|
Re: عقد الجلاد...رأس السنة... إستاد ود نوباوي... (Re: Awadallah Bashir)
|
الاحباب جميعكم..كل عام وانتم بخير كما وعدناكم سابقاً ..بعود حميد لربان المجموعة المبدع النو وفي حفل كبير تم الاعداد له جيدا ...وضمن الاحتفال برأس السنة لهذا العام وبانزال عملين جديدين من الحانه.
سواح ...كلمات عمر الطيب الدوش ..
بلاد النور...كلمات عماد الدين ابراهيم..والتي تغنت بها من قبل الفنانة المعتزلة حنان النيل رد الله الينا صوتها... وبرعاية مجموعة دال
| |
|
|
|
|
|
|
Re: عقد الجلاد...رأس السنة... إستاد ود نوباوي... (Re: Awadallah Bashir)
|
الاحباب جميعكم..كل عام وانتم بخير كما وعدناكم سابقاً ..بعود حميد لربان المجموعة المبدع النو وفي حفل كبير تم الاعداد له جيدا ...وضمن الاحتفال برأس السنة لهذا العام وبانزال عملين جديدين من الحانه.
سواح ...كلمات عمر الطيب الدوش ..
بلاد النور...كلمات عماد الدين ابراهيم..والتي تغنت بها من قبل الفنانة المعتزلة حنان النيل رد الله الينا صوتها... وبرعاية مجموعة دال
| |
|
|
|
|
|
|
Re: عقد الجلاد...رأس السنة... إستاد ود نوباوي... (Re: Awadallah Bashir)
|
الاحتفالات برأس السنة تقليد تقوم به المجموغة منذ عدة سنوات بدأت باسياد التحرير ببجري وانتقلت ألى استاد ودنوباوي قبل اربع سنوات... ويقدر عدد الحضور خلال كل هذه السنوات بأكثر من 15000 الف من المعجبين من مختلف الفئات العمرية..والكثير من الاسر المهتمة... ما يميز الاحتفال هو التركيز علي العرض الغنائي الموسيقي فقط فقلما تجد عشاء مصاحب او مغريات جذب كالهدايا والسحب على التذاكر ...أي حضور من أجل الإستماع والفعل الثقافي...
| |
|
|
|
|
|
|
Re: عقد الجلاد...رأس السنة... إستاد ود نوباوي... (Re: Awadallah Bashir)
|
الاخ عوض الله يا سلااااااااااااااام ياخ هيجت فينى الذكرى القبيل بختكم وبختكم وبختكم كلمنى ود امى الحنين وحلفففف الففففف علا اجى واحضر وعدتو خير وان شاء الله خير دربا اخضر يسهل لى الجية ..والله نفسى اكون معاكم يا رب يا كريم التحايا عبرك للعقد الفريد وربنا ما يفرقكم تانى ان شاء الله وحبة حبة الشوق عليكم
**** متاوقة انور ود امى الحنين الشوق غيمة ومطرتين والود جرف وقيفتين والله نااويه والمقدم الله والرسول كلم البدرى ود امى عشة اليجى من باكرية ودعواتكم لى الله يسهلا على وكل سنة وانتو طيبين وسالمين وتامين وان شاء الله ديمة عامرين
شكراخى عوض الله والتحية عبرك لى ست العفاف والصون
| |
|
|
|
|
|
|
Re: عقد الجلاد...رأس السنة... إستاد ود نوباوي... (Re: Awadallah Bashir)
|
حبيبنا عوض الله
كيفك وكل سنه وانت طيب
يا حليل الايام الجميله والمشوار من الجزلى للخرطوم لحضور ندوه او جلسه للمرحوم مصطفى
........................................................................................
تحياتى للعربى انور طبعا المفروض السنه الفاتت يعزمنى لكن ما عزمنى كالعاده ..
لكن قالو اهلنا الوصيه فى الزمه ..عايز شريط الحفل او الاغانى الجديده ترسلو لى مع العريس
وليد .......ما تنسى .....ولك التحيه والاحترام ومنتظرنك برضو ...
| |
|
|
|
|
|
|
Re: عقد الجلاد...رأس السنة... إستاد ود نوباوي... (Re: HAMZA SULIMAN)
|
عوض الله بشير أنور عبد الرحمن عمر بانقا حمزة سليمان
في بوست واحد؟
هسي الواحد يقول شكراً ليكم ولا شكراً لبكري ولا شكراً للسودان الأدانا ليكم؟
مفروض تفخروا بأنفسكم حد السماء لأنكم شاركتوا بوضوح في صياغة وتشكيل وجدان هذا الشعب ولأنكم الفرقة الموسيقية الوحيدة - في العالم - اللي صمدت لأكثر من ربع قرن
ياخ نحن بنحبكم ،،
| |
|
|
|
|
|
|
Re: عقد الجلاد...رأس السنة... إستاد ود نوباوي... (Re: Awadallah Bashir)
|
اختنا تيسير عووضة.....
شكراً ليك انتي لأنك أصيلة وبتعرفي السمح ... شكراً لكلامك الملان تقدير ...والمحفز لمزيد من العطاء...
شكرا لبكري كمان لانو اهدانا وطن حر وحميم نلاقي فيهو كل الاحباب...ونتشايل الهموم ونتقاسم الافراح..
دمتي يا عزيزة ووفق الله احلامك و امانيك للوطن..الفي راسنا وفي راسك.
| |
|
|
|
|
|
|
Re: عقد الجلاد...رأس السنة... إستاد ود نوباوي... (Re: Awadallah Bashir)
|
Quote: عقد الجلاد...رأس السنة... إستاد ود نوباوي... |
عوض الله العزيز مساء الخير
يعجز اللسان عن الشُّكر الذي تستحقّه يا صديقي بس الحفلة دي خيانة عديل كدا يعني تاااااااااني نجي برضو يوم واحد ولاّ شنو ؟
تحاياي لكُلّ شباب المجموعة ويا أنور العزيز سلامات وأشواق وأجدع لي رقمك في الماسنجر أو الإيميل لو سمحت
محبّتي العميقة
| |
|
|
|
|
|
|
Re: عقد الجلاد...رأس السنة... إستاد ود نوباوي... (Re: Awadallah Bashir)
|
Quote: عوض الله بشير أنور عبد الرحمن عمر بانقا حمزة سليمان
في بوست واحد؟
هسي الواحد يقول شكراً ليكم ولا شكراً لبكري ولا شكراً للسودان الأدانا ليكم؟
مفروض تفخروا بأنفسكم حد السماء لأنكم شاركتوا بوضوح في صياغة وتشكيل وجدان هذا الشعب ولأنكم الفرقة الموسيقية الوحيدة - في العالم - اللي صمدت لأكثر من ربع قرن
ياخ نحن بنحبكم ،، |
شكرا يا تيسير... ابلغ كلام....
عقد الجلاد.. هم عقد الموسيقي والغناء و الفن الراقي و الجميل... لكم قلوبنا..وارواحنا...
| |
|
|
|
|
|
|
Re: عقد الجلاد...رأس السنة... إستاد ود نوباوي... (Re: هواري نمر)
|
عزيزنا عوض الله بشير
تحيات نواضر ليك ولجميع من حولك
والله انا شرح زميلتنا العزيزة تيسير
Quote: عوض الله بشير أنور عبد الرحمن عمر بانقا حمزة سليمان
في بوست واحد؟
هسي الواحد يقول شكراً ليكم ولا شكراً لبكري ولا شكراً للسودان الأدانا ليكم؟
مفروض تفخروا بأنفسكم حد السماء لأنكم شاركتوا بوضوح في صياغة وتشكيل وجدان هذا الشعب ولأنكم الفرقة الموسيقية الوحيدة - في العالم - اللي صمدت لأكثر من ربع قرن
ياخ نحن بنحبكم ،، |
تحياتي للجميع
----------------- التكينة يا أنور نشكر حضورك وصورك البتخلي الفرح عند بابنا
| |
|
|
|
|
|
|
|