|
|
 شكرا الزملاء والزميلات بورداب الخرطوم على كل شيء
|
وأنتم تستقبلون القادمين ..
وتبذلون الجهد لجمع البورداب القادمين من
كل أصقاع الدنيا تدعونهم على موائدكم العامرة
في أماكن جميلة تختارونها بعناية .. يا لجمال
ما تصنعون .. شكرا لكم يا بورداب الخرطوم
الرائعين .. نواصل
|
|
 
|
|
|
|
|
|
|
|
Re: شكرا الزملاء والزميلات بورداب الخرطوم على كل شيء (Re: انعام عبد الحفيظ)
|
إنعام .. تحياتي لك ولكم جميعاً بورداب الخرطوم ..
ففي كل مرة أحضر للسودان أقفل الجوال والنت
والتلفزيون لعلي استطيع أن أمسح عن نفسي أوضار
(الهجرة الطويلة الساحقة) الوذ بالقرية بكل
ما فيها ومن فيها .. تواصلي معكم في ذلك اليوم
بجنائن الكدرو فتح لي باباً لألتقي بالوطن في
فترة إستثنائية مسيرة ضغط شعبي/مؤتمرات صحفية/
ندوات سياسية/عقد تمبس/حفلة رشا شيخ الدين ببيت
الفنون ببحري .. (شعب السودان معليش ما دام حكمنا
الجيش).. وشيخنا محجوب شريف حاضرا يرى الشباب
يهتفون (حرية .. حرية) .. كأني به كان يقول:
يا شعبا لهبك ثوريتك
تلقى مرادك والفي نيتك
قلت لمن كان بجواري من الزملاء بالرياض تقول لي
مخرج 18 ؟!
فتح لي لقائي معكم بالكدرو أن أكون حضوراً بندوة
قوى تحالف مؤتمر جوبا: تحدث فيها: مني أركو
مناوي /الصادق المهدي/ سليمان حامد/باقان
أموم ونخبة من قيادات المعارضة من كل القوى
المؤتمر الشعبي/الناصري/البعث .. اكتظت دار
الأمة بالحضور .. كان حضور الشباب طاغياً ..
وهتافاتهم مدوية .. كان التنوع في أبهى حضوره
وانسجامه .. طمأنني بأن الوطن لن يكون إلا موحدا
على قاعدة من العدل والحرية..
فتحت لي دعوة بورداب الخرطوم أن تكون أجازتي
لقاءاً حقيقياً على طريق الوطن البنحلم بيهو
يوماتي والتقيت في دروب الخرطوم بأصدقاء كثر
هذه المرة بعضهم فارقتهم لعقود .. خط الشيب
أصداغهم ولا زالوا يحلمون بالحرية والحب
شكراً بورداب الخرطوم
| |
|
|
|
|
|
|
|
|
|
Re: شكرا الزملاء والزميلات بورداب الخرطوم على كل شيء (Re: انعام حيمورة)
|
إنعام حيمورة .. نغبطكم على ما أنتم فيه من
فرح مقيم .. ففي الخرطوم حبل الكفيل طويل
وفي إمكان الإنسان أن يضحك حتى في نهارات
الصيف .. ويمكن بقليل من الجرأة أن يمدد
الغناء إلى ما بعد الحادية عشرة قليلاً ..
وأن يجلس على شاطيء النيل ويعب من سلسبيله
إن شاء .. ويمكن أن يغني نيلك هيلك جرى
قدامك حتى لو كان النيل عكرانا ومكتئب
المزاج وحظر التجول المقيم ومساحات
الحرية المنقوصة من جميع الجهات، والصحف
التي توغل في فضح الحقائق قليلاً.
أدام الله أفراحكم أيها الاعزاء
| |
|
|
|
|
|
|
|
|
|
Re: شكرا الزملاء والزميلات بورداب الخرطوم على كل شيء (Re: ابو جهينة)
|
الأخ - أبو جهينة .. تحياتي وحمداً لله على السلامة .. ظللت
أردد من مثلنا ذاك النهار في الكدرو ومن مثلنا ذاك المساء
في حفلة رشا شيخ الدين .. التقيت بالأصدقاء القدامى والجدد
وبمحجوب شريف يصيخ السمع لغناء جديد وشباب فتح عيونه على
تفج الدنيا ياما .. والتقيت الابن محمد خالد عبدالباقي .. وبدرالدين
صالح الشاعر الفذ .. والتقيت د. حسن الجزولي بعد غياب
طال لعقود .. عبأوا صدري بالفرح.
وكان الوطن حاضراً موسيقى الماء وأصوات السواقي وأغاني
البنات وجسارة رشا شيخ الدين .. وشعب السودان معليش
ما دام حكمنا الديش .. و
إن طلعت القمرا أخير يا عشانا
تودينا لاهلنا
بسألوك مننا
والجميع يرقصون رقص من لا يخشى الساعة 11 مساء وحظر الغناء
ورشا شيخ الدين تطلق قفشاتها أثناء الغناء ياخوانا ليه
الناس بتكلموا أثناء العزف الموسيقى؟ .. يا ربي عشان ما
عندنا صالات موسيقى ..
يا ربي الكومر بشيلنا؟!!
تقول لي مخرج 18 .. يا لنا من مغتربين بؤساء
| |
|
|
|
|
|
|
|
|
|
Re: شكرا الزملاء والزميلات بورداب الخرطوم على كل شيء (Re: عفاف أبو حريرة)
|
أم - أحمد .. تحياتي ليك وونور الله طريق إبنتنا
البوردابيةمنة الله .. هؤلاء الناس (بورداب الخرطوم)
الجميلين دعوا كل عضور بهذا المنتدى قدم للخرطوم ..
توجهناصوب جنائن الكدرو .. وجدنا بوردابيات وبورداب
بوجوه فرحة تسلم وتذكر إسمك ويرد عليك بأحسن منها
ليصبح البساط أحمديا بلا مقدمات، كأنك تعرفهم
من زمان ..
كنت قبل هذا اللقاء معتكفاً بداري .. أخرج قليلا
لعزاء أو لمجاملة في فرح .. أو لزيارة مريض ..
وأعود لبيتي حيث التومات والصادق وملاذ يفتحون معي
ملف التحقيق .. لقائي ببورداب الخرطوم فتح عيني
على خرطوم نوفمبر وديسمبر 2009م بزخمها وندواتها
ومسيراتها ولقاءاتها واحتفالاتها المختلفة نوعياً
والمؤكدة أن الأرض تدور دولاب التاريخ يدور.
| |
|
|
|
|
|
|
|
|
|
Re: شكرا الزملاء والزميلات بورداب الخرطوم على كل شيء (Re: Mohamed Abdelgaleel)
|
محمد عبد الجليل........سلامة العودة إلى الرياض......ونورت البورد
وحزينه لضيق الزمن وعدم التلاقي...
......وفعلا بورداب الخرطوم رائعون.....
... برامج اجتماعيه ولقاءات دوريه ...ووقوف فى السراء والضراء
,,,حمور زياده وتمبس أمثله....
ورحلات...وحضور دائم فى المشهد الثقافي الخرطومى....
ومتابعه لصيقه للأحداث....وفوق ده كلو...الأسره وأكل العيش....
حقيقي...بلا مجاملات..........القومه ليهم...!!!!
ولكن
يبدو إنو يفضلون البعض ......
...فهأنا فى الخرطوم من شهرين.....لا حس لا خبر....ولا تلفون أو ترحيب........
.........الحاصل شنو يخوانا؟؟
...(لوم لطيف كده::ويين انت؟؟)
| |
|
|
|
|
|
|
|
|
Re: شكرا الزملاء والزميلات بورداب الخرطوم على كل شيء (Re: Shiraz Abdelhai)
|
حمدا لله على السلامه يا ابوحميدكملت الكوارع باقى لى نجى لى بورداب الخرطوم طبعا
التقيت على عجاله فى افطار رمضان مع اختنا ناديه وكانت بشوشه مع باقى البورداب
رقم قرب المسافه ولكن برنامج رمضان كان كل الناس مشغولين ولم يتكرر اللقاء
بس انا شايف عندهم نشاط جميل وملمومين دايما ودا شى جميل طبعا تحياتى لهم جميعا
| |
|
|
|
|
|
|
|
|
|
Re: شكرا الزملاء والزميلات بورداب الخرطوم على كل شيء (Re: خالد المحرب)
|
المحرب - صديق الغفلة والإنتباه .. سلام من صبا بردى أرق
ليتك لو كنت معنا في الخرطوم نوفمبر/ ديسمبر .. لتيقنت
أن ليس بالكوارع يحيا الإنسان .. وحافظ يحمل يده يشــدها
الجبص ويهيء النفس لمسيرات جديده وجبص جديد .. ولرأيـت
بورداب الخرطوم وقد فتحوا عيوننا على الخرطوم التــي
أنجبت العديد من دور الفن والثقافة الفعالة.
| |
|
|
|
|
|
|
|
|
|
Re: شكرا الزملاء والزميلات بورداب الخرطوم على كل شيء (Re: Shiraz Abdelhai)
|
شيراز .. الرياض تنتظر الخرطوم بقلمك فأوغلي في التوثيق
حزنت على كل فعالية لم أشد إليها الرحال في الخرطوم ..
الرياض على حالها تجتر الأخبار القديمة ولا تعرف مايجري
في شوارع الخرطوم إلا كما سيف في غمد .. فالناس هنا لا زالوا
يمارسون سياسة وثقافة التكرار لا التغيير .. ينتظرون الاخبار
ليتركوا مماحكاتهم وينشغلوا بردود أفعال قصيرة النفس
تحياتي للأستاذة عائشة موسى .. لم أصدق ألا ألتقيها في خمسين
يوم لاهثة في الخرطوم وتحياتي لمعتز وبدر .. ما أقصر العمر
في الخرطوم في أيام تتميز بالحراك الفعال ..
ليتك تلتقين بورداب الخرطوم قبل عودتك للرياض .. يا سلام
عليكم بورداب الخرطوم .. أحاذر أن أذكر الأسماء فأسقط البعض
فيغضب
| |
|
|
|
|
|
|
|
|
|
Re: شكرا الزملاء والزميلات بورداب الخرطوم على كل شيء (Re: حافظ حسن ابراهيم)
|
حافظ .. ضيعت لقاءات كثيرة انتظرناك فيها في قريتنا
التقيتك في منزلي بالنوبة لأول مرة ولكني أعرفك مـن
زمان .. من زمن السمبر .. فقط كنت أخطط لألتقيك ..
فاللقاء يضع الطوبة الأخيرة في بناء العلاقات ..
عسى كسرك جبر واستعدت اليد لكسور جديد (حماك الله
وأقال عثرات الوطن الجميل رغم التناقض في أذقته)
بدرالدين وبقية العقد الفريد سيكونون لك يداً ثانيـة
وعقولا مفتوحة للمثاقفة، وتلفوني عندهم كلهم ..
وسنلتقى في أول حضور بلا مقدمات إن شاء الله ..
ليتك تنضم لفعاليات بورداب الخرطوم
نتواصل يا صديق
| |
|
|
|
|
|
|
|
|
 Re: شكرا الزملاء والزميلات بورداب الخرطوم على كل شيء (Re: Mohamed Abdelgaleel)
|
حمدالله على السلامة يا جنرال ..
كيفك وكيف العيال ..
لا تزال هنالك مساحة للتلاقي والتآخي في الوطن طالما في أمثال بورداب الخرطوم ..
بورداب الخرطوم ديل ما قاعد أكتب عنهم لأني جزء منهم ..
ولخوفي من إنو الكلام ما يكون بحجم قاماتهم وأعمالهم ..
كل شئ عندهم جميل ..
كل اللحظات التي نقضيها معهم ممتعة ..
يستقبلون كل قادم من خارج الوطن بترحاب كبير وبكرم فياض ..
لهم التجلة ..
وكل الحب والتقدير ..
| |
|
|
|
|
|
|
|
|
|
Re: شكرا الزملاء والزميلات بورداب الخرطوم على كل شيء (Re: معتصم دفع الله)
|
محمد عبدالجليل .. الصديق الإسفيري
تألمت كثيراً إذ إقتصر اللقاء على التحية، فقد كنت أمني النفس بمعرفتك عن قرب .. ورغم ذلك، فقد كان اللقاء مفاجأة جميلة لم أستثمرها، ولم أستطع قطع برنامج التعارف حينها .... ثم إجازتي نفسها كانت قصيرة.
لا أملك إلاّ أن أقول معك ..... شكراً بورداب الخرطوم.
| |
|
|
|
|
|
|
|
|
|
Re: شكرا الزملاء والزميلات بورداب الخرطوم على كل شيء (Re: Mohamed Abdelgaleel)
|
فتح لقاء بورداب الخرطوم بجنائن الكدرو عيني على
ما يجري في الخرطوم .. بعد أن كنت في قريتي أستيقظ
على (لمة ناس في خير أو ساعة حزن) .. عرفت أن هناك
حراكاً خارجاً من صمت العقود، الحديث عن التحـــــول
الديمقراطي ومسيرات قوى المعارضة وهي تمارس حقها غير
الشرعي من وجهة نظر النظام، لقاءات وندوات قوى
التحالف الديمقراطي داخل دور الأحزاب على ألا تتجاوز
الحادية عشرة مساء .. رابطة المحامين الديمقراطيين
تعبيء رئتيها من عبق حركة الشارع وتدفع في إتجـاه
إنتخابات حرة ونزيهة لنقابة المحامين .. فنانين
يطلقون حناجرهم بأهازيج التغيير، شعراء دغدغهم آمل
جديد بأن الوقت للشعر ..
| |
|
|
|
|
|
|
| |
Mohamed Abdelgaleel
انعام عبد الحفيظ
عفاف أبو حريرة
ابو جهينة
سيف بخيت موسي
انعام حيمورة
Shiraz Abdelhai
خالد المحرب
العوض المسلمي
حافظ حسن ابراهيم
معتصم دفع الله
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست