 120 جنيه اكثر او اقل قليلا مع الضريبة فيما عدا ذلك من السعات هي عبارة عن استغلال المواطن بعدم المعرفة بالسعات والاسعار وما الي ذلك.
الشيء الغير المحسوم ولا يعرفه اليوسر العادي ان التصفح نفسه داونلود فيما يعتقد اليوسر ان الداون لوود عبارة عن تنزيل ملفات من الانترنت عديل وهنا تمكن المأساة يعني لو لقيت غنية شغالة اتوماتيك ديل عشرة ميقا ...تمشي لي بوست تاني انت بتكون استهلكت عدد كبير من السعة وتأتي الطامة الكبري تسعيرة القيقا الاضافية من السعة المحددة ضرب في الانكل
ما تفعله شركات الاتصال عبارة عن سرقة واضحة لكن بلدا ما فيه جمعيات لحماية المستهلك والغش التجاري وإنعدام الرقابة الحكومية
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: GamarBoBa)
|
Quote: السؤال هل انت لما استلمت منهم الخدمة دي وحسب دعايتهم بجنيه اليوم الانترنت حديد سألت السعة البدوك ليها بـ 30 جنيه في الشهر (بدون ضريبة)؟ |
أي أكيد سألتهم وفعلاً قالو لي 2 جيجا .. بس قالو لي 37 جنيه بضريبة ما قالو لي 65 جنيه أي تقريباً ضعف السعر ؟؟!
Quote: ما تفعله شركات الاتصال عبارة عن سرقة واضحة لكن بلدا ما فيه جمعيات لحماية المستهلك والغش التجاري وإنعدام الرقابة الحكومية |
الناس ديل لو ما ردو علي بتوضيح عاجل ومعالجة جدية وسريعة للبيحصل ده .. انا أي زول بلقاهو بكلمو بالحصل وبخليهو يكلم عشرة أنفار .. وما حأسكت نهائي لأنو الكلام ده عيب منهم ياخي .. والموضوع ده أكبر من كده .. كفاية سكوت .. المواطن السوداني لازم يحمي نفسو بي نفسو ..
والإختشو ماتوا والله .. عينك عينك زي ما قلت والله ..
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: عبداللطيف محجوب)
|
الأخ عبداللطيف السلام عليكم ورحمة الله وبركاته الجاتك في كنار سامحتك أنا أصلاً متردد شركات إتصالات على وزن متردد سجون
كنار: نسكن الجنيد - اشترينا جهاز كنار - قالوا بشتغل إنترنت ماعارف تعمل شنو وشنو كده وتشتري كم حاجة كده المهم(كما يقول تبارك شيخ الدين) لما جينا على الجد حلف الإنترنت مايشتغل جيت الخرطوم راجعت مكتب كنار قال لي ياخي جهازك ده ما مسجل عندنا ومانازل في (السستم) حاجة تحير كيف يعني مانازل وأنا أشتريتوا كيف؟ أختصرت زمني ورميت الجهاز ودي وصيتي ليك مع ناس كنار ديل بس أرمي الجهاز.
لو جربت ثابت بحكي ليك ولا خليها مستورة. وعشان ناس زين مايفرحوا ديل عندي معاهم بوست كامل
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: أبوعبيدة محمد الأمين)
|
Quote: مكتب كنار قال لي ياخي جهازك ده ما مسجل عندنا ومانازل في (السستم) حاجة تحير كيف يعني مانازل وأنا أشتريتوا كيف؟ |
إحتمال تكون إشتريتو من السوق الأسود ؟؟ّ! .. يعني جهاز مسروق ؟!! .والله العظيم حكايتك دي تشيب الراس عدييل ..
Quote: أختصرت زمني ورميت الجهاز ودي وصيتي ليك مع ناس كنار ديل بس أرمي الجهاز. |
بالمرة كان تختو في النفايات الإلكترونية الحيفدونها في الشمالية ؟؟! ..
..
يا أستاذ أبو عبيدة .. لو إنتا رميت الجهاز .. وأنا رميتو .. و2 أو 3 مليون رموهو .. الناس ديل دايرين كده .. لكن بعد ه ما في زول يرمي جهازو .. ولا للغش ولا للخداع ..
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: مزمل خيرى)
|
سلام عبد اللطيف ..
مشكلتي الحالية مع شركة كنار تتلخص في هذه النقطة :
Quote: قالو لي ده الكارد البيركب في اللابتوب سعره 57 جنيه لأنو في 7 جنيه ضرائب !! .. واللابتوب بتاعي Acer طلع ما بيركب فيهو ..
|
أنا من اوائل الذين إستخدموا كارد شركة كنار .. والمشكلة التي واجهتني بعد ذلك حينما إستبدلت جهاز اللاب توب بجهاز أخر بمواصفات أحدث ولكن للاسف لم يكن به مكان لتركيب الكارد .. ذهبت إليهم وطرحت لهم هذه الإشكالية وإن كانت هنالك إمكانية لتبديل الكارد بجهاز يو إس بي ! ولكنهم لم يفعلوا وقالوا لي ألا سبيل لي إلا بشراء جهاز يو اس بي أخر ..
(يعني الكارد العندي أموصو وأشرب مويتو) !!
الغريبة ان تلك الحادثة كانت قبل أكثر من عامين ..!! أحسب فقط إيجار شهري للفلات ريت 100 بمعنى أن العام = 1200 جنيه ، سنتين يساوي 2400 جنيه ..! كل هذه الأموال فقدتها خزينة الشركة لمجرد انها رفضت إستبدال الكارد ب يو إس بي ثمنه مائة وثمانون جنيها أو أكثر قليلا !!
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: ناذر محمد الخليفة)
|
Quote: أنا من اوائل الذين إستخدموا كارد شركة كنار .. والمشكلة التي واجهتني بعد ذلك حينما إستبدلت جهاز اللاب توب بجهاز أخر بمواصفات أحدث ولكن للاسف لم يكن به مكان لتركيب الكارد .. ذهبت إليهم وطرحت لهم هذه الإشكالية وإن كانت هنالك إمكانية لتبديل الكارد بجهاز يو إس بي ! ولكنهم لم يفعلوا وقالوا لي ألا سبيل لي إلا بشراء جهاز يو اس بي أخر |
وعليكم السلام يا أخ ناذر ..
الحمد لله الجات منهم .. باقي لي أحسن ليك الإتخارجت منهم ..
..
إحترامي ..
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: مزمل خيرى)
|
الأخ الكريم عبد اللطيف محجوب ..تحياتى بامتعاض واسف شديدين طالعت بوستك هذا ، والذى ارى انك قد تعجلت فيه وكتبته وانت غاضباً ، لذا فقد جانبك فيه الصواب وجاءت كلماتك متوترة وحادة بدءاً من العنوان . لذا ارجوك وادعوك ان تروق وتصلى على النبى قبل قراءة هذه النقاط. * ورقة الأعلان Flyerالتى ارفقتها فى بداية البوست توضح ان اسعار شركة كنار المعلن عنها فى هذا الاعلان لا تشمل الضرائب .. وهذا شان كل الشركات فى مجال الاتصالات اوغيره ، اذ انها تعلن عن اسعار منتجاتها فقط ، مع التنبيه على ان هذه الاسعار لاتشمل ضريبة القيمة المضافة. * لشركة كنار اكثر من ثلاثة انواع مختلفة من اجهزة الانترنت بخصائص ومواصفات واسعار مختلفة تبدأ من 50 جنيه فقط كما يقول الاعلان .. وهذا هو سعر ال Data Card (من دون الضريبة). وهو كارد يعمل فقط فى انواع معينة من اجهزة اللابتوب الموجودة فى السوق - من سؤ الحظ - ان لابتوبك لم يكن من ضمنها.! وهذا امر ليس لشركة كنار فيه ذنب ولا يحسب عليها ، كما لوكنت قد اشتريت جهاز موبايل ثم اكتشفت انه ليس مدعوماً بنظام تشغيل بطاقات ال GSM . بل ما يحمد لكنار ولعلك لا تعلم ، ان هذا الكارد تمنحه الشركة بالمجان لموظفى الشركات والهيئات والمؤسسات الحكومية. * اخطأت حين قلت ان سعر جهاز ال USB هو 177 جنيه .ويبدو ان الارقام قد اختلطت عليك لأن سعر هذا الجهاز زائداً الضريبة هو 172.5 فقط. ( 150 جنيه من دون الضريبة) . * فى معرض حديثك ذكرت هذه الحقائق : (1) انك قد اشتركت فى الخدمة بتاريخ 8/12/2009 وذهبت لسداد الفاتورة فى مكتب خدمات المشتركين فى يوم 11/1/2010 . (2)اشتركت فى باقة 2 جيجابيت شهرياً (3)الايجار الشهرى لهذه الباقة هو 36 جنيه شهرياً ( شاملاً الضريبة ). (4) الموظف/ة افادتك بأن نظام حساب الفواتير يتم شهرياً ابتداءاً من يوم واحد فى الشهر وانتهاءاً بيوم ثلاثين من الشهر . اذاً .. وفقاً لهذه المعطيات وبعملية حسابية فى غاية البساطة يكون مجموع المبلغ المطلوب منك والذى سددته بالايصال المرفق هو كالاتى :- مبلغ 36 جنيه هوايجار شهر يناير الجارى ( ويمكن سداده حتى آخر يوم فى الشهر) مبلغ29 جنيه هو ايجار 22 يوماً فى شهر ديسمبر ( من يوم 8/12/2009 تاريخ تنشيط الخدمة وحتى 31/12/2009 نهاية الشهر) القيمة الكلية = 65 جنيه
الأخ الكريم عبد اللطيف .. بعد شرحى هذا ارجو ان اكون قد وفقت فى توضيح ما لم يكن واضحا ، وان تكون قد تاكدت ان ليس فى الأمر غشاً ولا استهبالاً ولا استهتار كما ظننت .وفوق هذا كله ، ان تكون قد رضيت. واقول لك عن تجربة . ان شركة كنار هى شركة الاتصالات الوحيدة فى السودان التى توفر لمشتركيها باقات اشتراك فى خدمة الانترنت بسرعة ثابتة وخيارات رخيصة ومريحة . تبدا من 36 جنيه( 2 جيجابيت ) لاصحاب الأستخدام البسيط جداً وتصل حتى 120 جنيه ( الباقة المفتوحة ) لأصحاب الاستخدام العالى . وبين هاتين الباقتين توجد باقة (3جيجابيت) لاصحاب الاستخدام البسيط لكنه ليس جداً ، وباقة (6جيجابيت ) لأصحاب الأستخدام المتوسط. فقط على المشترك قبل الشراء ان يختار باقة الأشتراك الأنسب وليست الأرخص.
لك مـودتى ودمت بخير
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: MOHAMED EL-BEELI)
|
الأخ الكريم MOHAMED EL-BEELI
سأرد على النقاط الموضوعية التي كتبتها .. ودعك من "حتة" إني زعلان أو لا .. وأعذرني على تجاهل نقاط كثيرة في ردك .. تريد بها تفتيت وتشتيت الموضوع .. وتريد بها عمل إعلان للشركة بتبسيط الأمر وغش الناس بهذا الأسلوب كما فعلت الشركة المؤقرة ؟؟!!!
Quote: اخطأت حين قلت ان سعر جهاز ال USB هو 177 جنيه .ويبدو ان الارقام قد اختلطت عليك لأن سعر هذا الجهاز زائداً الضريبة هو 172.5 فقط. ( 150 جنيه من دون الضريبة) . |
توضيح لك وللإخوة ..
أخي الكريم انا دفعت 225 جنيه بالتمام والكمال - لشركة كنار - فرع أمدرمان .. وبعدها أستلمت عدد 1 جهاز USB Modem + إشتراك لمدة 22 يوم من يوم 8 لغاية يوم 30 وبعدها قطع الإشتراك ..
Quote: * فى معرض حديثك ذكرت هذه الحقائق : (1) انك قد اشتركت فى الخدمة بتاريخ 8/12/2009 وذهبت لسداد الفاتورة فى مكتب خدمات المشتركين فى يوم 11/1/2010 .
|
للتصحيح: ذهبت لتسديد فاتورة شهر 12 بعد أن إنقطع الإنترنت .. لأن الدفع هُنا آجل ..
Quote: اذاً .. وفقاً لهذه المعطيات وبعملية حسابية فى غاية البساطة يكون مجموع المبلغ المطلوب منك والذى سددته بالايصال المرفق هو كالاتى :- مبلغ 36 جنيه هوايجار شهر يناير الجارى ( ويمكن سداده حتى آخر يوم فى الشهر) مبلغ29 جنيه هو ايجار 22 يوماً فى شهر ديسمبر ( من يوم 8/12/2009 تاريخ تنشيط الخدمة وحتى 31/12/2009 نهاية الشهر) القيمة الكلية = 65 جنيه |
لأ يا أخي الكريم .. انا دفعت فاتورة شهر 12 فقط .. وال 30 جنيه دي رسوم إيجار خط زي ما قالت الأستاذة الكريمة .. ويوم 30 الجاي تاني المفروض أدفع 65 جنيه مرة أخرى لشهر يناير ؟!!!!
..
أخي الكريم .. أرجو أن أكون قد وُفقت في توضيح الصورة لك ؟؟؟!
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: عبداللطيف محجوب)
|
عبداللطيف سلامات .. والله حكاية الغش في شركات الإتصالات دي أصبحت من الأمور المسلّم بيها .. لكن الأبت تخش راسي كلو كلو حكاية الأمَنِيّة دي !! ليه اصلو الواحد داير يخش انترنت ولا ماشي العمرة! شخصياً أصبت بي صدمة بعد البوست بتاعك ده لأني كنت زعلان شديد من ناس سوداني mDSL وقررت اشتري كنار لكن الحمد لله الشفت البوست بتاعك ده قبل ما الفاس تقع في الراس .. سأعود (رغم أنفي) الى سوداني mDSL وعلى قول أهلنا : العرجاء لي مراحه!!
تقبل تحياتي
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: محمد عبدالله مختار)
|
Quote: عبداللطيف سلامات .. والله حكاية الغش في شركات الإتصالات دي أصبحت من الأمور المسلّم بيها .. لكن الأبت تخش راسي كلو كلو حكاية الأمَنِيّة دي !! ليه اصلو الواحد داير يخش انترنت ولا ماشي العمرة! شخصياً أصبت بي صدمة بعد البوست بتاعك ده لأني كنت زعلان شديد من ناس سوداني mDSL وقررت اشتري كنار لكن الحمد لله الشفت البوست بتاعك ده قبل ما الفاس تقع في الراس .. سأعود (رغم أنفي) الى سوداني mDSL وعلى قول أهلنا : العرجاء لي مراحه!! |
الأخ محمد عبدالله ..
وعليكم السلام ..
الحمد لله إنك ما مشيت عليهم .. وسوداني أرحم مليون مرة من الناس ديل .. وفي النهاية جن تعرفو ولا جن ما بتعرفو .. على الأقل ناس سوداني ما بغشوا الناس ولا بيخدعوهم ..
..
إحترامي أيها العزيز ..
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: عبداللطيف محجوب)
|
Quote: انا دفعت فاتورة شهر 12 فقط .. وال 30 جنيه دي رسوم إيجار خط زي ما قالت الأستاذة الكريمة .. ويوم 30 الجاي تاني المفروض أدفع 65 جنيه مرة أخرى لشهر يناير ؟!!!! |
اخى عبد اللطيق .. سلامــات. مبلغ ال 65 جنيه الذى سددته بتاريخ الأمس كان شاملاً للايجار الشهرى لشهر يناير حتى يوم 30 .. ولن تدفع مبلغ 65 جنيه مرة اخرى كما زعمت . فاتورة شهر ديسمبر = 29 جنيه وليس 65 ، لانك بدأت الخدمة فى يوم 8/12/209 ، يعنى اشتغلت فى شهر 12 فقط 22 يوم ، لذلك كان ايجارك الشهرى 29 جنيه (اقل من 36 جنيه) وعندما تجمع مبلغ 29 + 36 = 65 . وهذا هو المبلغ الذى سددته انت بالامس .. يعنى تانى ما مطلوب منك حاجة حتى نهاية هذا الشهر ما لم تتجاوز ال 2 جيجابيت . ولن تقطع منك الخدمة مرة اخرى حتى 27 فبراير القادم( اخر تاريخ لسداد ايجار شهر فبراير ). اخى عبد اللطيف .. ارجو ان تكون قد اتضحت لك الحقائق ، اذا كان ما تبحث عنه هو الحقائق.
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: حذيفه ابراهيم الكباشي)
|
Quote: حكاية الأمَنِيّة دي !! ليه اصلو الواحد داير يخش انترنت ولا ماشي العمرة! |
الأخ محمد عبد الله .. سلامات
الأمنية او ال Deposit هو مبلغ يسدده المشترك ويمكنه استرداده اذا استغنى عن الخدمة فى اى وقت .. وكنار ليست الشركة الوحيدة التى تعمل بهذا النظام .، فى شركة زين مثلاً يجب على مشتركى الدفع الآجل سداد امنية لا تقل عن 100 جنيه. الغرض من هذه الأمنية اخى محمد هو حماية المشترك اولاً .. اذ ان المبلغ المدفوع كأمنية يكون سقفاً للفاتورة الشهرية ، ويتم ايقاف الخدمة متى ما وصل استهلاكك لهذ السقف . يعنى اذا كنت قد سددت مبلغ 50 جنيه كامنياً مثلاً فان استهلاكك الشهرى لن يتجاوز مبلغ ال 50 جنيه ،، وبذلك تكون فى مأمن من ارتفاع قيمة فاتورتك الشهرية.
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: أبوعبيدة محمد الأمين)
|
للذين يحاولون تجميل وجه كنار القبيح , دونكم تجربتى معها:
1- ذهبت لمكتبهم بعفراء لانهاء خدمات تلفونى , فكان أن طالبونى "برسوم انهاء خدمة" أى منطق هذا؟ 2- طالبونى بتسليم الجهاز. 3- حددوا لى قبمة المبلغ الذى يجب دفعة, ولما حاولت التســديد اعتذرو بأن نظام الفواتير لا يعمل تلك اللحظة ووجهونى بالعودة غدا 4- عند حضورى بالغد فوجئت أن النبلغ المطلوب قد زاد عن ما ذكر بالأمس , ولما استفسرت قالوا لى أن هذه فاتورة الشهر الجديد و التى ظهرت للتو.
هذه هى كنار
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: MOHAMED EL-BEELI)
|
Quote: اخى عبد اللطيق .. سلامــات.
مبلغ ال 65 جنيه الذى سددته بتاريخ الأمس كان شاملاً للايجار الشهرى لشهر يناير حتى يوم 30 .. ولن تدفع مبلغ 65 جنيه مرة اخرى كما زعمت . فاتورة شهر ديسمبر = 29 جنيه وليس 65 ، لانك بدأت الخدمة فى يوم 8/12/209 ، يعنى اشتغلت فى شهر 12 فقط 22 يوم ، لذلك كان ايجارك الشهرى 29 جنيه (اقل من 36 جنيه) وعندما تجمع مبلغ 29 + 36 = 65 . وهذا هو المبلغ الذى سددته انت بالامس .. يعنى تانى ما مطلوب منك حاجة حتى نهاية هذا الشهر ما لم تتجاوز ال 2 جيجابيت . ولن تقطع منك الخدمة مرة اخرى حتى 27 فبراير القادم( اخر تاريخ لسداد ايجار شهر فبراير ). اخى عبد اللطيف .. ارجو ان تكون قد اتضحت لك الحقائق ، اذا كان ما تبحث عنه هو الحقائق |
يا أخي انا بحاول أشرح ليك من الصباح إنو يوم 30 النت بتاعي قطع .. فاهم معنى النت قطع .. عشان كده انا مشيت دفعتو .. ؟!!
وبعدين تعال .. كيف الزول يدفع قروش شهر ما إشتغلو .. ؟؟؟!! مع العلم إنو الدفع آجل ؟؟!!!!
وبعدين هي المبلغ المطلوب مني 66 .. وأنا دفعت 65 .. !!!!!!
..
كسرة/
شكلك شغال في كنار يا الأخو .. !! .. بدل ما تلف وتدور تعال لينا عديل عشان نطالب بحقنا .. أو تجيب لينا أي زول يمثل لينا شركة كنار عشان نتفاهم معاهو ..
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: ashraf mukhtar)
|
Quote: ربنا يعينك من كنار |
الله يعين كل المشتركين يا وجدان ..
Quote: في طريقة ارخص واحسن ومستقره وهي سوداتل ADSL الشهر ب60 جنيه تستخدم معاها رواتر لاسلكي ممكن تحوم بيها مع اللابتوب مسافه معقوله 50 متر تقريبا بدون مقويات اشارة والميزه فيها انك ممكن تستخدم كم جهاز كمبيوتر في وقت واحد |
في طريقة أرخص من دي .. تشتري Virtual Visa من شركة Enaqde ..
..
___________________________ شكراً أشرف مختار على المداخلة .. ولكن أعذرني فالمقام ليس مقام أرخص ولا أسرع ولا غيرو .. الموضوع عن الغش والخداع الذي تمارسه شركات الإتصالات علينا .. وبالأخص شركة كنار .
إحترامي وتقديري ..
| |
|
|
|
|
|
|
Re: كنار تل .. تجربتي الأسوأ على الإطلاق .. يُوجد غِش وإستهبال .. (Re: ناذر محمد الخليفة)
|
Quote:
هاك البوست دا وبالمناسبة دا أطول بوست في تاريخ المنتديات السودانية عن شركة من شركات الإتصالات حظي بي 13659 مشاهدة ومتابعة و 613 مداخلة (لحدي تاريخ الليلة بس) دا غير المداخلات الكانت بتصل عن طريق الإيميل والإس إم إس ,,!!! تقول لي شنو ..! |
جاري متابعة البوست ..
ولكن يا ناذر .. دعونا نتفق أولاً أنهم كلهم سيئين .. ولكن نحن هُنا نُرتب من الأسوأ .. وبحسب تجربتي أنها كنار .. فالمشترك بيجي داخل ما فاهم حاجه وبيطلع دافع ما فاهم حاجه .. وبيجي يدفع الشهر الجاي قروش دبُل المفروش يدفعها .. ؟؟!!!!!؟؟!!!
..
إحترامي وتقديري ..
| |
|
|
|
|
|
|
| |