أروع ما قرأت لسجيمان على الإطلاق ..( عمود يوم أمس فى صحيفة التيار )

عزاء واجِب ، وتعريف .. بقلم عادل الحكيم
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-11-2018, 03:11 AM الصفحة الرئيسية

مكتبة آمنة أحمد مختار(AMNA MUKHTAR)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
13-01-2012, 03:17 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11645

للتواصل معنا

FaceBook
تويتر Twitter
YouTube


أروع ما قرأت لسجيمان على الإطلاق ..( عمود يوم أمس فى صحيفة التيار )

    الباب البجيب الريح

    نحن حكايتنا شنو بالضبط كدا؟

    ناس الحمد لله.. تامين.... عندنا ايدين وكرعين واضنين.. ووشي ونخرين... وما ناقصين حاجة من خلق الله.... فينا البيفهم.. وفينا الفهمو على أدو(يا قول المصريين...)....لكن لينا زمن وزمن طويل.. شغالين صلبطة... في التاريخ وفي الجغرافيا.. وفي خريطة الجينات الوراثية.... وفي أي حاجة نحس إنها قد ترفع من قدرنا... كأنو عندنا عوجة ودايرين نضاريها بالنضم دا.. اجتهدنا وكتبنا الكتب وبحتنا وكوسنا كواسة شديدة عشان نثبت إنو جدنا العباس..... لحدي ما أي زول فينا حذّر طاقيتو.. وشال عكازو.. وقدّل في السهلة وقال جدي العباس... لو العباس عم الرسول أبو لهب برضو عماً للرسول مافينا زول بالكضب ساكت قال بيبقى ليهو.... مع إني أشك في علاقتنا بيهو. وبامرأته حمّالة الحطب..... وشوفتو نسوانا جنهن حطب كيفن؟... من طلح وشاف. ويشيلن فيهو بالشوالات واللواري تنقل والركشات تنقل والبكاسي تنقل والدواب تنقل.. وهن براهن فوق روسنن ينقلن.... أها دي حِمالة حطب واللا ما حِمالة حطب...؟ وحمالة الحطب "أروى" ما حبوبتن لينا؟......... يعني جينات المغدوب عليها مرة أبو لهب فيهن فيهن.... قالو بلال، قلنا مننا.... لكن مافينا زول قال بلال جدن ليهو... لي شنووووووو؟.... النجاشي رضي الله عنه... قالو أصلاً كان ملك السودان.... والحبشة المقصودة ياها السودان دا.... والنجاشي جدنا ....عنتر أمه زبيبة من عندنا..... البحر الرمت فيهو أم سيدنا موسى.. وهو طفل البحر الليلينا دا..شفتوهو؟... البحر الدايرين نسويهو كلو سدود دا ونقعد نحرس للمصريين مويتهم دا ياهو البحر الرمو فيهو موسى.... ونبي الله الخدر..... لاقى موسى ونضم معاهو في المقرن... المقرن الحسي قاعد دا..... وأخبرني أحد المثقفين السودانين.... وهو جاااااادي... قال لي إنت عارف ربنا كلم سيدنا موسى بجبل البركل.. جبل البركل الما بغباكم دا... قال لي كان الجبل اسمو طور... والنضم البيتقال دا كلو إسرائيليات، دايرين يبعدوهو من عندنا.... وكل ما يطلع لينا واحد.... وعاجباهو روحو.. يقول لنا خليت لكم العباس، علا الرسول جدي... جمال عبد الناصر اصلبطنا فيهو.. وقلنا أصلاً سوداني علا المعايش ودت أهلو لي مصر.... السادات أمو سودانية...... وحتى نتنياهو رئيس وزراء إسرائيل طلعانهو شايقي حافض غنية آسيا بابورك في الأراك.... اتشبكنا في كلاي.. وفي بيلية... ولما أوباما فاز.... جرينا علي كتبنا نكوس فيها.... وقدر مافي عجوز عندها ولد طافش و مطول من البلد سعلناها.... يمكن يكون أبو أوباما ياهو ولدها السافر دا.... ويطلع أوباما بيبقى لينا.... عشان نقعد ننطط ونفجط في العالم ومافي زول يسعلنا ويقول لنا تلت التلاتة كم؟... لحدي ما ظهرت حبوبة أوباما في كينيا... لكن برضو ما خليناها مشينا بحتنا وارها... وناس الحركة الشعبية الله يطراهم بالخير.. طلعوها دينكاوية.... علا برضو المعايش رمتها في كينيا.... ليه نحن ما نحاول نتصالح مع نحن... ونقبل نفسنا زي ما هي.. ونطورها.. ونجتهد بعيد من العباس وبعيد من أبو لهب.... ونبقى ناس الناس تعمل لنا حساب..... بس كان خلينا الغتاتة شوية!

    قفل الباب:
    بيني وبينك طقس رمادي يميل إلى المطر ..
    وأنا أشتهيك تحت المطر .. وقبل المطر .. وبعد المطر..
    وأستنشقك كما يستنشق الأرنب أعشاب البراري ..
    بيني وبينك حالة من الشعر لم أكتبها بعد ..
    وحالة من النبوءة لم أبشر بها الناس بعد ..
    وحالة من الانخطاف .. تجعلني سيد الدراويش ..
                   |Articles |News |مقالات |بيانات

13-01-2012, 04:09 PM

أمين محمد سليمان
<aأمين محمد سليمان
تاريخ التسجيل: 08-08-2009
مجموع المشاركات: 8318

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: AMNA MUKHTAR)

    سلام يا آمنة ...
    مقال معبر جدا ... دكتور عادل عندو خيال ما طبيعي و مقالاتو كلها أراء واضحة في قالب خيالي ساخر !
                   |Articles |News |مقالات |بيانات

13-01-2012, 04:27 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11645

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: أمين محمد سليمان)

    Quote: جمال عبد الناصر اصلبطنا فيهو.. وقلنا أصلاً سوداني علا المعايش ودت أهلو لي مصر...

    أعتقد أنه يقصد هنا محمد نجيب .
                   |Articles |News |مقالات |بيانات

13-01-2012, 04:31 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11645

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: AMNA MUKHTAR)

    Quote: سلام يا آمنة ...
    مقال معبر جدا ... دكتور عادل عندو خيال ما طبيعي و مقالاتو كلها أراء واضحة في قالب خيالي ساخر !

    صح والله يا أستاذ أمين ..

    ولكن عهدناه يستخدم اسلوبه الساخر وخياله الواسع بطريقة (ما كويسة ) ..

    لكن سبحان الله ..كل الناس بتعقل حتى سى جى مان السجمان .
                   |Articles |News |مقالات |بيانات

13-01-2012, 04:31 PM

Nasr
<aNasr
تاريخ التسجيل: 18-08-2003
مجموع المشاركات: 8552

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: أمين محمد سليمان)

    شكرا آمنة علي إيراد المقال

    نقتبس
    -----ليه نحن ما نحاول نتصالح مع نحن... ونقبل نفسنا زي ما هي.. ونطورها.. ونجتهد بعيد من العباس وبعيد من أبو لهب.... ونبقى ناس الناس تعمل لنا حساب-----

    إنها عودة للوعي
    آي متأخرة
    لكن أن تأتي متأخرا خير من أن لا تأتي أبدا

    (عدل بواسطة Nasr on 13-01-2012, 04:35 PM)

                   |Articles |News |مقالات |بيانات

13-01-2012, 05:23 PM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: Nasr)

    مية المية ..
                   |Articles |News |مقالات |بيانات

13-01-2012, 05:39 PM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: Emad Abdulla)

    انا غايتو حاسي انو عندي اصول فرنسية كدا
    ما عارف لي ابوي - الله يرحمو يسامحو - هارب من الزول الفي المراية
    عشان كدا لن اعيش في جلباب ابي ..
    نشوف بنطلون الخواجة كدا كيف ..
    المافي شنو!؟











    --------

    زميلنا و حبيبنا - الله يرحمو - النذير، كنا ساكين فيزة اوروبا ايام كاس العالم 98 فرنسا ..
    اها امن ابونا .. كان بردد
    اصلاً انا - هو يعني ما انا - مفروض اكون فرنسي ..
    اقل حاجة مفروض مصري
                   |Articles |News |مقالات |بيانات

13-01-2012, 08:52 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11645

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: قيقراوي)

    أستاذ نصر كيفك ؟
    Quote: إنها عودة للوعي
    آي متأخرة
    لكن أن تأتي متأخرا خير من أن لا تأتي أبدا


    عقبالنا جميعا .

    آمين .
                   |Articles |News |مقالات |بيانات

13-01-2012, 10:11 PM

صهيب حامد

تاريخ التسجيل: 29-09-2011
مجموع المشاركات: 1580

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: AMNA MUKHTAR)

    العزيزة امنة كيفك..

    عندنا صاحبا لينا ايام الجامعة كلما يجد حاجة تعجبو يقول والله الطب اتطور..


    يبدو انو في الحتة دي برضو في تطور طبي كبييييييييييييييييييييييييييييييييييييييييييييير حسب ما اسمع عن ما كانه دكتور سي جي مان
                   |Articles |News |مقالات |بيانات

13-01-2012, 10:39 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11645

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: صهيب حامد)

    Quote: مية المية ..

    لا بالله !!

    دا الربنا قدرك عليهو ؟

    عامل شنبك أبو مترين دا ..
                   |Articles |News |مقالات |بيانات

13-01-2012, 11:18 PM

عمر ادريس محمد
<aعمر ادريس محمد
تاريخ التسجيل: 27-03-2005
مجموع المشاركات: 6771

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: AMNA MUKHTAR)

    Quote: غنية آسيا بابورك في الأراك

    باجورِك فى اللراك ..يامتسلبط وإن كان 1% من مقالك
    يعتبر أهم انجاز ليك فى خلال الـ عشرة سنوات الاخيرة
    ---
    سلام أستاذة امنة
                   |Articles |News |مقالات |بيانات

14-01-2012, 04:50 AM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: عمر ادريس محمد)

    ونبي الله الخدر..... لاقى موسى ونضم معاهو في المقرن... المقرن الحسي قاعد دا..... وأخبرني أحد المثقفين السودانين.... وهو جاااااادي... قال لي إنت عارف ربنا كلم سيدنا موسى بجبل البركل.. جبل البركل الما بغباكم دا... قال لي كان الجبل اسمو طور... والنضم البيتقال دا كلو إسرائيليات، دايرين يبعدوهو من عندنا)




    لوووووووول برضوا ما بتخلوا السلبطه جبل موسي بقي جبل البركل
    يا سجيمان بشاشا كلامه جاب دخل

    (عدل بواسطة doma on 14-01-2012, 01:52 PM)

                   |Articles |News |مقالات |بيانات

14-01-2012, 05:57 AM

صديق الموج
<aصديق الموج
تاريخ التسجيل: 17-03-2004
مجموع المشاركات: 19433

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: doma)

    والله دكتور غنم ونجح ومافى شى بعيد على الله..
    يا حليلو استاذى سجيمان باقى درسنى فى المتوسطه،،،
                   |Articles |News |مقالات |بيانات

14-01-2012, 06:16 AM

محمد عبد الماجد الصايم
<aمحمد عبد الماجد الصايم
تاريخ التسجيل: 16-10-2005
مجموع المشاركات: 34989

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: صديق الموج)

    أهو كلام والسلام .. البقنع الناس منو؟





    _
    مع السلام لآمنة .. وأبو مترين!!
                   |Articles |News |مقالات |بيانات

21-01-2012, 10:13 AM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11645

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: doma)

    Quote: ونبي الله الخدر..... لاقى موسى ونضم معاهو في المقرن... المقرن الحسي قاعد دا..... وأخبرني أحد المثقفين السودانين.... وهو جاااااادي... قال لي إنت عارف ربنا كلم سيدنا موسى بجبل البركل.. جبل البركل الما بغباكم دا... قال لي كان الجبل اسمو طور... والنضم البيتقال دا كلو إسرائيليات، دايرين يبعدوهو من عندنا)




    لوووووووول برضوا ما بتخلوا السلبطه جبل موسي بقي جبل البركل
    يا سجيمان بشاشا كلامه جاب دخل


    يا دوما ..لو خلوا السلبطة ما بيبقوا سودانيين لووول ..

    لكن برغم السلبطة الوعى تطور شديد ..وفعلا الأبر الكوشية جابت نتيجة .
                   |Articles |News |مقالات |بيانات

14-01-2012, 06:11 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: عمر ادريس محمد)

    آمونه سلامات

    وزي ما قالت دوما يبدو ان بشاشا آخير دروسه بدأت تثمر كما يبدو
    (هههههههههه)


    Quote: البحر الرمت فيهو أم سيدنا موسى.. وهو طفل البحر الليلينا
    دا..شفتوهو؟... البحر الدايرين نسويهو كلو سدود
    دا ونقعد نحرس للمصريين مويتهم دا ياهو البحر الرمو فيهو موسى

    الا اخونا سجيمان لم يستطع الخروج من غضبته كرباطابي من السدود
    التي مست اهله المناصير و الرباط...(وجه غامز لسجيمان العامل انقاذي وصامت
    عن حق اهله المناصير)
                   |Articles |News |مقالات |بيانات

14-01-2012, 01:40 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11645

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: Tragie Mustafa)

    Quote:
    انا غايتو حاسي انو عندي اصول فرنسية كدا
    ما عارف لي ابوي - الله يرحمو يسامحو - هارب من الزول الفي المراية
    عشان كدا لن اعيش في جلباب ابي ..
    نشوف بنطلون الخواجة كدا كيف ..
    المافي شنو!؟

    --------

    زميلنا و حبيبنا - الله يرحمو - النذير، كنا ساكين فيزة اوروبا ايام كاس العالم 98 فرنسا ..
    اها امن ابونا .. كان بردد
    اصلاً انا - هو يعني ما انا - مفروض اكون فرنسي ..
    اقل حاجة مفروض مصري

    بونجور مسيو قيقراوي يا الهارب من الزول الفى المراية .

    بطل سلبطة يا سلبااااااط ..

    أهو شيخ السلباطين فى المنبر بدا يفوق ..
                   |Articles |News |مقالات |بيانات

14-01-2012, 01:55 PM

خالد العطا
<aخالد العطا
تاريخ التسجيل: 12-12-2005
مجموع المشاركات: 2293

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: AMNA MUKHTAR)

    امنة سلاااااام


    اها نحنا لين اكتر من 10 سنوات في بلاد العربان

    يوم واحد ما سمعنا بيهو قالوا جدنا العباس ولا ابونفاش

    تحضرني قصة لبناني

    واحد سوداني قال ليهو نحنا العرب و...... الكلام الكتير داك

    اللبناني قال ليهو انتو عرب .... وايش نصير نحنا ملاييييييكة
                   |Articles |News |مقالات |بيانات

14-01-2012, 09:02 PM

قيقراوي
<aقيقراوي
تاريخ التسجيل: 22-02-2008
مجموع المشاركات: 10279

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: خالد العطا)

    Quote:
    بونجور مسيو قيقراوي يا الهارب من الزول الفى المراية .

    بونسواغ مون آمي مادموزيل امنة

    هل دا صدفة!؟

    لأ ..
    معناتو في جذور فرنسية
    المافي شنو






    --------

    يا سجيمان الكديسة بي لغتنا الام (شا)

    لا شا اي سوغ لا تاب

    دي الا تشوف واحد من اولاد عمي يترجما ليك
                   |Articles |News |مقالات |بيانات

16-01-2012, 02:00 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11645

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: AMNA MUKHTAR)

    Quote: العزيزة امنة كيفك..

    عندنا صاحبا لينا ايام الجامعة كلما يجد حاجة تعجبو يقول والله الطب اتطور..


    يبدو انو في الحتة دي برضو في تطور طبي كبييييييييييييييييييييييييييييييييييييييييييييير حسب ما اسمع عن ما كانه دكتور سي جي مان

    الطب تطور شددديد ..

    والفضل للعلاج بالأبر الكوشية .............:)

    ...................

    غايتو سجيمان دا طبيب متخصص فى الكدايس ..
                   |Articles |News |مقالات |بيانات

14-01-2012, 10:48 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: Tragie Mustafa)



    امنة ازيك
    Quote: وجه غامز لسجيمان العامل انقاذي


    عملتيني خلاس يا ترجرج.؟؟؟؟؟..... انت اصلك من زمااااااااااان بيتحوتكي* بي جنبي عشان تعمليني كدي.....لكن الله بيسعلك يوم الموقف العظيم.......وحات الله انا مليان سئيات اصلو ما بعفى لي زول بعدين!!!!!
    واصلو منبر بكري دا كل شهر قاعد يغتس لو حجر زول!!!!

    *تحوتكي...اي تحومي حول..... المرأة حوتاكة...والرجل حوتاك....رجال حوتاكين..ونساء حوتاكات....
    وكدايس حوتاكة......

    والله لوما خايف من ناس النظام العام كنت جبت كديستي معاي......
                   |Articles |News |مقالات |بيانات

15-01-2012, 10:38 PM

Dr. Ahmed Amin
<aDr. Ahmed Amin
تاريخ التسجيل: 20-02-2007
مجموع المشاركات: 7132

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: سجيمان)

    التحية لك يا آمنة .. والتحية للكاتب الساخر سجيــمان (د. عادل)

    المقال ملىء بالحقائق وبإسلوب ساخر ولطيف ..

    سجيمان من عمالقة هذا المنبر .. إفتقدناه كثيرا وطويلا الفترة الآخيرة

    أرجو أن يكون هذا البوست داعما لعودته ووجوده هنا .. فلكتاباته كثير من العشاق..



    إحترامي لكما ...
                   |Articles |News |مقالات |بيانات

16-01-2012, 02:25 PM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: Dr. Ahmed Amin)

    :)

    أنا غايتو جدي من جهة أبوي : العباس لزم ..
    من جهة أمي : عثمان دان فوديو .. برضو لزم ..
    و أسألي ود الصايم .. عارف هو شدرة عايلتنا .

    ..........
    أي عنكبة با أمونه برش في المليان .
                   |Articles |News |مقالات |بيانات

16-01-2012, 03:34 PM

ASHRAF TAHA
<aASHRAF TAHA
تاريخ التسجيل: 04-08-2007
مجموع المشاركات: 1017

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: Dr. Ahmed Amin)

    دكتور أحمد أمين صدقت .. سجيمان كتاب بالحيل
    وأجمل حاجة قفلت بابو ..
    سجيمان اكتب لينا ونحن نكتب ليك
    وآمنة مختار بالتبادي الجبتي الحجي مشكورة
                   |Articles |News |مقالات |بيانات

18-01-2012, 06:05 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: Dr. Ahmed Amin)


    دكتور احمد امين
    تسلم والله ويسلمو كل قرائي


    بسبب هذه الكديسة....تمّ تحجيمي.....عندي مداخلتين في اليوم بس...لا فوقن لا تحتن...ان قحيت في بوسطي تتحسب مداخلة......

    الموت والدمار لكل الفيران..من ام سيسي الي الجقور.....
                   |Articles |News |مقالات |بيانات

16-01-2012, 03:35 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11645

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: سجيمان)

    الكوشيون مبسوطون من سجيمان ..
    عشان كدا أرسلوا له هدية هذه الكدايس الكوشية الأصيلة :
    Picture045.jpg Hosting at Sudaneseonline.com

    Picture59.jpg Hosting at Sudaneseonline.com

    Picture046.jpg Hosting at Sudaneseonline.com

    Picture064.jpg Hosting at Sudaneseonline.com
                   |Articles |News |مقالات |بيانات

16-01-2012, 03:53 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11645

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: AMNA MUKHTAR)

    Quote:
    باجورِك فى اللراك ..يامتسلبط وإن كان 1% من مقالك
    يعتبر أهم انجاز ليك فى خلال الـ عشرة سنوات الاخيرة
    ---
    سلام أستاذة امنة

    أستاذ عمر إدريس ..

    ويييييينك ..مشتاقون والله .
    ..........

    ياخ خلينا نطبطب على سجيمان المرة دى ......:)
                   |Articles |News |مقالات |بيانات

16-01-2012, 08:43 PM

Emad Abdulla
<aEmad Abdulla
تاريخ التسجيل: 18-09-2005
مجموع المشاركات: 6751

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: AMNA MUKHTAR)

    Quote: هذه الكدايس الكوشية الأصيلة
    أيوه ..
    شكلهم زاتو الكوشة حقتهم كويسة , تكون كوشة ناس مرطبين .. صاح ؟
                   |Articles |News |مقالات |بيانات

21-01-2012, 06:13 PM

AMNA MUKHTAR
<aAMNA MUKHTAR
تاريخ التسجيل: 31-07-2005
مجموع المشاركات: 11645

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: AMNA MUKHTAR)

    Quote: والله دكتور غنم ونجح ومافى شى بعيد على الله..
    يا حليلو استاذى سجيمان باقى درسنى فى المتوسطه،،،

    أخونا الموج..

    قلنا ليكم عايزين نطبطب على الراجل المرة دى ..

    فى داعى للسلبطة ...درسنى فى المتوسطة قال.....:)
                   |Articles |News |مقالات |بيانات

17-01-2012, 03:58 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: AMNA MUKHTAR)




    ياها دي الكديسة قليلة اللدب المكجنا بكري زااااااااااااااتا

    وقاعد يودب فيني عشانا....... غايتو يا بكري ما بسعلك...!!!!

    امنة اديني اضانك:-( قاعد يخاف منها....وحات الله صُح...)
                   |Articles |News |مقالات |بيانات

17-01-2012, 04:03 PM

سجيمان
<aسجيمان
تاريخ التسجيل: 03-10-2002
مجموع المشاركات: 14875

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: AMNA MUKHTAR)




    ياها دي الكديسة قليلة اللدب المكجنا بكري زااااااااااااااتا

    وقاعد يودب فيني عشانا....... غايتو يا بكري ما بسعلك...!!!!

    امنة اديني اضانك:-( قاعد يخاف منها....وحات الله صُح...)
                   |Articles |News |مقالات |بيانات

17-01-2012, 04:29 PM

بلدى يا حبوب
<aبلدى يا حبوب
تاريخ التسجيل: 29-05-2003
مجموع المشاركات: 8544

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: سجيمان)

    سيجمان شكرا لك ولناقل البوست
    تحياتى
                   |Articles |News |مقالات |بيانات

19-01-2012, 00:42 AM

b_bakkar

تاريخ التسجيل: 01-04-2004
مجموع المشاركات: 1027

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: بلدى يا حبوب)


    العزيزة آمنة سلامات
    اسمحي لي أنت و د. سجيمان وبقية القراء أن اختلف معكم نوعا ما

    كلامكم هذا يتجاهل دور الاسطورة البالغ الأهمية في التاريخ والأديان وتصور الهويات لدى الشعوب وفي التعليم ونظم الأخلاق والقيم
    وفي تفسير الظواهر الطبيعية قديما وفي تصور علاقة الإنسان بالكون والطبيعة وبأخيه الإنسان
    بهذه المناسبة إن قصة آدم وحواء وفيضان نوح وغيرها من القصص الإسلامي موجودة قبل الإسلام في الحضارات السومرية والمصرية
    هذا على سبيل المثال لا الحصر.

    الدولة اليهودية ذات الستة ملايين المدوخة أكثر من مليار مسلم وعربي كلها قايمة على اساطير يهودية،
    أكبرها أسطورة شعب الله المختار، رب الجنود المحارب الشرس في صف إسرائيل والمجتبي للشعب الإسرائيلي دون غيره والمنحاز إلى الإسرائيليين ضد كل الأميين أي بقية الشعوب غير الشعب اليهودي

    الحضارةالغربية قائمة في جزء كبير منها على الأساطير اليهودية والمسيحية ثم أسطورة تفوق الرجل الأبيض ورسالته الحضارية

    مامن قبيلة وشعب في السودان وفي العالم إلا وله أساطير عن أجداده

    فيا أخوانا لماذا تحرمون على السودانيين أن يتصوروا أن موسى - الذي تذهب دلائل تاريخية قوية إلى أنه كان نوبيا، كما كان لقمان الحكيم وغيرهما- كان سودانيا. وإذا أخذنا بالاعتبار بحوث الشيخ أنتا ديوب (الماهو سوداني) وكذلك بحوث عدد من علماء الآثار بأن الحضارة المصرية أصلها سوداني أو أفريقي، خلونا كمان نمدد الحكاية شوية ونتصور ونصدق أنه موسى والخضر التقوا في مقرن النيلين، إيه يضيرنا وإيه إضير العالم؟؟

    إن ذلك يشعرنا بأننا أعظم من المصريين، ونحن في الحقيقة أعظم منهم، دي ما فيها كلام (وجه باسم).. وأعظم من الأمريكان أنفسهم، ولا شنو؟؟ ما في شعب في الدنيا ما متصور نفسه بأنه أعظم شعب. وإلا دا شعب برضى بالهوان.

    الأساطير دي يا أخوانا بتقوي إيمانا بأنفسنا وترفع روحنا المعنوية للسماء في زمن الإحباط دا.

    كمان قصة هجرة الصحابة للسودان بدلا من الحبشة التي أراد أن يثبتها البرفسور العظيم الراحل عبد الله الطيب، رغم أنها أقرب إلى الخيال من الواقع، برضها أنا عجبتني. هو أصلو أولى بالنبي والصحابة نحن المسلمين البلدنا كلها مليانة قباب وأضرحة أولياء ومديح للنبي صباح مساء ولا الحبش النصاري؟؟؟

    الإيمان بالأساطير دي ما عايازنو يجلعنا متكبرين ومتجبرين زي اليهودوالأمريكان ولا كضابين ونفاخين زي المصريين، اللي كل واحد منهم متصور نفسه فرعون إزاء الإنسان السوداني..

    أبدا، عايزنها بس تخلينا نرجع ونتمسك بقيمنا النبيلة الأصيلة اللي كانت تخلي بعض الناس في الخارج يتساءولوا: السودانيين ديل ملائكة ولا أنبياء ولا بشر؟؟. هذه روايات سمعتها بأضاني دي. وحتى لو كانت أحاديث آحاد برضو عندها دلالة.
    لما بطلنا نعيش على أساطيرنا القديمة ديك، انحطينا للمستوى النحن عليهو الآن.

    أنا بهذا اعني الإنسان السوداني العادي اللي ما عندو في السياسة ولا الثقافة ناقة ولا جمل. ذلك الإ نسان السوداني في كل مكان، في الشمال والجنوب والغرب والشرق كان إنسانا متميزا.

    المسخ اللي حصل للإنسان السوداني بسبب التعليم النظامي المطرطش، الما قايم على قيم، وبسبب المذاهب السياسية والغزو الأيديولوجي من الخارج عن بوابة مصر، أعتقد أن التمسك بتلك الأساطير وتصديقها مما يعيننا على التخلص منه.
    خلينا عندنا عقل نقدي يميز بين الأسطورة وقيمتها الرمزية وبين التصديق الأعمى بحرفيتها. هناك فرق شاسع.

    السودان أنجب أعظم حركة مهدية في التاريخ وأبعدها آثارا، حتى ولو أنها تحولت من حركة وطنية ضد الأستعمار إلى فتنة داخلية مدمرة في الآخر ثم إلى خازوق سياسي ما زلنا نعاني منه حتى اليوم.

    السودان كان فيه اقوى حزب شيوعي، أو أكثر الاحزاب الشيوعية تأثيرا في محيطه، في الشرق الأوسط وربمافي العالمين الإسلامي والعربي
    والأفريقي. والسودان أول قطر عربي إسلامي (خلينا نقول "زعما" يا آمنة ويا تراجي) تصل فيه حركة الإسلام السياسي إلى الحكم، ما خلا إيران الشيعية. ومن نعم الله على السودان أن الإسلاميين قفزوا إلى السلطة عن طريق انقلاب فدمروأ أنفسهم مثلما دمروا البلد، وكان يمكن أن يصلوها عن طريق الانتخابات، فأهدروا فرصتهم في الربيع العربي الذي جاء متأخرا. ربما نكون يا دون ما شين نجرب حكم المتأسلمين زي بقية الأقطار، وبقية الأقطار لها ظروفها المختلفة عنا وقدامنا لسع عشرين سنة لنعرف المتأسلمين على حقيقتهم.

    وكان عندنا الأستاذ محمود محمد طه الذي بشر منذ الخمسينات بأن السودان سيكون مركز دائرة الوجود، وحذر من أن يستهول الناس ذلك القول لكون السودان جاهلا خاملا ومتخلفا، لأن الله قد حفظ على أهله من أصائل الطبائع ما سيجعلهم نقطة التقاء الأرض بأسباب السماء في عهد إنساني جديد.
    خلونا نؤمن بالبشارة أو الأسطورة الأخيرة دي، وشوفوا حانصل لي وين؟؟؟
    ولا أنسى أن أوصيكم بأن تؤمنوا بكل ما ذهب إلى تنفيده سجيمان ووافقته عليه آمنة وبقية المتداخلين...
    قولوا لي بس حا نخسر إيه؟؟؟؟؟؟؟

                   |Articles |News |مقالات |بيانات

19-01-2012, 01:35 AM

عبدالأله زمراوي
<aعبدالأله زمراوي
تاريخ التسجيل: 22-05-2003
مجموع المشاركات: 703

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: b_bakkar)

    يا سلااااااام عليك يا صديقي العزيز واستاذي الكبير بشير بكار فتعليقك والله ينهض وحده ليشكل مقالا
    دسما مملوء حد الدهشة بالتأريخ العبق وبالجغرافيا السودانية وبالأسطورة والفنتازيا ايضا ليربط الواقع الحزين الماثل بالخيال اللذيذ المنعش لقيم الوطنية ومحبة الوطن!

    شكرا أ. ىمنة مختار وتحية خاصة لصديقي سجيمان وهو ليس كذلك وانما هو يسعى بين الناس كلقمان الحكيم والذي يقال بانه نوبي من اندينا والذي جاء من عبري (ولقمان العبري الخالص كان يوزع حكمته مثل حكيم نوبي آخر يرتشف العرق الأبيض منتشيا ويغني للفجر الحالم بالطمنبور) +مقاطع من ملحمة الوطن!
                   |Articles |News |مقالات |بيانات

19-01-2012, 10:35 PM

b_bakkar

تاريخ التسجيل: 01-04-2004
مجموع المشاركات: 1027

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: عبدالأله زمراوي)


    الحبيب عبد الإله
    غيثارة غناء الوطن في أفراحه، ونواحه في أيام الحزن
    إليك أطيب تحياتي
    أين أنت يا رجل؟

    لن ننسى أيام واشنطن وفرجينيا بحلوها ومرها
    حيث كنت نعم الصديق والأنيس والنصير

    أطيب تحياتي إليك

                   |Articles |News |مقالات |بيانات

21-01-2012, 10:39 AM

MOHAMMED ELSHEIKH
<aMOHAMMED ELSHEIKH
تاريخ التسجيل: 21-03-2008
مجموع المشاركات: 9737

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: b_bakkar)

    غايتو انا مما شفت المغال دا

    قلت حاجةآمنة الليلة شرطا قايمة على سجم الرماد الليلنا دا
    ولي هسع ماني مقتنع بي كلامها القالتو فيهو دا
    يعني مايرقد قفا
    والله يا سجمان تكتر تذبل الا يلحقوق الجماعة الطيبين.




    ]

    Quote: عن حق اهله المناصير


    ابدا قال لك انا منصوري ياتراجي؟

    اها اكان راجل بصح اليجي هنا يقول انا منصوري كان ما كلمت لو العوض ود مصطفى البعرفو براهو[/B
                   |Articles |News |مقالات |بيانات

23-01-2012, 05:16 PM

عبدالرحيم أبراهيم العبيد
<aعبدالرحيم أبراهيم العبيد
تاريخ التسجيل: 26-09-2009
مجموع المشاركات: 1041

للتواصل معنا

FaceBook
تويتر Twitter
YouTube


Re: أروع ما قرأت لسجيمان على الإطلاق ..( عمود يوم أمس فى صحيفة التيار (Re: MOHAMMED ELSHEIKH)

    الاخ سجيمان افتقدناه
    فهو كاتب ساخر
    التحيه لكي اخت امنه وللاح سجي مان
    ونقدم لكم لزيارتنا
    بقرية كدسه
    ودمتم بالف خير وعافيه
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de