|
|
 سبرغورعورات الركاب القادمين من السودان ودول اخرى لأمريكا!بي بي سي
|
Quote:
بدأت السلطات الامريكية في فرض قواعد اشد صرامة تتعلق بالكاشفات التي تمسح الجسم الانساني وذلك على الركاب القادمين عن طريق الجو من الدول التي تعتبرها واشنطن ذات صلة بالارهاب.
وتقول تقارير ان الركاب القادمين من نيجيريا وباكستان وسوريا وايران والسودان واليمن وكوبا ستتعرض الاجزاء السفلي من اجسامهم للتفتيش بعصى التفتيش الاليكترونية، وفحص الامتعة التي يحملونها.
وكان الرئيس الامريكي باراك أوباما قد ادان الثغرات الامنية عقب المحاولة الفاشلة لتفجير طائرة امريكية في ديترويت.
كما تعهد الرئيس الامريكي "بالتحرك بسرعة لإصلاح عيوب" النظام الأمني.
وتدخل التوجيهات الأمنية الجديدة حيز التنفيذ اليوم الاثنين.
فحص عشوائي
وقالت ادارة امن النقل الامريكي في بيان ان القواعد الجديدة ستطبق على المسافرين من أو عبر اجواء البلدان الموجودة على قائمة وزارة الخارجية الامريكية الخاصة بـ"الدول الراعية للارهاب" - كوبا وايران والسودان وسوريا - وبعض الدول الاخرى.
يذكر ان نيجيريا واليمن لهما علاقة بمحاولة تفجير طائرة الركاب الأمريكية في ديترويت في الخامس والعشرين من كانون الأول ديسمبر الماضي.
فالمتهم الرئيسي في هذه القضية هو النيجيري عمر فاروق عبد المطلب المعتقل حاليا والذي سيقدم للمحاكمة الاسبوع الجاري، فيما تبنى مسؤولية الهجوم مسلحون يقيمون في اليمن.
وقالت مراسل بي بي سي في واشنطن جين اوبراين انه من غير الواضح ما اذا كان تفتيش الجزء الاسفل من الجسم بالعصى الاليكترونية كان من الممكن ان يكشف المواد التي كان عمر عبد المطلب والبالغ من العمر 23 عاما، يحملها في ملابسه الداخلية.
يعارض المدافعون عن حقوق الانسان استخدام الكاشفات الجديدة
يعارض المدافعون عن حقوق الانسان استخدام الكاشفات الجديدة
الا ان أوباما تعرض لضغوط لإدخال تحسينات أمنية واضحة، كما تقول اوبرين.
و كجزء من الاجراءات الامنية الجديدة، سيتم فحص مسافرين من الدول الاجنبية الاخرى بشكل عشوائي.
وفي وقت سابق، أعطى رئيس الوزراء البريطاني جوردون براون الضوء الاخضر لمسح كامل الجسم بماسحات سيتم تركيبها في المطارات البريطانية.
واعلن براون أن بريطانيا ستتحرك سريعا من اجل تعزيز اجراءات الامن المتبعة في مطارات البلاد.
واضاف براون في النص الذي نشر على موقع تابع لرئاسة الحكومة البريطانية ان محاولة التفجير التي قام بها النيجيري تعد "انذارا آخر بان الارهاب لا يزال يشكل تهديدا حقيقيا للغاية، في الوقت الذي يدخل فيه العالم عقدا جديدا بعد ثماني سنوات من اعتداءات 11 سبتمبر/ ايلول".
|
اى مهانة واذلال!
جنى
|
|
 
|
|
|
|
|
|
|
|
Re: سبرغورعورات الركاب القادمين من السودان ودول اخرى لأمريكا!بي بي سي (Re: Dr. Salah Albashier)
|
جني سلام
كدي خلينا من كشف العورات المجنن الإنسان الشرقي.
أمريكا في الصيف كلها عورات بالمعنى الشرقي
من البيتش للبيت الأبيض
كدى نخت ليك السيناريو دا و ورينا رايك فيه..
لنفرض إنو jini المسؤل الأول للعمليات الأمنية لجمهورية السودان (الديمقراطية)......و أثناء فترة تولي منصبه هذا, حدث نفس حادث هذا النيجيري, و الطائرة تقترب لمطار الخرطوم
الآن نريد من jini
to protect أمن السودان و منع تكرار مثل هذا الحدث
نرجو من اللواء أركان حرب, jini, أن يجاوب على هذا السؤال تحديدا دون الإنجراف في مواضيع أخرى مثل (لكن أمريكا سوت و أمريكا فعلت)...ركز على السيناريو....أمن السودان!
| |
|
|
|
|
|
|
|
|
Re: سبرغورعورات الركاب القادمين من السودان ودول اخرى لأمريكا!بي بي سي (Re: Kostawi)
|
Quote:
لنفرض إنو jini المسؤل الأول للعمليات الأمنية لجمهورية السودان (الديمقراطية)......و أثناء فترة تولي منصبه هذا, حدث نفس حادث هذا النيجيري, و الطائرة تقترب لمطار الخرطوم
الآن نريد من jini
to protect أمن السودان و منع تكرار مثل هذا الحدث
نرجو من اللواء أركان حرب, jini, أن يجاوب على هذا السؤال تحديدا دون الإنجراف في مواضيع أخرى مثل (لكن أمريكا سوت و أمريكا فعلت)...ركز على السيناريو....أمن السودان! |
كل راكب يجى سايق معاهو امه او ابوه او احد ابنائه وكل واحد يجى شايل معاهو القصرية بتاعتو عشان البيان بالعمل!
شنو ليك!
جنى
| |
|
|
|
|
|
|
|
|
|
Re: سبرغورعورات الركاب القادمين من السودان ودول اخرى لأمريكا!بي بي سي (Re: jini)
|
جني سلامات وكل عام وأنت ووليداتك الحلوين وأمهم بألف خير
المصيبة في الراكب /ة السوداني الجاي من اليمن. والمغسة لا بيعرف ولا شاف ليهو زول من القاعدة البيحكو عليها..
ــــ
نجي للجد. من حق أي دولة أن تحمي اراضيها وشعبها. ولكن هذه الحرية تنتهي عندما تنتهك حريات الآخرين.. المنطق والمثل بيقولو كده.
في زيارتي الفاتت لواشنطون لاحظت وانا قاعدة حفيانة وعميانة (شالو النضارة بعيد عنك) وحزامي معاهم. إنه الناس المعاي كلهم من جهاتنا. واحد مغربي، وواحد صومالي و2 لبنانيين وراجل ومرته من الأمارات. سألت الضابطة الكانت منهمكة في ورنشة (جزمتي) على أي أساس قاعدين تختاروا الناس البتفتشهم كده؟ قامت ردت لي بكل تهذيب وبشكل آلي: راندملي. طوالي قلت ليها: هاو كام الراندوملي بتاعكم جاب كل المسلمين أو من الدول العربية..؟ خجلت وبسربعة انتهت من الورنشة ومشًتني عشان تتخلص من لياقتي (من اللًوييق هههه).
الحل وببساطة كل قرد يقعد في شجرته. نحن نلزم بلادنا بتاعت الإرهاب والحاجات الوحشة. وهم برضو ما يجوا قاطعين المحيط ويتجدعوا في بلادنا ويدخلوا أي دولة من دولنا بدون أي تأشيرة.
وأتذكر هنا نيجيريا وسوريا. دولتين بيتعاملوا مع (الخواجات) زي ما الخواجات قاعدين يتعاملوا معانا.
تحاياي
| |
|
|
|
|
|
|
|
|
|
Re: سبرغورعورات الركاب القادمين من السودان ودول اخرى لأمريكا!بي بي سي (Re: Raja)
|
Quote: الحل وببساطة كل قرد يقعد في شجرته. نحن نلزم بلادنا بتاعت الإرهاب والحاجات الوحشة. وهم برضو ما يجوا قاطعين المحيط ويتجدعوا في بلادنا ويدخلوا أي دولة من دولنا بدون أي تأشيرة.
وأتذكر هنا نيجيريا وسوريا. دولتين بيتعاملوا مع (الخواجات) زي ما الخواجات قاعدين يتعاملوا معانا. |
المختصر المفيد
كلام في الصميم يا أستاذة رجاء
علشان ناس جني وبقية المرتاحين بتاعين السعودية والخليج ديل ما ينظروا لينا ساكت... ماما أمريكا مطلعة عينهم وقاطعة قلبهم وهم طالعين لينا فوق راسنا بالتنظير!
في إرهاب أكثر من مغتربين السعودية ديل بالله...
أحسن ذاتو كمان يجونا هنا يعملوا لينا زحمة ساي
باب شريف نفر بس تاني!
| |
|
|
|
|
|
|
|
|
|
Re: سبرغورعورات الركاب القادمين من السودان ودول اخرى لأمريكا!بي بي سي (Re: Tragie Mustafa)
|
الاخ جني - الرجل الذي احترم كتاباته كثيرا
و الله المساله دي شينه خلاص في حقنا، يعني الواحد ما يسافر لي امريكا السجم دي و لا شنو... اها امريكا دي ما ماشنها ( الكديس وقت ما يلقي اللبن بقول عليه عفن)
لكن جديا كدا من الذي وضع السودان في هذا المكان؟؟؟؟؟؟؟؟؟
الحكومه؟؟؟؟؟؟؟؟؟ قطع شك لا
المعارضه؟؟؟؟؟ قطع شك نعم هي المعارضه التي وضعت السودان في هذا المكان باتجارها باسم السودان كذبا و بهتانا حتي تضمن العيش في الغرب في رغد من العيش... مع الاسف
| |
|
|
|
|
|
|
|
|
|
Re: سبرغورعورات الركاب القادمين من السودان ودول اخرى لأمريكا!بي بي سي (Re: OSMAN SAYED MOHAMED)
|
| Quote: المعارضه؟؟؟؟؟ قطع شك نعم هي المعارضه التي وضعت السودان في هذا المكان باتجارها باسم السودان كذبا و بهتانا حتي تضمن العيش في الغرب في رغد من العيش... مع الاسف |
دعم المعارضة للجماعات الاسلامية و هتافات امريكا روسيا قد دنى عذابها و ادخال المعارضة لاسامة بن لادن الى الوطن خلسة من وراء ظهر الحكومة و محاولة انتحار مبارك في اثيوبيا التي فبركت المعارضة نسبتها للحكومة كانت من أكبر اسباب سوء علاقة السودان بدول العالم.
متى يفرق المعارضون بين معارضة الحكومة و معارضة الوطن ؟
ـــــــــــــ
و الله يا جني الموضوع ده صعب. طيب الناس لو مشت بالبر كيف ؟
| |
|
|
|
|
|
|
|
|
|
Re: سبرغورعورات الركاب القادمين من السودان ودول اخرى لأمريكا!بي بي سي (Re: حمور زيادة)
|
الاخ حمور زياده
Quote: دعم المعارضة للجماعات الاسلامية و هتافات امريكا روسيا قد دنى عذابها و ادخال المعارضة لاسامة بن لادن الى الوطن خلسة من وراء ظهر الحكومة و محاولة انتحار مبارك في اثيوبيا التي فبركت المعارضة نسبتها للحكومة كانت من أكبر اسباب سوء علاقة السودان بدول العالم.
|
يا اديب المساله ما محتاجه للاستهزاء... غلطت الحكومه باستعداء العالم باسره في ايامها الاولي، بتخطيط من الترابي، ثم كفرت عن فعلتها بكل ما طلبته منها امريكا ( طردت بن لادن و سلمت كارلوس و ما شابه ذلك). لكن المعارضه استغلت نظرة العالم للحكومه و قامت بتشويه صورة السودان بقدر استطاعتها حتي تعيش في بحبوحه لاطول فترة ممكنه... و معظم المعارضين عايشين في الخارج الا من رحم ربي... و انا شخصيا عشت في القاهره في فترة التسعينيات - اوج الصراع بين الحكومه و العالم بما فيها مصر- و رايت من المعارضه و المعارضين ما يجعلني ازدريها و لا اضع لها وزنا - الا القليل منهم...
برجع ليك برويه - الشغل و كدا
عثمان
| |
|
|
|
|
|
|
|
|
|
Re: سبرغورعورات الركاب القادمين من السودان ودول اخرى لأمريكا!بي بي سي (Re: OSMAN SAYED MOHAMED)
|
الاخ عثمان ..
تحياتي ..
تصدق لم يكن ما كتبته استهزاء بك انت .. لقد ظننت تسخر و شاركتك السخرية .. و اندهشت حد الانزعاج حين ظهر لي من مداخلتك الثانية انك كنت جادا لا مازحا..
و مادام الأمر جد فدعني اقرأ مداخلتيك سويا ..
قلت في الأولى اجابة عن سؤال من وضع السودان في هذا المكان ؟
| Quote: الحكومه؟؟؟؟؟؟؟؟؟ قطع شك لا |
ثم اذا بك في المداخلة الثانية تقول :
| Quote: غلطت الحكومه باستعداء العالم باسره في ايامها الاولي، بتخطيط من الترابي، |
يعني الحكومة ساعدت في وضع السودان في هذا المكان . فما اعتبرته انت بعد ذلك كفارة منها مبني على أن أمريكا و غيرها من دول العالم قبلت قبولا تاما هذه الكفارة. و الواقع يقول لا لم تقبله بدليل هذا الخبر الذي نتناقش على حواشيه.
ثم ألا ترى التناقض اللطيف في كلامك أن العالم صدق الحكومة و غفر لها اعمالهاالتي كانت تسعى لتصدير الارهاب لكنه ايضا صدق المعارضة و نظر للسودان نظرة ارهابية !!!
يا اخي الكريم ..
اما ان يكون العالم قد صدق الحكومة فلا معنى بعد ذلك للعداء.
او العالم لم يصدق الحكومة في توبتها.
و الحال الثاني اظنه هو ما حدث.
في تقديرك من يتحمل العبء ؟
من اخطأ ثم ادعى التوبة و لم يصدقه أحد ؟ أم من عارض الخطأ منذ البداية ؟
| |
|
|
|
|
|
|
|
|
|
Re: سبرغورعورات الركاب القادمين من السودان ودول اخرى لأمريكا!بي بي سي (Re: حمور زيادة)
|
الاديب حمور
لك كل الحق فيما تراه بان الحكومه لها الدور الرئيس في وضع السودان في هذا النفق المظلم، و انا ايضا اراها مسؤولة عن هذا التدهور الذي حل بالسودان و السودانيين حتي تشرد ابناؤه في القبل الاربعه، و ربنا علي الظالم... لكن يا عزيزي معارضة الظل البارد دي ليها دور اكبر في تاليب العالم الخارجي ضد السودان عموما من اجل ان تزيح الحكومه من ناحيه ومن اجل ان تعيش في دول العالم الاول في رفاهيه و رغد من العيش من ناحية اخري... بقول ليك الكلام دا و انا عايشت ما تفعله المعارضه بنفسي في القاهره لفترة من الزمن... شارع شهاب و الدار السودانيه لحقوق الانسان و دار حزب الامه و دار الاتحادي و كل الخموم دا طلع لي كلام فاضي... المعارضه بتعمل جاهده لاستمرار الحصار و الضيق للسودان ككل دون التفريق بين معارضة الحكومه و معارضة الوطن... اذا اردت ان تري بنفسك، و انت الان في القاهره، اذهب الي اي من هذه الدور ( اذا كانت لسه موجوده) و قل ليهم عايز امشي امريكا او اوروبا و عايزكم توروني الطريقه كيف... حايدوك عرايض طويله عريضه عن انتهاك حقوقك كمواطن و عن السووه ليك و لي اهلك ناس الحكومه لمن انت زاتك تبكي من الحصل دا... تاليف في كذب في نفاق في كل شيئ سيئ يخطر علي بالك و باوراق من هذه الدور المعتمده لدي منظمات العون الانساني و الامم المتحده و غيرها اللتي لا تعرف الكذب ( او تدعي ذلك تجملا) و تصدق الاوراق الرسميه و بالتالي كل ذلك يحسب علي السودان... لذلك تجد السودان دائما في اعلي المراتب من ناحية سوء معاملة البشر و انتهاك حقوقهم... و انا لا اقول انه لا يوجد انتهاك لحقوق الانسان و لكن ليس بالصورة التي استطاعت المعارضه ان تبديها للعالم...
قد نختلف او نتفق لكني حابي اسمع رايك
عثمان
| |
|
|
|
|
|
|
|
|
|
Re: سبرغورعورات الركاب القادمين من السودان ودول اخرى لأمريكا!بي بي سي (Re: الصادق عوض)
|
باختصار المعاملة بالمثل اولوية.
الامر الاخطر من كدا انو دا كشف باشعة سينية او غيرها مضر بالصحة جدا وخاصة للنساء .....
اجابة علي سوال اذا ارادت امريكا ان تحمي نفسها من الارهابيين فعليها عدم دعمهم وخلقهم من عدم في جماعات فهي المفرخ الاول للارهاب .
لا فرق عندي بين بن لادن وبوش واوباما طالما انهم يدعمون دولة عنصرية وحكومات دكاتورية في البلاد العربية .
الشعب الامريكي عليه مسؤلية مثل ما علينا مسؤلية وندفع ثمنها كل يوم اهانة في مطاراتهم وسفاراتهم .
حجة حماية الاراضي الامريكية غير كافية .
نقطة مهمة جدا
لا احتاج لاي سلاح لاهاجم ركاب طائرة فمجموعة من خمسة اشخاص باستطاعتها السيطرة علي طائرة بالتدريب فقط بدون اي سلاح وهنا هل سنري في المستقبل حهاز لقرائة العقل والمخ ...
التكتيك دا ممكن اي تنظيم يعمل بيهو ممكن الواحد يركب الطيارة ساي ميطي وبعد داك ومعاه خمسة اشخاص خلي ضابط الامن الفي الطيارةيسيطر عليهم,,,,, زول قنعان من روحوا ما في نفر واحد بثبتوا
الولد النيجري دا الامور ساكت ما زبطت معاه وربنا لطف انو يمرق حي من الانتحار دا......
لو لا انو البموتوا في العمليات دي ناس برئين لوجدت الدعم من جميع دول العالم وشعوبه المظلومة
| |
|
|
|
|
|
|
|
|
|
Re: سبرغورعورات الركاب القادمين من السودان ودول اخرى لأمريكا!بي بي سي (Re: الصادق عوض)
|
الصادق عوض
كيف يا زول... علك طيب
يا حبيب انا ما برات الحكومه و لا يحزنون... و عارف و متاكد انهم هم الغطسو حجر السودان من الاول بمجاهرتهم العداء للكل و تبنيهم سياسة خاطئه بتحريض من الترابي... لكن دا ما بنفي ان المعارضه هي من تاجج نار الكراهيه علي السودان كدوله حتي تحقق اغراضها الخاصه بها ... المعارضه تبذل كل وسعها حتي يظل السودان في القائمه السوداء دون النظر الي ان المتضرر الرئيسي هو الانسان السوداني... ياخي عندما امريكا ( كدوله عظمي) تمارس سياسة العداء تجاه السودان ( الذي هو دوله ضعيفة و فقيره) من كل النواحي فمن هو المتضرر الاول؟؟؟؟
| |
|
|
|
|
|
|
| |
jini
Kostawi
Raja
Muhammad Elamin
Tragie Mustafa
OSMAN SAYED MOHAMED
حمور زيادة
الصادق عوض
الفاتح سليمان
فيس بوك
تويتر
انستقرام
يوتيوب
بنتيريست