|
|
 كــــم لبثنـــا....!!!!
|
.
..
...
عندما بلغت من العمر التاشرات (دون تحديد لسنة) كنت أحسب ان نهاية الدنيا عندما يكتب الرقم 2000 في تاريخ السبورة ولم أتخيل شكله وهو مكتوب..ولم أضع في توقعاتي اني سابلغه اصلا..... هكذا كنا نحسبها...ان القيامة ستقوم عندما تتغير خانات التاريخ من الرقم 9 الي الرقم 2 تحتشد امامها ثلاثة اصفار رابعها الفاصلة التي تفصل العام عن الشهر....
......
|
|
 
|
|
|
|
|
|
|
 Re: كــــم لبثنـــا....!!!! (Re: شمائل النور)
|
| Quote: : كــــم لبثنـــا....!!!! |
يوماً أو بعض يوم
ياخ في ناس هنا كانو متخيلين التمنينات ديك بعيدة..
أنا غايتو شخصياً صغير 
يا الله ما تجي حاجة تبوظ لينا كاس العالم في الفين وعشرة دي
| |
|
|
|
|
|
|
|
|
|
Re: كــــم لبثنـــا....!!!! (Re: العوض المسلمي)
|
شماااايل النوووووووووور ياااااااااا..
عممممممممممممممتك ياااااااااااااااا..
والله ياخ انتي لبثتي كتير يا اختي..
ولسة ياااما حا تلبثي ..
انتي قولي كم لبثت ؟؟؟
وإلى متى اظل لاااابثة لوحدي؟؟؟
ياخ السعوديين ديل لذيذين خلاص عارفة مش بيقولوا عننا كسلانيين ؟ اها واحد منهم قال لي يا عمر والله انتو من شدة ما كسلانين قالوا السوداني تسألوا ما هي سورتك المفضلة في المصحف ؟ يقول ليك سورة الكهف..
بعدين شااايفك يا هناية طاااارحة نفسك مفكرة وكده بس النصيييحة غلبتني قصة ال 9 التتقلب 2 وجمبها أصفار محتشدة دي !!
وبعدين انتي ليك 10 سنوات نايمة مالك ؟؟؟؟؟
ال9 دي ليها عشرة سنوات الاصفار محتشدة قداما الطراك ليها اسة شنو ؟؟
تلقيك انتي من النوع الكان سنة 1984 لمن يجو يهنوهو بي العيد ويقولوا ليك كل سنة وانتي طيبة يا شمايل والسنة الجاية عروس تقوووومي كده تقولي ليهم :
منووووووووو دي ؟؟ انااااااااااا؟؟؟
والله انا ما أعرس ليكم إلا في 1990 ..
تخريمة :
اقعي الصيام يا زولة لسة حا تلبثي كتييير :)
| |
|
|
|
|
|
|
|
|
Re: كــــم لبثنـــا....!!!! (Re: عمر الفاروق)
|
الفاروق
طبعا انت بالميت كدا بتكون عاصرت 3 - 4 حكومات ، غير الحكومات الانتقالية ....
وعليكـ دينكـ تعدها بدون استحياء
Quote: بعدين شااايفك يا هناية طاااارحة نفسك مفكرة وكده بس النصيييحة غلبتني قصة ال 9 التتقلب 2 وجمبها أصفار محتشدة دي !!
|
انت الغالبك كتير يا ابوي ، بعدين اي شئ فيهو ارقام حقو تستر نفسك وما تعلق عليهو ، انا مشهود لي بالارقام في بوست البنطلون لما طلعوني قارية محاسبة(أكيد بتذكره)
Quote: تلقيك انتي من النوع الكان سنة 1984 لمن يجو يهنوهو بي العيد ويقولوا ليك كل سنة وانتي طيبة يا شمايل والسنة الجاية عروس تقوووومي كده تقولي ليهم :
منووووووووو دي ؟؟ انااااااااااا؟؟؟
|
لو قلت ليكـ 1984 دي انا كنت بسنن..بتصدقني
| |
|
|
|
|
|
|
|
|
|
Re: كــــم لبثنـــا....!!!! (Re: شمائل النور)
|
(30/6/1989م)
تاريخ ميلاد الحكومة التي عليها نشأت وعليها أموت (فيما يبدو)....
الآن العام هو 2010 ، يدخل فيه الحاكمون (بسلام آمنين) عقد جديد ....(مالو لو) الحكومة مارست جرْد النفس ... وجرد النفس متعارف عليه عند الصوفية ، يطبقون فيه مبدأ النفس اللوامة ولو ان الفقهاء اختلفوا في شرح معنى النفس اللوامة إلا انهم إجتمعوا على انها تلوم صاحبها....
| |
|
|
|
|
|
|
|
|
|
Re: كــــم لبثنـــا....!!!! (Re: شمائل النور)
|
لبثنا 54 سنة ولليوم عكاكيزنا تطاقش .... وعنصريتنا تزداد نارها ... كأن وقودها ما أنتجناه من بترول بدل حطبنا الغاباتو لحقت أمات طه....لبثنا 54 سنة ولسا نحن ما عرفنا من وين جينا ووين؟؟ واقفين؟؟ وماشين لوين؟؟ .... 54 سنة العرب يقولو افارقة والأفارقة يقول علينا عرب ... لا أرضا قطعنا ولا ظهرا أبقينا.. 54 سنة جودياتنا وأجاودينا تنصر وتتحل ... زى طيران الهدهد .... وبرضو ما نفع ...يبقى بعد دا غير مهم كم لبثنا؟؟ ولا كم سنلبث ..... قطع شك .... القيامة تقوم وتلقانا مقبقبين بعض ...... برحمتك يا أرحم الراحمين حل كرب هذا البلد واجعله سخاءا رخاءا بقدرتك يا رب الكعبة المشرفة وما قامت عليه.... اللهم انزل عليه شآبيب السلام ومسببات الإستقرار يا الله
| |
|
|
|
|
|
|
|
|
|
Re: كــــم لبثنـــا....!!!! (Re: قرشـــو)
|
قرشو
سلامي
والله انا الحكومة الحالية دي أكلت تلت عمري (الفاروق لازم تصدق)، ومنذ ميلادي وإلي تاريخ كابة هذا الرد لا استشعر تغييرا يساوي هذا التلت ...... الدخول لعقد جديد يستحق وقفة حقيقية
تحياتي
| |
|
|
|
|
|
|
|
|
|
Re: كــــم لبثنـــا....!!!! (Re: شمائل النور)
|
شمولة ,, الأمورة.
خوتك طلعت اسفيرية
والفيك اتعرفت ,, زيك زى المسانيح شيقوق وممدوح ابارو والرطانى فيسل هليل.
كان دايرة تعرفى اسألى المسنوح شيقوق
انا معبى منك ومابكلمك.
تعرفى انا الغايظنى فى حكاية لبثنا دى شنو?
الغايظنى انو لبثنا ولم نر فريقنا القومى يحمل لينا كاس من بره .
والظاهر ده حايكون الحال طول مانحن لابثين فاحسن نبدل لابثين دى بلابسين
عشان لما نقلّع يمكن الحال ينصلح.
حكمة من بنات افكارى وما اكثرهن من بنات.
عيشى الماضى بالنسيان
والحاضر بالممكن المتاح
والمستقبل بالأمل (مش الأمل العطبراوى)
| |
|
|
|
|
|
|
|
|
|
Re: كــــم لبثنـــا....!!!! (Re: عبدالعزيز الفاضلابى)
|
الفاضلابي
يا أعز عزيز
والله انا الخوة الفيني تكفي الامم المتحدة والاتحاد الاوربي واللجان الشعبية التابعة لمحلية عطبرة
لبثنا وسنلبث ، وفيما يبدو لن نتغير ، تعرف يا فاضلابي ، انا الحكومة الحالية دي زي ما قلت انها أكلت تلت عمري ، ومنذ ميلادي والى الان لا تغيير والذي يحدث احسبه للاسوأ...........
المستوى المعيشي ....
المستوى الفكري .....
المستوى التعليمي ....
الفنون....الرياضة....التجارة....الزراعة.......
ح يجيني فلان ويقول لي الطرق والجسور والبترول + سد مروي
| |
|
|
|
|
|
|
|
|
|
Re: كــــم لبثنـــا....!!!! (Re: شمائل النور)
|
[red]شمائل
سلامات يا اختنا....
ابن عمن لي متصوف وذاهد...كلما زار اصحاب لينا منعمين ومفرفشين لا عرق يخر ولا وشن يصر.. كان بيكلمهم عن يوم القيامة وعلامات الساعة التي ظهرت وخالص الدنيا ماشة تنتهي ما فضل ليها شئ...
واحد من البنات قالت لي ابوها: انت يا دادي ( dady)هو انكل (uncle ) ماله taking not nice.. let him joining us for the next holidays season so he will be able to change his mind.
المهم لو اكلمنا وذكرنا الناس يقولوا حاقدين علي نعمهم..واذا سكتنا مدني تغرق....
| |
|
|
|
|
|
|
| |
شمائل النور
محمد يوسف الزين
العوض المسلمي
عمر الفاروق
طلال جبير جابر
الرشيد البصيلى
قرشـــو
محمد عبد الماجد الصايم
عبدالعزيز الفاضلابى
الهادي محمد ابراهيم
فيس بوك
تويتر
انستقرام
يوتيوب
بنتيريست