كتب الكاتب الفاتح جبرا المتوفرة بمعرض الدوحة
|
|
 إنتى لسة ما دخلتي يا "حيوانة"
|
يا شباب الجملة الفوق دي سمعتها في عيادة دكتور وتقريباً هي الأسوأ على الاطلاق مما سمعت من (قلة أدب)
الأسبوع الماضي ونحن في عيادة طبيب والمكان مكتظ بالمرضي في انتظار الدكتور يدخل شاب(للاسف) ويخاطب زوجته الجالسة في وسط الناس وكانت وقتها تتجاذب اطراف الحديث مع زوجتى وبعض الحاضرات وفي قمة السعادة!
يدخل هذا المنفصم وبأعلى صوته يوجه الكلام القبيح للمسكينة...إنتي لسة ما دخلتي يا حيوانة!!
والله لم أحس بغضب مثلما احسست في ذلك اليوم...ببساطة يلغي هذا الغبي إنسانيتها ويصفها بالحيوانة ويسبب لها كل هذا الضيق وفي حضور أكثر من ثلاثين شخص!
ويتمادي البليد بعدما يعلم بأن الدكتور لم يأتي ونحن جموع الحيوانات كلنا في الانتظار ويوجه هرائه للمسئول عن التسجيل...يا أخي والله جايين من بعيد ممكن تدخلنا الاول!
وبعد رفض الرجل المستاء اصلاً يواصل في قلة الادب والله لو داير اخش اخش جوة عينك!
بالله نوع دا يقولو عليه شنو؟
المهم بعد مقابلة الطبيب يخرج (الفحل) الما حيوان وتتأخر زوجته لتهمس وأنا شاهد بصوت خفيض للمسجل "معليش أمسحا لي في وشي"
فيرد عليها بلا تردد والله إنتي ارجل من راجلك واشهم منو!
|
|
  
|
|
|
|
|
|
|
 Re: إنتى لسة ما دخلتي يا "حيوانة" (Re: سامى عبد الوهاب مكى)
|
ذاك أنتهى من آدميتها
وهذا إنتهى من أنوثتها،،
| Quote: والله إنتي ارجل من راجلك |
====
موقف عادي ياحبيب في السودان ،، بالأمس وأنا أستقبل زوجتي في المطار
لاقيت واحد بينهر في (زوجته / أخته) بشكل تصطك له الأسنان،،
المطار مليان جنسيات الدنيا وهي ترتعد من هول ما أصابها،،
الله لنا جميعنا ، فطبعنا فيهو شيء فظ موروث ،،
| |
|
|
|
|
|
|
|
|
|
Re: إنتى لسة ما دخلتي يا "حيوانة" (Re: BAKTASH)
|
لا استغرب لتعليق الأخ عبد اللطيف فنحن للأسف لا زال أكثرنا يعتبر الزوجة من ضمن المقتنيات والأمتعة..وينعكس هذا الفهم العجيب على شكل التعامل والتصرفات غير الكريمة وما شاهدته وسردته قد يكون مثال بسيط لا يعكس كل الواقع بقدر ما يعكس جزء بسيط قبيح منه!
لمن يظن أن هذه المفاهيم في طريقها للإنقراض عليه أن يعلم بأن هذاالشخص المقصود (شاب في منتصف الثلاثينات) شاب للأسف يعتبر نفسه "إنسان" له حق إمتهان كرامة زوجته وإنسانيتها أمام مرأى ومسمع من الجميع في نوع من التباهي البليد!
بل يعتبر نفسه أولى من باقي البشر بأن تتم معاملاته قبلهم!
| |
|
|
|
|
|
|
|
|
|
Re: إنتى لسة ما دخلتي يا "حيوانة" (Re: سامى عبد الوهاب مكى)
|
أستاذ سامي
لك التحايا والود
دا مفروض تقوم وترشو كف لمن يقع في الواطة - لكن تلقاهو عسكري يا استاذ سامي
أستاذ عبداللطيف
| Quote: الله لنا جميعنا ، فطبعنا فيهو شيء فظ موروث ،، |
نعم الله لنا جميعاً
لكن يارجل تصدق انت لمن تكتب اخوك بيقعد يقرأ ليك بي مزاج
كأنك تكتب ما أريد أن أكتب.
أبومجتبى
| |
|
|
|
|
|
|
|
|
|
Re: إنتى لسة ما دخلتي يا "حيوانة" (Re: سامى عبد الوهاب مكى)
|
حبيبنا باكتاش : أكيد دايما في أمل بإذن الله ، وأول المؤشرات لهذه الأمل
هو إمتعاض اخي سامي على هذا السلوك ، وأكيد الكثيرون داخل العيادة
إستهجن هذا السلوك ، ونحن أيضا ، ولم نستثني أنفسنا من هذا النهج
في حياتنا،، ثاني الخطوات أن نواجه أنفسنا علانية بهذا العيب الكبير فينا
وعدم الإستجابة لذوي الأصوات العالية ، ووضع شروط إحترام الزوجة
وتقديس حياتنا الزوجية وصون كرامة أم العيال ضمن بنود القسيمة،،
It is never too late, Baktash, we only need 2 start.
حبيبنا أبو مجتبى،،
أشكر لك حفزك همتي أن أكتب مايسعدك ، خصوصا وخيطنا
يتلاقي في البرنابيو, وقد آتيك منه بما يجمل هذا المكان،،
أشكرك ثانية للتعبير ببوح جميل عن صدق أحساس تحسه،
وهذا أيضا أحد نقاطنا التي تحتاج جرأة سامي في التناول و
تنادينا للمؤازرة والإعتراف بالنقص علانية،،
شكرا سامي والجميع،،
| |
|
|
|
|
|
|
|
|
 Re: إنتى لسة ما دخلتي يا "حيوانة" (Re: انس التوم احمد)
|
سامي
تحياتي
والله وجعتني العبارة شديد ..للأسف العنف اللفظي موجود بشكل كبير ..
والحقيقة هو برجع لنقص في الشخصية ..وفي رجال ما بطيب ليهم "النهير "إلا قدام الناس على طريقة
شوفوني ..وعبارات زي .."إتحركي "...وما "تمشي بسرعة" .ويلا ياخ "ومعاها كلام باليدين وإصطناع لزهجة
ما مبررة تكاد تكون صورة مألوفة في الواقع بتعانا للأسف ..
ربنا يعدل الحال
| |
|
|
|
|
|
|
|
|
|
Re: إنتى لسة ما دخلتي يا "حيوانة" (Re: داليا حافظ)
|
............
الأرواح جنود مجندة ما تشابه منها إئتلف وما تنافر منها إختلف .... لكن المادة لعبت دور كبير فى إزالة مكونات التنافر والتشابة والإئتلاف والإختلاف .... الراجل الكل يعرفه بسوء خلقه ... يدوهو مرة متل الدهب عشان عندو قروش ......والله فى نسوان يعادلن مئات الرجال الرجال ....وراجلها (( زوجها)) ما تشتريهو بمليمة ... ضفرها ساى يوزن ملايين متلو .... البحيا فى الدينا دى بشوف حاجات ومواقف تقتل ود القبايل واقف .....المرة هى الأم أولا والصديقة ثانيا والحبيبة ثالثا والزوجة رابعا ... ومواقف كتيرة تلقاها معاك ....لما العالمين كلهم يكونو ضدك ....
تستحضرنى قصة لراجل تزوج بت عمه وبعد فترة القريشات كترو صاحبك لقو ليهو واحدة تانية تزوجا ورحل معاها وفتح للزوجة بت العم وبعد سنتين تدهسو ليك عربية تكسر ليك رجلينوغلبا موضوع شيلو وجيبو رحلت خلتو فى بيتو ... بت عمو مشت جابتو ....ليس من أجل رغبة فى راجل ((مكركع)) .... لكن رغبة فى أخد الأجر فى زوج لا يعرف للجميل قدر او رد .... قصص وحكاوى توجع القلب
............
| |
|
|
|
|
|
|
|
|
|
Re: إنتى لسة ما دخلتي يا "حيوانة" (Re: داليا حافظ)
|
Quote:
والحقيقة هو برجع لنقص في الشخصية ..وفي رجال ما بطيب ليهم "النهير "إلا قدام الناس على طريقة
شوفوني ..وعبارات زي .."إتحركي "...وما "تمشي بسرعة" .ويلا ياخ "ومعاها كلام باليدين وإصطناع لزهجة
|
والله يا داليا علي قول ود االصايم جبتي النجيضة ،،،
الزي دة بيكون عندوعقدة ومركب نقص بتم شخصيتو بالحركات دي .......
بوست هادف نتمني ان يجد الموضوع حظه من النقاش...
| |
|
|
|
|
|
|
|
|
|
Re: إنتى لسة ما دخلتي يا "حيوانة" (Re: طلال جبير جابر)
|
التحية لصاحب البوست وزملاؤه...
انا اعتقد برضه العيب على تربية المرأة البتقبل كلام بالشكل ده... يعني انا لو نهّرني في الشارع قال لي امشي بسرعة، بقيف ليه عديل كده... هو مشعلق في كعب عالي زيي!
البقبل القليل بقبل الكتير، واعتقد انه المرأة جواها خوف موروث او مكتسب يجعلها ما بتقدر تحدد أطر التعامل مع الراجل.. والمسألة بتبدأ معاها من البيت.. اخوها يجي ما عنده غيار لبكره، يجدعه ليها ويقول ليها غسّلي واكوي.. رغم انهم الاتنين جو داخلين من الجامعة حسي.. .! المرأة البتسمع كلام بالشكل ده، من هي صغيرة أو في بيت ابوها، ممكن تصبر على اكتر منّه في بيت زوجها.. في نساء بستحملوا كلام وإهانة زي دي، خوفاً من الطلاق أو انه يعرّس فيها.. أو خايفة على العيال أو خايفه تحرد أو تتخذ موقف، يقوموا أهلها يرجّعها "بباركوها"، وامشي بيت راجلك.. وما تكون اخدت لا حق لا باطل...
الشاب ده بكون في بيتهم كده، او شاف ابوه بعامل امّه كده.. وجا اتزوج بت سمحت ليه بي كده.. لانه ما بعرف طريقة تانية للتعامل غيرها... وبفتكر انه الكلام البراحه زي انه خايف من مرته أو انها حاكماه! عليك الله ده موش فهم بالقلبه!
بنت الحسين
| |
|
|
|
|
|
|
|
|
|
Re: إنتى لسة ما دخلتي يا "حيوانة" (Re: عزان سعيد)
|
التحية لكل من قرأ وتألم وعزم على تغير الواقع.
التحية لكل زوار البوست الذين عبروا عن رفضهم لإمتهان الأم والزوجة والأخت والبنت.
كل عام وانتي طيبة يا أمي الحنونة ...يا زوجتي المحبة... يا أختي العزيزة و يا بنتي الغالية.
أتمنى أن يكون 2010 عام نقدس فيه الأم كما يجب والزوجة كما امرنا.
| |
|
|
|
|
|
|
| |
مزمل خيرى
BAKTASH
الصادق صديق سلمان
نجلاء سيد أحمد
انس التوم احمد
داليا حافظ
الرشيد البصيلى
mayada kamal
طلال جبير جابر
مريم بنت الحسين
عبدالله ود البوش
عزان سعيد
بكري عباس علي
PLAYER
انتصار محمد صالخ بشير
محمد السليمانى
فيس بوك
تويتر
انستقرام
يوتيوب
بنتيريست