|
|
 وحات الله ..سنوني بيشبهن سنون نانسي عجاج " توجد صورة"
|
شفتها... اول اولت البارح... في قناة النيل اللزرق... حمدتا الله انو الزول البجيب الوليدات يغنو داك ومعاهو السر قدرو ادوها فرصة تجي تغني.... قدر ما افتح النيل اللزرق القى السر قدور يبحبت بي عصايتو في الواطة.. وفلان الله يرحمو وعلان الله يرحمو ... يحكي القصة والشهود كلهم روّحو وماتو زمانكتية.... ونحن نسمع... نسوي كيفن؟.. وبابكر صديق ينضم كلمتين وياخد لو صنّة ما جاتا شي وتاني يجيب كلمتين ويجينا ناطي الوليد المن بحر الغزال داك والللية اللسد جايي من جبال الكر .. ومحمد سليمان يهوش ويشيل عصايتو يبشر.. وبعد شوية قدر مافي زول سوا ليهو كنتين اللليل هتش .. سوا دعاية " والحقو العناقريب والبنابر والفضيات .. قبال ما يكملن"... وتمشي تسعل من العنقريب يقولو لك بالشي الفلاني لمن تتبهط وتتخلع... والخلعة التدخل فيك تطيّر النوم من عيونك شهر بي حالو.... المهم انا شخشيا بريد رقاد الواطا وهدومي بدق لي مسامير في الحيطة واعلقن.... شفت نانسي عجاج صلاتي علي النبي بي سماختا وطاقيتا المو خمج.... علا نضمن بيني وبينكم قدر ما تعتر لي نانسي دي القاها لابسة طاقية... وحات الله وما طالبني حليفة قلب اكلني .. وقلن انشا الله خير لبس الطواقي دا ... وشدة ما خايف انو نانسي دي يكون عندها صلعة...وقاعدة تدسها بالكسكتات ديل .. وما بعرفو مالي فكري مشى لعن سلفاكير وسيف الجامعة .. افضل وابرك...المهم قعدتا اعاين لها وهي تغني .. فجعة كدي اخدت لها ضحيكة وسنيناتا مرقن... بعد ما راقد قمت صنقرت علي حيلي وعاينت لبها وقلت السنينات ديل ماهن غريبات علي...واتظكرت سنوني وحات الله بس سنوني بالكربون وركبوهن لي نانسي عجاج...علا اللاتي اسمح عشان فيهن فلجة.. وان بقت نانسي دايرة الفلجة وبتساعدها في مشوارها الفني ما عندي مانع اديها ليها...لوجه الله...وان بقت داير تسوي واحدة ملك .. برضو ما عندي مانع ممتنازل عن حقي الادبي...اها وقت لقيت السنينات يشبهن سنوني.. يا زول طمعتا شوية قعدت اعاين للعوينات ... لقيتن برضو قاعدات يشبهن اللاتي... علا اللات نانسي شوية اسمح من اللاتي...لكن انا ان اجنهدت شوية بيبقن يشبهنهن... اها مشيت علي النخرة يا زول النخرة شوية احبطتني اللتي لو ما الفرجيخة الصغيرونة الفيها دي بتشبه اللاتا...اها تاني ما قدرت امشي لي قدام قلت يا زول كفاك لي عن هنا.....
 
|
|
  
|
|
|
|
|
|
|
|
Re: وحات الله ..سنوني بيشبهن سنون نانسي عجاج " توجد صورة" (Re: محمد الامين محمد)
|
سجيمان اخوي
فتشت ليك في العيد بس ما لقيتك
الجماعة قالوا لي انك مع جمعية الرفق بالخرفان
مالك مالهم كانوا اولاد عمك
كدي خلنا نشوف موضوع اسنانك البيشبهن سنينات شباب العصر
صدقني شلوفتك يرك فيها الصقر من كتر السفا
خلك في الاسنان
الحمد لله انك ما مشيت لي حتات تانية
يا اللخو لو كنت فاضي كنت حكيت لي الحاصل على اخينا المدعو صديق الموج
سجم ايديهو الفي الضريسا
غايتو حالتو حالة
يشهد الله شفقن عليه ناس الحتانة
سمعنا بان ام العروس مشغولة ولكن يطرشني بتاع ابوالعروس مشغول دا
بري بري
كدي خلني امشي ارد علي امي واجيك صادي يا سجيمان
أمووووووووووت أنا في الحصاحيصا
| |
|
|
|
|
|
|
|
|
|
Re: وحات الله ..سنوني بيشبهن سنون نانسي عجاج " توجد صورة" (Re: سجيمان)
|
| Quote: واتظكرت سنوني وحات الله بس سنوني بالكربون وركبوهن لي نانسي عجاج...علا اللاتي اسمح عشان فيهن فلجة.. وان بقت نانسي دايرة الفلجة وبتساعدها في مشوارها الفني ما عندي مانع اديها ليها...لوجه الله...وان بقت داير تسوي واحدة ملك .. برضو ما عندي مانع ممتنازل عن حقي الادبي.. |
يا سجيمان اخوي
كان قالت دايرة زُقاق بنرسلها ليك !!
يا اخوي الله يرضى عليك خليك في حاجه التومه حقتك ديك ،،،
دا الكلام البيودي الخور ذااااتو
هشام
| |
|
|
|
|
|
|
|
|
|
Re: وحات الله ..سنوني بيشبهن سنون نانسي عجاج " توجد صورة" (Re: سجيمان)
|
حقائق عن الاسنان facts about tooth
البشر لهم اربعة انواع من الاسنان القواطع لقطع الطعام الانياب للتمزيق وخاصة اللحم اما الضواحك والارحاء فهي لطحن وسحق الطعام ليتم بلعه ..
أما الملائكة فهم غير !!! وسجيمان ملاك هذا المنبر وكفي. (جون ماسيس ) والشبه باين سي. جي
زمان الله يرحمو د.عوض دكام قال في علاقة طردية مابين الأسنان والصوت الغنائي
،،،،أبوقصي،،،،
| |
|
|
|
|
|
|
|
|
|
Re: وحات الله ..سنوني بيشبهن سنون نانسي عجاج " توجد صورة" (Re: مجدي عبدالرحيم فضل)
|
ههههههههههههههههه
اها السنون عرفناهااااااا تانى فى شنو وجهة شبة بينك وبينها
يا اخى روح لف والعب بعيد كدى شوف السنون الانتا عرضتها لينا وحمرة الشفاه من وين جبتها الا تكون فى عجل رفسك وعضيتى لما جاب الدم وحمرة شفاك من العضة
وسنونك ما انت مستقل الرخصة تلاقيك مركب طقم دحيش مجانا يا دكتور البهائم
امشى وللم عفشك وطير بعيد ما يجلودك
وين الكديسة واشكالها
| |
|
|
|
|
|
|
|
|
|
Re: وحات الله ..سنوني بيشبهن سنون نانسي عجاج " توجد صورة" (Re: طيفور)
|
تصدق يا صاحبى البوم
البنيه دى من ما شفتها انا بفكر فى العلاقه بينكم
الحمد لله النبهتنى للسنون ديل
لانو امبارح مريت بى عندبيتهم
ولقيت كلب جيرانهم بنبح
لاحظ كلب جيرانهم ما كلبهم هم
وحدقت فيه مليا
نظرت اليه شذرا
رمقته بغته
وحاتك الخالق الناطق سنونك
الله يريحك يا كلب جيرانهم المسنوح
بركة الشفتك
كان مت بمغصة سنون سجيمان ساكت
الله يشهد فلجتك ما شفتها الا فى ابو الرقيع،،،
| |
|
|
|
|
|
|
| |
سجيمان
omer osman
محمد الامين محمد
معتز الامين
طلال جبير جابر
هويدا شرف الدين
معتز زيزي
ghariba
Hisham Ibrahim
منتصرمحمد زكى
7abib_alkul
مجدي عبدالرحيم فضل
Yousif A Abusinina
عبدالله كع
خالد عبد الله محمود
MOHAMED EL-BEELI
م. سيد احمد قدورة
نادر الفضلى
صديق الموج
طيفور
عبدالرحيم أبراهيم العبيد
سيف اليزل برعي البدوي
فيس بوك
تويتر
انستقرام
يوتيوب
بنتيريست