|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
ساعة تجئ الانثى الحقيقة ويجرح الصباح الليل بالضؤ بسمة بتطلع عليّ الشمس راسمة الفرح في ايدا حنة وناقشة جواي الريد غناوي ذي شدو الطير ساعة يغني وشالا جواه السحاب فيض احساس لارض مشحتف ريق روحا في العطش نغم مطرأ يباب مشتهيا تدور مع رقصة طرب لعب اطفال وتقيف تشهق مع البرق زرع طالع مفرهد وردة حب متلقيا في حضنها الضؤ والرزاز ندى للفراش قوس عشق وداهو وبالرحيق حنين راوياهو وساعة تجئ الانثى الحقيقة بكون جالس حب علي قيف بحر انتظار غارق مد البصر امل الاوي الموج بالغناوي واسرح مع الريح شوق حد الافق يهبهب جمر الصبر الحان واقدف بالقصائد ابحار وارسي في مراسي عيونا فنان مسكون بالحزن هم ومتصالح مع الجروح الم مساحة تشتكي الحروف من الوجع كتابة وتئن في الرسم الوان وتتأوه في البنفسج ميلاد عشق لقلب متعب بالاحمر احلام سراب منهك بالجروح شقى بس متيقن في الغيب وجمال يوم باكر ومعتقد بجيت نبي بي بشارات عيون الحقيقة تتجلى في سماهو الهة عشق فاتحة صدرها بوابة حضن دافئ داخلو حفيان وساجد زوبان الروح في الجسد حنين وغارق في صلاة العشق خشوع خالع ملابس التعب ومتعري من كل زيف مرتل الشجن غناوي وايات ومسبح بالحروف ريد واردد اسمها اخر الليل عشق ومعتكف جوه الدواخل بملامح انسان تاني مسكون فيها فرح وعبادة وساعة تجئ الانثي الحقيقة بتحدد شكل انتمائي وانحيازاتي للاشياء الجميلة واندهاش بوطن في العيون العجيبة يلفت للوعي انتباهي واترك الصمت البهاتي واضحك مل الحروف قصائد وانشرق عشق ساعة تجئ الانثى الحبيبة ساعة تجئ الانثى الحقيقة
مدثر تيف تيف 14/3/2009
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
تايه في الحنين غربه ولاجئ عن وطن في عيون حبيبة ومعزب بنزوح الروح للحقيقة وبادي يومي بالهم الم وشمسو طالعة علي مغبشة بالسحاب عليها الغبار طرحة مكدحة ظن وصباحو مكندك بالدم ومجروح خاطرو شبق حتى الشجر فيهو حارن يوشوش للعصافير الصوتا سكت من الغنى واحترت اندهاش ساعة غلبني الرسم لملمت حروفي وشلت قلمي ومشيت علي المساء لقيت قمرو غارق شراب في كاسات الاسى حيران حزن وبين النجوم مترنح جرح ومنتشئ من الالم ويتلادح مع السماء ويتف في الارض كل الشربو من الاسى واشوف فيهو ضؤ امل طشاش ويجيني من جواي صوت الزات طنطنة واسمع من الغيب سؤال بهمهمة صيح باكر يمكن يكون اجمل ؟
12/2/2009
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
(اسف)
اسف لاني كنت افتكرتك الحقيقة المهابة ولهفة الحروف علي عيونك ساعة تئن في الكتابة وخشوع الجسد في صلاة العشق غياب وكان افترتك نبية وظنيتك حنين مشابات ريق الروح للسراب اه ماكنت قايل انو ما تحت الرغوة خائب بس لسه منتظر حلم جواي وبكره بتجئ الانثى الحقيقة في الريد سحاب قبلي فائض مطر حنين علي ارض جواي يبست من العشق وبقت خراب ومن العطش اشققت جروح وقائم فيها شجر العشر والشوك الم ورشاها احساس ومحضرها بالحب غابة شجر حنة شائل صفقو محنة معشش فيهو طير الجنة صوت غناهو فرح الناس الغلابة ضحكة شقى التعابة بسمة يتامة ورقصة حصاد مزارعية بدقة نحاس مع النقارة رامي عليهم ضؤ الشمس شبال برنة نغم ربابة وداخلة بين المسام بسمة ضؤ جارية جوه الرويد مع الدم تهتهد في القلب همو وتلولي فوق خزنو بالغناوي وتمسح بحنا ايديها الالم وتوسد ودار الجرح التام وتسكن جوه الجوف من دون خوف ملامح وطن حب هتاف شارعو انين عزاب الشوق كاسر متاريس عوارض الزمن القاسي وبرضو اسف علي كل حاجة واسف علي كل شئ وعلي حلم طفل لسه في الحب بحبو وبتعلم المشئ
19/2/2009
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
انا الهذاء اسف علي كل هذاء ومعليش كان البيني وبينك حطاء احساس حرف اترسلت غنوات عشان تفرتك بوتر ريد سكون صمتك بالنغم للرد تترجاك بس لكني خاويت الجسد بالروح حنين بعد ما جاني مرسال رسالتك وطويت مصلاية عشقي ومشيت متوكل علي جمال يوم باكر انشد من سؤال الغيب الاجابة وساند ظهري علي عيون الحقيقة محدق في للافق مرات اتلفت واعاين لي غروب شمس اليوم النازلة تعب بهمو ابتسم وارجع اسرح في شرق شمس يوم باكر وكيف بنطلع منها الانثى الحقيقة ملياني بالامل فرح ومرسومة في السحاب مطر حبيبة نازل فيض حب لزمن جاي مخضر وطن وضاحك مع الصباح قوس قزح واسف علي كل هذاء انا الهذاء
3/3/2009
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
اه من الحقيقة الغائبة اشوفك في الحنين واقفة براك في ارض يابسة زي شجرة حراز برغم الجفاف مخضرة ريد ساخرة من مطر سحاب خداع ياواضحة وساكنة الجوف داسيك بخوف جوه الصدر تحت الجلد جواه الجوف جوه اهة متكية في انةالحروف جرح وتتاوه في الام عشق وانتظرتك في الغيب هتاف نبية عشق تبشر حب لزمن جاي في عيونك اجمل يا وطن نغمة فرح في رنة صوتك ساعة تتكلمي وساهرت الليل شائل همك في الروح الظنون وخوفك والتردد راجيك سجود ومفوتك وقتين تاخر حضورك واسه لقيتك ياا جمل انسان حجيت النجوم وكل الاطفال بسيرتك ووصيت الريح تشيل لي عبق انفاس ريحتك ورسمت في الزهر والفراش روعة جمال ملامح صورتك ولسه في فرح الزمن الجاي منتظرك امل يالبت الحقيقة راجيك اعتزارا وعشق
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
صباحك وطن حب بي تفاصيل مدن البنفسج . شمس الصباح طالعة من اسمك. نازف خاطر بوح شمسك شبق. كتباني في ايدك وراسماني قصيدة. مرسلاني مع الطيور رسول عسق. بي ترانيم ريدك ومزامير صوتك وكتاب حب مقدس مخضر زرع ارض غناك. قائم ومفرهد شجرة حنه شائلة محنه مظللة ضحكت عيون لعب اطفال صغار. وصلنا شجر الحنه وصلنا شجر الحنه ساعة حسيس صوتك. ليا دوزن وغنى وشفت شجن حسك. منك طالع وماشي يتنى مع خصل شعرك وراقص علي انغام وتر الالفة. الكانت بناتنا وجات من تاني رامية شبال علي الوطن. مشرق سحاب بوحك في السماء. مصفق مطر. لي صفير الريح وحجلت في عيونك غيمة. ساعة شفق علي من جواها قوس قزح. ملهوف بالرزاز راشيهو فوق جمر نار اشواقي. بعد طول غياب لقيتك. ما السجن منافي. وشريتي حروف غناك. بيني وبينك مساحة ضؤ. في قلب العتمة. يتاتي في براح روح افراحي. بي شهد وردة حب حمرا. مدفق نداها ونازل علي ريق عطش الفراش. رحيق ابيض وصافي. معطر شزاها عبق كل الامكنة. بي لهفة حنان قلب دافئ. احمر لونك ولحن غناك مصادم. عوارض الزمن الظالم. وعازف موسيقة امل الغبش. احلام الناس التحت. وماسحه دموع اطفال مشردة من الوطن. مواقفك واضحة في عز الكتمة. هديتي جدار كانت حابسة انفاسي. واتنفست حنينك ومكسرة ترابيس باب السجن. ملامح صورتك مرسوم فيها حزن ضحكتك. وبددتي جواي صخور جبال الهم. ما ليل غناك دافئ وهادي. ممسي عليا بي طرب همسو. وبتلاعب نسائمو ضفاير طفلة. صغيرة جميلة. مسكون ريدك جواها حديقة. وطرحة حب لابساها قصيدة. ونجمو يلالي بي خوفو عليا. ودموع قمر عيونك. حنينو ينادي. يباري ويلولي ومرات يلاوي قساوة الزمن القاسي صوتك فاضح . نباح كلاب الامن وغدر نفاق القالو رفاقي. شماتا تشفق. مره تمحن. وساعات تضحك لامن تفضح دواخل الكزاب وطارح نفسو مناضل. قايتو مرات تشوفي حاجات تجنن. تعرفي انا اصلي. بي ريدك اجاوزت كل احقاد الناس. بي خاطر مصدوم ومنهم ساخر. ومتناسي تفاهت الدنيا. واتصالحت فيك مع نفسي. وباريت خطوات فرح حلم الطفل الجواي. لامن لقيتو ماشي عليك. مره يحبو ومره يشابي. عشان يتاوك لي بزرة الحب الفي غناك. نابتة بين رموشك. ومسقية من موية دموعك. ورجعت من تاني وارتاح في صدر فيض حنانك. واغرق في موج بحر عشق لونو احمر. عاصف وجد. مداهو ما ليهو حد. وملامحي جواك اتلقت. فنانة وشاعر بشارة نبي وقبس اله
28/6/2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
ضحكة صدق
هدأ حيلي طول سكة السفر البعيدة عن عيونك ياوطن. ومقيل قلبي في شقى البعاد ليل غرية. لابس سواد ظلامو حداد. وفارش نجومو ليك مأتم. ونار الشوق قائداها محن. وحاجات تجنن. كل المساحات من دونك سجن. ولقيت هنا النفاق قائم بين الصحاب شجر عشر. بي وشين ومادي في سرو لسانو للمطر. انتهازية وسخف مثقفاتية تجار نضال متمرين جزمابي عرق الغبش. وقاشرين بي قضيتك حتى كمان علام الصغار. لمة شوك في زهرة بستان. واقفين وراء بابك شمتانين. جالسين حول ضريحك نواح وجواهم مبتسمين. وبائعنك للناس في منبر سوق عكاظ. زيف كلام داقين جرس نضال وخادعنك بي ضجيج طنين الوهم. واحنا الكم كنا شائلنك كم. بين رموش عيون الحبيبة هم. نازل فوق جرح جبينك دمعةحزن ممزوجة بي مرارت ملح وجع الالم. واتوسدنا ترابك من التعب حضن. وانشدنا غنوة لقاك بي طبلة عز داقة في جوف الخوف. وكاتمة نباح كلاب الامن. وشفتك في خاطر فرح الرجوع حلم. وكتين اصل. مرسوم في ملامح ضحكة اشواق حبيبة. ومشدود حبل الوصل بيني وبينك وتر ريد مدوزن. علي نغم لعب اطفال. تبني من طينك في الغيب للحب مدن. وقمر ليلك قاعد في السكون. يمشط ضفائر زعف النخل بالضؤ. وشمس صباحك طالعة مبتسمة. وراقدة علي حجر امي. من التعب تنجم. وتغرف بايدها من نيلك. تغسل وجيها وتشطف رجليها ومن غبار وسخ السفر في موجو تنحم. واجلس في العصاري تحت ضل نيمة. وتحت قعر حيطة في ركن شارع. معاي رفاقي بالجد. ونقهوج في جبنة حب. ومتوسدين الاحمر جدلة عرسك. مزخرفة بالبنفسج. ونقالدفي وقت الاصيل. شجن عناء الطير. وحزن صوتو مره بالضحك ومره بالنضم. ونأخز من الديالكتيك وعي. لي عرق الزول الجاي راجع من الشغل. تفاصيل شقى اليوم حر الشمس هم العيال فسرنا همو بي فهم. ونغازل عيون الفراش بالرحيق ساعة يمر علينا في الحلم. وانا الجائك راجع مع الانسام وفاتح ليك صدري وكلو جراح وفارد ايدي شراع مركب شوق. لي جناح الريح ومباري السحاب خطوات في دربك. وراي قدامي اهت اشواق حبيبة. متبتبة بغناها حزن القلب. ومسكنا بي طرب موسيقة حروفا ودار الم الجرح ضنى البعاد في لحظة لقاك. مادي الحبيبة الكنت داسيها في عيون للزمن. مأخزه من ملامحك. خبيتا بين الغيم والارض. بشارة مطر لحن دوبيت نم حصاد للزرع. نسمة دعاش عز الحر طلاطف بالندى خد الورد. ماسحة بالخضار حزن الارض. وضحكت صدق نابعة من فرح القلب. مهدية ليك ياوطن. ساعة اصل
3/7/2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
طيور الغربة
طيور الغربة يا فاضحة لسان الخوف بي دموع الشوق والم الفرقة بي اهت صغير قلب صغير ملهوف علي وطن مجروح يا ناس مزبوح بأطماع النخبة وربوع متحاربة وطن الشتات لملم اطراف جراحاتك تعال سنسن حمرا وحجوت فاطمة السمحة الفي حكاوي الصغار تهديك السلام في حكاوي الصغار ساعة تحن لي ضحكت عيون اطفالك تمام غوغاي القماري اخر العصاري يتاتي نواح اطفال بيوت الطين ويمسح حزن الرواكيب الفي الضهاري بي عرق الغبش الكادحة وتعاني وتحت ضل مقيلك علي حبك متلمين ياوطن الطيبن اهلانا احنا الطيور حس وجع المنافي دمعة دطفل بران وحافي واقف علي قيف بحر موجو احمر ولونو صافي وقف يحلم بي حضن دافئ في وطن خرافي صحيح وعافئ ولي جراحو شافئ غنيناك وطن العديل والزين ودسيناك في شوق شوف عيونا وفي شجن غنانا في ضحكنا ولعبنا وفي بكانا لما تقع عليك محنه وتحاصرك قواسي بنزل دمعنا وينزف جرحنا وبتكونا في عيونا انت عشقنا الاساسي عشقنا الاساسي
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
اليوم اكملت العام31 وقفت خطاي وسط الدرب واتعثرت علي قيف بحر المجهول حدقت في الافق وسرحت في اللاشئ فجأة انتبهت للموج شائل زبد في اللحظة ديك شفت لاجديد تحت الشمس ولا شمس فوق الجديد الجاي منك ياوطن شلتك هم وساهرت متلفح ليل الغربة كفن عزاني فيك الطير وباكني فيك عمري المضى اه من وطن لايكترث وقبل ماالعام 31 قضيت عمري جالس تحت ضلك واصنع من طينك للحب الاله بي ملامحك ياوطن وزابح ليها قلبي قربان مرات عبدتها لامن فت حد اخر العشق وساعات اجن احمل عليها بي فأسي اكسرا القي نفسي اتناثرت اشتات وارحع تاني اضحك من الحزن لماذا ياوطني كل ريا اتية منك تحمل امطار حزن في غيم همومي واعاصير جراح وبحور دم حتى الارض صارت تشك في عرق وحب الفلاح اخ من وجعك واه من قدري هل تدري يا وطني؟ يخزلني قلبي مرات ولا اتحتم يؤلمني قدر صديق طعنات في القلب حد الشريان تقتلني مره واحيا ولاكني اراك مقتولا قبلي الاف المرات فكيف اصبحت الان سجاني وجلادي؟ وانا لااحمل لك سؤى حبا انساني اتزكر اني كنت قد نقشت في سرا علي ضخرك بي حروفا تتأوه حرما وقلمأ يتقطر الما ورسمت فيها اله للعشق والحير والخبز والعدل وطفالا تلعب بالورد وتغني للطير حين يحنو لي ارضك شوقا وفي اسفل اللوحة عند الركن الايسر كانت توجد وردة ضاحطة حمرا وقعت بي حزر جنبها اسمي اذن من اين اتي الشيطان وفي يده مسبحة من النفط ام القران سبحان الخلاق لماذا يا وطني؟ لطخت بدما حروبك رسمي ومحوت بدموع جوع اطفالك سعادة حلمي اليوم اكملت العام 31 ووجدت نفسي انتي كنت اعيش في وهما وارسمو علي جدار السهو هلاويسي وحطئيتي في الدنيا كانت كل اشعاري معاشرتي للناس وحبك سبب ابتلااتي كلاماتي معصية كبرى تفضي لنار من دون حساب فكسرت علي بابك قلمي ومزقت جميع اوراقي وكفرت بكل اله للعشق والخير والخبز والعدل مصنوعا من طينك ومرويا من نيلك ياوطني
7/4/2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
(عبادة عشق )
لامن غرقت في سحر بحر عيونك بين موج رموشك قطاني مد جفونك وفت حد اخر العشق ولمست في جوف اعماقك سر حس محارك والصدف قلبي تاه وغلبو يواصل الدرب من دونك قعد في البعاد علي باب محرابك واجعو فراق اقانيم روحك ذي راهب عاش مشتها في فرح الحياة يناجي في رواه اله تجلي في ذاتك شرف امل منحاز لي احلام الناس التحت امل غبش ضحكت اطفال بيوت الطين طلاسيم وطن شائلك جواه للناس فهم وينشد من وحي الهامك قبس ترانيم بذرة الحب الفي غناك مزامير لي حنين صوتك رنة دقة جرس كنيسة مع صوت اذان صلاة العصر حس نغم مالي السماء ومديها من صداهو نفحت روح نبتت عروقا كبرت وبقت وردة حب حمراء ومقدس لونا معمداني بي نداه جننت احساسي ملياني بالفرح والخوف ولما فضحني البوح اتؤضيت بي موية دموع النوح وفرشت شجوني مصلايت وجد منسوجةمن خيوط احساسي وقبلتها عليك كبرت باسمك صليت خاشع شوق مهمهم حب ساجد ريد ومسبح بي رضاك عبادةعشق في اخر الليل وماسك النجوم في ذكرك عدد وشارد خاطري في دنياك درويش هائم في مسيدك ومدور بي غناويك ذكر لابس ملامحك وملفوفه حوليه سبحة صندل ولالوب معتق بي عبق انفاسك بخور وفيك مزبوح وما قادر يسيبك ونار التقاوي البتوقد في خلاويك مولعة من لهيب جمر شوقو حوليها اطفال بتقراء وترتل في غناويك وراسمين صورتك في الواحهم فرح تنزيل لي زول بريدك وميت فيك
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
جائك من رحم الغيب عاشق تايه ولقاك في سكتو رسولة عشق لي عيونها اهتديت وزابت روحي في روحك رغم مدى المسافات البعيدة البيني وبين جزر عيونك لهيب عزاب نار الشوق وبحر فيض واسع ممتد مظلل بي غمام الخوف شاقيهو قلبي بي مركب ريد مشرعة بي مشاعر الاسى مقدفه بي مقداف احاسيسه هلكانة ومتعبة مهدود خشب حيله اشقاه طول السفر وصراع امواج الزمن وملاوات رياحو العنيدة بحت جواه صوت موال غناء المراكبية وبقت تجابد في الافق عشان تحضن مراسيك الهائم ترحال في ريده وترتاح شجونو في رموشك فوق صدرك جواء بين دفء المساحات الصادقة وجميلة وفي صدى كلامك ساعة لهفة غناك ورعشة حروفك وحس حنينك لما تطلع منك انثى تعشق وتاتي بيداها الم جرحنا وتطلع شمس صبحنا وبي معزه تشرق بعد ما تنوم ليالينا وتفتح وردة حب جميلة تغازل حلمنا وتنادي بنداها فرح الفراشات الحزينة ويعطر شذاها عبق كل الامكنة وتحقق املنا والممكنات المستحيلة مارس/2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: Huda AbdelMoniem)
|
الرائعة هدى سلامات
سعيد جدا بمرورك الجميل
والهدهد بهديك القصيدة دي
البيني وبينك سر حزن القصائد ووجع الم جوف حروفها مولع في حشاها نار كمائن لامن تأن وتمشي عليك من غير ارادة وتتاوه ريد وانتي جائة من رحم الغيب بشارة امل البيني وبينك بحر شوق واسع ممتد مهيج فيض مشاعرو رياح الشوف مقومة ودار امواجو مد فائت الحد ملاحق السحاب وسادي الافق شاقيهو عليك بي مركب عشق وانشدخيال طيفك وطن في موال غنى المركبية ساعة قلبي ليك يحن ويسرح في سواحل حروفك ويموت في الشوف شوق ويذيد في الشوق جن ويرسم عيونك في خاطرو مدن حب ومراسي ريد ويشتهي قيف رموشك حضن منابع جوف الحقيقة لي فرح الوصول فيهو ترتاح مقاديف وجدانو من تعب السفر وقساوة الزمن الصعب البيني وبينك سوهاد الليل ولحظة صدق في صباح راسم صورتك شبق طالة فيهو ملامح قصائدك ضؤ شمس مفرهد زهرة حب ومالي المكان حنين ضؤ احساسك ورد البيني وبينك توارد خواطر في روحين جسد نواح غنى الطير في الغربة وطن فرح ضحك لعب اطفال تحت المطر البيني وبينك ما بين الغيم وشهقة ارض هم غبش واكثر من حلم
يوليو/2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: بدر الدين الأمير)
|
الرائع بدر الدين الامير سلامات
Quote: مدثر يامن تدثرنا بحاجات العشق وحوجتنا له كم وكم من النساء إفتراض |
كم وكم من عتزار كان احر من الافتراض
وبهديك القصيدة دي اقراها بتمعن
اعتزار
يا زهرة هامسة بالاريج مدفق نداك حنين للفراش هداني في سكة مدن عينيك تعب السفر وطول الطريق وخطوات المجهول اه من همسك في السحر ليلو ساجي تتنفس نجومو حسيسك نغم وطن المنافي خلاني ليك من تاني احن واشتاق لي حنين صوتك البتاوك من بين كلامك وجوه اهت الم حروفك وبين حزن رموشك وصوت موسيقة همسك تلولي جواي نواح وتر شجن غناي وشرخ قلبي سؤال نازف دم مدفق علي سهولك انهار كيف فقدتك ؟ وانا الفي محرابك راهب عشق كم عبدتك كم ساجد حب مرتل بي مزامير ريدك وانشد من خوفك عدم ودرويش في حضرتك راقص بي تجلي ومدور مع دقة قلبك نوية زكر مدد...مدد داير يعتزر ويهلل باسمك ويزوب في الزكر ومولع نار التقاوي اشواق وراسم في لوحو صورتك زهرة صباح الحب يا وطن روياها غيمة مشطفه بالرزاز رجلين قوس قزح صغير ومتمراها بي خيوط ضؤ الشمس غاسلة تعب عرق الغبش حزن الرواكيب الفي الضهاري دموع الاطفال جرح الوطن ويتبتب حنين همسك وجع القصائد ساعة تيكي وتنوح وليك تحن وتتاوه من جرح خاطر البوح ولاكن جيتك من تاني مزنب تائب وعاشق تايه قدامك مفضوح سارق شهد عيونك ولون كحلك البنفسج متمني يتولد طفل من تاني طالع من رحم حبك معمد بي شذاك وملفوف بي حرير كتاباتك ويرتاح بين مساحات صدرك حزن التعب الجواي والقى الامان وحلمي الخرافي ويضحك بي همسك الامل الفي دنياي وجاني تاني نفس السؤال كيف فقدتك ؟ اهرب منو ليك وارجع اسرح مع الخيال واسابق في السراب واقابض في المحال ملامح طيفك ويلاوني في الخيال نفس السؤال القاهو شارد مني وماشي علي ويقول بي صوت واضح مرات هامس كيف فقدتك ؟ وتلاوحني زكراك من بعيد ابكي واحن واناتي تشتاق في الشوق تجن ساعة يغلبني الجواب اغرق في الحزن واردد في الجنون نفس السؤال كيف فقدتك ؟ ما انا وانتي والعصافير الجميلة الزمن كان ابتلانا من زمان بي شقى الحب والسفر وحمدنا بي المطارات ومحطات القطارات وقلق الواعيد الانتظار وخضنا في بحر الريد حفاية ومتماسكسن ومرات خائفين وغرقنا في موجة عشق حد الركب وتاني ارجع اعيد واكرر ومرات اتحائل و اغير ملامح نفس السؤال انا ليه فقدتك وكيف الرجوع لي سكتك لي زولا وراك غرق
2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
Quote: كم وكم من عتزار كان احر من الافتراض |
حين قرأت تلك القصيدة الخاطرة او الخاطرة القصيدة تذكرت اعنية ابراهيم عوض: لوداير تسيبنا جرب ونت سيبنا لوداير تحب حب ونساهو ريدنا يوم ترجع تصافح نسامحك ياحبينا ياعايش في دنيا من اوهام خيالك روق وهدى بالك رفقا بقلوبنا...
تنهدات: وابن الدمينا قال:
وقد زعموا أنَّ المُحـبَ إذا دَنـا يُملُّ وإنَّ البُعد يُشفي مِنَ الوَجـدِ بكُلٍّ تدَاوينا ولـم يُشـفَ مابنـا على أنَّ قُربَ الدَّار خيرٌ مِنَ البُعـدِ على أنَّ قُربَ الدَّار ليـسَ بنافِـعٍ إذا كان مَن تَهواه ليسَ بـذي وِدِّ
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: Huda AbdelMoniem)
|
الرائعة هدى مساء الدهشة والاحتمالات
في درب النبوة حفيت عشق واقري القصيدة دي
ادما قلبي الترحال والسفر من جرحا الى جزنا وانا اله عشق ونبيا برسالته كفر انا من قائض الحياة بصدق حب خسرت تجارتي ولم احصد غير الفشل انا من عاش غريب في دنياه يصنع من الطين وهم حبيبات ودجل انا الغريق والبحر انا من مات على اعتاب باب حلمه سربا زابحا نفسه ولم ينتحر انا من كان يشخبط علي الاوراق ويهذّي بالكلامات هلاويس جنون ظنها الناس شعر انا الشيطان رافعا لواء الخير ضد الحب والشر انتصر معي و ضدي لم افهم الا الان معنى كلامات قالها شيوخ العشق في الازل (حياة العاشق في الموت لن تملك قلب الحبيب الا بفقدان قلبك ) فلن اسلك هذا الدرب بعد الان فكلهو خطر
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
سميتك رحيق واحزاني بتناديك ساعة قلبي يشتهيك فرح شهق عطش الفراش بعد ما يبل الريق من نداك والرحيق واشواقي بتلافح في ملامح صورتك ومرات تناجيك ساعة يحرقني في جواي لهب نار الحريق ومره قلت اسيب الكتابة وانجم من انات عزابه بعد ما شفت خوفك منشري هواجس مسافة ما بين تعب شوق خطاي وطول الطريق واه من ألم صمتك جنن جواي حس وتر غناي وتر صوت نقمة كلامي بس لاكني فجاه لقيت طالعة من جواي حروف ضاحكة مني وماشة عليك بتلاوي في جرح الزمن العجيب وكائسة جواه عينيك للريد مكانه دايره ترتاح في حنانه
مايو2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
اخير نخاوي الارض بالمطر عشان من تاتي ما ينجرح في الريد خاطر السحاب ولا الزرع يموت من ظنو صمت الرعد واحتار في تفاصيل احساس قوس قزح كيف براوق في الريد الرزاز ومرات يخاوي الدعاش بالسراب حلم وشائل مرض نفس دواخل الريح عزر وماهماهو كيف خاطر الغيم انجرح وكيف صدا الصباح اول ضؤ جاي من الشمس ووقفث حروفي تعاين باندهاش لي انكسار خيوط ضؤ الشروق رقراق واحترت في ندى الزهور نازل دموع يبكي هجران الفراش وغرقت في بحر حذن جواي عميق ما ليهو حد وتلاوح لي ضفاف عينيك بين الموج ظن واتوه بين النسيان والمحن وفارقتو درب العشق والهم وغير ندم واعتكفت فوق جبل الوحده براي وحيد في البعاد احد لاشريك معاي في دنياي ولابحلم في يوم بي ريد انسان ولامتمني يخلفني ولد ولايعزبني تاني وجد ولابطربني صوت غناك الكان لانو الدموع ما بتوقف نزيف القلب والحروف بتشفي الجرح ولابتتبتبب علي الم وجعي ولاكني رجعت وجيت لقيت وطن العيون اوهام هلاويس فنان جنون شعر
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
يوم بكرة يا قلبي التعيس من سفر الزمن وجور العشق جاك حلم جميل وفرح سعادة والراجيهوليك سنين وامنية كنت فاكر بعيد مرادة جاتك بي نبوة عشق تحارب كفر الزمن بي فرح قريب مرادة بكى السنين وانات قلبك والضنين بقت ضحكات في شفاه اطفال وامل في عيون ناساً كانت مسلوبة الارادة بس عشقك صحى جواي ناراًًًً كنت فاكر انطفى رمادا تاريها كانت مكتومة نار حرابة لي ناساً معزبة موعودة بي جنة حرية وطن بحس بي وجع الغلابة
28/2/2006
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
اعتزار
يا زهرة هامسة بالاريج مدفق نداك حنين للفراش هداني في سكة مدن عينيك تعب السفر وطول الطريق وخطوات المجهول اه من همسك في السحر ليلو ساجي تتنفس نجومو حسيسك نغم وطن المنافي خلاني ليك من تاني احن واشتاق لي حنين صوتك البتاوك من بين كلامك وجوه اهت الم حروفك وبين حزن رموشك وصوت موسيقة همسك تلولي جواي نواح وتر شجن غناي وشرخ قلبي سؤال نازف دم مدفق علي سهولك انهار كيف فقدتك ؟ وانا الفي محرابك راهب عشق كم عبدتك كم ساجد حب مرتل بي مزامير ريدك وانشد من خوفك عدم ودرويش في حضرتك راقص بي تجلي ومدور مع دقة قلبك نوية زكر مدد...مدد داير يعتزر ويهلل باسمك ويزوب في الزكر ومولع نار التقاوي اشواق وراسم في لوحو صورتك زهرة صباح الحب يا وطن روياها غيمة مشطفه بالرزاز رجلين قوس قزح صغير ومتمراها بي خيوط ضؤ الشمس غاسلة تعب عرق الغبش حزن الرواكيب الفي الضهاري دموع الاطفال جرح الوطن ويتبتب حنين همسك وجع القصائد ساعة تيكي وتنوح وليك تحن وتتاوه من جرح خاطر البوح ولاكن جيتك من تاني مزنب تائب وعاشق تايه قدامك مفضوح سارق شهد عيونك ولون كحلك البنفسج متمني يتولد طفل من تاني طالع من رحم حبك معمد بي شذاك وملفوف بي حرير كتاباتك ويرتاح بين مساحات صدرك حزن التعب الجواي والقى الامان وحلمي الخرافي ويضحك بي همسك الامل الفي دنياي وجاني تاني نفس السؤال كيف فقدتك ؟ اهرب منو ليك وارجع اسرح مع الخيال واسابق في السراب واقابض في المحال ملامح طيفك ويلاوني في الخيال نفس السؤال القاهو شارد مني وماشي علي ويقول بي صوت واضح مرات هامس كيف فقدتك ؟ وتلاوحني زكراك من بعيد ابكي واحن واناتي تشتاق في الشوق تجن ساعة يغلبني الجواب اغرق في الحزن واردد في الجنون نفس السؤال كيف فقدتك ؟ ما انا وانتي والعصافير الجميلة الزمن كان ابتلانا من زمان بي شقى الحب والسفر وحمدنا بي المطارات ومحطات القطارات وقلق الواعيد الانتظار وخضنا في بحر الريد حفاية ومتماسكسن ومرات خائفين وغرقنا في موجة عشق حد الركب وتاني ارجع اعيد واكرر ومرات اتحائل و اغير ملامح نفس السؤال انا ليه فقدتك وكيف الرجوع لي سكتك لي زولا وراك غرق
2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
لامن جنني في شوقك الشوف واحتجت لي سماع نغم صوتك سرح خيالي في صورتك وتاه في سحر عيونك وفي اللوحة المرسومة مابين حاجبك والرموش مكسية بي لون البنفسج بتناعس في حزن شبق الصباح فيها النيل حاضن الموج بي خوف علي نخلة في القيفة متكية رامية شبال علي اول ضؤ الشمس عراقت نبته وروح نوري شائلة من التمر نوار عليها الزعف توب عفاف ملفوف مظللة تعب طورية بي ضحكت لعب اطفال صغار حسيس طنبور نغم دوبيت شاقة بطن الطين ونازلة عليهو بي حنية وتجابد من الزمن شقة المزارعية مشرق غيمك في دنياي مطر عشق الوطن في معزتك ليا واعدني بي قوس قزح وبشائر خير قبلية بتنبع من اصالة بت البلد تروي جواي عطش شهق القلب ما اصلو الفراق كتال وحاتك بريدك وبخاف في الريد افقدك لانك انتي الوحيدة الملامحي بتشبهك
19/5/2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
جائك من رحم الغيب عاشق تايه ولقاك في سكتو رسولة عشق لي عيونها اهتديت وزابت روحي في روحك رغم مدى المسافات البعيدة البيني وبين جزر عيونك لهيب عزاب نار الشوق وبحر فيض واسع ممتد مظلل بي غمام الخوف شاقيهو قلبي بي مركب ريد مشرعة بي مشاعر الاسى مقدفه بي مقداف احاسيسه هلكانة ومتعبة مهدود خشب حيله اشقاه طول السفر وصراع امواج الزمن وملاوات رياحو العنيدة بحت جواه صوت موال غناء المراكبية وبقت تجابد في الافق عشان تحضن مراسيك الهائم ترحال في ريده وترتاح شجونو في رموشك فوق صدرك جواء بين دفء المساحات الصادقة وجميلة وفي صدى كلامك ساعة لهفة غناك ورعشة حروفك وحس حنينك لما تطلع منك انثى تعشق وتاتي بيداها الم جرحنا وتطلع شمس صبحنا وبي معزه تشرق بعد ما تنوم ليالينا وتفتح وردة حب جميلة تغازل حلمنا وتنادي بنداها فرح الفراشات الحزينة ويعطر شذاها عبق كل الامكنة وتحقق املنا والممكنات المستحيلة مارس/2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
معتز بيك صديقة ومتمنيك لي قلبي حبيبة تعرفي انا اصلي من غيرك ما قادر اكون لاني محتاج لي وجودك واثر ملامح حسك جواي وداير ساعة الكتمة اتنفس حنينك افراح للزمن الجاي واشوفك ماشة علي القلب طرب ونغم وسابحة زي عروس البحر في مجرى الدم روياهو ريد وزايداهو فهم وداخلة بين المسام زي نسمة ضؤ في عز الظلمة ومنوره بي شجونك عتمت دنياي وتشرق من تاني شمس عيونك بي وردة صباح الحب يا وطن نابته في جبال الهم مسقية من جداول الالم وانا الكم راجيها كم مساهر الليل احسب في نجومو ومرات اناجي القمر اه من نار اشواقو وساعة يغلبني عزابو انوم وفي النوم احلم باني اتولدت طفل من جديد وطالع من رحم عيونك ملفح بي رموشك معمد بي رحيقك معوز بي حروفك وضاحكفي وجه المحن وشائل غناك للفراشات حلم يا فرح السكة وكتين نصل داسيك جواي لي باكر عشم
28/5/2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
تكوين هى ليست محاولة كتابة شعر بقدر ماهى عبارة عن محاولة طرح تجربة إنسانية شوفينية الاحساس 0 تعبير عن حالة تجلى روحى وعاطفى ملحمى 0 توثيق لاحاسيس زمنية ممتعة حد البكاء وبيضاء حد السواد0 هى عملية خلق وتكوين لى معانى جمالية تحمل رؤية لواقع اروع 0 وعى انوثى بالذات الجمالية للمرأة واعادة تقيم الجمال ومحاولة تغير للمفاهيم بانحيازها للجمال ليس فى معناه الوصفى والغزلى بل فيما يرمز لى معانى ودلالات تعكس سر جمال روعة الحياة من خلال نظرتنا لها عن طريق عيون التكوين 0 وقد خلقت وتكونت فى دواخلى حالة هياج وجدى وحرمان واحباط تفاؤلى وامل تراجيدى نستلهم من عذاباتة واناتة روح الحرف وفرحيات الكتابة لتعبير عن قمة الاحساس بنكران الذات العاطفى بالذوبان فى الذات الروحية للتكوين ، هى كانت تشكيل فى حياتى غربة انتمائية ومشروع لحلم إنسانى يحمل طابع البنفسج ولكأنه لم يتحقق ولم ينجذ ولكأنه جعلنى اكتشف ذاتى وكون فى دواخلى وعى بالاشياء والخوض فى بحور جمالها والتامل فى تفاصيل كنوزها والتمتع بسر خفايا روحة وشفاهية الطبيعية هى عملية تكوين لمفاهيمها الانسانية والاخلاقية وخلقها لذاتها الجمالية وسياقتها للوصول بها لمرحلة الكمال البشرى فيما يحملة من احاسيس عاطفية سامية هى محاولة اخراج انفعالات نفسية داخلية لانثى تحمل وعى التكوين نادرة الوجود لاتتكرر إلا مرة واحدة فى الحياة صدفة وضرورة هى تعقل جنونى امل حد السراب هى حلم ممزوج بالحقيقة هى واقع مستمر من الخيال هى ظاهرة هى حدث ....
** تكويـــــــن **
يا شمس التكوين وحاتك أنت كوني حيث أنت كوني مكان ما اخترت دنيا الصمت معقل الرفض كوني فراشة رافضة الظلمة كوني أنثى رافضة تعيش في ضل راجل وتكون حرمه دايره تكون في قلبو أصعب منية بتشكل لحياته كل الدنيا يا شمس التكوين لما تكوني في دنيا الناس أنت الفوق أنت الأصعب وأنت الأبعد بتكوني في دنياي أنت الأجمل وأنت الأقرب وبتكون عينيك منبع فكره أول خطوة تودي لبكره ما الكون ما خد من عينيك الحكمه يا شمس التكوين كوني شمس كل ما تغيب تطلع أحلى كوني حلم لي زولا داير يلحق ضوء النجمه كوني أمل في ابعد حتة بنجيهو بشوق الرحلة كنتي في زمن معاني تديني مبادئي في الزمن الزيف كنت النكرة يالاديت الطير من حسك أجمل نغمه كل متجينى صورتك شايلاها النسمة بستلهم من روحك وحي الكلمة يا شمس التكوين كونتك جواي أمال منتظره بتراقص روحي بنشوة كونتك فرشة تلون في أيد رسام تديهو ألروعه كونتك وتر تلحين في عود فنان يحكليو الغنوة وشتلت تكوينك معاي همسة حنين لي قلب إنسان غارق في الدمعة يا شمس التكوين يا نور في حياتنا رافض تشرق تبين راجنو انفجار التكوين ضوءك من سنين وخطانا في دربك ما بتلين وساعة شروقك كانت لحظة انفجار التكوين ...
21/مايو/2001
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
وردة حب
تكوين يا الجننتي عيونك سابح في مداها وتايه في شجونك كنت ضايع في ألدنيا وضجيج الكون واهتديت لسكونك بستلهم طعم الدنيا من وجودك يا نجمه بتضوي طريقي في ظلم الليل وحاتك ضايع من دونك وعيونك تروي أجمل معاني إنسان نابع من تكوينك بحكم على قلبي بالموت لوزر عتو في ارض آماها أرضك وفي تراب ماهو ترابك ليه كل ما قلبي ليك يشابي يحلم بي موعد يلقى التأجيل مكتوب على بابك يرجع مكسور وفية عشم في باكر يقول يصبر ويستني حتى لو لي آخر العمر برضو شانك بتين يا يوم بكره تجي عشان ازرع أجمل وردة حب في بستانك سبتمبر2000
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
اَهـــــــــــــــه
جيت راجع منك مكسور الخاطر بقيت اضحك من الزمن اضحك من الحزن واضحك من الحظ التعيس وكلامك المسموم بدل يزعلني ويزيدني هموم فرح قلبي وأداني أمل ويقين بأنك تكوين كيفن تبقي تكوين لو ما قلت لا وهي من ملامحك كلمة لا أنا حبيت فيك صمتك ورفضك للحب في الزمن الرخيص والواقع الاشتر لكن أنا جاي من الماضي البعيد رافضك للحاضر العنيد بحلم معاك بالمستقبل الجديد ألفيهو الحب أجمل نشيد جواي أنا طفل مشتهيك عاشق لخطاك لي آخر مستنيك في ضل السحاب الراحل لمدن عينيك راجيك في وقع خطاه على الأرض مباريك بضمه ضلوعه عليك من قدر الزمن يحميك مستحيل يسيبك ويفتش عن غيرك يخليك ياا جمل فكره جواي يا اجمل دنيا معاي ساعة أضل الطريق وافقد في سفري الرفيق والشوق يشعل جواي حريق بطلق من قلبي صوت مكتوم يهتف باسمك يناديك يهتف باسمك يناجيك
اكتوبر 200
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
شوق
مشتاق ليك ولي جمال عينيك وكلامك الذي الغنى حتى طيفك أخر الليل بقي لي منى يا تحفه كل ألازمنه الدنيا من غيرك مظلمة وحياتنا صارت مبهمة بحثت عنك في كل الامكنه بقيت أعاين لي فوق يمكن ألاقي وشك شارد في السماء فتشت عن نجمك وسط النجوم لفيتو عني بعيد سنه عاينت للقمر بي شوق ضحكت القمر مني وقال لي: البتفتش عنها مكانا ابعد من هنا وهي ذاتها أجمل مني أنا دنقرت للأرض مهموم شفت سكتك طويلة كاسيها الضنى لكن عنها ما برجع والرجوع يعني الفني يا غيمه ساقيها الريح عن دياري مرحله ببراك عبر الدهر عبر الفصول في مدار السنة ما بلوم صدك ما يعاتبك عندي أمل أنو مطر مشاعرك يفيض على يوم في أي لحظه ممكنة برجاك في طرف الحقول جنب الزهور عند السوسنة أوعي تكوني ناسية الهطول لأني مشتاق ليك ولي جمال عينيك وكلامك الذي الغنى ******
نوفمبر 2001
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
عيديه
شوفتك كانت لي عيدية وأنت لابسة الأحمر وهج القضية ببسمة صافية وإشارة من أيدك حيتني بأجمل تحية طفت شوقا كان مولع جواي ناراً حية طار من الفرح قلبي وسبق في رد السلام ايديا عيونك بنلقى في ضلو حنية عيونك وطن شوارعوا عديلة دغرية تطير وتحلق في سماه جنب الصقر قمرية يا شايلة من الظلام الليل سمره لونك الزنجية أغنيك لحن جميل في غنى الطيور القايمة من أوكرا دقشية تردد مع الأطفال حرية حرية وأنت في مشيك مع غناه تميلي زى وردة بترقص مع النسمة الصباحية يا غايبة عن ديارنا وهاجراها طال بعدك بتين ألجية راجيك حمل منسوج على ضوء الشمس يديني شعاع الإنسانية بتين نسعد بالجية ونفرح بيها وتصير دنيانا بي حبك مروية وتصبح أشجاره الجافة بالخضرة مكسية وتكوني فيها غنوة حب دايمة وأزلية وشوقتك كانت لي عيدية
يناير 2001
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
أنت أول
كنا بنتجادل عن الوهم والحقيقة ونتساءل المادة أول أم الفكره لقيتك أنت أول قبل ما ملامحك في خيالي تتكون وقبل ما حروفك في مبادئي تتدون لقيتك أنت أول مانت قائمة معاي من زمان بالفطره بحسك جواي يحيني مع الدعاش ريح أنفاسك العطرة لا من تغيبي عن دنياي بشتاق ليك شوق الزرع للمطرة ساعة مجيك تجيب معاك فرحتنا ولحظة لغاك أجمل غنوة منتظرة ولقيتك أنت أول في عيون طفل جائع مفطوم بالوجعه في هم مسافر على دربك شايل عيونك زاد ومآبي الرجعة وفي خطة الجيل الأول العن حبك ما أتحول وأخطار الموت كانت ذكراهم عطرة ولقيتك أنت أول غيمة للمزارع لما يزرع في ارضو وعي للعامل لما يبني في مجدو حكمة للطالب لما بذاكر في واجبوا حلم الشعب لأمن يسير في دربوا ولقيتك أنت أول وحياتنا من دونك كيف تصير ما قادر أتصور مهما قالوا برضو أنت أول وتأني أول لأني لقيتك جواي أنت أول
مارس 2001
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
كلمـني يا قــــلب
كلمني يا قلب مرة وقول لي منو ألزيك شرب من كاس الحب لآمن شرق منو ألزيك خاض في بحر الريد لآمن غرق منو ألزيك أتعذب بنار الشوق لآمن حرق وتعبت معاك يا قلب من مشي الدروب الطويلة ألما بتتلحق كلمني يا قلب كم مرة حاولت تبوح والكلمة ترجع من الحلق قبال ما تطلع تنمحق قالبك تصرخ تقول بالجواك من بدري مكتوم كلمني كم مرة بس رجعة أتوسد الليل هموم وكم مرة ساهرت تحاجي ضوء النجوم وكم مرة حلمت فوق مع القمرة نغني وتكوني فجة تصحي تلاقي نفسك قدام حبك مهزوم ويطير من عينيك النوم يا قلب احكي لي وقول عن ملامح بدر البدور كلمني الخلد دواخلك جواك تنتفض و تثور مهما أوصف مهما أقول ما أظنوا انصف دي غايتو أجمل من بنات الحور كلاما زى همس الزهور أنفاسه طالعة زى عبق البخور ومشيها زى النسمة لما علي النيل تمر وتحي في ضفافوا في لحظة عبور أيديها زى رقة جناح عصفور ونغمة صوتا زى رنة حسيس طنبور وفي عينها الأرض وقفت أبت ما تدور وانا يا قلب بالدهشة مكتول زى تقول مخمور يمكن أكون مسكون؟ لكني داير يا قلب تقول لي منو الذي في حبو فات حد الجنون
يونيو 2001
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
(7) تحفـــــــــة
عيونك تحفة أسطورة مركبة بانسجام لأمن أعاين ليها وحاتك يا غالية يغلبني الكلام وأنبهم ما اقدر أقول أي كلمه بعد السلام يا نخلة من خير أرضنا عالية أنت شاقة صدر الغمام والطير المهاجر بعد سفرا طويل حط فوق كفك ونام وأنا ما قادر أطول واحصل هامتك ولا أسرع عشان الحق ضل ايدك أتمني لو اتمدد في فضاك وأتوسد من التعب لحاك واحكي ليك حكاية زول شرب من سلافة تمرك كاس معتق بنخب حروفك لأمن سكر بي هواك تعرفي لآمن قلت ليك داير ألقاك وطلعت قولة إنشاء الله خير من خشمك ساهرت الليل اتونس باسمك لحد ما طلع النهار وأشكل من نجمو لوحة تحمل رسمك فيها البنفسج للضوء خط انكسار وكبت ليك في الزمن أسرع قطار عشان اجيك وسبقني ليك قلبي المن زمان مشتهيك ياربتو كان يلحق وساعة لقيتك لا قدرت أشيل خطاي وامشي عليك لأقدر صوتي يطلع ووبنده ليك ورجعت منكسر ولي بعدك هميت لكن يارايعة بس داير أقول ليك كل ما يطول سفري لي مدن عينيك واقطع ليها سهول وبحار وألاقي في سكتك عجائب وأشوف الخضرة على ضفة الأنهار بحس بي متعة الترحال وفي خاطر عيونك مابيغلبني الانتظار لان خطاي في دربك الأمل احتمال يمكن اصل... يمكن اصل
ابريل 2001
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: محسية)
|
المدهشة محسية سلام بطعم المرور الرائع
Quote: كامل الإحترام ..
لك ولهذا النص الجميل |
الجمال في احساسك الراقي وبهديك القصيدة دي
(رسم عيونك ) قريت في عيونك معنى الوجود ورسمت فيها وطن من غير حدود ضل على الجميع ممدود أطفال بتلعب بالورود الضحكة تملى الخدود وطن مخاصم الجوع الكضب ممنوع عرش الظلم مخلوع صوت الهوس مفجوع محمد اخو اليسوع علم السلام مرفوع صوت الفقراء هو المسموع والحرية تسود وطن جايهو من واقع بالحرب موجوع ومن زمن مشاتر تأني ما في ليهو رجوع بونس بيهو شافع حبك في قلبو هو المزروع وطن رسمتو بي قلم مكسور في زمن مجنون وبجرح منخور في قلب محروم وطن واسع بصدر حنون بيت الناس كلمة ريد بالحب مسكون والرسم في عيونك من أجمل الفنون وطن عيونك لابد من يوم حايكون
يوليو 2001
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
اختيار
كان اختيار صعب ما بين عيونك والموت وكان انتظارك حارقتي بنار الشوق قلت أخير اسيبك والقلب بالفراق محروق وحاتك يا تكوين أجمل وطن جواي وضايع في غربتو وبرغم حبك في أعماقي لسه موجود قلت أخير أسافر عن عيونك وأفارق جنتك وأفوت وأكون بعدك تاية وسط الدروب أكون بعدك في الأرض مفقود وحاتك يا تكوين أجمل أمل في دنياي بعيد عني ما ملحوق كل ما اطير واحلق بي حبي وامشي عليك ألقاك بعدت عني ومشيت لي فوق وتكسر جناحاتي في عينيك قلت أخير اسقط ويكون إحساسي من بعدك هم في بحر الألم مدفوق وحاتك يا تكوين أجمل زهرة نبتت في جنة أحلامي سقيتك حب من دمي واستنيتك تنبتي وأنا الكنت ما عارف أني زرعتك في زمن خازوق وما أظن بعدك بالي تأني يروق ما عيونك أجمل نغمة أول وأخر غنوة بتردد في وجداني ينقطع بعدك أخر وتر في العود كيفن تأني اغني والقلب صبح منكوب يا منبع احساسي من بعدك لأطير يشدو لا قلب ينبض لا فرح منشود ويضيع معاك تكويني اللسه ما أتولد تتهد جواي كل الجروف وتتيتم في دنياي كل الحروف لكن قلت اسيبك وادرس اسمك بين العروق عشان أتشهد بيهو قبال ما .... أموت قبال ما .... أموت
2001
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
تجليــــات غيبيـــــــة
الوهم هو شيء ليس كائنا في الوجود أسطورة من النسيج خيالنا كذبة كبرى يطرحها عقلنا تسكنها قلوبنا ثم نصدقها ونقدسها وهو شئ نصنعه بأيدينا حين تفشل في مجارات الطبيعة وطرح الأسئلة الجريئة التعموغ في الأشياء الجميلة هو شي كان عابق في دواخلي ثم وهن ورحل مع صرخة الرضيع لبن وتتفجر الآمال محن ومع اشتهاء اليتامى حضن ارتحل وكنتي الحقيقة فكل شي عقلي واقعي واقعي أن تكون الحبيبة وأذان أنت الصدفة لان لوجودك ضرورة أسمتها أحيانا الوطن وأنا ألان لا أومن إلا يقدس إجلال عينيك سر وجود الكائنات ونهداك السابحات أروع اياتك يزاد يقيني حين أراك شفتك مناجاتي في جسدك صلواتي وذوباني في ذاتك فضميني راهبا في محرابك أو درويش ولهان في رحابك
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
(13) يا رائعة
يا رائعة في بطن الكتب فهمت كل حروفك الطالعة من قلب اللهب ومشيتو دربك ألما هو ضهب حفظت من غناك الصعب ختيتو حبك في قلبي شبال جيتك ومتجاوز في الزمن كل محطات الانتظار جيتك وشايل ريدك أمل وشايل معاي رسمك عشان أكون من ملامحك أجمل وطن لليتامى أجمل حضن للطير المهاجر سكن للغلابة يمسح حزن يا رائعة في غني الأطفال المحرومين يا واحة ضلها رامي على المساكين كان قصدي أكون من عيونك أجمل أمل للأجيال الجايين يا رائعة في حزن الناس التحت صورتك ألفي خيالي ما اتمحت واسمك في قلبي اتنحت قلت أكون من دنياك أجمل فرح لي ناسا من حزنها نست الضحك يا رائعة في الكلام عاشقين على ضفاف النيل في سكون الليل شالتك ليهم زهرة ياسمين ريحها بتطلع من أنفاس الناس العلى دربك ماشين ومن روح الناس الفي حبك ميتين... ميتين
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
غنى الطير وطن في وطنا دا الطير الكان صداح ومليان بالفرح والغنى ساب الغنى وبقى في الحزن والطنطنة وقاعد في ظلام الليل ينقنق مستني نور الصباح اللسه ما طلع ويفكر في همنا وناسي هموا وفي القعدة يغفو وفي الغفوة يحلم بصباح أجمل وزرع اخضر ويغازل في الحلم نفسوا ويبدأ يغني بصوت عالي ولما يذكر انو وطاويط الليل بتجسس على حلمو وبتسمع في غناه بتحس بي همسو فجأة يصحى ويخاف يحضن صغاره ويوطي حسو ويطاطي راسو ويرحل وبي سرو ينقنق ويقول دا غناي ألما برأي بحسو دا غناي لمن يجئ الصباح بغنية وما بدسوا
11 /12 / 2004
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
عصفورة
****** جلسنا في ضل السحاب نغني انا والصحاب ولمة رفاق وكانت عصفورة بي جمال صوتا ونغم حب مدوزن عصب وتر البوح من حنين الشوق وتردد اجمل ماقاله مصطفى من فني لهذاء الوطن كانت تغني لاتوعد شعبه بالتمني كانت تصنع لحظة التجلي للاطفال كانت تغني للجوعى والكادحين تغني
وبصوت خطوات اقدام عمال تغني وكان كلي معاك ملبش بي ريدك حنين حسك بيغني وياعصفورتي الغناء طيري وانشدي لحن الحرية في الفضاء وقولي بي نفس صوت واضح للذين يوزعون الظلم باسم الله في الطرقات احنا ثورة بركان قائده في صدور عبن الغبش وقومة فورة دخان الناس التحت عجاجو مابتلحق وغضب عرق جبين كادحين زعلو ما بنهبش وين تمشي منو ياظالمتمش نحن من صلب هذاء الوطن وانتم بالتبنئ زكريهم بروح عم عبدالرحيم ودم علي فضل ودعوات عمنا الحاج ودعجبنا وحطمي بالغناء زنازين العساكر ولاتخافئ فخلفك جيلأ ثائرأ فاطمئني ياعصفورتي اشعلي بالعناء نار القضية وعوزينا بكلات مصطفى الماهانية واطربينا بي غناوي الغبش الفغرية شائف روحو جواك حية وانتي بتعني ياعصفورة غني لينا واحنا ماشين لي قدام غني لينا واحنا داخلين عمق الصدام غني لينا عشان نزرع في وطنا السلام وغني لينا عشان نمحو عن ارضو الظلام ويلاه يا عصفورة غني صوتي في حسك انحس ويلاه غني وانا معاك بي احر نفس بغني بجيك شائل معاي في ايدي ضل سحاب رامي علي ضؤ الشمس شبال عشان تاني تعني
**** كتبت في 6/مارس/200/ وعدلت في 11/12/2007
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
الخرطوم
يا أمنا الحنون شايلك في فكري هموم صورتك بائسة وشك موشح بالدموع أطفال محروقة جوفا بالسموم والجوع حاميها النوم لما تحتاج تتستر من البرد تفتش ما تلقى ليها قطعة هدوم حالك ما بسر عدوك وأنت ضايعة بين بلادة العساكر وسخف الدقون حاميك حراميك أولادك الشرفاء مالين السجون اصبري ليل الظلم كضاب ما بدوم ما نحن أولادك الحمر جايين لنصرتك نهب نقوم إحنا البرق قبلي في سماك يا خرطوم نحن ألفي شوارعك دمنا بيجري زى مطرا شايلاه غيوم جوانا نار بتغلي غضب الغبش حنكون حالفين يمين لو تدري في شرفك نموت ونصون قطعنا عهد من بدري لمبادئنا ما بنخون يوم الحارة جاي ابشري واندهي بس يا ثوريين في لحظة يجوك من قلب الأرض كل الشيوعيين بريقهم يضوي في قلبك خطاهم تسير على دربك وصوتهم يعلو بإسمك ويهتف الخرطوم .. الخرطوم
يونيو 2001
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
بائعت السحاب بالحنين مطر في سماء الانثى الحقيقة جالس تحت ضلها بالكلمات بحر فائض ريد ومنتظر بالحروف جمال صباح يوم باكر الاوي الموج بالغناوي شوق تشيلو الريح صوت صفير نغم مزامير يناجي سواحل رموشا وارسي في مراسي عيونا رسام وشاعر ملون رمال شواطيها عشق معزب باشتها الروح حضوره وسائق هموم الليل شراب يهدهد حزن الذات واعصر خمرة جرح الروح الم وابادل القمر الفرح كاسات لامن يسكر غناوي وينتشئ يضحك ويهضرب طرب وساعة بطنو تطم من بلع الكاس في الحلق يكشر وشو ويتف في الارض جنبي الامل سؤال باكر حتجي الانثي الحقيقة مع الصباح ؟
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
انا ليه كل ما تجينئ الطيور مع الصباح متيممه شجن دايره تصلي الصبح حاضر بالغناء يمنعا نجاسة حيض الشدو دم وجناب صوت ودابرك نشاز يجئ الامام الفراش مايلقى الرحيق عشان يغتسل ويتؤضى يرجع كافر يلعن في دين الورد يرتده وينجرح خاطر الصباح شفق والشمس طالعة بايتة في راسا الخمرة ضؤ حيرانة ومنحطة والديك مقروش حلقو بالاذان ويبست حبال صوتو من الدعاء متؤضي بي باقي شراب اليل منتعش والشمس فايتاهو رقعتين ضؤ وكاس الا الغراب صلى الصبح حاضر نجس ومن غير وضؤ تعبت خطواتي من مساسكة السراب موية عشق لامن نشف حلقي شراب وارتويت سكر يالله هووي هل هتاف القلب للسماء عطش بجيب المطر ؟ وقهيت في الفضاء اسمع طنطنة الملائكة تسبيح وعبادة
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
بفهم نبية حبيبة بملامح وطن غلابة امل غبش واحلام الناس التحت تقالد الاطفال حنان من عيونا وتلوليهم بالغناوي هدير حمام حوجة سلام تتبتب فيهم وفي حضنها نيام كعصافير الجنة مستكنيين امان في حضنها تماما تمام ابتسم وامسح بزاق سؤال القمر برجلي وارد اقول ليهو لسه برضي منتظر الانثى الحقيقة وبايت سكران عشق ومجنون الدواخل شوق ياهدهد عليك السلام ومنك الانثى الحقيقة قبال نكون من اخر الكاسات قيام دايرك لي تجيبا شائلين ملامح بعض حب واحترام
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
تعرف ياهدهد في وطني مليت السياسة انحياز وكل الوان الطيف علي اتشابهت انتماء وكرهت صحبة المنافقين تجار الوهم بائعين الشعر والحب خداع وزيف بعض الاصدقاء جرح وافتراض السراب حقيقة ياهدهد مد جناحاتك سعة القلب حب واسبح في فضاء الحقيقة رسول عاشق معزب هداهو المحن وفتش بين النجوم والغيوم جنب القمر وفوق الشمس عن صدق صدر حبيبة شائلة الريد هم وداساهو في عيونا فهم قبال الروح بالانتظار تمرق تجن وتموت نار الجسد شوق والحروف ما تلحق بالريح تعزيها ريد ادمنت الامل صبر في عيونا واتعوزت بيها في نضالي قضية
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: مدثر محمد ادم)
|
بائعت السحاب بالحنين مطر في سماء الانثى الحقيقة جالس تحت ضلها بالكلمات بحر فائض ريد ومنتظر بالحروف جمال صباح يوم باكر الاوي الموج بالغناوي شوق تشيلو الريح صوت صفير نغم مزامير يناجي سواحل رموشا وارسي في مراسي عيونا رسام وشاعر ملون رمال شواطيها عشق معزب باشتها الروح حضوره وسائق هموم الليل شراب يهدهد حزن الذات واعصر خمرة جرح الروح الم وابادل القمر الفرح كاسات لامن يسكر غناوي وينتشئ يضحك ويهضرب طرب وساعة بطنو تطم من بلع الكاس في الحلق يكشر وشو ويتف في الارض جنبي الامل سؤال باكر حتجي الانثي الحقيقة مع الصباح ؟ يشهق ويترع جرح ويرجع لي الكاس فاضي انبهم ويطش احساس الدواخل سكر واعاين للقمر طشاش واترنح تعجب انا ليه كل ما تجينئ الطيور مع الصباح متيممه شجن دايره تصلي الصبح حاضر بالغناء يمنعا نجاسة حيض الشدو دم وجناب صوت ودابرك نشاز يجئ الامام الفراش مايلقى الرحيق عشان يغتسل ويتؤضى يرجع كافر يلعن في دين الورد يرتده وينجرح خاطر الصباح شفق والشمس طالعة بايتة في راسا الخمرة ضؤ حيرانة ومنحطة والديك مقروش حلقو بالاذان ويبست حبال صوتو من الدعاء متؤضي بي باقي شراب اليل منتعش والشمس فايتاهو رقعتين ضؤ وكاس الا الغراب صلى الصبح حاضر نجس ومن غير وضؤ تعبت خطواتي من مساسكة السراب موية عشق لامن نشف حلقي شراب وارتويت سكر يالله هووي هل هتاف القلب للسماء عطش بجيب المطر ؟ وقهيت في الفضاء اسمع طنطنة الملائكة تسبيح وعبادة فجاة ضحك رقراق ضؤ الشمس مع الرزار قوس عشق وهمس الورد للفراش في اذنو بالاجابة وحرش ليهو الندى حنين اه.. بس انا ليه مهتوك شرف خاطر الحروف جواي عشق وتتضاجع مع الفكر انحياز بي فهم مفضوض بالكتابة غشاوة بكارتا نازل ونازف دمها من تحتها غناوي مشتحة للمارين في الشارع ريد وماده ليهم رجلينا قصائد محننة بالبنفسج مكبرتا ظن وجالسة علي الورق برش دخان تتمائع بالاحمر اغراء عليها فركة وتتاوه في الحنين حرمان تصرخ وتئن في الوجع شحده ياخلق الله هووي هل من حبيبة وتتحرش بالقمري نغم لامن يشد صوت بالغناء ويقزف الالحان طرب يتلبش يقول ليها اه منك ياساقطة تبتسم ترد ليهو شرف الانثى في فهمها فوق راسا وفي وعيها حبيبة وشرف الحرمه تحت رجلينا وغشاوة بكارة الوهم عفة اخ .. انا ليه دائما تجينئ الحروف مشلهتة ومجنونة عشق منكشة شعر راسا حب تشد وتقطع في هدوما من افتراض الوهم حقيقة وتولول بالقصائد ريد وتصحيني من النوم مخلوع بالكوابس هلوسة وتفوت تخليني مهموم وتتخذ من الهدهد رفيق تونسو بعزاب الروح وتحكي ليهو عن انهاك الجسد جروح لامن من التعب تغفو وتغيب وساعة تصحى وتفيق تسالو ياهدهد يااجمل صديق في سفرك البعيد او في سكة رجعتك ما لاقيت الانثى الحقيقة ساجدة ريد وفي العشق بتتعبد حبيب فالق بذرة الحب وزارعافي بطن الارض وطالعة وردة حمراء معمد بي نداها ومبق بشذاها ياهدهد خلي الصواته وقول لي منوالانثى الحقيقة الفي القلب اله وساكنة جوه الدواخل يقين متوسده الجسد عشق وحاضنه جرح الروح التام وتتبتب بايدا علي هم القلب حنان وماسحة الحزن غناوي ياهدهد يااخر انبياء الحقيقة يامن حفيت فوق جبل اورشليم عشق للفضاء محتاج ليها من جوه الدواخل جنب شريان القلب اومن بلاد الله البعيدة دايرك لي تجيبا بفهم نبية حبيبة بملامح وطن غلابة امل غبش واحلام الناس التحت تقالد الاطفال حنان من عيونا وتلوليهم بالغناوي هدير حمام حوجة سلام تتبتب فيهم وفي حضنها نيام كعصافير الجنة مستكنيين امان في حضنها تماما تمام ابتسم وامسح بزاق سؤال القمر برجلي وارد اقول ليهو لسه برضي منتظر الانثى الحقيقة وبايت سكران عشق ومجنون الدواخل شوق ياهدهد عليك السلام ومنك الانثى الحقيقة قبال نكون من اخر الكاسات قيام دايرك لي تجيبا شائلين ملامح بعض حب واحترام ياهدهد امشي عليك الريد ماتتلفت ولاتعاين لي شجر فتو وراك جرح لانو الرجعة شرك حزن ولاتقيف في جدار الماضي تقول تسند ضهرك تفكر وتتحكحك بتنزف دم انسى الفات مات بي خيرو وشرو والجاي اجمل من ماكان واروع ياهدهد علي الانثى الحقيقة اتوكل وعلي جمر الشوق عشق منتظرك ترجع بفرح وسعادة ياهدهد لسه واقف بتتمحرك ياخي امشي اتفكفك ولاتتلفت لي حبل الصبر الممدود وراك شرك حزن عشان ماتتعتر قدامك الانثى الحقيقة وجمال صباح يوم باكر وقدامي لوحة عجيبة بريشة انثى رقيقة وقلق الحروف انتظار وانين الروح عشق والحب في الخاطر احتمال تعرف ياهدهد في وطني مليت السياسة انحياز وكل الوان الطيف علي اتشابهت انتماء وكرهت صحبة المنافقين تجار الوهم بائعين الشعر والحب خداع وزيف بعض الاصدقاء جرح وافتراض السراب حقيقة ياهدهد مد جناحاتك سعة القلب حب واسبح في فضاء الحقيقة رسول عاشق معزب هداهو المحن وفتش بين النجوم والغيوم جنب القمر وفوق الشمس عن صدق صدر حبيبة شائلة الريد هم وداساهو في عيونا فهم قبال الروح بالانتظار تمرق تجن وتموت نار الجسد شوق والحروف ما تلحق بالريح تعزيها ريد ادمنت الامل صبر في عيونا واتعوزت بيها في نضالي قضية قاعد في امان نفسي وعبر قدامي عصفور سلم علي وسالني كيف الحال ورديت اذيك ياصديق الشجن غناوي ولسه الحال مشلهت وقطع نفس الحروف ريد ومنتظر من الغيم الحنين مطر هتاف غيب شائل مصلاية عشقي متمحن واتتلفت محتار اتجتاه القبلة وين مساك القلب ابريق وضؤ والاحساس بالتسبيح متنشن ياهدهد لسه مامشيت الحيدفق جواي احساسك باكر عشق ساجد فيك بالحب رقعتين فرض راكعة الحروف ليك خشوع بالوجع هتاف الروح للغيب تنشد جيتك تعالي من انين الجسد جرح وبالاحلام فرح تعالي من جواي بالامل وطن ساكن فيني الحزن الم بي غيبتك من دنياي شمس وفي سكون الليل اشتاق ليك واحن واشتهيك قصائد مكتوم جواي العشق اهة شوفتك وغارق عبادة زكر في رسمك واستحضرك في البال فكر واتخيلك في الورد رحيق عشق اه من طلتك الهة حب مرسلة الهدهد رسول برسالة لا حبيبة الا الانثى الحقيقة وانا من اول الداخلين في دينك حنين متيقن ريد ومتوكل عليك حب والقلب من اؤلياء عيونك العاشقين في حضرتك درويش هائم عشق ومدور بغناوي حروفك ذكر وراهب معتكف جوه دواخلك حب اقريني قصائد وماترجفي بجيك من السماء السابع الهدهد ملاك يزملك ويدثرك بجناحاتو عشق ويتبتب فيك حنين وصابي عليك الريد ماء بارد ومبشرك نبية واخر رسولة في القلب
27/3-6/4/2009
| |
|
|
|
|
|
|
Re: (ياهدهد عليك السلام ومنك الانثى الحقيقة ) المراهقين المتدينين يمتنعون للعشاق فقط (Re: الق هاشم)
|
الرائعة الق الحروف دهشة وصديقة الهدهد توارد سلامات
Quote: عفويه الاحساس تبهج السماء بالتواجد وهكذا حروفك .. كتابتك معبرة وجميله.. نعلك طيب اخي وصديق حروفي مدثر .. جل احترامي نغني فوق جمر يناغم زهوا الصمت للهدهد مناخات تواجد تحكي سر نشوته بذات الحنين سلامات بتوسع شرياني وان ضاقت برضوا سلامات |
نعم انا بخير وكامل الاحساس عشق لزمن جاي لان معي الهدهد نبي عشق متعري من كل زيف حنين لجمال صباح يوم باكر هكذاء الحياة حذن وفرح
ويسلم صدق حروفك دهشة
| |
|
|
|
|
|
|
|