|
|
 !!! شفت كيف حُبكـ بيعمل ... آه ..!!!
|
فضل الله محمد الشاعر
الموسيقار محمد الامين
ماهو باين فى العيون وين حنهرب منو وين
الهوى البعث الليالى العامره بى ذاد الشجون
يفتح قلوبنا ديار محبه ديار محبه ديار حياه للعائدين
مابنقاوم وكيف حنقدر وين نهرب منو وين
***
مافتكرت الحظ يساعد عمرى يورق من جديد
من بعد فرقتنا ديك مين كان بيفتكرك تعود
كنت بحتاج ليك بشده وانت بعيد
مافى عيشه بلاك بتبقى ومافى نشوه ومافى ريد
***
ده الهوى الجنبك عرفتو عاطفه ملتهبه وجنون
ويـــن حنـــهـرب مـــنو ويــن
***
اه ادعينا وقلنا تانى ماحانشتاق فى عمرنا
وقبل ماتمر ليله واحده بحراره الشوق غمرنا
كم كم لهينا وقلنا يمكن ندفن الحب فى سهرنا
الحياة صعبة علينا وبى اثر فقدك شعرنا
شفت كيف حبك حياتنا انت يالحبك حياتنا
***
وكــيف بدون حــبك نكـون
وين حــنهــرب منو ويــــن
***
شفت كيف حبك بيعمل يشغل الوجدان ويعذب
اه وبرضو بتقول عنى خادعك وانى بتلاعب وبكذب
ليك حق دنياك خاليه لابتشيل هم لابتتعب
كنت تتعلم تجامل لو فؤادك مره جرب
***
انو مايدق دقه واحده الا ويتفجر حنين
يفتح قلوبنا ديار محبه ديار حياه للعائدين
الغناء السوداني لا يشبه الغناء العربي ... حكم صدر من احدهم وكم كان الكلام مستفزا ... فتأملت فيما يحمل هذا الرأي من جهل وما كنت طرف الحوار .. وما تعودت ان اقوم بهذا الاقحام فيما لا يوجه لي لكنني حينها طافت بخاطري كثير من الاغنيات السودانية لكنني توقفت هاهنا في زاد الشجون رائعة فضل الله محمد الشاعر المتفرد الملئ بالشجن والشوق ومحبة الحياة وتوقيع الحروف بنور الوجد ما وددت الخوض مع محدث مجاوري في ألحاننا لكن لحن الشجون هو لحن متفرد بطبيعة الحال وربما على الاطلاق كل الحان العمالقة منذ الخليل عبدالرحمن الريح ووردي المتفرد في كل شئ ومحمد الامين وابراهيم عوض الفنان الذري وحتى جيل المقيم مصطفى سيد وحتى الغناء الشعبي محمد احمد عوض ومرورا بكل هؤلاء القامات قدموا غناءا في كلناته والحانه قمة لا تضاهى ولا نريد ان نتطرف لكنه هنا ضرورة حينما نقول مطلقابأن الغناء السوداني نعم لايشبه كل الوان الغناء العربي لانه متميز عليهم بكلماته ولحنه وايقاعه اذاً اين العيب في ان نُوصل مفردات مثل هذه الحروف الذهبية الى آذان المستمع العربي هل هو قصور الاعلام السوداني ام تعالى الاذن العربي المتغطرسة ام هو حيائنا المضر بنا ام وام هنا مثل لو تفتح اطار كبيرة للحوار حول عجز المستمع العربي للاستماع الى هذا الكلام الذي قل ان يجايه او يشابهه كلام في كل الغناء حولنا ...
وللحديث بقية .
.................................................................حجر.
|
|
 
|
|
|
|
الرفاعي عبدالعاطي حجر
فيس بوك
تويتر
انستقرام
يوتيوب
بنتيريست