|
Re: رحــــط غيمــــك (Re: معاوية عوض الكريم)
|
فاروق أبو حوة يا زول يا جميل الروح و منساب الشاعرية
سلام ماكن
هذا شعر يتغلغل في الوجدان و يطرق أبواب كثيرة ... سلمتْ قريحتك يا رجل
وقفتُ كثيرا هنا
جريدو يشيل موات الحيل سبايط ضد مبيت القو عشان زغرودة الفيضان مرق حفيان ملاقي النو يبشِّر زي تِمامة الكيف فرح دامِر وحدو القيف
الجريد و السبايط و النو و الكيف و الفرح الدامر و القيف
كلها مفردات تتابع بعضها البعض في تسلسل ممتع لا يمل و لا يكل
تخريمة : لا تنسى وصيتي لك في الكدرو
دمتم
| |
|
|
|
|
|
|
Re: رحــــط غيمــــك (Re: ابو جهينة)
|
أبو حوة
شكلك راجع من الإجازة عطشان رويان
ـــــــ
راعي التشكيل يا حبيبو
أنا قريتك بي نفسِ درجة الريدة الإنت بتعرف أصولا
و أسمع كلام أبو جهينة
| |
|
|
|
|
|
|
Re: رحــــط غيمــــك (Re: حبيب نورة)
|
Quote: أبو حوة
شكلك راجع من الإجازة عطشان رويان |
حبيب نورا:
أنا لسه هنا، بقلب الوطن حيث الطيور علي ظهر الدواب. أو كما قال الجميل عاطف خيري.
Quote: راعي التشكيل يا حبيبو |
راعيناهو يا حبوب لكن هو ما مراعيينا ياااخ.
Quote: أنا قريتك بي نفسِ درجة الريدة الإنت بتعرف أصولا |
نفس الشهيق والشهقه ديك؟ والله النفس كملتو بي شهقة خمج؟؟ وفي روايه أخري: شهقة (خرم). سلمت يا سمح..Quote: و أسمع كلام أبو جهينة |
ختيتو حلمه في (أضاني).. وفعلاً ما قاله هو عين الحقيقه وها أنا أنتهج ما نبهني له.
كل الود يا مطوفش إنت.
_______________ ما جاي قبال نقوم؟؟
| |
|
|
|
|
|
|
Re: رحــــط غيمــــك (Re: ابو جهينة)
|
Quote: فاروق أبو حوة يا زول يا جميل الروح و منساب الشاعرية
سلام ماكن
هذا شعر يتغلغل في الوجدان و يطرق أبواب كثيرة ... سلمتْ قريحتك يا رجل
|
الأنيق أبا جهينه: سلام بحد الشوق ونصل الشجن .. أهواك رغم المعترك أعلاه, وإن تطايرت رقاب الإطراء زهواً بك.. حيث بالنيل شوقه المعهود لك.. (جننتو بيك) ودرتو فيك أظن.
Quote: الجريد و السبايط و النو و الكيف و الفرح الدامر و القيف
كلها مفردات تتابع بعضها البعض في تسلسل ممتع لا يمل و لا يكل
|
تعرف يا صديقي : هذا الزخم أعلاه يُبعث حياً بين موات المفردات المنزوية طعماً ولونا:
وانا ود بيوت الطين.. باب من صريف ، مفروش حنين وجريد نخلنا الزاهي عرشو أنا ود بيوت ، ما فيها زولاً صارِّي وشو
Quote: تخريمة : لا تنسى وصيتي لك في الكدرو
دمتم |
(وأري أن الناس ما دروا وصيتكم لنا بالكدرو) أما تري وضع حافر نهجي علي حافر وصيتك؟
(علي العين والراس).. ياريس.
دمت بخيرك الذي أعلم.
كل الود
| |
|
|
|
|
|
|
Re: رحــــط غيمــــك (Re: فاروق أبوحوه)
|
Quote: مرق حفيان ملاقي النو يبشِّر زي تِمامة الكيف فرح دامِر وحدو القيف نقر . خاطر المباهج كو. |
شاعرنا أبو حوة
و انتا نَنقر في الحنايا
و تبعث ما تحلو من أريج البوح
أعرف انك لا يهمك غير هذا الشعر يجري في دماك
و لا تحتاج لتتويج من لجنة و ادي عبغر الفنية
لان لمسات قلمك لا تكفيها كل الاوسكرات و التصفيق
و لو كان اسمك .. اسم انثي ..لكنت أنا رقم سبعة و خمسين
ديل يااخ أبو حوة بعبرو عن أعجابهم بالشخص .. ما بالنص الشعري
لانو حقيقة في أعمال لا تستحق مجرد المرور العابر .. واصل كفاية حفرت اسمك بالقوافي
علي البورد دا و نحن سنتابع ب ابتهاج
محمد الفاتح خالد
| |
|
|
|
|
|
|
Re: رحــــط غيمــــك (Re: محمد الفاتح خالد حسون)
|
Quote: شاعرنا أبو حوة
و انتا نَنقر في الحنايا
و تبعث ما تحلو من أريج البوح
|
حبيبنا السمح محمد الفاتح:
ما أروع الحظ الذي جمعنا بك هنا.. وما أحلي حضورك الجميل والأنيق الكلم.
بجيك بي رواقه..
تحياتي
| |
|
|
|
|
|
|
Re: رحــــط غيمــــك (Re: haroon diyab)
|
Quote: عاد احمد
والعود احمد
تسلم ابوحوه ياجميل
بس طولت الغيبة |
يا صديقي أنا موجود هنا : مشوار الحياه اليوماتي ما بين الجبل والسهل ما بين الصعب والسهل.
تسلم يا هارون يا زين
كويس ما بنطول الغيبه كما قلتم..
كل الود
| |
|
|
|
|
|
|
Re: رحــــط غيمــــك (Re: محمد الفاتح خالد حسون)
|
Quote: ومعاك زمن .. أمتع نفسي بالدهشة
شـــــــــــــــــــــاعرنا أبو حوة
( نكون حضرنا ليك الاوسكار يا حبيب ) |
واجيلك يا شفيف الروح علي وعد الغنا الصدّاح هواكَ معايا وين ما اروح يناغم في الهنا الوضّاح
Quote: نحنا.. لا .. نهداء
أقلام لن يعتـريها الخوف
و كلمات .. لا يقتات من رصاصها الصداء
لاتزال تنتابنا و تنساب عطراً من مسام القلب
خَبرني و يحك أبو حوة
كيف تلتئم الجراح و كيف تنمو الامنيات بلا وطن ؟
فانا ما عدت أبحث عن حجر !! |
وسماءٌ غير هذي.. من وراء الحلم .. من تحت الأكنة وربا أخري صبايا عالمٌ يأتي بلا إراده.
ولكن إرادة الذي يري الحلم قافزاً من بين ثنايا الوعد القادم ، أقوي.. سيبرأ الجرح وإن غارت النصال.. وتتسلق الأمنيات العراض فرع الوطن الممتد نحو الشمس أخضراً متعافي اللون.
سيأتي اليوم يا صديقي.
وكن بخير
| |
|
|
|
|
|
|
Re: رحــــط غيمــــك (Re: محمد الفاتح خالد حسون)
|
Quote: أعرف انك لا يهمك غير هذا الشعر يجري في دماك
و لا تحتاج لتتويج من لجنة و ادي عبغر الفنية
لان لمسات قلمك لا تكفيها كل الاوسكرات و التصفيق
|
حبيبنا محمد الفاتح:
فاروق أبوحوه لا يعدو سوي درويش كلام في جبة النظم.. وهو يكتب فقط من أجل الكتابة.. لا لشئ سواها.. وأي متعة فيها أنت تعلمها. كما هو.
Quote: و لو كان اسمك .. اسم انثي ..لكنت أنا رقم سبعة و خمسين
|
أعي ذلك تماماً ولا ينحصر ذلك في الأسافير فقط بل يتعداها إلي كل الشرفات التي يطل منهاجين الإبداع الأدبي.Quote: ديل يااخ أبو حوة بعبرو عن أعجابهم بالشخص .. ما بالنص الشعري
لانو حقيقة في أعمال لا تستحق مجرد المرور العابر |
وهذا يؤسفني وينفعني.. يؤسفني حيث شخصنة المنتوج الأدبي قاتله ومحبطه.. وينفعني كلما لم يقرأني أحد ، إشتعل قلمي عزيمة في درب الحروف.
Quote: واصل كفاية حفرت اسمك بالقوافي
علي البورد دا و نحن سنتابع ب ابتهاج
محمد الفاتح خالد |
وترانا ساعون للمزيد من الكتابة يا حسون.. بالغنا البكر المندِّي وبالتحدي
أسعدتني كلماتك يا صديقي
كل الود
| |
|
|
|
|
|
|
|