|
شوفوها وين ؟؟ الـ مني غابت وإنفطر قلبي وحشاي !!
|
شوفوها وين ؟ الـ مني غابت وإنفطر قلبي وحشاي خلتني زي زولاً غريب تائه وسابح في سماي فتشت ليها وراء النجوم صبحي ومساي سافرت لكل المدن كل الجزر ورجعت ساي سألت عنها في المؤاسم صيفي وشتاي سألت عنها كل زول حاسس وشاعر بشقاي شوفوها وين؟ النظمت شعري وغناي شوفوها وين؟ الما حكت لزول سواي
ورجعت اكتب في القصيد وما عندي راي والليل نزع صمتي الموكر في جواي خلاني اسرح تاني فيك واعيد غناي النوم شرد مني واظن قال لي جاي قت ليهو ما تهزر معاي خليني في سهدي وآساي خليني اتنهد وابكي اكان دموعي تكون شفاي انا كنت عارف إني ما قدر الفرح كل الهموم كل الظنون تنزح وراي يا ربي يا كاشف غطاي أنا ما جنيت أنا جيت افتش في حبيب روحي وهواي
صادفني طيفك يوم صباح ولي باح انكى الجراح والشوق ملفلف فيني صاح كفاك مِزاح لامتين تباري العتمة والليل والنواح نازعت فيك الروح وبقيت اسكِت في الجراح مرات أقول ليه تظلما اديها من حِنك براح ومرات أقول هي السابتك يا زول ..... أرح بصبر عليك قدر المحب قالوا السماح وانا من عرفتك حفظت إسمك بكل صراح
|
|
|
|
|
|
|
|
Re: شوفوها وين ؟؟ الـ مني غابت وإنفطر قلبي وحشاي !! (Re: نادية عثمان)
|
Quote: Quote: انا كنت عارف إني ما قدر الفرح كل الهموم كل الظنون تنزح وراي يا ربي يا كاشف غطاي أنا ما جنيت أنا جيت افتش في حبيب روحي وهواي
يالآ هذا الإصرار المشروع !
سلم إلهامك يارقيق الشعر والمشاعر ! |
تسلمي انتي دي يا ندوية يا عسل اصر يصر إلحاحاً ( وجه ضاحك ) اسعدني تواجدك يا رقيقة المشاعر الندية مشتاقين كتير يا نادية وابقي طمنيني على والدك .
| |
|
|
|
|
|
|
Re: شوفوها وين ؟؟ الـ مني غابت وإنفطر قلبي وحشاي !! (Re: هاشم أحمد خلف الله)
|
Quote: شوفوها وين ؟ الـ مني غابت وإنفطر قلبي وحشاي خلتني زي زولاً غريب تائه وسابح في سماي فتشت ليها وراء النجوم صبحي ومساي سافرت لكل المدن كل الجزر ورجعت ساي سألت عنها في المؤاسم صيفي وشتاي سألت عنها كل زول حاسس وشاعر بشقاي شوفوها وين؟ النظمت شعري وغناي شوفوها وين؟ الما حكت لزول سواي |
الله يخليك يا وجيه ويلزمك الصبر
كلمات
بسيطة
سهلة
سلسة
ممتعة
سهلة الحفظ
نغم بدون موسيقى
وهذا دليل على صدق حواس ومشاعر صانعها
محبتي
| |
|
|
|
|
|
|
Re: شوفوها وين ؟؟ الـ مني غابت وإنفطر قلبي وحشاي !! (Re: إبراهيم عبد الحليم)
|
Quote: شكرى على المكالمة وهذا النص الراقى ابحث عن نص وطنى فيهو شوق للوطن
تقبل منى هذه المقطوعة |
صديقي الجميل والموسيقار العظيم إبراهيم الف حمداً لله على سلامة الوصول لارض الخواجات بعد الإطمئنان عليك هاتفياً .
مشكور على المقطوعة اما بخصوص النص الوطني اظن إني كتبت حاجة إسمها ( بلدي السمح ) هل يا ترى مرت عليك ولا بتبحث عن نص معين بمواصفات خاصة جداً
| |
|
|
|
|
|
|
Re: شوفوها وين ؟؟ الـ مني غابت وإنفطر قلبي وحشاي !! (Re: اساسي)
|
لمن تلاقى رويحتك كلمها دى الصوتها لحد الصفا وغاية جمال مابوصفها ما شفتها لكنها عنوان الجمال والمعرفة دى القاعدة تغزل فى الحنان من حبها توب للصغير وللكبير ماعرفتها؟
يا زول جميل شكرا على الحرف البيسحر وكم يميل
شكرا ليك وليها على التهانى من خلال التلفون اجمل تهانى واحلى ناس
| |
|
|
|
|
|
|
Re: شوفوها وين ؟؟ الـ مني غابت وإنفطر قلبي وحشاي !! (Re: سلمى الشيخ سلامة)
|
Quote: لمن تلاقى رويحتك كلمها دى الصوتها لحد الصفا وغاية جمال مابوصفها ما شفتها لكنها عنوان الجمال والمعرفة دى القاعدة تغزل فى الحنان من حبها توب للصغير وللكبير ماعرفتها؟
يا زول جميل شكرا على الحرف البيسحر وكم يميل
شكرا ليك وليها على التهانى من خلال التلفون اجمل تهانى واحلى ناس |
لاقيت روحيتي الملهة كلمتها بت الهنا ما بتتوصف في جمالا وحِنها زهرة حياتي وبلسما
الله يديك الصحة والعافية يا بت الشيخ وتاني بتصل عليك واهنئيك بالمولد الجديد إذا الله اراد
| |
|
|
|
|
|
|
Re: شوفوها وين ؟؟ الـ مني غابت وإنفطر قلبي وحشاي !! (Re: اساسي)
|
Quote: انا علي وعدي وعهدي معك يا هاشم وسوف لن اخلفه , ولن اترك هذا الامر يمر كما تريد له فهذه الاعمال من الاجحاف في حقها ان تظل حبيسة هذا الحيز الضيق |
صديقي الجميل اساسي الأساسي اسعدني حضورك ستخرج هذه الأعمال عما قريب وهذا وعد مني ليك خليك قريب بس .
| |
|
|
|
|
|
|
Re: شوفوها وين ؟؟ الـ مني غابت وإنفطر قلبي وحشاي !! (Re: هاشم أحمد خلف الله)
|
Quote: شوفوها وين ؟ الـ مني غابت وإنفطر قلبي وحشاي خلتني زي زولاً غريب تائه وسابح في سماي فتشت ليها وراء النجوم صبحي ومساي سافرت لكل المدن كل الجزر ورجعت ساي سألت عنها في المؤاسم صيفي وشتاي سألت عنها كل زول حاسس وشاعر بشقاي شوفوها وين؟ النظمت شعري وغناي شوفوها وين؟ الما حكت لزول سواي |
شوفوها وين الأبدعت
ومنحتو تطريز المقال
شوفوها وين ؟
الطلّعت لينا أبيات الجمال
شوفوها وين ؟
وأوهبو الحب الوصال
الرائع هشام
أبيات تُلامس الجوف فترويه
مودتي
| |
|
|
|
|
|
|
Re: شوفوها وين ؟؟ الـ مني غابت وإنفطر قلبي وحشاي !! (Re: Fadl Karrar)
|
Quote: Quote: سافرت لكل المدن كل الجزر ورجعت ساي
هاشم سلام عليكم إستخدام جميل جداً لمفردة سوادانية خالصة بتخيلك يا هاشم بتقرأ في القصيدة دي وتاخد وقفة بعد كلمة ( ورجعت ) ....... ساي
تعبير شفيف مؤثر حزين
تحياتي هاشم |
صديقي الجميل فضل كرار اسعدني حضورك وتعليقك على قصيدتي المتواضعة وكلامك صحيح بعد ورجعت ساي باخد لي وقفة طويلة لاني رجعت خالي الوفاض ومعذرة لتاخري في الرد عليك المشاغل كتيرة ومزعجة والله
| |
|
|
|
|
|
|
|