|
|
 إيميلات أعجبتني ...
|
يحمل صندوق البريد الإلكتروني يومياً عدد هائل من الرسائل مختلفة المواضيع، فبعضها ذات طابع إجتماعي من أهل وأصدقاء، وأخرى رسائل عمل ... كما أن هناك رسائل مزعجة لتسويق سلعة ما وأخرى بغرض الخداع والحصول على مبالغ مادية من مستلمها بشتى الطرق. كما أن هناك أخرى يتبرع أصحابها بنشر المعرفة والتسويق لأفكار يتبنوها خوفاً أو طمعاً.
هذا البوست معني برسائل طريفة أعجبتني أحاول إيراد بعض منها ... ولا مانع من مشاركة زوار البوست ببعض مما عندهم.
|
|
 
|
|
|
|
|
|
|
|
Re: إيميلات أعجبتني ... (Re: محمد أبوالعزائم أبوالريش)
|
هذا الإيميل وصلني أكثر من مرة .... ما يعني أنه أصاب رواجاً كبيراً:
بسبب الايميلات التي تصلني :
1. توقفت عن شرب الكولا بعد ان عرفت انه قادر على ازلة بقع الحمامات!
2. لم اعد اذهب الى السينما بسبب خوفي من ان اجلس على كرسي فيه ابره تحتوي على فايروس الايدز
3. قمت ب اعادة ارسال مئات الايميلات طامعا بأن ادخل الجنه وان لم ارسلها فسأدخل النار كما يقولون بالايميل
4. رائحتي اصبحت تشبه رائحة الكلب الميت بعد ان عرفت ان مزيلات العرق تسبب السرطان
5. لم اعد اصف سيارتي في الكراجات و صرت اضطر الى ان امشي احيانا مسافات طويله خوفا من ان يأتي شخص و يرشني بمخدر و يقوم بسرقتي
6. توقفت من الاجابه على الهاتف خوفا من ان تأتي في فاتورتي مكالمات الى نيجيريا و اوغنده و الباكستان
7. توقفت من شرب اي شيء بعلبه مقفله خوفا من ان تحتوي على بول و فضلات الفئران
8. عندما احضر حفله توقفت عن النظر الى اي بنت جميله خوفا من ان تستدرجني الى بيتها و تقوم ب تخديري ثم تأخذ كليتي و كبدي و تتركني نائم في حوض الاستحمام محاط بالثلج
9. حتى اني صرفت كل مدخراتي الى حساب الطفله " سعاد الغامدي" و هي طفله مريضه بالسرطان اوشكت ان تموت اكثر من 7000 مره .. مسكينه ما زال عمرها 7 سنين منذ عام 1993 ...
10. و اريد ان اعلن اني ما زلت على استعداد ان اساعد اي شخص من نيجريا يريد ان يستخدم حسابي لتحويل املاك عمه او خاله المتوفي و التي تزيد عن 100 مليون دولار.
11. قمت ب ارسال 35 ايميل ل 400 شخص حتى لا آتي يوم القيامه وأقول ياليتني ارسلتها قبل ما اموت
12. قمت بطلب مئات الأماني قبل ان اقوم باعادة ارسال بعض الكلمات و الصور المقدسه .. لكن ما زلت على نفس مكتبي و آخذ نفس الراتب لم يتغير شيء.
13. قمت بارسال مليون نسخه لمليون من اصحابي حتى لا يتوقف حسابي مع شركة هوت ميل
14. رميت جميع العلب والصحون والمعالق البلاستكية لانها تسبب سرطان مما جعل زوجتى تتهمنى بالجنون وطلب الطلاق
15. بطلت اشرب اى نوع من القهوه لانهم يساعدو اسرائيل وبطلت أكل الشوكلاته والعلك لانها كلها معجونه بدهن الخنزير وبعت التلفزيون والتلاجه والغسالة والكمبيوتر وساعتى و كل الاجهزه الامريكية لانهم كلاب يساعدو اسرائيل
16 ملاحظه:
اذا لم تقم بارسال هذا الايميل الى 11,674 شخص ونص خلال عشر ثواني سيأتي ديناصور ليعضك اليوم الساعه 6:30 مساءا
| |
|
|
|
|
|
|
|
|
|
Re: إيميلات أعجبتني ... (Re: محمد أبوالعزائم أبوالريش)
|
مسطول اتصل بخدمة العملاء في شركة( اتش بي) وقال ليهم انه الطابعة فيها مشكلة
الموظف : المشكلة شنو في الطابعة
المسطول : الماوس معلق وبالتالي الطابعة ماشغالة
الموظف : الدخل الطابعة في الماوس شنو ؟
المسطول : إممممممم لحظه برسل ليك الصورة
.
.
.
.
.
.
.
.
.
.
| |
|
|
|
|
|
|
|
|
|
Re: إيميلات أعجبتني ... (Re: محمد أبوالعزائم أبوالريش)
|
الإيميل التالي، ولأنه يحمل طابع سياسي، قد يكون كاتبه ممن تعوّد أنواع هذه الكتابه (أستاذنا جبرا مثلاّ)، على أي حال أورده كما أتاني:
العبد لله يقترح أن يتم كتابة التحذير التالى فى مكن بارز على رأس الصفحة الأولى من كل صحيفة والتحذير يقول : هذه الصحيفة تحتوى على تصريحات مسئولين لذلك ننصح مرضى القلب بتفادى قراءتها .. فلقد لاحظت أن حالتى الصحية بدأت مؤخراً فى التدهور بعد أن كانت عال العال منذ أن قمت بعمل دعامات فى (الشريان التاجى) قبل عام ونيف .. أنا لا أشك لحظة بأن بعض التصريحات (الغريبة) التى يطلقها المسئولون من وقت لآخر هى السبب الرئيسى فى غلبى (ووجع قلبى) وقد ضبطتنى زوجتى مؤخراً متلبساً بمخاطبة نفسى قائلاً :
– والله الناس ديل بى طريقتهم دى يوم بيكتلوا ليهم زول !!
وكمثال لهذه التصريحات والتى كتبنا عنها مؤخراً ذلك التصريح للسيدة وزيرة الرعاية الإجتماعية الذى ورد فى التقرير الذى قدمته لمجلس الوزراء والذى أفادت فيه بأن نسبة الفقر فى السودان هى 4,3% أى (مليون ونص ) مواطن !! إلأ تتفق معى أيها القارئ الكريم أن مثل هكذا تصريح عاوز ليهو زول نصيح وشديد لا تستجيب خلايا مخة أو عضلات قلبه أو جدران شرايينه لأى نوع من أنواع (الإستفزاز المفاجئ) حتى لا (يروح فيها) !! وكيفن ما يروح فيها إذا كان عدد النازحين بالمعسكرات (يعنى ما عندهم ولا مليم) في ولايات درافور الثلاث ما بين 2 مليون إلى 2.5 مليون نازح (خليكم من الفقراء التانين) !!
بالأمس القريب وأنا أطالع بعض الصحف قرأت تصريحاً أدلى به الأخ الأستاذ عبدالباسط سبدرات وزير العدل لـ « صحيفة الراية القطرية» يؤكد فيه ان نسبة الفساد لا تتعدى (1%) من جملة الناتج القومي ، بالطبع –عزيزى القارئ- لابد إذا أردنا الوصول لهذه النسبة من معرفة (إجمالى حجم الفساد) ثم قسمته على (إجمالى الناتج القومى) % ولكن المشكلة أن (الحجم الكلى للفساد) لا يعلمه حتى السيد المراجع العام نفسه إذ يقول فى تقريره : أن هنالك 70 وحدة لا تزال تحت المراجعة و34 وحده لم تقدّم حساباتها للمراجعة من بينها 4 وحدات رفضت الاستجابة (يعنى ما عاوزة تتراجع وكده!) إذن السؤال الذى يطرح نفسه (طيب الـ 1% دى جات كيف؟) أنا شخصيا لولا أننى أعرف بأن الأخ الوزير هو رجل قانونى ضليع وشاعر رقيق لإتهمته بالتبحر فى علوم الفلك ومعرفة (المستخبى) !
ولم يكتف السيد الوزير بإيراد تلك النسبة بل أضاف: (ليس الأمر في قضية مكافحة الفساد ان تجرى محاكمة الشخص الذي يقع في الجريمة، بل المهم حماية الشخص النظيف أكثر من مكافحة المفسد ) إنتهت عبارة السيد الوزير والتى أعترف بأننى قد أنفقت يومين كاملين فى محاولة فهمها ولم أوفق لذا فأنا ارشحها لتكون ضمن (فوازير رمضان) للعام القادم .
وأضاف السيد الوزير أخيراً : (نحن في السودان نعول كثيراً على الوازع الديني، واوضح ان الوازع الديني حمى الكثيرين من الوقوع في الفساد، وأشار إلى أنه يعد أكبر وسيلة لمكافحة الفساد)..
إنتهى تصريح السيد الوزير والذى معناتو إنو : لولا الوازع الدينى لكان حجم الفساد أقل !! وهنا تحضرنى طرفة للعم (الزيبق) رحمه الله وأحسن إليه صاحب القهوة المعروفه (بالسوق العربى) فى خمسينات القرن الماضى فبعد أن قام مبكراً بفتح القهوة وجلس امامها على كرسيه وبدأ الرواد فى الوصول إكتشف أن (العامل) الذى يقوم بسحن (البن) لم يحضر وفى تلك اللحظة وقف أمامه أحد (الفلاته) وقد كان مفتول العضلات ضخم الجثة وقام بسؤال الزيبق :
- عندكم شغل !
- أيوه أمشى جيب (الفندق) داك وأسحن لينا البن الفيهو
قام (الفلاتى) بسحب الفندق الخشبى الضخم المصنوع من أحد جزوع الأشجار الكبيرة ثم أمسك بيد الفندق ومع أول خبطة إنشطر الفندق إلى نصفين وسط ذهول الجميع إلا عمنا الزيبق الذى نادى (الفلاتى) وسأله قائلاً :
- إنتا فطرتا ؟
وعندما أجابه بالنفى أدخل عمنا الزيبق يده فى جيب الجلابيه وأخرج منها (ريال) أعطاه له قائلاً : - أمشى أفطر وتعال كسر لينا القهوة دى فى راسنا !!
كسرة :
حقو الناس (الإعتدوا على المال العام ديل) و(شالوا المليارات دى) يعملو ليهم كورسات مكثفة فى (الوازع الدينى) .. يعنى يمشوا يفطرو ويجو !!
| |
|
|
|
|
|
|
|
|
|
Re: إيميلات أعجبتني ... (Re: محمد أبوالعزائم أبوالريش)
|
إيميل فيهو شئ من الإحباط:
وصف البيوت في السودان
تخش بشارع المخبز (التركي) تلقى ليك محل بتاع حلويات (شامية)..... تمشي طوالي بلاقيك حلاق (فلسطيني).... جنبو بتاع سباكة (بنغالي)....... و في الركن بتاع سراميك (باكستاني)... أول شارع تدخل بيه تلقى بيت ساكنين فيه عمال (هنود) تخليه..... بعديه بتلقى عمارة ساكنين فيها لعيبة كورة (نيجيريين)..... تلف على يدك الشمال تلاقى محل شيشة (مصريين) و قدامو في عمال (صينيين) بيحفرو مجاري الخريف... و بعدين بتلاقيك شجرة تحتها ست شاى(حبشية) وقدامها بيت فيهو عطالة (سودانيين)...
أها دا البيت زاتو
| |
|
|
|
|
|
|
|
|
|
Re: إيميلات أعجبتني ... (Re: محمد أبوالعزائم أبوالريش)
|
Quote: وصف البيوت في السودان
تخش بشارع المخبز (التركي) تلقى ليك محل بتاع حلويات (شامية)..... تمشي طوالي بلاقيك حلاق (فلسطيني).... جنبو بتاع سباكة (بنغالي)....... و في الركن بتاع سراميك (باكستاني)... أول شارع تدخل بيه تلقى بيت ساكنين فيه عمال (هنود) تخليه..... بعديه بتلقى عمارة ساكنين فيها لعيبة كورة (نيجيريين)..... تلف على يدك الشمال تلاقى محل شيشة (مصريين) و قدامو في عمال (صينيين) بيحفرو مجاري الخريف... و بعدين بتلاقيك شجرة تحتها ست شاى(حبشية) وقدامها بيت فيهو عطالة (سودانيين)...
|
هه...والله لا هسي بوصفوا بالمكوجي...والنيمة...والخور...
البتوصف فيه دا...بيتا ما عندهم ليه خليج...
| |
|
|
|
|
|
|
|
|
|
Re: إيميلات أعجبتني ... (Re: فيصل محمد خليل)
|
شوفوا ده وصلنى لنج
عاوز تموت بشنو؟
لو عاوز تموت من الحسره
- ياتتفرج على اعضاء المجلس الوطني وهم يمارسون (فضيلة الصمت) تجاه مشاكل المواطنين
- يا تتفرج عليهم وهم يمارسون (حق) الكلام عن (زيادة مخصصاتهم)
لو عاوز تموت مفرووووس
- يا تقرأ لـ(عبدالرحمن الزومة) الذى يكتب عمودا يوميا (بين قوسين) يعدد فيه حسنات وإنجازات (النظام)
- يا تبحث عن (مردود) ما يسمى بعائدات النفط .
لو عاوز تموت شهيد
- يا تسافر عن طريق أحد شوارع (الموت) التى لا تصلح حتى كشوارع (داخلية)
- يا تخرج فى مظاهرة (سلمية)
لو عاوز تموت بالسرطان
- يا تتناول الخبز المحسن (بالبرومايد) الذى يباع (عينى عينك) أمام نظر السلطات
- يا تتناول (المواد الغذائية) منتهية الصلاحية المفروشه (عينى عينك برضو) على الأرض فى الأسواق .
لو عاوز تموت من الغيظ
- يا تسمع تبريرات (الحكومة) حول قوات (الهجين)
- يا تسمع تبريرات (الداخلية) حول إطلاق النار على المواطنين فى (كجبار).
لو عاوز تموت من الجوع
- ياتنتظر (الدوله) توفر ليك (شغل) تسد به رمقك
- يا تحرى ليك (قريشات) من (بيت مال المسلمين)
لو عاوز تموت من الهبل
- يا تستمع لما تبثه (الإذاعه والتلفزيون) من إعلانات (ساذجه)
- يا تستمع لإحدى مذيعات النيل الازرق في برنامج مشوار المساء
لو عاوز تموت مرعووووب
- يا تقرأ عن عدد ونوع الأسلحة والعتاد الذى تمتلكه (المليشيات) داخل العاصمة
والتى تجاوز عددها 47 حسب شهاده مسئول كبير
- يا تضع عينة من مياه الشرب تحت مكبر (مايكروسكوب) وتنظر لما تحتويه من (كائنات) غريبة الشكل !!
لو عاوز تموت من الضحك
- ياتقوم تتذكر إنو نحنا (دوله بتروليه)
- يا تقوم تتذكر أيام قبل ما يتم (إنقاذنا)
لو عاوز تموت مليونير
- يا تكون مسئول وعندك (بيزنس)
- يا تكون عندك (بيزنيس) وأخوك (مسئول)
لو عاوز تموت من الإندهاش
- يا تسأل روحك (مرتبك ده مكفيك إنت والأولاد كيف؟)
- يا تسأل روحك (المسئول ده عمل العمارات دى) من مرتبو كيف؟
لو عاوز تموت من الحزن
- يا تعود إلى البلاد من أى سفرية (خارجية) وتقارن بيننا وبين الناس البره
- يا تقيف أمام إحدى المستشفيات (الحكومية) وتشاهد المواطنين الذين يتسولون قيمة الدواء
لو عاوز تموت على الحديدة
- يا تعمل ليك مشروع تجارى و(يجوك ناس الجبايات التركية)
- يا تدخل ليك مرابحة مع (بنك إسلامى)
لو عاوز تموت قبل يومك
- يا تقوم بإجراء عملية جراحية (دقيقه) فى أحدى (المستوصفات الخاصة)
- يا تقوم بإجراء عملية جراحية (غير دقيقه) بأحدى المستشفيات (الحكومية).
لو عاوز تموت من الإستغراب
- يا تشوف مواطن عاوز يعمل ليهو عملية تتوقف عليها حياتو (بشهاده الأطباء) وديوان (الزكاه) يديهو (ملاليم)
- يا تشوف عدد حالات (إلى ذوى القلوب الرحيمة) التى تنشرها الصحف فى دولة (المشروع الحضارى)
لو عاوز تموت من الزهج
- يا تنتظر الكهرباء المقطوعه (من الصباح) تجى راجعه
- يا تنتظر دورك الـ 96 فى عيادة الأخصائى الكبير !
لو عاوز تموت مخنوق
- يا تقيف فى صف العربات الطويل المتوقفه فى إنتظار العبور للخرطوم من (أم درمان) بكبرى النيل الأبيض (الما معروف يتصلح متين)
- يا تكون واقف فى (صف دفع الجمرة الخبيثه) يوم نهاية (الدعم)
لو عاوز تموت مزهووووووول
اسمع قاضي المحكمة العيا بتكلم عن لون قميص لبني في حيثيات قضية البنطلون
لو عاوز تموت مليونير
- يا تمارس (تنزيل)
- يا تكون قريب (وزير)
لو عاوز تموت وفى نفسك سؤال ما لاقى ليهو إجابه
- يا تسأل عن (خلوها مستورة دى لمتين ح تكون مستوره)
- يا تسأل روحك (طيب ليه ما يخلونا فى الصورة) ؟
لو عاوز تموت مبسوط في الواقع الحالي دا
> (صدقنى) يا بتحلم
> - يا …….. بتحلم
| |
|
|
|
|
|
|
|
|
|
Re: إيميلات أعجبتني ... (Re: ماضي ابو العزائم)
|
واحد تاني:
ملخص الايميلات المابتنفع معاي
أولا: المقاطعة:
قاطع المنتجات الأمريكية لأنها تدعم اسرائيل.
قاطع المنتجات البريطانية لأنها تدعم أمريكا.
قاطع المنتجات الدينامركية عشان الكاريكاتير.
قاطع المنتجات الهولندية عشان الفلم.
قاطع المنتجات الألمانية لأنها جنب الدول السابق ذكرها.
و في النهاية نحن بنرسل لى بعض بعض مستخدمين الاجهزة كومبيوتر و اتصالات والشبكة و البرامج الامريكية، و كل واحد فى بيتو مركب مكيف امريكى و سخان امريكى و تلاجة امريكية ... يعنى بس حبكت على البيبسى و الشوكلاتة.
__________________________
ثانيا: الصحة:
ما تشرب البيبسي لأنه يحتوي على مواد تنظيف و عصارة خنزير.
ما تشرب ريد بول لأنه يسبب العقم..
ما تشرب شامبوين لانو غير خالى من الكحول ( فيهو كم خط)
ما تشرب عصائر طبيعية لانو فيها مواد ملونة
ما تشرب عصير طبيعي لأنه يأتي على شكل عصارة مركزة
يعنى بالعربى كدا الناس تشرب عرديب و كركدى و تعتمد على المريسة كمشورب روحانى
لا تأكل لحم البقر لأنه يسبب جنون البقر.
ما تأكل الجداد بعمل انفلونزا الطيور
ما تأكل سمك بعمل بواسير السمك
ما تأكل خضار و لا فواكه لأنها كلها هرمونات
ما تأكل معلبات لأنها تحتوي على مواد حافظة
وما تشرب عصير غير طبيعي لأنه كله ألوان
طيب يعني ناكل هوا؟!!! لأ طبعا اوعك من الهوا , اساسا الهوا دا ملوث بعوادم العربات و المصانع.
ما تدخن و ما تشرب شاي و لا قهوة علي الريق
لا تأكل مباشرة بعد الاستيقاظ من النوم
اشرب ثلاث اكواب من الماء على الريق لاذابة الدهون
شراب الماء على الريق يرهل البطن
لا تمارس الرياضة بعد النوم الا بنصف ساعة
يعني أحسن حاجة .... انك تقوم من النوم و تنتحر
ما تخلي الموية في الثلاجة داخل علبة بلاستك لأنه مسرطنة
ما تخليها في قزاز لانو ممكن ينكسر بدون ما تعرف و تشربه و تموت.
و ما تخلية برة التلاجة لأنها ممكن يتلوث.
و اياك تشرب من الماسورة لانها ما صحية
ما تشرب موية من الحنفية لأنها معالجة بالكلور
ما تشرب موية مفلتره لأنها تسبب نقص فيتامين
و ما تشرب موية صحة لانها مكررة و فيها مواد مسرطنة.
ما تشرب موية الزير لانو فيهو طحالب
ما تشرب موية بعد الأكل بتعمل غازات.
يعنى احسن اننا نشتغل بى نظرية السمك و نشرب الماء المذاب فى الهواء
ما تتكلم علي الموبايل بدون سماعة اضان عشان الموجات بتقتل خلايا المخ
و ما تتكلم عن طريق السماعة عشان الكهربا الساكنة
و ما تتكلم عن طريق البلوتوث عشان الموجات برضو بتقتل خلايا المخ
ما تتكلم بالتلفوت الثابت لأنو ممكن يوصل الصواعق و يحرق ابو اهلك
ما تتكلم بالماسنجر لأنو بيضعف البصر
احسن حاجة انو لو عندك كلام مع زول تلاقيهو فى حدائق ستة ابريل و تتكلموا على راحتكم
ما تشغل التكييف بتاع العربية اول ما تركب لأنه مسرطن
وما تخلي الهوا يجي من بره لأنو ملوث
ما تلخبط الفريون بالهواء الجاء من برة لأنو بيعمل التفاف الوجه
احسن حاجة تركب مكيف موية فى عربيتك
و اطلع في الشمس عشان فيتامين "د"
و ما تطلع في الشمس عشان الأوزون بيعمل سرطان
واطلع فى الشمس عشان تروح البهق و تحرق الدهون
وما تطلع فى الشمس عشان ما تتلف اهداب الشبكية
احسن حاجة تطلع لمن يكون فى كسوف و خسوف بس
__________________________
_________________
ثالثا: الدين و ما ادراكا ما الدين
اخخخخخخخخخخ انا من الرسائل الدينية
قم بإرسال هذا الايميل لجميع من عندك وتكسب 258649735 حسنة ....
ما علينا شوف المغصة الجاية دي لانها ورمت لي قلبي من كترة ما جاتني
حارس قبر الرسول (صلى الله عليه و سلم) اسمه احمد حلم ان الرسول (صلى الله عليه و سلم) قال ليهو انه لازم يوصل الرسالة دي.............
ياخ هو الغفير بتاع الحرم متين سوا ليهو ايميل
اذا لم ترسل هذا الايميل ل100 شخص بقرتك حا تموت فى الولادة و خروفك صوفو حا يتحتا و ابوك حا يطلق امك و حبل الغسيل بتاعكم حا ينقطع و يوقع الهدوم المغسلة .. و بالمناسبة فى واحد كان محكوم بالاعدام و رسل الرسالة دى و طلع براءة وواحد تانى مدير شركة ابا يرسل الرسالة و الشركة بتاعتو حرقت
ياخ انعل ابو دا تفكير زاتو ..
و ايميل يقولك دعاء من دعاه حققت له 100 أمنية
دعاء الامتحانات, دعاء المرة الدايرة تولد , دعاء فتح اللابتوب, دعاء ركوب الاصانصير, دعاء طهى البيتزا
بتجبوا الكلام دا من وين دا مصباح سحري ما دعاء
و بعدين فتوى تحريم الكوكاكولا
و فتوى تحريم "البوكيمون"
و فتوى تحريم "البلايستيشن
فتوى تحريم سماعة البلوتوث
فتوى تحريم ايسكريم الشعلة"
و أحلا فتوى فيهم .. فتوى قتل "ميكي ماوس" دا يلقوهو وين.. و الله لو لاقانى بقتولو طوالى
يعني أحسن حل ....
انه الواحد لا ياكل و لا يشرب و لا يتنفس و يركب الحمار بدل العربية و يشتغل فى فرن و يلبس ريش نعام و يرسل جوابات بالبوسطة
ملاحظه: اذا لم ترسلها الى 35 كديستك حا تتزوج عرفى و تجيب ليك كدايس غير شرعيين
| |
|
|
|
|
|
|
| |
محمد أبوالعزائم أبوالريش
Hussein Mallasi
nazar hussien
فيصل محمد خليل
ماضي ابو العزائم
فيس بوك
تويتر
انستقرام
يوتيوب
بنتيريست