أوع تكون كوز بس...أو مؤتمر وطني ...أو (ما كوز لاكن)...عشان القصة تحلى وكدة..
بعدين عليك الله يا فتحي، أمشي جيب صور للأحياء العشوائية والفقرانة والحتات الوسخانة برضو، عشان توزن القصة شوية...والحقيقة حبابها عشرة وميتين...
أمشي على أهلنا العندهم مرض السُل بيكتل مئات الألوف برضو...بورسودان وكل السودان كما نعلمه، ليس فنادق هيلتون ولا شوارع ولا عمارات... دايرين نشوف السودان بتاعنا يا حبيبنا...بورسودان بتاعتنا وكدة!
11-15-2009, 08:05 PM
فتح الرحمن محمد
فتح الرحمن محمد
تاريخ التسجيل: 11-13-2009
مجموع المشاركات: 397
مع اني أختلف معك ( اختلاف الراي لايفسد للود قضية ) .. الكثير نيابة عني وعنك همهم إظهار الجانب السيئ في السودان .. زي مافي الحاجة الكعبة برضو الدنيا لسه بخيرها مانوري الناس الجزء الكويس ( وفكرة البوست الاساسية التعريف ببورتسودان كمدينة ذات تاريخ وانها كانت جميلة حتى من قبل روح التجديد التي انطلقت فيها ) ..
عزيزي فتح الرحمن تحياتي وشكراً...طبعاً معظم الصور البتجيبها دي، موجودة في موقع سما بورسودان ومواقع أخرى... عشان كدة طلبتا منك صور "حقيقية" لبورسودان البنعرفها...ومهما أختلفنا، فنحن من وطن واحد..بدون شطط أو تعصب... الصورة دي على سبيل المثال... غير الحمار والناس والحفرة البعد الركشة دي...ما بتلقى حاجة طابعها سوداني، الركشة جاية من الهند، والأتوز من عندنا هنا في كوريا الجنوبية، والمازدا القديمة ديك يابانية، والمظلات مستوردة والمباني بطرازها المعماري داك، مستوردة أيضاً... لكن ترطيبة الناس واضح انها سودانية مية المية...
القصد يا فتح الرحمن أنو ما نعيد تكرار وتدوير نفس الصور ونفس المناظر على انها بورسودان، عندنا قضايا وحاجات كتيرة تستحق التركيز عليها...وإلا فما فرق حقيقي بين الزول من بورسودان وغير بورسودان، لأنو الإنترنت فيها حاجات فوق تصورنا...
ركّز على أمر نسيه أو تجاهله الناس...وستكون إضافة
إحتراماتي أنور
11-15-2009, 08:26 PM
ابراهيم الصغير
ابراهيم الصغير
تاريخ التسجيل: 11-08-2009
مجموع المشاركات: 404
جايين يا فتح الرحمن... والله لنملأنها عليكم صور وجمالا ( دي علي وزن خيلا ورجلا) .. من بورت سودان عروس البحر اجمل مدينه في الدنيا .. مرتع الصبا .. وحلو الذكريات .. اصبر لنا شووووووووووية بس ..
11-15-2009, 09:04 PM
عفاف علي ميرغني
عفاف علي ميرغني
تاريخ التسجيل: 09-10-2009
مجموع المشاركات: 769
Quote: عشان كدة طلبتا منك صور "حقيقية" لبورسودان البنعرفها...
كلام انور ده ذكرني قهوة في سوق المنقبة مقاصدة جامع النيل في حي سلالاب بمقاعد خشب متهالكة وعم بيجاوي وفجرية بعد صلاة الصبح بشوية والقهوة في الجبنة الصفيح الصغيرة والفنجان والساعة بتكون ماشه على الزمن البمر عليك في زميل شغلك في الصباحية البدري عشان بكون عندكم شحن في رصيف الشمالية أو غربلة في غربال الحبوب الزيتية أو تنزيل في مخازن سلبونه او حي الخليج
مافي صور يا انور بقت ذكريات بعيدة في الخاطر
تحية لكل البورسودانيين مدينة مريت عليها في طفولة مبكرة وكان بيتنا في وقته البيت البره_ بيت الحكومة _ الجم محطة الكهرباء وحوض الاغاريق ورجعته ليها للشغل وقضيت فيها سنين خلت الشرق يلتصق بالدواخل ولا يتسرب منها ابدا
***
تحياتي
11-17-2009, 08:55 AM
فتح الرحمن محمد
فتح الرحمن محمد
تاريخ التسجيل: 11-13-2009
مجموع المشاركات: 397
تحية وتقدير ليك فعلا أسمه ( قهوة خميني ) في سلالاب والعهد طال والكبر حصل
بتذكر عندنا ألبوم قديم في البيت لصور في بورسودان
القهاوي العلى حديقة البلدية والحديقة المائية ( المارين قاردن )
وأماكن لما كنت في بورسودان كان صورته أتغيرت شديد وبقت مافي
في الخاطر عمارة عبد المجيد بدر في سوق الجامع الكبير
وشارعة البودي لبوسطة بورسودان طريق كنت بقطعوا يوما ما بين المكتب والبريد
في الخاطر الشمالية وارصفته والعم سعد الله يرحموا في التنوك والعم عبد الماجد أحمد توفيق هيبه
في الخاطر الجنوبية الحاويات وأزدحامه وزهجة
في الخاطر سلبونا ومخازنه
وفي الخاطر الحبوب الزيتيه وغرابيله ومخازنة ياريت لسه موجودة كشركة مهيبة
بالجد كانت أيام جميلة وملانه حركة ماعادية
وشغل ما بستمر ساعات بستمر أيام في الرصيف أو المعاصر
وموسم الصادر المزدحم عادى تكون طالع من البيت صباح سبت
ما تشوفوا تاني إلا مساء أتنين تغير وتستحمي بعد ما تكون حالتك حالة
بورسودان ماليه الخاطر
-------------------------------------------- *زمان كنت بحلم أعمل شغل واستقر فيها طلع خيال × خيال سودانا ده لازم تكون بليونير ود بليونير عشان تشتغل أو حرفنتك فايته الحد
11-18-2009, 10:31 AM
فتح الرحمن محمد
فتح الرحمن محمد
تاريخ التسجيل: 11-13-2009
مجموع المشاركات: 397
الأخ فتح الرحمن سلامى لك ومن خلالك لكل أهل البورت زرت بورسودان وأن طالب فى رحلة علمية أمضينا حوالى عشرة أيام أو يزيد فى بيت الشباب وأحسست بأنى مولود فى هذه المدينة وهنالك شئ يربطنى بها تمنيت أن أعود إليها مرة أخرى وأستجاب الله لرجائى وعدت إليها موظفاً والله أحببت ناسها جميعهم كأنى بين أهلى وعشيرتى أحببتها رغم صيفها المولع والمرطب ولكنه الحب والحب أعمى...أرجو أن تتحفنا بصور بورسودان الزاهيه الجميلة دعك من الدعوات بنقل صورة أخرى فيكفينا ما نراه كل يوم عبر الفضائيات عن صور بائسة عن السودان فالعروس وهو جزء من عنوان بوستك يجب أن تكون جميلة... أما إذا أردت نقل الجانب الآخر كما طالب البعض فقم بفتح بوست بعنوان آخر لك مودتى
وكما ذكرت سابقا حاولت جمع وعرض الصور التي تمثل بورتسودان قبل مسيرة التنمية التي بدأت ومازالت مستمرة ووفقت في نقل وعرض بعض الصور ... وسأبدأ في عرض الصور التي توضح ماوصلت له هذه العروس الجميلة ...
بدينا ..
الصورة للكورنيش قبالة مبنى رئاسة الشرطة
12-15-2009, 10:06 AM
فتح الرحمن محمد
فتح الرحمن محمد
تاريخ التسجيل: 11-13-2009
مجموع المشاركات: 397
كل عام وأنت والأسرة بخير .. وإنشاء الله رأس السنة الجاية تكون معانا في الجميلة بورتسودان ..
بورتسودان .. تشهد تظاهرة غنائية مطلع العام الجديد ..
فيما تتجه ليالي فعاليات مهرجان البحر الاحمر السياحي الثالث نحو مشارف النهاية شهدت مدينة بورتسودان تظاهرة فنية كبيرة في إطار هذه الفعاليات شغلت كافة الأوساط والأسر بالولاية برعاية سعادة والي الولاية وبعض أعضاء حكومته واللجان المنظمة لهذا المهرجان ..
وقد شهدت مدينة بورتسودان ليالي هذه الفعاليات متزامنة مع ليلة رأس السنة حيث توافدت أعداد غفيرة من الجماهير من خارج الولاية لحضورها وتقضية ليالي ترفيهية وغنائية شارك فيها عدد كبير من مطربي السودان على رأسهم الأستاذ / كمال ترباس حيث شدا بكثير من أغنياته في الحفل الخيري لصالح مستشفى الأطفال ببورتسودان في ليلة نادي التنس وفي ليلة إستاد بورتسودان ، هذا بجانب الفنان الكبير / عبد الله البعيو وفرقة عقد الجلاد الغنائية واعضاء برنامج ( نجوم الغد ) بقيادة الأستاذ / بابكر الصديق .
إضافة الى هؤلاء فقد شارك عدد من مطربي الولاية في هذه التظاهرة الفنية الكبيرة حيث قدم الفنان المطرب / عادل مسلم والمطرب البيجاوي الثائر / سيدي دوشكا ليلة ساهرة على الكورنيش ( قبالة الجنوبية ) ، كما شاركت فرقة تيراب الكوميدية .
والى جانب ليالي المهرجان فقد شهدت بعض الأندية الخاصة ومسرح الثغر ليالي غنائية شارك فيها الفنان / أحمد بركات والفنان / محمد النصري والشاعر / الفاتح بشير .
المصدر : بوابة البحر الأحمر الإلكترونية / الدليل السياحي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة