كتب الكاتب الفاتح جبرا المتوفرة بمعرض الدوحة
|
|
 شيخ البلولة القيادي بالمؤتمر يستنكر المسيرة التخريبية !
|
دخل محمد مسرعا مرتديا بدلته السفاري الجديدة التي اشتراها من الصين الشهر الماضي عندما رافق شيخ البلولة مسؤول قطاع البترول و التعدين بمحلية العجاجة قامت ليجد عمك شيخ البلولة ممسكا بالريموت
متىقلا بين قنوات الاغاني العربية و هو يبتسم . عمك ما أن شاهد ابن اخته و مساعده محمد داخلا قام باغلاق التلفزيون بسرعة و صاح بمحمد :
- يا ولد انا مية مرة ما قلت ليك تدق الباب ده قبال ما تدخل , زريبة هي تجي داخل توووش كدي . بعدين التلفزيون ده ما فيهو قناة الجزيرة و للا شنو ؟
حرم بفتش فوقها لي ساعة ما لاقيها ! دايرين نشوف الجماعة القالوا طالعين مظاهرات ديل !
محمد : يا خال ما انا جايك عشان كدي . في توجيه انو لازم القيادات تكون في حالة استنفار و تتابع الموقف من قريب !
عمك : يا ولد استنفار شنو و استحمار شنو ؟ انا ما بتاع الحاجات دي . انت تسوق العربية التيّ و ترفع القزاز المظلل و تتحاوم بهناك كان عشرة دقايق و للا ربع ساعة
و ترجع . بعد داك ما في زول بيقدر يغالطنا و يقول لنا ما قمتوا بالواجب ! بارك الله فيك اعمل حسابك بس العربية ما تتطفق باقي الناس ديل حاقدين خلاس الله يلعنهم !
|
|
 
|
|
|
|
|
|
|
|
Re: شيخ البلولة القيادي بالمؤتمر يستنكر المسيرة التخريبية ! (Re: HAIDER ALZAIN)
|
تحرك محمد نحو الباب و قبل أن يخرج ناداه عمك فعاد مرة اخرى ليقول له عمك شيخ البلولة:
- اسمع بعد ما ترجع من الموقع المحددينوا لينا اقعد شوية عشان تكتب ليك كلمة
و للا كلمتين في الكومبيوتر في الداهية البتكتبوا فيها دي سودانيين في اللاين
و للا سجم الرماد دي و كلم اصحابك كلهم و خليهم يجيبوا سيرتي و يقولوا شيخ البلولة
يقف بالمرصاد لكل من تسول له نفسه تخريب عربات و قصور و فيلات الشعب السوداني
و لا نامت اعين الجبناء هيييع. هسه امش بسراعك و اوعك تنسى القزاز لازم يكون مرفوع
طول الوكت..يللا يللا اتخارج.
| |
|
|
|
|
|
|
|
|
|
Re: شيخ البلولة القيادي بالمؤتمر يستنكر المسيرة التخريبية ! (Re: سيف النصر محي الدين محمد أحمد)
|
يا معلم في واحد كدة اسمه شيخ على تاج الدين على دا برضو طلع بلولابي واستنكر
وادان وشجب جميع اللصوص والقتلة الطلعوا في مسيرة 7 ديسمبر وقال نشالين واصحاب سوابق
شايف كيف ؟!
وجاء بولابي تاني اسمه شيخ محمد فرح ايضاً اضاف المفيد وقال ليهو اكتب ولا يهمكـ
القصة ووووين !!
القصة انه شيخ علي تاج الدين علي البلولابي قال انه يعلم خائنة اعلم الحركة الشعبية وما تخفي صدورها
شايف جنس المحن دي 
| |
|
|
|
|
|
|
|
|
 Re: شيخ البلولة القيادي بالمؤتمر يستنكر المسيرة التخريبية ! (Re: HAIDER ALZAIN)
|
Quote: يقف بالمرصاد لكل من تسول له نفسه تخريب عربات و قصور و فيلات الشعب السوداني
و لا نامت اعين الجبناء هيييع |
شيخ البلولة غايتو على قدر نيتو يا حيدر اتكلم عن التخريب . بس شيخنا على تاج الدين -اغرب لاجئ في العالم حيث انه يحب و يموت في دباديب من دفعه لطلب اللجوء- اتفوق على شيخ البلولة بحكاية الحرامية و كتالين الكتلة دي .
دي يستحق عليها نوط الكوز الاصلي ماركة ابو لستك بجدارة .
| |
|
|
|
|
|
|
|
|
|
Re: شيخ البلولة القيادي بالمؤتمر يستنكر المسيرة التخريبية ! (Re: سيف النصر محي الدين محمد أحمد)
|
اخرج شيخنا البلولة موبايله من جيب الجلابية و اتصل بصديقه القديم شيخ التوم :
- الو ..السلام عليكم ..كيفنك يا التوم اخوي ؟
-و عليكم السلام يا بلوله ..وين الغيبة ..باقي طولنا منك بالحيل...الحكاية شنو يا خوي ظنيت المرة الجديدة اخدتك من الدنيا و شغلتك تمام .
- كدي يا زول خلينا من سيرة العرس و النسوان ..البتسووا فيهو ده شنو يا ناس الشعبي..اخرتها بقيتوا تمرقوا في المظاهرات مع ناس الحركة و الشيوعيين !! يا ناس ما تستغفروا ربكم .
- الله تستغفروه انتو يا البلولة . انحنا بقينا ناس اجماع وطني و كدي ..و السلطة الحميتونا ليها دي يانا القالعينها منكم ..
- و الله دي حكاية عجيبة خلاس ! يا اخوي انت ما فكرت في العرض القلتوا ليك قبال كدي ؟ العرض ده لا زال قايم . تعلن انسلاخك و حرم وظيفتك جاااهزة تاني يوم تستلمها..معتمد قدر الضربة في محلية لبن الطير
و كان معاك اخوان تانيين برضو ما بنقصر معاهم و حقهم محفوظ ..فكر في الموضوع جزاك الله خير .
- ما تستعجلني يا البلولة..كدي الننتهي من مسيرة الليلة و بعد داك نشوف .
| |
|
|
|
|
|
|
|
|
|
Re: شيخ البلولة القيادي بالمؤتمر يستنكر المسيرة التخريبية ! (Re: سيف النصر محي الدين محمد أحمد)
|
دكتور سيف
انت يا اخوي بتكتب بالقطعة؟ القصة دي بدت من يوم 7/12 ولحدي هسي ما انتهت !!!! يا اخوي دا شيخ البلولة ولا شيخ الحلمية.
عليك الله ما تمط لنا القصة خلينا نتابع القصة بمزاج واي وقت ضاع منك او قرح يصيبك في هذا الابتلاء او اي مسغبة تصيبك نتاج هذه القصة احتسبها واجعلها في ميزان حسناتك وليكن شعارك من اجل اكمال القصة (هي لله هي لله ولا لدنيا قد عملنا نحن للبلولة فداء فلنتم القصة تماً او ترق منا الدماء)
تحياتي
| |
|
|
|
|
|
|
|
|
 Re: شيخ البلولة القيادي بالمؤتمر يستنكر المسيرة التخريبية ! (Re: سيف النصر محي الدين محمد أحمد)
|
برقية من شيخ البلولة للاخ علي تاج الدين-هولندا:
كلامك لي ود البلال عجبنا و سر بالنا قف جاري تنفيذ الخطة و السيطرة على المساجد قف
حرم بعد ده حتكون بيوت اذن الله أن ترفع و يذكر فيه اسم المؤتمر الوطني قف عفيت منك
يا علي ود تاج الدين قف هيييع.
____________________________________________________________________________
البرقية على خلفية دعوة السيد علي تاج الدين باستخدام المساجد في دعم اطروحات
المؤتمر الوطني بدون لف و لا دوران على حد تعبيره .
| |
|
|
|
|
|
|
|
|
|
Re: شيخ البلولة القيادي بالمؤتمر يستنكر المسيرة التخريبية ! (Re: سيف النصر محي الدين محمد أحمد)
|
Quote: - كدي يا زول خلينا من سيرة العرس و النسوان ..البتسووا فيهو ده شنو يا ناس الشعبي..اخرتها بقيتوا تمرقوا في المظاهرات مع ناس الحركة و الشيوعيين !! يا ناس ما تستغفروا ربكم .
- الله تستغفروه انتو يا البلولة . انحنا بقينا ناس اجماع وطني و كدي ..و السلطة الحميتونا ليها دي يانا القالعينها منكم ..
- و الله دي حكاية عجيبة خلاس ! يا اخوي انت ما فكرت في العرض القلتوا ليك قبال كدي ؟ العرض ده لا زال قايم . تعلن انسلاخك و حرم وظيفتك جاااهزة تاني يوم تستلمها..معتمد قدر الضربة في محلية لبن الطير
و كان معاك اخوان تانيين برضو ما بنقصر معاهم و حقهم محفوظ ..فكر في الموضوع جزاك الله خير .
- ما تستعجلني يا البلولة..كدي الننتهي من مسيرة الليلة و بعد داك نشوف . |
إتصال آخر من شيخ البلولة لشيخ التوم ..
- عجايييب المحن والله يا شيخ التوم .. ها يازول ناسك بقوا كمان يرشحولنا الجنوبيين لرئاسة البلد..
كيفن يا شيخ التوم حاكم امـر المسلمين وولى امرهم يبقي جنوبي .. انتو دحين نسيتو الكتائب والمجاهدات اللت الشباب ونسيتو ناس على عبد الفتاح وحاج ماجد وكل الشهداء الماتو .. باروا لي في شيخكم دا والله الا يدخلكم الكنائس عابدين حامدين ..
ضحكة مجلجلة من شيخ التوم .. بعدها
- كح كح استغفر الله .. الله يقطع طاريك يا البلولة المسخوت قلت كتائب المجاهدين والشهداء ها ها ها ها
نان الناس الوقعتو معاهم موافقات وجوا استقبلوهم بالملايين في مطار عاصمة المشروع الحضاري ودخلوا اتحركوا جوة القصر الجمهوري ديل كانو جيش طارق ابن زياد ..!!
يا المسخوت الحكاية وقعت للجماعة زماااان ان كان قصر وان منشية انه ماعندها علاقة بدين وجهاد
القصة كرسي بس .. كيفن تجيب الكرسي وتقبض فيهو قوي .. وكرسينا نحن لومك بي جاااي في الدرب ضمناهو تب .. وابشرك ناس قناة الجزيرة شايلين الشيلة معانا ..
- إن كدي يا شيخ التوم هادي عرضنا قطعنا وبنشوف بقية الطائفية القرّاب مننا والحشاش يملأ شبكتو ..
- بالحيل الحشاش يملأ شبكتو واوعك بكرة اسمع في وساطات ولجنة لرأب الصدع في الحركة الاسلاميــة .. خلى بالكم نسيتو الشيخ وفعايلوا..
- وهي بتتنسي الشعب السوداني كلو ما بينساها ليو خلك نحن ..
| |
|
|
|
|
|
|
|
|
|
Re: شيخ البلولة القيادي بالمؤتمر يستنكر المسيرة التخريبية ! (Re: HAIDER ALZAIN)
|
خلف اسوار البلولة..........
تململت ام سلَمى في جلستها.. استندت على ذراعيها في محاولة لرفع كتلتها وتحريكها للوراء قليلاً لم تستطع وها هي تهبط مرة اخرى في ذات الحيّز ..
نادت بصوت من يدعي الرقة : يا دُعـــــــاء يا بـــــــــــــــــــــــت
ايوة ياعمتي
ناوليني عود كبريت ..
اعتادت ام سلمى زوجة شيخ البلولة رقم واحد ان تغرس عود الثقاب في اذنيها وتحركة حركة دائرية وبعد صولات وجولات عود الثقاب داخل الاذن ، يخرج منهكاً حاملاً معه ما تيّسر من الشمع .. تشحذ العود يمنةً ويسرة لتخلصة من وسخ الاذن كما تعتقد، وتعاود الكرّة من جديد ..لم تجدي محاولاتي نفعاً في إثنائها عن هذه العادة الضارة ..
تعللت بأن سمعها بات واضحا ً بعد التخلص من هذه المادة والآن فقط يمكنها التصنت بقليل من الجهد على العرسان ( ابن عمها البلولة وعروسه المشحطة بت الكلب ..) فهي على يقين بأن هذه المشحْطة لا سيرة لها سوى ( ام سلمى فعلت ام سلمى تركت ام سلمى قالت .. منذ ان وطأت قدماها الملعونة بيت البلولة . حتى تسرب البلولة من بين يديها وتلاشى لم يبقى منه سوى آلة تجيد السب واللعن والسخرية ..البلولة التي طالما كانت ترسم حدود العالم في دائرة هو مركزها ، اصبحت هي خارج نطاق الدائرة وزوجاته الثلاث في فلكه يسبحون..
| |
|
|
|
|
|
|
|
|
|
Re: شيخ البلولة القيادي بالمؤتمر يستنكر المسيرة التخريبية ! (Re: عرفة محمد سعيد)
|
ام سلمى امرأة خمسينية لها وجه تكسوه ملامح تتارجح ما بين جمال مُحايد وتعابير جامدة ،لها خدان يتدليان على صدغها – وذقن لا يمكن وصفه بأنه وحيد بل مقرون بذقن آخر يقع خلفه ويفوقه حجماُ وشحماً ..تستقر اذقانها الجوز على صدرها مباشرة فقد اخذت مؤامرة حاكها لها الزمن والوزن الزائد ما تبقى لها من رقبة ،اخذ الزمن رقبتها والبلولة عقلها ولم يتبقى الا هذه الكتلة الشحمية ..
رجوتها كثيراً ان تتوقف عن تناول الدهون ولا حياة لمن تنادي قالت انها ترحب بالموت اذا حضر فهو لن يجد حياة لياخذها لأن البلولة اخذ حياتها وبعثرها بين نسائه الثلاث ..
ثم ان البلولة هو من اشترط عليها ان لا تتوقف عن الاكل فهو يريدها شـــــحـــــــمـــــــاااااااااااانة مــــــــــــربْـــــــــــــربـــــــــــــــة ..
اعتبرت رغبات البلولة اوامر منزلة فطوقتها عقداً في عنقها الذي اختفى...
تململت مرة اخرى .. رفعت عينها نحوي بنظرة تطفح مرار وبنبرة مُرتعِشة مكسورة قالت :
شفتي يا دُعاء البلولة امس فلعني بي مركوبه في وشي
تفرست عينيها.. ثمة غشاء رمادي يغطي بؤبؤها ويداري اوجاعها ..
سألتها بتعاطف من لا حول له ولا قوة :
ليه يا عمتي !!
تغيرت سحنة وجهها :-
العفنة ديك قالت له انا شفت ام سلمى قاعدة تتصنت عليك لما كنت بتتكلم في الموبايل
سألتها بصوت خافت وانتي كنتي بتتصنتي فعلاً؟
سمعته بكورك ..قلت قاعد يشاكلها مشيت اسمع ..شافتني ..جرت كلمته الله يا ذاها
سألتها وانا أ همس : اها وبعدين
جاء محصلني ما قدرت امشي بسرعة لقاني لسة واقفة جنب الباب
بتتصنتي على كلامي يا ملعونة سمعتي شنو انضمي بسرعة السمعتي شنو؟؟؟
ما سمعت شي وحاتك يالبلولة
حرّم علي الطلاق بالتلاتة الكلام دة يمرق الا كان ادفنك حيّة
to follow
| |
|
|
|
|
|
|
|
|
|
Re: شيخ البلولة القيادي بالمؤتمر يستنكر المسيرة التخريبية ! (Re: سيف النصر محي الدين محمد أحمد)
|
خطاب شيخ البلولة لمواطني دائرته الانتخابية في حفل تدشين حملته :
اخواني و اخواتي المواطنون و المواطنات...السلام عليكم و رحمة الله
ما داير اطول عليكم انا زي ما عارفين رشحت نفسي و دايركم تدوني اصواتكم . الزلط سوينا ليكم و حفرنا ليكم البير الجديدة و المستشفى زي ما عارفين مشروعها جاهز و مصدق و باقي بس على الاعتمادات و لسة في انجازات كتيرة جاية في الطريق بس انتو ختوا الرحمن في قلبكم . اسمعوا الكلام ده مني كويس زول غيرنا بينفعكم ما في و ناس الاحزاب ديل دايرين يقلبوا البلد فوضى تاني زي زمان و دايرين يجوا يقاسمونا في رزقنا و رزق وليداتنا و حاسديننا على النعمة و كسب عرق جبينا.
و يا جماعة انتو براكم شفتوا في العشرين سنة الفاتت دي نحن اشتغلنا كيفن و الدليل شارع الزلط السوينا ليكم ده و مشروع المستشفى الناويين نعملها انشاء الله بعد ما نفوز في الانتخابات و حرم كان اديتونا عشرين سنة زيادة شارع الزلط ده يبقى شارعين و البير بيرين و مشروع المستشفى يبقى مشروعين ..و عشان ما ننسى و كدي كمان نحن طبقنا ليكم شرع الله و السلام عليكم و رحمة الله .
| |
|
|
|
|
|
|
| |
HAIDER ALZAIN
محمد عمر الفكي
abubakr salih
عرفة محمد سعيد
فيس بوك
تويتر
انستقرام
يوتيوب
بنتيريست