سلمي الشيخ سلامه مرحبا بك في السودان وسعيدين بعودتك للوطن

Quote: سلمي الشيخ عادت الي سوداننا الحبيب

Quote: الحبر لك جميل التحيات الف مبروك لي سلمى عرس عازة وربنا يتتم على الف خير ويسعدهم في الدنيا الجميلة دي وليكم الأفراح بعودة سلمى واتمنى ان تسعدوا بها زولة فنانة نتمنى لها اقامة مثمرة في وطنها الأزلي

Quote: السودان لذيذ لكين تقعد فيهو اسبوعين ماف بلد بشبه السودان لكنه صعب شديد اول حاجة مافى احترام للشارع لا الماشى بحترم السايق ولا العكس عشان كدا بتقعد يا تكورك فى العربية او تنحشر تحت الكنبة حقت العربية تانى حاجة اغلى بلد شفتها لغاية الان اصعب بلد تمشى فيها راجلا اصعب بلد تمشى فيهو لمكتب لانه الزول البكون حارس الباب بصر ليك وشو زى الطالبك وانت زايغ ياخ صعب جدا بعدين الناس ما بقت زى زمان فى حاجة مفقودة ما عرفتها شنو؟ مافى زول بسمعك وانت بتتكلم فتضطر انك تسكت مافى حاجات كتيرة كانت زمان موجودة العربات اكتر من الناس البيوت الشاهقة كتيرة لكن بعشوائية مفرطة مافى مصرف موية احد فيها الناس ماشه بس لكين وين ؟هى زاتا ماعارفة الحياة قاسية جدا خاصة للناس الدخلهم محدود عايشين كيف ؟ مابعرف الحرس الموجود فى الشوارع بديك احساس انه مافى ثقة متبادلة بين الحكام والناس المسرح تانى رجعت ليهو الدبابات ... عشان كدا المسرح متدهور ؟؟؟