|
|
 بوست خاص للزميلات والزملاء القدامي بجامعة القاهرة فرع الخرطوم 1963- 1966... اتـجمعوا هنا!!!
|
بوست خاص للزميلات والزملاء بجامعة القاهرة فرع الخرطوم - 1963- 1966... اتـجمعوا هنا!!!
-----------------------------------------------------------------------------------------------
***- ماأجـمل العودة والتلاقي من جـديد مع زميلات وزملاء فرقتنا الظروف والسنوات.
***- درست بجامعة القاهرة فرع الخرطوم من عام 1963 الي عام 1966 تم سافرت بعـدها للدراسة بالأتحاد السوفيتي سابقآ، منذ ان فارقتهم وبعضـهم مازالوا في البال والخاطر، تلاتة واربعون عامآ وهم دومآ في الذاكرة ومانسيتهم ولكن ومع ظروف الحياة الجـديدة هنا في الـمانيا وعـدم القدرة ( حاليآ ) السفر للسودان والالتقاء مع من هم مازالوا بالسودان، والشوق الحار لرؤيتهم ولمعرفة اخبارهم واحوالهم، رأيت ان افتـح هذا (البوست ) للتواصل والألتقاء معهم مـجددآ عبـر المنبـر العام،
التـحـية اسـوقها للأخوات والأخـوة:
----------------------------------
1- حـسن عبـد الماجـد- رئيس اتحاد طلاب جامعة القاهرة فرع الخرطوم ( 1964- 1965)، عضو الجـبهة الديمقراطية وقتها- يعمل الأن محامي بالخرطوم،
2- عثمان يوسف- كان سكرتيرآ لاتحاد طلاب جامعة القاهرة فرع الخرطوم ( 1964- 1965)، عضو الجبهة الديمقراطية وقتها، يعمل بالمحاماة الأن،
3- عبدالرحـمن كبلو، كلية الحـقوق،( 1964- 1965)،
4- حـلمي عبـدالله، كلية الحقوق، من مواطـنـي عطـبرة،( 1964- 1965)،
5- علي يعقوب، كلية الحـقوق،( 1964- 1965)،
6- كمالابراهيم خليل، كلية الحـقوق، يعمل حاليآ بالمحاماة، ( 1964- 1965)، وهو والد زميلنا ب(المنبر العام) عـمرو كمال،
7- سـمير جادو غالي- كلية التجارة،( 1964- 1965)،
8- ابراهيم شـجـر- كلية الحـقوق، وكان عـضوآ بـ(حزب البعث السوداني)،( 1964- 1965)،
9- سامي احـمد شـوقي- كلية الحقوق- وكان يسكن بـمنطقة (الشـجرة)،( 1964- 1965)،
10- حـيدر الديـب - كلية التـجارة،( 1964- 1965)،
11ـ عادل مـيـرزا- كلية التـجارة،( 1964- 1965)،
12- احـمد حـمو- كلية الحـقوق- وعمل بالقضاء العسكري،( 1964- 1965)،
13- عبـدالمنعم رسـتم، كلية التجارة، وعـمل بـمصلحة الضرائب،( 1964- 1965)،
14- ادوارد مـنيـر، كلية التـجارة،( 1964- 1965)،
15- امال عباس - كلية الأداب ـ قسم اجتماع- وعمـلت بالصـحافة، (وهي غيـر امال عباس الصحـفية والتي كانت بالاتحاد الاشتراكي)،( 1964- 1965)،
16- عبدالمنعم بخـيت، كلية الحـقوق،( 1964- 1965)،
+++***- ونواصل....
|
|
  
|
|
|
|
|
|
|
 Re: بوست خاص للزميلات والزملاء القدامي بجامعة القاهرة فرع الخرطوم 1963- 1966... اتـجمعوا هنا!! (Re: بكري الصايغ)
|
سلااااام,,,اخ بكرى وكل,سنة وانت طيب,,,
احى دفعتك من طلاب/ت الفرع فى تلك الفترة,,,,
اعتقد البوست دا يمثل درجة من درجات الوفاء لتلك الفترة,,,
دفعتك ديل ممكن يكون عندهم اولاد او بنات بكتبو هنا فى البورد دا او على الاقل متابعين.....
ياريت تكون محتفظ بصور من تلك الفترة...انشاءالله صورة واحدة,,
تحياتى,,
| |
|
|
|
|
|
|
|
|
 Re: بوست خاص للزميلات والزملاء القدامي بجامعة القاهرة فرع الخرطوم 1963- 1966... اتـجمعوا هنا!! (Re: بكري الصايغ)
|
الأخـت الـحـبيبـة الـحـبوبة،
Amira Elsheikh
تـحـية الود والأعـزاز،
وألف ألف شكر علي زيارتك المـقدرة،
***- ياريت - ياأميـرة - لو كانت عندي ولو صورة واحـدة لزميل او زملاء او زميلات من ذلك الزمن الجميل. لي 25 عامآ بالمانيا ومازرت خلالها السودان ولامرة،
وماعارف الصور القديمة لسه هناك بالبيت في السودان موجودة ولالا?. املي كبير في ان يتداخل بعض الاخوات والاخوة القدامي ويشاركوا في (البوست) بالكتابة او بالصور،
***- تعرفي ياأميرة، اول ماقريت اسـمك كأولي المتداخلات بالمشاركة، انتابني شعور غريب وتسألت ( معقولة اميرة تكون من ناس دفعة 1965 القدامي?!!)، طبعآ، سبب الاستغراب انك في البروفيل قدر بنات بعض القدامي منا!!
***- لك مـودتي اخـتي أميـرة.
| |
|
|
|
|
|
|
|
|
|
Re: بوست خاص للزميلات والزملاء القدامي بجامعة القاهرة فرع الخرطوم 1963- 1966... اتـجمعوا هنا!! (Re: بكري الصايغ)
|
التحية لك يا أستاذ بكري ولكل الرفاق الذين زاملتهم,
عرفت مجموعة منهم وهم من اخوانا الكبار في الخرطوم غرب
والخرطوم عموم ,,تلك الفترة كانت الجامعة تبدا من العصر
وكنا معجبين بالشباب والبنات الحلوين البدرسوا في الفرع
طبعا يابكري نحن الشفع الكان بلعبوا الدافوري في شارع
الجامعة, حليل الزمن الجميل ان شاء الله ربنا يجمعك بكل
الحبابيب, اخر شخص شفته هو الاخ حيدر بابكر الديب كان
مدير المعاشات, طبعا بيتهم كان مبني السفارة الامريكية
حاليا.
مودتي يا أستاذ بكري
| |
|
|
|
|
|
|
|
|
|
Re: بوست خاص للزميلات والزملاء القدامي بجامعة القاهرة فرع الخرطوم 1963- 1966... اتـجمعوا هنا!! (Re: بكري الصايغ)
|
الأخ الـحـبيـب الـحـبـوب،
سيف الدولة كامل،
تـحياتي ومـودتي،
وكل عام وانتم بخيـر،جعله الله تعالي عام الافراح والمسرات والسلام ولقاء الاحباب بالحبائب والناس الطولو الغياب..
***- تعرف ياسيف، انا سكنت في الخرطوم شارع الاستبالية من عام 1956 وحتي عام 1973، ودرست بالمدرسة الانجيلية والخرطوم الثانوية المصرية، وبعرف كل الأسر الكانت في الخرطوم غرب، وشارع علي عبداللطيف، وشارع عبدالرحمن المهدي، وشارع الحرية (ومابعد كوبري الحرية) ،وناس السكة حديد (بيوت القطاطي) ،والمرطبات، ونمرة تلاتة، وميدان عبدالمنعم قبل مايتحول لنادي الأسرة،وايضـآ،... واغلب الاسر بجوار السينما الوطنية غرب والكنيسة الانجيلية والكلية القبطية (اولاد وبنات)،وبعرف بعض الاسر الكانت ساكنة في ( قشـلاق) البوليس في شارع علي عبداللطيف، وتحول بقدرة قادر لبنك فيصل الأسلامي،
***- لي علاقة متينة مع اغلب الأسر القبطية بحكم ان منطقة الخرطوم ( شرق شارع الحرية) كانت بيوت اوقاف الكنيسة.
***- وحتمآ بكون اعرف اسرتك الكريمة!!
***- ياحليل خـرطوم الخـمسينيات والستينيات، وناس الزمن الجـميل داك!
***- لك مودتي.
| |
|
|
|
|
|
|
|
|
|
Re: بوست خاص للزميلات والزملاء القدامي بجامعة القاهرة فرع الخرطوم 1963- 1966... اتـجمعوا هنا!! (Re: بكري الصايغ)
|
يا أستاذ بكري والله انا حاسي من اول وهله انا بعرفك,, انا سكنت في شارع
الاسبتالية من 1964 وحتي 1983 جيرانا ناس كمال عمر بابكر والمرحوم معتصم
عبد الحليم وعبدوني ونجيب واولاد شورة واولاد فضل الله وسمير جنيدابي عليه رحمة الله
واولاد بشير موسي جلال وعابدين , فريقنا في الرابطة كان فريق الامير اكيد تكون لعبت
فيه, كان ضمن الفريق بكري حارس المرمي عليه رحمة الله وبكري نظرية زول طويل كان بلبس
نظارات ما يكون ده انت ,, واللاعب الفنان كمال مبارك والفاتح خواجة وشلة كبيرة,
أكيد بعرفك 100% لانه كما قلت نحن في غرب بنعرف كل ناس الخرطوم ,, وبالمناسبة يا بكري
والدي مولود في السوق العربي سنة 1922. هل يا بكري انت شاركت في الانتخابات سنة 1968
وكنت مع مجموعة التجاني عامر؟ في زول في شاكي انه هو انت.. انا سعيد بيك يا أستاذ بكري
وأحي كل الاجباب في الخرطوم غرب بما فيهم صلاح الجاك ما ننساه. بيتنا تالت بيت علي يديك الشمال
وانت جاي من شارع علي عبد اللطيف تجاه المستشفي.
تسلم يا أستاذ بكري
| |
|
|
|
|
|
|
|
|
|
Re: بوست خاص للزميلات والزملاء القدامي بجامعة القاهرة فرع الخرطوم 1963- 1966... اتـجمعوا هنا!! (Re: بكري الصايغ)
|
واكيد اهلك ناس توفيق عبد الرحمن وصالح عتيق
وعم عواض بالقرب من مخبز عبد السيد سيحة.
------------------------------------------------
***- توفيق عبدالرحمن الصايغ، توفي لرحمه الله،
وعبدالرحمن ابنه يعمل قانوني بامارة الفجيرة، وعماد الابن الكبير بالخرطوم.
***- صالح عتيق، ايضآ توفي لرحمه مولاه، وهشام ابنه في قطر، والدكتور عصام في ابوظبي،
***- عم عواض، توفي لرحمه مولاه، واولاده وبناته بالخرطوم- اركويت-
***- اولاد العم عبد السيد في استراليا،
| |
|
|
|
|
|
|
|
|
|
Re: بوست خاص للزميلات والزملاء القدامي بجامعة القاهرة فرع الخرطوم 1963- 1966... اتـجمعوا هنا!! (Re: بكري الصايغ)
|
شكرا يا بكري,,,
عماد توفيق دفعتي وعبد الرحمن صديق عزيز وهشام صالح عتيق الدفعة القدامنا وهم اولاد حلتنا واصحابنا.
اولاد عم عواض مجدي الدفعة الورانا ونحن ساكنين معهم في اركويت, والجد عبد الرحمن الصايغ كان زميل
الوالد في مصلحة المساحة عليهم رحمة الله جميعا. واستاذ احمد صادق شاهين عديل عم توفيق استاذي وزميلي
عملت معه في مدرسة الخرطوم الجديدة,,, وما تنسي الخالة العزيزة طماية. معليش يا أستاذ بكري فتلت ليك
البوست بي ناس الخرطوم غرب,,,, بس لسه يا بكري ما وريتنا موقعك بالضبط في غرب؟
مودتي
| |
|
|
|
|
|
|
|
|
|
Re: بوست خاص للزميلات والزملاء القدامي بجامعة القاهرة فرع الخرطوم 1963- 1966... اتـجمعوا هنا!! (Re: بكري الصايغ)
|
الأخ الـحـبيب الحـبوب،
سيف الدولة كامل،
تـحياتي،
***-تعرف ياسيف، انا دلوقت قاعد في نادي كبير ومليان بخلق الله والعالمين بحتفلوا بالسنة الجديدة، عدد الحاضرين لايقل باي حال من الاحوال عن 2000 ألف مدعو من جنسيات مختلفة، ومن ملل واديان متنوعة،و بنات واولاد وشباب وشفع وعجائز وكل واحـد مشغول بحاجة، وانا مشغول بجهاز كمبيوتري والغريب انو السنة الجـديدة دخلت علي وانا معاك!!!
***- 0016466966593
تلفونك ابي يـجئ معاي!!
***- الساعة دلوقت عندنا بتوقيت المانيا: 3 صباحآ و18 دقيقة!!
لك مودتي-
| |
|
|
|
|
|
|
| |
سيف الدولة كامل
فيس بوك
تويتر
انستقرام
يوتيوب
بنتيريست