|
كتب الكاتب الفاتح جبرا المتوفرة بمعرض الدوحة
|
|
 Re: قــــــــــبال اقـــــــــــابلك ( نص شعري ) (Re: ياسر بيناوي)
|
وفجأه بنتي علي المدي
واتولد فيني الاماني الحلوة
يا كل الامل
انو الصباح لابد يطل
وانو الفرح المن زمان فارق دروبي
يادابو قلبو عليا لان داير يهل
يشرق صباحات في مدايني
وينزل سلامات في قراي
يسقي الشرايين بالسرور
يفتح متاريس الوريد
يملاهو ريد ... حبة غنا
يفتل حبال الصوت نشيد
يملا الغرف بالدندنة
وصوت ناي هناك طرد الاسف والمسكنة
وشال النغم
لفابو كل الامكنة
حتي الغلابة المتعبين
اداها راحة الازمنة
و (وحد العمال ) وثاروا علي الهوان
والبشتنة
ادوني منجل للحصاد
شالوا المعاول للبناء
هدينا سور بيت الشبح
وقطعنا صوت كلبا نبح
هدينا سور كل السجون
وجزينا ليك كل الدقون
الكذبت باسم النبي
وبي سكر الاطفال
بنت اجمل قصور
علا الفقاري وكت تقوم
لا العسكري العامل حريف
ولا ابدقن رايح ينوم
يشهد التاريخ علي مر العصور
وانا ريدي ليك حب ماضاقو زول
وانا حبي ليك ريد مابعدو قول
*** ( انتهي ) ***
خالص الود
| |
  
|
|
|
|
|
|
|
|
Re: قــــــــــبال اقـــــــــــابلك ( نص شعري ) (Re: ياسر بيناوي)
|
الاستاذ المرهف ياسر بيناوي
والاستاذ الموصلي
وهنا اجتمع الشاعر والملحن لكم مني الاف التحايا
اخي ياسر
الفكرة وصلت ولكن ياريت تعدل مثل هذه الاشياء
Quote: لكني من دون انتبه
اقاهو واقف بي قفاي
ويعاود الحزن الملبد للهطول
زي التقول من غيري ماعافلو زول |
1- القاهو
2- وهنا في مشكلة
اذا تقصد (زي التقول من غيري ماعرفلو زول )
الافضل ( زي التقول غيري ماعرفلو زول )
عدل (ماعرفلو) او انت تقصد ماذا المهم في شي ما تمام
وطبعا اكيد السرعة هي سبب كل هذا
والكلام حلو وجميل
بوست موفق
------------------------------
وكل سنة وانت طيب وكمية من التحايا الى استاذنا يوسف الموصلي
| |
|
|
|
|
|
|
|
|
|
Re: قــــــــــبال اقـــــــــــابلك ( نص شعري ) (Re: ياسر بيناوي)
|
يا عمـــــــــك ......
باين على حــ أقابلك
عشان الدروس الخصوصية وكده ههههههه
الكتابة إلتزامو صعب ما بنقدر عليهو
فى واحد قال لى أقرأ كتير وأسمع كتير
بالله الإثنين ديل لو بقروش كان بقينا صلاح إدريس
أو واحد من الميسورين الحال ديلك ..!!!
كل سنة وانت بألف خير
كل الود
محمد كابيلا
| |
|
|
|
|
|
|
|
|
|
Re: قــــــــــبال اقـــــــــــابلك ( نص شعري ) (Re: مدثر قرجاج)
|
Quote: ادوني منجل للحصاد
شالوا المعاول للبناء
هدينا سور بيت الشبح
وقطعنا صوت كلبا نبح
هدينا سور كل السجون
وجزينا ليك كل الدقون
الكذبت باسم النبي
وبي سكر الاطفال
بنت اجمل قصور
علا الفقاري وكت تقوم
لا العسكري العامل حريف
ولا ابدقن رايح ينوم
يشهد التاريخ علي مر العصور
وانا ريدي ليك حب ماضاقو زول
وانا حبي ليك ريد مابعدو قول |
و الي ان تقــوم الفقاري ... سيشهد التاريخ
باننا حملنا منجل لا لنقطع وردة بل لتنبت وردة في وجه السيف
جميلة اللغة العامية و جميل مَن تلفح بها احساسو و تخضب صدقاً و بريق
واصل نحن دايما في انتظار المذيد من التوغل و التوهج ..
محمد الفاتح خالد
| |
|
|
|
|
|
|
|
|
|
Re: قــــــــــبال اقـــــــــــابلك ( نص شعري ) (Re: محمد كابيلا)
|
كابيلا حبيبنا
Quote: ما انت المحتاج يبدو أنك لم تفهم ما قصدت
من خلال المداخلة السابقة أعنى أننى أحتاج
إلى مقابلتك مستفيداَ من إسم النص الذى كتبته
إلى دروس خصوصية فى كتابة المفردة الشعرية ..!! |
والله فاهم قصدك لكن بالجد كلنا محتاجين نتعلم من بعض
بس كيف التلاقي
خالص الود
| |
|
|
|
|
|
|
| |
ياسر بيناوي
نهلة محكر
Elmosley
وليد عبد اللطيف
humida
emad altaib
محمد كابيلا
مدثر قرجاج
محمد الفاتح خالد حسون
بدر الدين اسحاق احمد
فيس بوك
تويتر
انستقرام
يوتيوب
بنتيريست